A Z
R B A Y C A N
X Z R D N Z G M
L Y
И
ИЧИ И И
A Z
R B A Y C A N
X Z R D N Z G M
L Y
И
ИЧИ И И
Qiyməti 50 qəpik
27 may 2016-cı il № 29-32 (9035)
QƏZET
1931-ci ildən
nəşr olunur
QƏZET
1931-ci ildən
nəşr olunur
BU SAYIMIZDA
Yeni tikilmiş “Xankəndi”
gəmisi Bakı gəmiqaYırma
Zavodunda suYa endiriliB
Mayın 18-də “Xankəndi” yeni sualtı tikinti gəmisi
(STG) Bakı Gəmiqayırma Zavodunun yanalma kör-
püsündə suya endirilib.
BP-nin Bakı ofisinin mətbuat xidmətindən bildirilib
ki, bu gəmi məxsusi olaraq nəhəng “Şahdəniz Mərhələ 2”
işlənmə layihəsinin sualtı qurğularını quraşdırmaq üçün
layihələndirilib və inşa edilib.
aZərBaYcan Xalq
cümhuriYYəti generalının
Xatirəsini Yad ediB
Ölkəmizdə səfərdə olarkən Avropa Parlamenti-
nin müdafiə və təhlükəsizlik alt komitəsinin sədri,
Polşanın sabiq xarici işlər naziri xanım Anna Fotiqa
həmyerlisi, Azərbaycan Xalq Cümhuriyyəti dövründə
milli ordu sıralarında xidmət edən, general-leytenant
Məmməd bəy (Matsey) Sulkeviçin xatirəsini ehtiramla
yad edib.
Müdafiə Nazirliyinin mətbuat xidmətindən bildiriblər
ki, A.Fotiqa Azərbaycan Hərbi Dəniz Qüvvələrinin katerin-
də Böyük Zirə adası yaxınlığında hərbi xadimin xatirəsinə
ehtiram əlaməti olaraq Xəzər dənizinin suları üzərinə güllər
səpələyib.
səh. 3
transadriatik qaZ Boru
kəmərinin təməli qoYuluB
Mərasimdə Azərbaycanın Baş nazirinin birinci müa-
vini Yaqub Eyyubovun rəhbərliyi ilə nümayəndə heyəti
iştirak edib.
Mayın 17-də Yunanıstanın Saloniki şəhərində
Transadriatik boru kəməri - TAP-ın təməli qoyulub.
Bununla bağlı keçirilən mərasimdə layihənin Avropanın
enerji təhlükəsizliyindəki mühüm rolu bir daha vurğula-
nıb.
səh. 2
səh. 4
Bakı limanı nüfuZlu BeYnəlXalq
limanlar assosiasiYasının
konfransına ev sahiBliYi edəcək
“Bakı Beynəlxalq Dəniz Ticarət Limanı” QSC-
nin nümayəndə heyəti 88 ölkədən 300-dən çox
liman nümayəndələrini özündə birləşdirən Bey-
nəlxalq Limanlar Assosiasiyasının (International
Association of Port and Harbors
- IAPH) Panamada keçirilən
illik konfransında iştirak edib.
səh. 5
azərbaycan respublikasının dövlət dəniz administrasiyası
ilə koreya respublikasının okeanlar və Balıqçılıq
nazirliyi arasında əməkdaşlıq haqqında anlaşma
memorandumunun təsdiq edilməsi barədə
Azərbaycan Respublikası Prezidentinin Fərmanı
Azərbaycan Respublikası Konstitusiyasının 109-cu maddəsinin 17-ci bəndini
rəhbər tutaraq qərara alıram:
1. Azərbaycan Respublikasının Dövlət Dəniz Administrasiyası ilə Koreya Res-
publikasının Okeanlar və Balıqçılıq Nazirliyi arasında əməkdaşlıq haqqında 2016-cı
il martın 17-də Seul şəhərində imzalanmış Anlaşma Memorandumu təsdiq edilsin.
2. Azərbaycan Respublikasının Dövlət Dəniz Administrasiyası bu Fərmanın
1-ci hissəsində göstərilən Anlaşma Memorandumunun müddəalarının həyata keçi-
rilməsini təmin etsin.
3. Azərbaycan Respublikasının Xarici İşlər Nazirliyi Anlaşma Memorandumu-
nun qüvvəyə minməsi üçün zəruri olan dövlətdaxili prosedurların yerinə yetirildiyi
barədə Koreya Respublikası Hökumətinə bildiriş göndərsin.
İlham ƏLİYEV,
Azərbaycan Respublikasının Prezidenti
Bakı şəhəri, 20 may 2016-cı il.
aZərBaYcan resPuBlikasının naZirlər kaBineti
№ 197 qərar Bakı şəhəri, 19 may 2016-cı il
azərbaycan respublikası təhsil nazirliyinin azərbaycan dəniz Balıq sənayesi kolleci ilə bağlı bəzi məsələlər barədə
Azərbaycan Respublikası Konstitusiyasının
119-cu maddəsinin səkkizinci abzasını rəhbər tu-
taraq, Azərbaycan Respublikası Təhsil Nazirliyi-
nin təklifinə əsasən Azərbaycan Respublikasının
Nazirlər Kabineti qərara alır:
1. Azərbaycan Respublikası Təhsil Nazirliyinin
Azərbaycan Dəniz Balıq Sənayesi Kolleci “Azər-
baycan Xəzər Dəniz Gəmiçiliyi” Qapalı Səhmdar
Cəmiyyətinin tabeliyinə verilsin və Azərbaycan
Dövlət Dəniz Akademiyasının nəzdində Azərbay-
can Dənizçilik Kolleci adlandırılsın.
2. Azərbaycan Respublikası Nazirlər Kabine-
tinin 2011-ci il 15 iyul tarixli 118 nömrəli qəra-
rı (Azərbaycan Respublikasının Qanunvericilik
Toplusu, 2011, № 7, maddə 745, № 10, maddə
969, № 12, maddələr 1241, 1245; 2012, № 3,
maddə 257, № 4, maddə 399, № 6, maddələr 633,
634, № 12, maddə 1346; 2013, № 6, maddə 775,
№ 9, maddə 1130; 2014, № 1, maddə 72, № 2,
maddə 214, № 6, maddə 751, № 7, maddə 907,
№ 9, maddə 1120; 2015, № 3, maddə 336, № 6,
maddə 807, № 8, maddə 966, № 10, maddələr
1226, 1229, № 12, maddə 1571; 2016, № 1, mad-
də 176, № 2, II kitab, maddə 373; Azərbaycan
Respublikası Nazirlər Kabinetinin 2016-cı il 16
mart tarixli 129 nömrəli qərarı) ilə təsdiq edilmiş
“Azərbaycan Respublikası Təhsil Nazirliyinin
strukturuna daxil olmayan tabeliyindəki qurumla-
rın Siyahısı”nın “Orta ixtisas təhsili müəssisələri”
bölməsinin 6-cı hissəsi ləğv edilsin.
3. Azərbaycan Respublikası Nazirlər Kabine-
tinin 2014-cü il 24 yanvar tarixli 18 nömrəli qə-
rarı (Azərbaycan Respublikasının Qanunvericilik
Toplusu, 2014, № 1, maddə 67, № 10, maddə
1321; Azərbaycan Respublikası Nazirlər Kabine-
tinin 2016-cı il 16 fevral tarixli 57 nömrəli qərarı)
ilə təsdiq edilmiş 2 nömrəli əlavə - “Azərbaycan
Xəzər Dəniz Gəmiçiliyi” Qapalı Səhmdar Cə-
miyyətinin strukturu”nun “II. “Azərbaycan Xəzər
Dəniz Gəmiçiliyi” Qapalı Səhmdar Cəmiyyətinin
törəmə müəssisələri” bölməsinin 1-ci hissəsinə
“Akademiyası” sözündən sonra “və onun nəzdin-
də Azərbaycan Dənizçilik Kolleci” sözləri əlavə
edilsin.
4. “Azərbaycan Xəzər Dəniz Gəmiçiliyi” Qa-
palı Səhmdar Cəmiyyəti Azərbaycan Dövlət Də-
niz Akademiyasının nəzdində Azərbaycan Dəniz-
çilik Kollecinin fəaliyyətinin təmin edilməsi ilə
bağlı zəruri tədbirlər görsün.
5. Bu qərar 2016-cı il 1 sentyabr tarixindən
qüvvəyə minir.
Abid ŞƏRİFoV,
Azərbaycan Respublikası
Baş nazirinin müavini
H
amımız - həyata yenicə göz açmış
körpədən tutmuş ömrünün ixtiyar çağ-
larını yaşayan ağsaqqala, ağbirçəyə-
dək zaman - zaman haqsızlığa sinə gərmiş, çapıl-
mış, soyulmuş, talan edilmiş, varlığı, mövcudluğu
uğrunda nəsil-nəsil qurban vermiş, haqqa-ədalətə
söykənərək belini dikəltmiş Azərbaycan adlı bir
məmləkətin övladlarıyıq. Əsrlərlə azadlığa təşnə
olan, müstəqilliyinə qeyrətli oğul və qızlarının
qanı bahasına qovuşan Azərbaycanın! Dünyada
tayı-bərabəri olmayan, torpağının altı da, üstü də
qızıl olan bir ölkənin! Bir ölkənin ki, azad yaşa-
mağa, öz taleyinin, öz sərvətlərinin sahibi olmağa
haqqı ola-ola haqqını həmişə zor-gücü ilə əlindən
almağa çalışıblar. Keçən əsrin əvvəllərində əldə
etdiyi müstəqilliyin ömrü uzun olmadı. İyirmi
üç aydan sonra imperiya bizi yenidən əsarəti al-
tına saldı. Azad yaşamağı hər şeydən üstün tutan
xalqımızın sonrakı mübarizəsi də nəticəsiz qal-
madı. Əsrin sonuna yaxın yenidən müstəqilliyi-
mizə qovuşduq. Dünyaya meydan oxuyan keçmiş
sovet imperiyasının qırmızı ordusu Bakının bütün
küçələrini qanla yusa da - bələkdəki körpələri-
mizə belə rəhm etməsə də, istəyinə nail ola bil-
mədi. Düz iyirmi altı il əvvəl o qanlı yanvar gecə-
sində Azərbaycan əsarətə birdəfəlik “Yox!” dedi.
İndi səsimiz BMT-dən gəlir.
Öz əlimiz, öz başımız olsa, Vətən təəssübkeş-
liyimiz, yurd sevgimiz olsa, ulu Tanrının, bir də
təbiətin heç nə əsirgəmədiyi bu məkanı əsl cən-
nətə çevirərik. Çevirərik, əgər sevgisinə eyni sev-
gi ilə cavab verə bilsək. Övladlıq borcumuzu, çiy-
nimizə düşən məsuliyyəti dərk etsək, işığından,
nurundan hamımıza pay düşən Azərbaycan adlı
Günəşi qara buludlardan qoruya bilsək.
Azərbaycan deyəndə özümüz qürur hissi ke-
çirməsək, özümüz ayağa qalxmasaq, varlığımı-
za, səcdə yerimizə çevrilməsə, digər ölkələrin və
xalqların bizə hörmət və rəğbətlə yanaşmalarına
nail ola bilərikmi? Əsrlərlə bölünən, talan edilən,
sərvətlərinin adı bizim, dadı özgənin olan yurdu-
muzu “Haralısan?” kəlməsi ilə təzədən özümüz
də bölməyək. Qazaxdan Bakıyadək, Naxçıvan-
dan Xaçmazadək, Balakəndən Astarayadək ha-
mımızın olan bu yurdu mənim kəndim, mənim
şəhərimə ayırmaqla özümüz də parçalanmırıqmı!
Özünə ev tikmək, yuva qurmaq, güzəran yarat-
maq istəyirsənsə, buyur. Bu boyda Azərbaycan
sənindir. Tik, qur, yarat, abad elə!
Hər şeyin bir başlangıcı var. Bizim üçün hər
şey Azərbaycandan başlamalıdır.
Deyirlər Vaşinqtonda heç bir bina Amerika
Birləşmiş Ştatları Konqresinin yerləşdiyi Kapi-
tolidən hündür olmamalıdır. Sevgiyə bax, Allah!
Məhəbbət bax, İlahi! Bizdə də belədirmi? Bizim
üçün də Azərbaycandan ucalıqda, yüksəklikdə
heç nə olmamalıdır. Azmı Vətənin varlığı ilə
oynayanlar, dövlətçiliyimizi təhlükə altında qo-
yanlar, Qarabağ dərdimizlə möhtəkirlik edənlər,
satanlar, satılanlar? Faciələrimizdən hakimiy-
yətə gəlmək üçün azmı istifadə ediblər? Şəxsi
ambisiyalar, mənsəbpərəstlik, vəzifə hərisliyi
taleyimizə nə qədər facilər yazıb, başımıza nə
qədər fəlakətlər gətirib. Milli dövlətçiliyimizin
məhv edilməsi, Azərbaycan xalqının yenidən
əsarət, köləlik boyunduruğuna salınması üçün
bizə qənim kəsilmiş, qanımıza susamış yağıla-
rı demirəm, sapı özümüzdən olan baltalar azmı
cəhd göstəriblər?
Hakimiyyətə can atan radikal müxalifətin
məqsədinə nail olmaq üçün bütün qeyri-siyasi,
qeyri-əxlaqi metodlardan istifadə etməsinə nə ad
verək? İqtidarın işinə kölgə salmaq üçün az qala
qonşu davasını da beynəlxalq təşkilatlara insan
hüquqlarının kobudcasına pozulması kimi qələmə
verirlər. Yadıma bir vaxtlar Avropa Şurası Parla-
ment Assambleyasının Azərbaycan üzrə məruzə-
çisi M. Kassanın dilindən çıxan aşağıdakı sözlər
düşür: ”Mən Qərbi Avropada elə bir demokratik
ölkə tanımıram ki, Azərbaycan müxalifəti qə-
dər qeyri-obyektiv olsun. Ölkə üçün vacib olan
məsələlərdə müxalifətin iqtidarla əməkdaşlıq
etməməsi çox kədərli və mənfi haldır”. Daha nə
deyim?!
Amansız, qəddar, hiyləgər, arxalı düşmənə
qalib gəlmək, həddini aşan təcavüzkarı haqla,
ədalətlə hesablaşmağa məcbur etmək, respublika-
mızın ərazi bütövlüyünü təmin etmək, dövlətçi-
liyimizi qorumaq, müstəqilliyimizi möhkəmlən-
dirmək üçün hər birimiz öz iş yerimizdə əsgərə
çevrilməliyik. Son dərəcə qətiyyətli, mətanətli
olmalı, əsl vətənpərvərlik nümayiş etdirməliyik.
Amalımız bütöv Azərbaycan, qüdrətli Azərbay-
can olmalıdır. Tanrının və zamanın bizə verdiyi
bu fürsəti müstəqilliyimizin daha da möhkəm-
ləndirilməsi, iqtisadiyyatımızın tərəqqisi, yurdu-
muzun çiçəklənməsi üçün istifadə etməliyik. İndi
Vətən naminə, xalq naminə və deməli, hamımızın
naminə daha çox iş görmək vaxtıdır.
Sabah Odlar Yurdunun bayramı – Respublika
Günüdür. Yazını ürəyimdən qopan misralarla bi-
tirmək istəyirəm:
Yaşa, ürəyim, canım,
Yaşa, Azərbaycanım!
Bir arzun da dəyməsin
Daşa, Azərbaycanım!
Rasif TAHİRoV
“azərbaycan Xəzər dəniz gəmiçiliyi” qapalı
səhmdar cəmiyyətinin rəhbərliyi
Gəmiçiliyin bütün işçilərini
28 MAY – resPuBlika günü
münasibəti ilə səmimi-qəlbdən təbrik edir,
hər birinə möhkəm cansağlığı, firavan həyat,
xoşbəxtlik, ölkəmizin iqtisadi qüdrətinin
artırılması naminə fəaliyyətlərində yeni-yeni
uğurlar, gündən-günə çiçəklənən müstəqil
Azərbaycanımıza daha böyük tərəqqi arzulayır.
Bayramınız mübarək!
Yaşa, aZərBaYcanım!