Problem: Milli mədəni irsin qorunması və idarə olunması problemləri

PROBLEM: Milli mədəni irsin qorunması və idarə olunması problemləri.
MÖVZU: Milli musiqi irsinin qorunması və idarə olunması problemləri.
“Azərbaycan xalq musiqi tarixi və nəzəriyyəsi” şöbəsi elmi-tədqiqat işlərini qarşıya qoyulan əsas problem üzrə - “Milli mədəni irsin qorunması və idarə olunması problemləri” üzrə aparır. Şöbənin əsas elmi mövzusu isə “Milli musiqi irsinin qorunması və idarə olunması” adlandırılmışdır və 2023-ci il üçün müəyyən olunan elmi tədqiqat işləri də bu mövzu əsasında aparılmışdır. Son dövrlər şöbə (elmi işçilər və laborantlar da daxil olmaqla) “Milli musiqi irsimizin açılmamış səhifələri (arxiv materialları əsasında)” layihəsi üzərində işləyir, arxiv sənədlərini üzə çıxarır, onların elektron surətlərini çıxarır, həmin materiallar əsasında elmi məqalə və kitablar hazırlayır. Bu illik plan üzrə elmi-tədqiqat işləri ilə layihənin mövzuları, demək olar ki, üst-üstə düşür. Həmin layihə üzərində də işlər davam etdirilmişdir. Bu baxımdan, fikrimizcə, bu sahə üzrə aparılan araşdırmalar musiqi ictimaiyyətində maraq doğuracaqdır. İki şöbənin birləşdirilməsi ilə bağlı olaraq daxil olan 3 əməkdaşın illik Plan işi və onun mərhələsi də şöbənin əsas probleminə uyğun yerinə yetirilmişdir.