« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
39
M E H M E T Ü N A L
TƏSƏVVÜF TARİXİNDƏ CƏLVƏTİLİK
Ключевые слова: джалватиййа, тарикат, тасаввуф, исламская
философия.
Açar sözlər: cəlvətilik, təriqət, təsəvvüf, islam fəlsəfəsi
Key words: calvatiyya, tarikat, tasavvuf, Islamic Philosophy
Saysız təriqətlər üsul və metod fərqliliyi ilə qollara ayrılmış və ya yeni
adlarla başqa təriqətlər qurulmuşdur. Cəlvətilik təriqəti də xəlvətilik
təriqətindən ayrılaraq formalaşan bir təriqətdir.
Ərəb dilində "cələ" kökündən törəyən "ortaya çıxma, peyda olma"
mənasını verən cəlvət, təsəvvüf termini kimi "salikin mənliyindən təmizlənmiş
və ilahi xüsusiyyətlərlə bəzənmiş şəxsin xəlvətdən çıxıb insanlara qarışması
mənasını verir". (1)
Salikin
1
müəyyən bir müddət dünyada heç bir işlə məşğul olmadan
tamamilə inzivaya çəkilməsi, bu müddət ərzində bütün pis və çirkin
xüsusiyyətlərindən əl çəkib yaxşı və gözəl xasiyyətlər əldə etməyə çalışması
xəlvət, bu işi bacardıqdan sonra sosial həyata geri dönməsinə isə cəlvət
deyilir. Cəlvət halındakı qulun mənliyi yox olduğu üçün onun hərəkətləri Haqqa
aid edilir və bu halda "...Atarkən sən atmadın, ancaq Allah atdı" (2) ayəsi dəlil
göstərilir (3).
Tədqiqatçı S.Əraydın cəlvətiyyənin bir təriqətin adını ifadədən daha çox
əslində bütün təriqətlərin müştərək əsasını təşkil etdiyini vurğulamışdır (4).
Xalq ilə yaxşı münasibət qurmağa, yəni cəlvətə ehtiyac duyan bir sufi mütləq
Haqq ilə möhkəm bir xəlvətə malik olmalıdır. Ancaq onun sayəsində onun
cəlvəti xəlvətinin himayəsində yaşaya bilər. O zahirdə xalq, batində isə Haqq
Süleyman Demirel Üniversitesi fənn-ədəbiyat fak. mehmetunal@sdu.edu.tr
Təsəvvüfün irfani-fəlsəfi və sosial təlimi olan xəlvətiyyə haqqında elmi ədəbiyyatda mövcud olan
bəzi uyğunsuzluq və qeyri səlislilik halları nəticəsində təsəvvürlərin müəyyən qədər birtərəfli
olmasını, hətta bəzən Seyyid Yahya Bakuvinin yubileyinin keçirilməsi zamanı nəşrlərdə yol verilmiş
saxtalaşma hallarını nəzərə alaraq mütəfəkkirin yubileyinə həsr olunmuş konfrans məruzələrinin
tezislərini nəşr etdirmək ilə yanaşı biz jurnalımızın səhifələrində elmi ictimaiyyəti, eləcə də xəlvətiyyə
cərəyanının fəlsəfəsini və sosial platformasını ilkin mənbələr əsasında araşdıran bir sıra tədqiqatlarla
da tanış etmək qərarına gəlmişdik. – Red.
Azərbaycan dilinə tərcümə: f.ü.fəls.d. Rahil Nadir oğlu Nəcəfov, AMEA Fəlsəfə və Hüquq İnstitutu,
rnacafov@gmail.com
1
Salik – təsəvvüfdə mənəvi təmizlənmə yolunda olan insanı belə adlandırırlar.
« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
40
ilədir. Cəlvətdə ikən xəlvətdə, xəlvətdə ikən cəlvətdədir. Cəlvəti xəlvətinə,
xəlvəti cəlvətinə mane deyil. İlk sufilərin "kövn-bövn" dedikləri bu hal daha
sonralar cəlvət-xəlvət deyimiylə ifadə edilmişdir. Nəqşibəndilik təriqətində
"xəlvət dər əncümən" (içində Haqq ilə olma) ifadəsi də bu mənada işlədilmişdir
(5).
Cəlvətilik, cəlvətə mənsub olanlara ümumilikdə verilən addır. Cəlvət
xəlvətdən çıxmaqdır. Bu anlamda “hər şeyi çıxarmaq, həqiqət paltarını geymək”
deməkdir. Xəlvət ilə cəlvət arasında məna və yazılış baxımından yalnız
nöqtədən başqa bir fərq yoxdur. Cəlvət xəlvətiyyənin bir qolu kimidir (6).
Cəlvət və xəlvət sözləri başlanğıcda bir mövqe, vəziyyət ifadə edərkən
daha sonralar iki ayrı təriqətin adlarına çevrilmişdir. Cəlvətilik təriqətinin ilk
qurucusu olaraq müxtəlif şəxslərin adları çəkilir. Bu müxtəlif rəvayətləri qeyd
edən xəlvəti şeyxi İsmayıl Haqqı Bursalı deyir: "Cəlvətiyyə təriqəti İbrahim
Zahid Gilani (öl. 700/1300) dövründə aypara, Üftadə (öl. 988/1580) zamanında
yarım ay; Huda (öl. 1038/1628) əsrində isə bütöv ay vəziyyətində oldu" (7).
Muhyiddin İbn Ərəbiyə görə, insan harada olursa-olsun, göz qabağında
olduğundan sözün tam mənasıyla xəlvət mümkün deyil. Xəlvətdə gizlilik
şərtdir. Həqiqi xəlvət qulun öz bədəninin Allaha aid olduğunu bilərək
mənliyindən sıyrılması və dünyada açıq, görünən hər şeyin Allah olduğunu
anlamasıdır. Bu idraka çatan şəxs hər yerdə və hər şeydə təcəlli edən Allahı
görəcəyindən cəlvətdə olsa belə xəlvətdədir. Bundan başqa, İbn Ərəbi cəlvətin
daha üstün bir hal olduğunu vurğulayır (8).
Cəlvətilik, Üftadə, sonra Xıdır Dədə, ondan sonra da Ağbıyıq Sultan
vasitəsiylə Hacı Bayram Vəliyə gedib çatdığı üçün bayramiliyin bir qolu sayılır.
Bayramilik ilə cəlvətilik silsiləsinin bu mənada bir yaxınlığı vardır. Bununla
bərabər, bayramilik silsiləsinin nəqşibəndilik ilə əlaqəsinə görə cəlvətilik ondan
da bəzi izləri qoruyub saxlayır. Məsələn, nəqşibəndilikdəki "nəzər ber qədəm",
"xəlvət der encümen" və "hafisi zikr" kimi anlayışlar cəlvətilikdə də vardır
2
(9).
Cəlvətilik ilə xəlvətilik zühurları etibarilə İbrahim Zahid Gilani ilə
birləşdikləri kimi daha sonrakı silsilələrində də bir yaxınlıq gözə dəyir. Şəxsən
2
Cəlvətilik təriqəti Üftadədən sonra daha da inkişaf edərək elm və əməli cəhətdən zəngin bir
ənənəyə malik oldu. Yalnız Hüdayi və İsmayıl Haqqı Bursəvinin əsərləri bu ənənəni anlamaq üçün
kifayətdir. Osmanlı padşahlarının bəzilərinin bu təriqətə mənsub olması təriqətin həm xüsusiyyət,
həm də vəziyyəti baxımından Osmanlı cəmiyyətində aktiv olduğunu göstərir. Osmanlı padşahlarının
bu təriqətə mənsubiyyəti padşahların təriqətə əhəmiyyət verməsi və şeyxlərin bəzilərinin padşahlarla
münasibət qurması barədəki məlumat araşdırmağa möhtac olsa da bu məlumatın həqiqətə yaxın ola
biləcəyini düşünməyə əsas verir. Yalnız Osmanlı padişahları deyil, siyasət, hərb, fikir və sənət
dünyasının böyüklərinin bu təriqətdən təsirləndikləri müşahidə olunur. Cəlvətilik həm xüsusiyyət,
həm də vəziyyət baxımından türklər və Osmanlı cəmiyyətinə olduqca çox təsir etmişdir.
« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
41
Hüdayinin: "Bizim yolumuz həm xəlvətilik, həm cəlvətilikdir”, – deyərək
cəlvətiyyə ilə xəlvətiyyəni əlaqəli qəbul etdiyini göstərir. Xəlvətiyyə təriqətinin
Cəlvətiyyəyə silsilə etibarilə olan yaxınlığından başqa həmdə məqsəd
baxımından da bir-birləriylə həmahəng olduğu görünür. Buna misal olaraq, hər
iki təriqətin mənimsədiyi "tövhid və əsma" (əsma – isimlər, Tanrının adları
deməkdir – R.N.) zikirlərini verə bilərik (10).
Cəlvətilik təriqəti silsiləsinin Əziz Mahmud Hüdayiyə qədər olan
şəcərəsini Səlcuq Eraydın “Təsəvvüf və təriqətlər” adlı əsərində belə vermişdir:
“Hz. Məhəmməd Mustafa (s.ə.s.) 11/632; Hz. Əli Murtaza 48/668; Həsən Bəsri
110/728; Həbib Naşı 150/767; Davud Tai 184/800-801; Məruf Kərxi 200/815;
Səriyyi-i Şikəst 253/867; Cüneyd Bağdadi 297/909; Mimşad Dinəvəri 367/977;
Məhəmməd Dinəvəri 367/977; Məhəmməd əl-Bəkr 400/1009; Qazi Vəhyəddin
və ya Vəcihəddin 452/1060; Ömər əl-Bəkri 487/1094; Əbun-Nəcib Ziyaəddin
əs-Sührəvərdi 563/1167; Qütbəddin Əbhəri 623/1226; Şihabəddin ət-Təbrizi
638/1240; Seyyid Cəmaləddin ət-Təbrizi əl-Əzhəri 672/1273; İbrahim Zahid
Gilani 700/1300; Səfiəddin Ərdəbili 735/1334; Sədrəddin Ərdəbili;
794/1392; Əlaəddin Əli Ərdəbili 833/1429; Həmdüddin Ağsarayi 815/1412;
Hacı Bayram Vəli 833/1429; Ağbıyıq Məczub 860/1455; Xıdır Dədə 918/1512;
Muhəmməd Muhyiddin Üftadə 988/1580 27; Əziz Mahmud Hüdayi
1038/1628" (11).
Cəlvətilik təriqətinə daxil olan şəxsin aclıq, susuzluq, süluk, (12) və
uzlətə (14) alışma zəruriliyi vardır. Cəlvətilik, tam mənasıyla sünni təriqətidir.
Bu təriqətdə süluk səma ilədir. Cəlvətilik təriqətində müridin vəzifələri
bunlardır: 1) mürid hər gün l00 istiğfar (bağışlanma), 700 kəlmeyi-tövhid, beş
vaxt namazdan sonra salavat gətirmək; 2) iki rükət “İsra” namazı qılmaq; 3) altı
rükət “Duha”, 12 rükət təhəccüd namazları qılmaq; 4) boş vaxtlarında Quran
oxuyaraq anlamaq; 5) rəcəb-şaban və ramazan ayını oruclu keçirmək; 6) şəvval
ayında 6 gün oruclu olmaq; 7) məhərrəm, rəbiul-əvvəl və zilhiccə aylarında gün
oruc tutmaq; 8) həftədə iki gün (bazar ertəsi-cümə axşamı) oruclu olmaq (14).
Bütün təriqətlərdə olduğu kimi, cəlvətilikdə də Haqqa daha tez
qovuşmaq üçün bir mürşidi-kamilə bağlanmanın zəruriliyi vardır. Mürid
mürşidini seçərək ona bağlandıqdan sonra mürşidinin təlimatına uyğun
olaraq, kamillik yolunda zikr və mənəvi mübarizəyə başlayır. İlk və ən
əhəmiyyətli zikr, kəlmeyi-tövhid, yəni "Lə ilahə illallah" sözüdür. Buna “tövhid
zikri” də deyilir. Mürid ilk zamanlar tövhid zikrini edərkən "Lə məbudə
illallah" mənasını düşünər. İkinci mərhələdə kəlmeyi-tövhidi "Lə Məqsum
illallah" mənası ilə zikr edər. Üçüncü mərhələ də isə tövhidi "Lə mövcudə
illallah" (Allahdan başqa mövcud yoxdur.) mənası ilə zikr edər. Mürid ona
« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
42
tövhid nuru zahir olana qədər bu zikrinə davam edər. Cəlvətilik təriqətində
ikinci əhəmiyyətli zikr Allahın yeddi ismi-şərifi anlamında olan "əsmai-səbə"
zikridir. Bunlar "Lə ilahə illallah", Allah, Hu, Haqq, Hayy, Qəyyum, Qəhhar
zikirləridir. Bu yeddi ad, nəfsin yeddi mövqeyinə nüfuz edir.
Cəlvətilik təriqətinə girən müridə şeyx bunları təlqin və tövsiyə edər:
mürid mürşidin verdiyi təlimatın xaricinə çıxmaz (15). Hər gün 100 dəfə
"Əstağfirullah əl-azim" deyilməlidir. Hər gün Peyğəmbər Əfəndimizə (s.ə.s.) 100
dəfə salat və salam gətirilməlidir. Gündə 700 dəfə "Lə ilahə illallah" və hər
iyirminci və ya otuzuncuda bir dəfə "Muhammədun Rəsulullah" deyilməlidir.
Səhər namazından sonra günəş iki mizraq boyu yüksələnə qədər zikr və
təfəkkürlə məşğul olunmalıdır. İsra vaxtından zavala (günəş batana qədər)
qədər, 4-6 rükətlik quşluq namazı qılınmalıdır. Axşam namazının sünnəsindən
sonra 6 rükət "evvab" namazı qılınmalıdır. Gecənin üçdə bir vaxtında qalxıb 2-
12 rükətlik "təhəccüd" namazı qılınmalıdır. Bazar ertəsi və cümə axşamı günləri
ilə zilhiccə və məhərrəmin 10 gününü, rəcəb və şabanın bütün günləri oruclu
keçirilməlidir. Daima dəstəmazlı olunmalıdır. Dəstəmaz aldığı zaman 2 rükət
"şükri-vudu" namazı qılınmalıdır. Bundan başqa, mürid bunları etməyə diqqət
etməlidir: tövbə və inabəyə qayğı göstərilməlidir, sünnəyə riayət olunmalıdır,
dünya malına tamah edilməməlidir, az yeməli, az danışmalı, daima zikrlə
məşğul olmalı, şeyxə ürəkdən bağlanmalı, şeyxə etirazı tərk etməli və ona
inanıb etibar etməlıdir (16).
Cəlvətilər dizləri üzərində dayanaraq zikrlə məşğul olarlar. Buna "məzfi
qiyam" və ya "Xıdır qıyamı" deyilir. Bir rəvayətə görə, qüud (oturuşda) tövhidi
əsnasında Şeyx Əziz Mahmud Hüdayi öz yerində oturarkən bir anda zikr
məclisinə "Hz. Peyğəmbərimizin (s.ə.s.) "(bir başqa rəvayətə görə də, Hz.Xızır
əleyhissəlam) təşrif buyurduğunu qəlb gözü ilə görüb ayağa qalxmaq istəmiş,
lakin O şəxs qaxlmamasına işarə etdikdə, dizləri üzərində yarı qalxmış olaraq,
zikrə elə o vəziyyətdə davam etmişdir. O gündən sonra bu şəkildə zikr
cəlvətiyyə ayinlərində vərdiş halına gəlmişdir. (17)
Cəlvətilikdə sülukun dörd mərtəbəsi vardır: təbiət, nəfs, ruh və sirr.
Təbiət mərtəbəsində salik təbiətən vacib olan yemə, içmə və cinsi
münasibətdən mücahidə yolu ilə uzaqlaşmağa çalışmalıdır. Məhdud şəkildə
yeyər, içər və müəyyən müddət evlənməz.
Nəfs mərtəbəsində nəfsdən qaynaqlanan pis xasiyyət və sifətlərini tərk
edər. Nəfsin pis hərəkətləri iki cürdür. Bir qrupu öz iradəsi ilə işlədiyi günahlar,
digərləri dərinə nüfuz etmiş pis xasiyyət və vərdişlərdir. Bunların hər iki qrupu
da ancaq riyazət və mücahidə ilə islah edilə bilər. Nəfs müəyyən şəkillərdə islah
edilib nəzarət altına alındıqda ruh və sirr mərtəbələrinə yol açılmış olur. Ruh
« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
43
mərtəbəsində salik nəfsin pis xasiyyətlərinin şərindən xilas olaraq ruhu ilə
əlaqəyə girmiş sayılır. Ruhun korlanmış tərəfi ilahi qabiliyyətdən məhrum
olmaqla mümkün olur. Buna görə, ruhun tərbiyəsi ancaq ilahi biliklərlə
gerçəkləşir.
Ruh mərtəbəsində elmi-lədün sirləri aşkara çıxmağa başladığı zaman
salik "kəşf" etməyə başlayır. Təbiət və nəfs mərtəbələrində kəşf yoxdur.
Çərşənbə axşamı ruh mərtəbəsində mərifət və ilahi eşqi əldə etdikdən sonra
salik sirr mərtəbəsinə yüksələr. Bu mərtəbədə qul masivadan əlaqəni kəsib,
Haqqdan başqasına könül verməməlidir (18).
Əziz Mahmud Hüdayi xəlvət ilə cəlvətin iki yol ilə Haqqa çatdığını
söylədikdən sonra həccə müxtəlif yollarla gedənlərin nəticədə Məkkədə
birləşdiklərini xatırladaraq, xəlvət yolunun isimlərin zikrindən başladığını və
üsuli-əsmanın on iki olduğunu, lakin bunun əhlinin az olduğunu, öz zamanında
yeddi ada çatanın kamala çatmış sayılaraq ona xilafət verildiyini, cəlvət əhlinin
tövhid, riyazət və mücahidə ilə süluk etdiklərini ifadə edir (19).
Təriqətin təməl əsasları bu üç anlayışla məhdudlaşdırılır:
1. Təzkiyə: "Lə məqsum illəllah" zikriylə birləşdirilən anlayış, tərki-
dünya ilə nəfsi masivadan təmizləmək məfhumunu ifadə edər.
2. Təmizlik: "Lə məhbub illəllah" zikriylə ifadəsini tapan bu anlayış isə
ürəyin hər cür pisliklərdən təmizlənməsini tələb edir.
3. Təlciyə: "Lə mövcudə illəllah" zikriylə ifadə edilən bu son anlayış da
Allahla bütünləşə bilmə mərhələsinə işarə edir (20).
Cəlvətilik təriqətinin qolları: Bir çox təriqətdə olduğu kimi cəlvətilik
təriqətində də üsul və metod fərqliliyinə görə şöbələr meydana gəlmişdir. Bu
şöbələri qısaca tanıyaq.
Həqiqilik. Cəlvəti şeyxi İsmayıl Haqqı Bursəviyə aid edilən cəlvətiliyin bir
şöbəsidir. İsmayıl Həqqi Bursəvinin silsiləsi Hz. Hüdayiyə bu şəkildə çatır:
Muqad Əhməd Əfəndi (öl. 1049/1639), Zakirzadə Abdullah Əfəndi (öl.
1068/1657), Osman Əfəndi (öl. 1102/1690), İsmayıl Haqqı Bursəvi (öl.
1137/1725). Çox geniş yayılma və böyümək imkan əldə edə bilməmiş olan
həqiqilik XVIII əsrin sonlarından etibarən Bursada təmsil olunmuşdur (21).
b. Səlamilik. Səlamilik, Zakirzadə Abdullah Əfəndinin xəlifəsi Əli
Əfəndiyə mənsub cəlvətiliyin qoludur. Silsiləsi Hüdayidən Səlami Əfəndiyə,
ondan isə bu şəxslərə gedib çıxır: Muqad Əhməd Əfəndi, Zakirzadə Abdullah
Əfəndi, Salami Əli Əfəndi. Səlami Əli Əfəndiyə aid edilən səlamiliyin diqqətə
çarpan xüsusiyyəti salavatın sayının on üçdən on yeddiyə qədər çoxalmasıdır
(22).
« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
44
c. Fənailik. Cəlvətiliyin səlamilik qolunu qurmuş olan Səlami Əli
Əfəndinin xəlifəsi olan kütahyalı Əli Əfəndiyə mənsubdur. Əli Əfəndi, Səlami
Əfəndinin xəlifəsi olduğundan bu iki qolun silsilələri müştərəkdir. Fəna
təxəllüsü ilə şeirlər də yazmış olan Əli Əfəndi, Cəlvətiyyədə ictihad etmiş və
qurduğu bu qola də öz təxəllüsünə görə Fenaiyyə deyilmişdir. Fəna tacı 19
tərklidir. Fəna xanəgahı şeyxinin övladlarının tacının təpə qismi narıncı rəngli
olub digərlərinin rəngi yaşıldır (23).
d. Haşimilik
Haşimilik Bandırmalızadə Mustafa Haşim Ataya mənsub olan cəlvətiliyin
qoludur. Haşim Baba batini meyllərinə görə sıx-sıx cəlvətilərin tənqidinə məruz
qalmışdı. Hətta cəlvəti astanası şeyxləri tərəfindən inkar olunmuşdur. Təriqətin
silsiləsi Hüdayiyə bağlı iki qoldan gəlir. Həmin qollar bunlardır:
1. "Məmməd Fənai Əfəndi (1075/1664), Vəliyyüddin Mucahid Əfəndi
(1108/1696), Seyyid Hamid əl-Moravi (1139/1726), Yusuf Nizaməddin b.
Hamid əl-Bandırmavi (1161/1748), Mustafa Haşim Baba (1197/1782) .
2.Muqad Əhməd Əfəndi (1049/1639), Dəvati Mustafa Əfəndi
(1060/1650), Mustafa Ərzincani (1123/1711), Yusif Nizaməddin b. Hamid əl-
Bandırmavi (1161/1748), Mustafa Haşim Baba (1197/1782) " (24).
Təriqətin təsirləri: Əziz Mahmud Hüdayinin İstanbulda çox müridlərinin
olması ilə yanaşı, həm də müxtəlif bölgələrə göndərdiyi xəlifələri sayəsində
Anadolu və Balkanlarda yayılmağa başlayan cəlvətiliyin xüsusilə İstanbul,
İzmir, Balıkəsir, Orta Anadolu və Balkanlarda xeyli yayıldığı məlumdur.
Hüdayidən sonra İstanbulda eyni qüvvə ilə təmsil edilməsə də, nüfuzunu
davam etdirmiş və İstanbul son dövrlərə qədər təriqətin ən məşhur olduğu yer
olmuşdur. Həm Hüdayi dövründə, həm də daha sonrakı dövrlərdə Balkanlarda
Filibəli İsmayıl Əfəndi, Saçlı İbrahim Əfəndi, Osman Fəzl Əfəndi kimi seçmə
şeyxlər tərəfindən təmsil edilən cəlvətilik Balkanların ən məşhur
təriqətlərindən biri olmuş, ikinci mərkəzi olan Bursa isə Üftadə və nəvələri ilə,
İsmayıl Haqqı Bursəvi kimi şeyxlər vasitəsiylə son dövrlərə qədər nüfuzunu
qorumuşdur.
Cəlvətiliyin Üsküdardakı mərkəzi dərgahında Hüdayinin vəfatından
sonra təkyələr bağlanana qədər iyirmi üç şeyx dərgahdar olmuşdur. Dərgahın
son şeyxi Əbdülqafir Abid Əfəndidir
3
(öl. 1946).
3
Cəlvətilik təriqətinin qurucusu Əziz Mahmud Hüdayi Həzrətlərinin adına Üsküdarda qurulmuş olan
Əziz Mahmud Hüdayi vəqfi fəaliyyətlərini bu gün də davam etdirir. "Qul din qardaşına kömək etdiyi
müddətdə Allah da qulunun köməkçisidir" hədisi-şərifi işığında bu vəqfin müxtəlif fəaliyyətləri hələ
də davam edir. Vəqfin ictimai xidmətlər və təhsil xidmətləri adı altında davam edən yardımları indiki
vaxtda bir çox adamın imdadına çatır.
« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
45
İctimai fəaliyyətlər. Ərzaq paylama vahidi. İstanbulun müxtəlif
səmtlərində yaşayan və vəqfin əməkdaşlarının müəyyən etdiyi 1500-dən çox
ailəyə vəqfin bu işə həvalə edilmiş vasitələri ilə hər ay nizamlı olaraq ərzaq
paylanırdı. 200-ə qədər ailəyə ərzaq yardımından əlavə nağd maddi yardım da
edilirdi.
Məişət xidmətləri: Hüdayi vəqfi quruluşundan bu yana vəqf sənədində
göstərildiyi kimi, Hüda həzrətlərinin vəqfinə uyğun olaraq, məscid külliyəsində
olan yeməkxanada hər gün təxminən 500 adama yemək verilirdi. Ramazan
ayında, mübarək gün və gecələrdə buradan verilən yeməklərin sayı 1000
nəfərlikdən çox olurdu.
- Səhiyyə: Fəqirlərin siyahısında qeyd olunmuş ailələrin xəstəxana
xidmətləri vəqf tərəfindən qarşılanır və dərmanları təmin edilirdi. Vəqf
ətrafında bəzi həkimlər vəqfin göndərdiyi xəstələri pulsuz müayinə edir, vəqf
tərəfindən bu xəstələrin dərmanları təmin edilirdi. Bir xüsusi xəstəxana
vəqfin xəstələrinə müəyyən imkanlar daxilində diaqnoz qoyub müalicə edirdi.
- Əşya hədiyyələri: Bağışlanan əşyalar möhtac kəslərlə verənlər arasında
əhəmiyyətli bir xidmət körpüsü vəzifəsini görürdü. Bu xeyriyyə ocağına
minlərlə cüt ayaqqabı, minlərlə geyim, çoxlu yanacaq və s yardımlar verilirdi.
Xalqının yaxın əlaqə və köməyi ilə reallaşan bu xidmətlərin daha da yayılması
üçün böyük səy sərf olurdu.
- Məscid xidmətləri: Vəqf məscid tikdirmək istəyən xeyriyyəçi şəxsləri
məscidə ehtiyacı olan bölgə insanları ilə qovuşdurub, çox sayda məscidin inşası
və təmirinə rəhbərlik edirdi. Bu xidmətlərdən başqa, könüllü bir təşkilat olaraq,
əhalisi və camaatı sıx olan İstanbul məscidlərində, təmiz bir mühitdə ibadət
imkanını təmin etmək üçün məscid xalçalarını yumaq üçün xüsusi xalça yuma
yeri qurulmuşdu. Ətrafdakı məscidlərin xalçalarının daima pulsuz yuyulmasını
təmin edən bu yer hər il təqribən 115 məscidə xidmət edirdi. Bundan başqa
vəqfdə əl əməyi olan məhsullar satılır və onların sahiblərinə maddi kömək
edilirdi. Bayramlarda xüsusi şənliklər təşkil olunur, fağır və yoxsullara xeyli
maddi yardım edilirdi. Vəqfdə həmçinin Quranı öyrənmək istəyənlər üçün
mədrəsə tipli kurslar təşkil olunurdu.
Yeri-yurdu olmayan tələbələrə qalmaq üçün yer və təqaüd verilirdi.
Elmlə məşğul olub elmini, irfanını daha da artırmaq istəyənlərə şərait
yaradılırdı və bu məqsədlə tədqiqat mərkəzinə bənzər bir mərkəz
formalaşdırılmışdı.
Nəticə
« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
46
İslam dünyasında təriqətlər kökləri daha qədimlərə dayanmaqla birlikdə
ilk olaraq XII əsrdən sonra görünməyə başlayır. Bunun ən vacib səbəbi bu
müddətdə ortaya çıxan ictimai ehtiyaclardır. Mövcud İslami qaydalar
cəmiyyətin müxtəlif təbəqələrinin problemlərinə lazımi səviyyədə cavab verə
bilmədiyi zaman əvvəl məzhəblər, bir neçə əsr sonra isə təriqətlər ictimai
həyatda meydana çıxmağa başlamışdır.
Cəlvətilik təriqəti Əziz Mahmud Hüdayi tərəfindən qurulmuş və çox qısa
zaman içində inkişaf etmişdir. Xüsusilə təriqət XVIII əsrdə İstanbul, Bursa,
Balıkəsr, Ədirnə və Balkanlarda çox sürətli inkişaf prosesinə malik olmuşdur.
Bu inkişafın nəticəsində onun nüfuzu xeyli artırmışdı. XVIII əsrdə bu təriqətə
mənsub şairlər yetişmiş və əsərlərinin çoxunu təsəvvüf sahəsində qələmə
alınmışlar. Hal-hazırda da onların əsərləri araşdırıcılar tərəfindən nəşr edilərək
elm dünyasına töhfə edilir.
Cəlvət halının Hz. Peyğəmbərin həyatında da qarşılığı mövcud olmuşdur.
Hz. Peyğəmbər (s.ə.s) vəhy gəlmədən əvvəl Hira dağında "xəlvət" halında idi.
Vəhyin gəlişi ilə birlikdə xalqın arasına qarışmış və peyğəmbərlik ilə birlikdə
"cəlvət" halına keçmişdir. Bu səbəbdən cəlvət xəlvətdən daha uca bir
mərtəbədir. Cəlvət, artıq qeyd etdiyimiz kimi, xalq arasında Haqq ilə birlikdə
olmaqdır. Cəlvətilik, Üftadə zamanında yüksəlmiş, Hüdayi ilə birlikdə zirvə
dövrünü yaşamışdır. Əziz Mahmud Hüdayi həyatda ikən on minlərlə İstanbulda,
ümumilikdə isə yüz minlərlə müridi vardı. Cəlvətiliyin ikinci mərkəzi sayılan
Bursa da həm Üftadənin nəvələri, həm də İsmayıl Haqqı kimi şeyxlər vasitəsiylə
nüfuzunu qoruyub saxlaya bilmişdir. Lakin cəlvətilik, Anadolu və Rumeli
xaricində çox da məşhur deyildir.
İstifadə olunmuş ədəbiyyat siyahısı
1.
Mustafa Kara, Tasavvuf ve Tarikatlar Tarihi, Dergah Yay., İstanbul, 1985, s.
191 vd
2.
Süleyman Uludağ, “Cəlvət.” (DİA), Cilt: VII, Türkiye Diyanet İslam
Ansiklopedisi Vakfı Yay., İstanbul, 1993, s. 273.
3.
Kuran-ı Kerim, Enfal, 8/17.
4.
Uludağ, age., s. 273.
5.
Eraydın, Selçuk, Tasavvuf ve Tarîkatler, Marifet Yay., İstanbul, 1981.
6.
Uludağ, age., s. 273.
7.
Mustafa Kara, Bursada Tarikatlar ve Tekkeler, Bursa, 1993, s. 143.
« Ş ə r q F ə l s ə f ə s i P r o b l e m l ə r i » B e y n ə l x a l q e l m i - n ə z ə r i j u r n a l
© B a k ı / № 1 . 2 0 1 4
47
8.
Ömer Başkan, “Halkı İrşad Çabasının Tefsire Yansımış Biçimi: Bursevinin
Ruhul-Beyanı ve Tefsir Yöntemine Dair Bir Değerlendirme”, Dinbilimleri
Akademik Araştırma Dergisi, VIII, Sayı: 3, Samsun, 2008, s. 134.
9.
Uludağ, age., s. 273.
10.
Kamil Yılmaz, “Cəlvət.” (DİA), Cilt: VII, Türkiye Diyanet İslam Ansiklopedisi
Vakfı Yay., İstanbul, 1993, s. 274.
11.
Yılmaz, Aziz Mahmud Hüdayi…, s. 226.
12.
Eraydın, age., s. 430.
13.
Mehmet Kanar, Arap Harfli Alfabetik Osmanlı Türkçesi Sözlüğü, Say Yay.,
İstanbul, 2010, s. 648.
14.
Kanar, age., s. 754.
15.
Eraydın, age., s. 429-430
16.
Yılmaz, Aziz Mahmud Hüdayi…, s. 185 vd.
17.
Eraydın, age., s.429-430.
18.
Yılmaz, Aziz Mahmud Hüdayi…, s. 203-222; www.ismailhakki.org. 15 Ekim
2011
19.
Yılmaz, Aziz Mahmud Hüdayi…, s. 216. 34 Eraydın, age., s. 429.
20.
Başkan, agm., s. 135.
21.
Muslu, age., s. 441; Yılmaz, Aziz Mahmud Hüdayi…, s. 239
22.
Muslu, age., s. 474; Yılmaz, Aziz Mahmud Hüdayi…, 235 vd.
23.
Muslu, age., s. 483; Yılmaz, Aziz Mahmud Hüdayi…, s. 242.
24.
Muslu, age., s. 486; Yılmaz, Aziz Mahmud Hüdayi…, s. 242-243
25.
http://www.hudayivakfi.org
Dostları ilə paylaş: |