Qədim dövr və orta əsrlər
Тarix və onun problemləri, № 1 2014
58
ZEYNƏB HATƏMZAD
BDU-nun doktorantı
E-mail: TarixVeOnunProblemleri@gmail.com
XVII-XVIII ƏSRIN ƏVVƏLLƏRINDƏ SƏFƏVI-FRANSA DÖVLƏTLƏRI
ARASINDA TICARI-IQTISADI ƏLAQƏLƏR
Açar sözlər: Səfəvilər dövrü-xarici siyasət-Fransa dövləti ilə münasibətlər-iqtisadi-ticari
əlaqələr
Ключевые слова: период сефевидов, взаимоотношения с Фракцией, торгово-
экономические связи
Keywords: safavids period, foreign policy, relations with France, economic and trade
relations
Uzun müddətli tənəzzüldən sonra XVII əsrin əvvəlində başlamış ümumi iqtisadi yüksəliş
şəhərlərin inkişafında öz əksini tapir. Təsadüfi deyildir ki, XVII əsr mənbələri əvvəlki əsrlərin
mənbələrinə nisbətən peşə-sənət sexləri haqqında daha çox danışır. Sexlər əvvəlkindən daha
çox rol oynayırdı. Sex ustanın peşəkarlığını müəyyən edir və qiymətləndirirdi: şagird, usta
yardımçısı (xəlifə) və usta kimi dərəcələr mövcud idi. Ustalıq dərəcəsi vermək adətləri də
mövcud idi. Sexlərin seçilmiş böyükləri vardı. Onlar seçilirdilər və şəhər hakimi adlandırılırdı.
Təzkirət əl-moluk məlumat verir: hər bir kvartal, hər bir kənd və hər bir sənət sexinin insanları
öz aralarında layiqli və etibarlı adamı təyin edir və ona şəhadət və məvacib verirlər. Naqibin
möhürü ilə bu sənədi kələntərə gətirirlər və ondan vəsiqə (təliqe) və seçilən fərd üçün geyim
alırlar və sonra həmin şəxs onların işləri ilə məşğul olmağa başlayır. Sex böyüyünün icazəsi
olmadan heç kim sənər emalatxanası aça bilmirdi. Sex ustalarının öz yığıncaqları olurdu. Hər
ilin ilk üç ayı şəhərin kələntəri öz evində bütün sex böyüklərini yığır və onlarla birlikdə ayrı-
ayrı sexlər arasında sənətə görə vergi məbləğini (buniçe) müəyyən edir. Bu qayda sexlərin
şəhər həyatında əhəmiyyətini artmasını göstərir. Mənbələrin verdiyi məlumatlara görə, (səl-
cuqlar və elxanilər dövrünə aid) o dövrdə maliyyə məmurları öz bildikləri kimi sənətkarları
vergilərlə yükləyirdilər və bu zaman sexlərlə məsləhətləşmir və onların fikrini nəzərə almır-
dılar. XVII əsrdə bəzi sexlər xəzinəyə naturada öz sənət məmulatlarının müəyyən bir hissəsini
çatdırırdılar, başqaları isə onun əvəzinə vergiləri pulla ödəyirdilər. Sexlər dərviş ordenləri
heydərilər və nemətullahlarla sıx əlaqədə idilər. Bu ordenlər XVI- XVIII əsrlərdə İranın
şəhərlərində böyük nüfuza malik idilər. (7, 165)
Fransız tacirlər XVII və XVIII əsrlərdə Fransanın Şərqi-hind şirkətinin ticarət mərkəzlə-
rini fəaliyyətə gətirmək üçün Bəsrə və Bəndər-Abbas limanına daxil oldular. 1623-cü ildən
Karams dini təbliğatçılar Bəsrədə məskunlaşdılar. Tavernye 1639-cu ildə Fars körfəzinə səfər
etdi və Fransanın siyasi orqanlarına körfəz haqqında bir sıra məlumatlar verdi. Kolber XIV
Luinin naziri 1665-ci ildə ticarət şirkəti təsis etdi və Bəndər-Abbasda bir emalatxana yaratdı.
1669-cu ildə Fransanın Şərqi-hind şirkətinin üç gəmisi ilk dəfə olaraq Fars körfəzinə daxil
oldular, 1674-cü ildə Peti Delakrua XIV Luinin rəsmi fərmanına görə rahiblərin Bəsrədə
hamisi və Fransa konsulu oldu və ömrünün sonuna qədər orada qaldı və 1741-ci ildə elə orada
da vəfat etdi.
Fransanın Fars körfəzində dini, ticari və konsulluq fəaliyyəti iki yüz ildən artıq davam
etdi. Bəndər- Abbasın ticarət mərkəzi də XVII və XVIII əsrlərdə fəal idi,lakin 1770-ci ildən
Fransa şirkəti əfqan üsyançılarının hücumu ilə bağlı olaraq dağıldı. Fransızların İranda fəaliy-
Qədim dövr və orta əsrlər
Тarix və onun problemləri, № 1 2014
59
yətləri davam edirdi, belə ki, fransız dini təbliğatçılar və tacirlər İsfahan, Şiraz və Bağdada
qədər irəlilədilər. Onların gəmiçilik mərkəzləri Böyük Fransa inqilabına qədər Bəsrədə və
Bəndər-Abbasda qaldı. 1759-cu ildə Kont d”Eten dörd Niderland gəmisi Fars körfəzinə hü-
cum etdi və İngiltərənin Bəndər-Abbasda ticarət mərkəzini işğal etdi.
Səfəvilər dövləti süquta uğramamışdan əvvəl bir neçə fransız heyəti yeni ticarət əlaqələri
qurmaq məqsədilə İrana gəldi. Bu heyətlərdən biri Berlandirin rəhbərliyi ilə müəyyən
müqavilələr imzalamağa nail oldu. Səfəvilər dövlətinin süqutu bir müddət ölkənin xarici
ticarətini durğunluğa uğratdı. 1789-cu ildə Fransa inqilabı başladığı zaman dünyada vəziyyət
dəyişdi. Fransız qüvvələr Misiri işğal edə bildilər və sonra Napaleon Bonapart Fars körfəzi və
Oman dənizi vasitəsilə Hindistana qoşun çəkməyə çalışdı. Fransa qarşısında Avropa ölkələ-
rinin düzülüşünü nəzərə alaraq o bu hədəfə çata bilmədi, lakin Məsqətlə dost münasibətlər
qura bildi və bu münasibətlər bir il davam etdi. (8, 104)
İran sarayına XIX əsrin əvvəllərindən MehdiƏli xan Xorasaninin daxil olması ilə özünə
cəlb etməyə nail olan ingilislər 1800-cü ildə ser Con Malkomu Tehrana göndərməklə müqa-
vilə imzalamağa nail oldular. Bu müqaviləyə əsasən fransızlar və ya əfqanlar İrana hücum
edəcəkləri təqdirdə İngiltərə İrana kömək edəcəkdi. Bu müqavilənin maddələrindən birinə
əsasən İran və İngiltərə öz öhdələrinə götürürdülər ki, Fransa donanması Fars körfəzinə daxil
olduqda və ya Fransa ordusu İranın limanlarından birində düşdükdə fransızları dəf etmək üçün
tədbir görsünlər. Lord Minto, Hindistanın baş komandanı həmin məsələni 1808-ci ildə Con
Malkom üçün bəyan etdi. İranda qarşıda qoyulan məsələlərdən biri fransızları İrandan çıxart-
maq və onlar tərəfindən Fars körfəzində adalar, limanlar və ya dayanacaq yaradılmasına mane
olmaqdır. (8, 105)
Fransızlar 1880-ci ildən çalışdılar ki, yenə Fars körfəzinə yaxınlaşmaq üçün addım
atsınlar. Onlar Bəsrə və Xürrəmşəhrdə ticarət mərkəzlərini təsis emək üçün 1880, 1882, 1883-
cü ildə müəyyən addımlar atdılar, lakin nəticə əldə edə bilmədilər.
Fransa 1884-cü ildə özünün ilk qənd məhsulunu Fars körfəzinin bazarına təqdim etdi.
Fransa qəndinə tələbat böyük oldu və o, Almaniya və Belçika qəndinə rəqib oldu. Fransa gə-
miləri Fars körfəzində qənd daşınması ilə məşğul olmağa başladılar (dörd dəfə 1886-cı ildə,
bir dəfə 1889-cu ildə, iki dəfə 1890-cı ildə). Məsələn, 1889-cu ilin dekabrında 14020 kisə
Buşəhrə və 11000 kisə qənd Bəsrəyə daşındı. Fars körfəzində Fransa qənd ticarətinin canlan-
ması ona gətirib çıxartdı ki, fransızlar Buşəhri abadlıq baxımdan genişləndirmək qərarına
gəldilər. (8, 106)
Fransız tacirlər Buşəhr və Bəndər-Abbasda ticarət mərkəzi təsis etdilər. Bununla yanaşı,
1895-ci ildə dəniz sərnişin və yükdaşıma şirkəti yaratdılar. Bu şirkət Bombey, Bəsrə və İranın
bütün limanları arasında aylıq dəniz xidməti təşkil etmək niyyətində idi. Bu gəmiçilik xidməti
öz işində uğurlu olmadı və fransız gəmi şirkət sahibləri Fars körfəzində fəaliyyət göstərmək
ümidini itirdilər. Vadala Fransanın Bəsrədə konsul müavini yazır: Lakin dörd Fransa hərbi
gəmisi 1900, 1903 və 1908-ci illərdə Fars körfəzinin bütün limanlarını gəzdi və əhali tərəfin-
dən qarşılandı. (6, 76)
Jozef Braso Fransa fabrikantları tərəfindən Buşəhrdə bir ticarət bürosu və bir məktəb
təsis etdi. Lakin onun ölümündən sonra bu mərkəzlərin fəaliyyəti dayandı. Fransa dövləti
1899-cu ildə bu şəhərdə öz konsulluğunu yaratdı. Fransa dövləti Culfada Buşəhrin 10
kilometrliyində iki böyük binadan ibarət geniş bir mülk aldı və Fransa nümayəndəliyi bu
binada məskunlaşdı. Bir konsulluq bürosu Şirazda və biri də Bəndər- Ləngedə təsis edildi.
Bəndər-Lənge konsulluğun nümayəndəliyi çox tez fəaliyyətini dayandırdı, lakin Bəsrə konsul-
luğu hələ də fəaliyyət göstərirdi. Fransa arxeoloqları Şuşda arxeoloji qazıntılar apardıqları
zaman öz tapıntılarını Buşəhr yolu ilə Fransaya göndərirdilər. Qeyd etmək lazımdır ki, bir sıra
Qədim dövr və orta əsrlər
Тarix və onun problemləri, № 1 2014
60
görkəmli şəxsiyyətlər Fars körfəzinə səfər etmişlər ki, onların arasında Diyolafua, Perboti,
Desko və bir neçə Fransa şahzadəsinin adını çəkmək olar.
Onlar ingilis buxar gəmiləri ilə Fars körfəzinə qənd və şəkər daxil edirdilər və bu dövrdə
Fars körfəzi limanları canlanmışdı.
XVII və XVIII əsrlərdə Fransanın Fars körfəzində yalnız bir konsulu vardı və İngiltərə-
nin gəmilərinin çoxu bu ölkənin ticarət mallarını Fars körfəzi limanlarına daşıyırdılar. Bundan
əlavə, fransız tacirlər mirvari allmaq üçün Bəhreyn və Dubaya gedirdilər. XIX əsrdə Şiraz,
Xürrəmşəhr, Bəndər-Abbas və Bəsrə şəhərlərində Fransa konsulluqları yaradıldı və ticarət
işlərini qaydaya saldılar. (8, 107)
Fransız tacirlər Bəndər-Abbasa qənd, şərab, mis və müxtəlif boyalar idxal edirdilər.
Fransanın Bəndər-Ləngeyə ixrac etdiyi mal bir miqdar sabun idi. Fransanın Buşəhrə ixrac
etdiyi mallar ibarət idi: şərab növləri, konyak, zeytun yağı, kəllə qənd, bir neçə geyim növü,
mis, nikel, yun parça, ipək parça, tül, mebel, yazı ləvazimatı, ətrlər, dəri məmulatları, çin
malları, sabun. Fransa Buşəhrdən badam, püstə, xalça alırdı.
Birinci Dünya müharibəsindən əvvəlki dövrə qədər Fransa Fars körfəzinə elə də diqqət
ayırmırdı, öz ticarət mallarının böyük hissəsini ingilis gəmiləri ilə limanlara göndərirdi və
ticarət işlərini xristian, yəhudi və məntəqənin yerli cəmiyyətləri vasitəsilə idarə edirdi.
Tədqiqatlar göstərir ki, Fransa İngiltərə, Hindistan və bir sıra başqa Avropa ölkələri ilə müqa-
yisədə bu limanlara daha az idxal-ixracat malları gətiridi. Baxmayaraq ki, bu ölkənin Qırmıızı
dəniz və İsveç kanalı boyunca iştirakını daha ciddi qiymətləndirmək olar.
1668-ci ildən, yəni fransızlar Hindistanın Surat limanında məskunlaşdıqdan sonrakı
dövrdən başlayaraq Fars körfəzi ilə ticarət etmək fikrinə düşdülər. Karmes təbliğatçıları 1669-
cu ildə Fransa şirkətinin üç keşişinin Bəsrəyə daxil olmasından xəbər verir. Bəsrə Osmanlı
türklərinin işğalında idi və onlar xristian rahiblərini sıxışdırırdılar.
Fransa dövləti 1736-cı ildə Karmes təriqətindən olan konsulu kənarlaşdırmaqla Jok
Dömartenvili konsul təyin etdi. O, 1739-cu ildə Bəsrəyə gəldi və o ildən 1941-ci ilə qədər altı
Fransa gəmisi Bəsrəyə daxil oldu və ticarət mallarını yerbəyer etdilər.
1741-ci ildən 1745-ci ilə qədər Qus Fransanın Şərqi hind şirkətinin konsul və nüma-
yəndəsi Bəsrədə olmuşdu. 1770-ci ildə bu şirkət fəaliyyətini dayandırdı və o tarixdən başla-
yaraq sonrakı dövrlərdə Fransanın Bəsrədəki konsulluqları bilavasitə Marseyin ticarət otağı,
Parisin xarici işlər nazirliyi və gəmiçilik nazirliyi ilə təmas qururdu.
Qus 1743-cü ilin 8 mayından 1745-ci ilin 15 iyuluna qədər Fransanın Bəsrədə rəsmi
konsulu oldu. Bu müddət əərzində Bəsrədə bir sıra müharibələr baş verdi və bu liman üç ay
iranlıların mühasirəsində qaldı. (8, 112-113)
Martino yazır: Biz heç vaxt Bəndər-Abbasda açıq ticarətxananın yaradılması və onun
gizli siyasi təşkilata çevrilməsi fikrində olmamışıq. Biz bu ölkəyə ticari işlər həyata keçirmək
məqsədilə gəlmişik. Bizim heç vaxt başqa bir fikrimiz olmayıb. (8, 113)
Portuqallar, ingilislər və hollandlarla yanaşı, fransızlar da Bəndər-Abbasda bir ticarət
mərkəzi yaratdılar və bu ticarət mərkəzi 1722-ci ilə qədər fəaliyyət göstərdi. Vadala Dupleksə
istinadən yazır ki, şirkət 1727-ci ildə Bəndər-Abbasda idarəyə malik idi və onun vasitəsilə
ticarət mallarını Hindistanın Şander Naqurundan bu limana daşıyırdı. Onun sözlərinə görə,
1736-cı ildə Omon fransızların ticarət mərkəzini yaratmaq vəzifəsini aldı. O, üç il sonra
Bəsrədə vəfat etdi, lakin Fransa şirkətinin gəmiləri İranla bağladıqları müqavilələrə əsasən
fəaliyyətdə idilər. Şander Naqorda şirkətin müşaviri 1738-ci ildə həmin səyləri davam etdirdi
və iki nəfər fransız Bəndər-Abbasda məskunlaşdı. Bəsrədə yerləşən Martenvil şirkətin işlərini
Bəndər-Abbasda davam etdirdi. Tenvil 1740-cı ildə hollandların siyasi rəqabətləri və iranlı-
ların təsiri səbəbindən şirkətin Bəndər-Abbasda fəaliyyətini dayandırdı. Bir müddət sonra o,
Qədim dövr və orta əsrlər
Тarix və onun problemləri, № 1 2014
61
işləri Duplesisə təhvil verdi. Onun iranlılarla münasibətlərdə çətinliyi yarandı. Nadir şah
ondan İran dəniz donanmasının yaradılması üçün Bəndər-Abbasda dülgərlik emalatxanalarının
yaratmasının istəmişdi, lakin Sis şirkətdən belə bir göstəriş almışdı ki, Kermandan yun
almaqdan savayı heç bir iş görməsin. Nəticədə 1743-cü ildə limanı tərk etməyə məcbur oldu.
Artıq qeyd edildiyi kimi, Fransa dövləti I Fransuanın dövründən Asiyada müstəmləkələr
əldə etmək, şərqdə ticarətini genişləndirmək və nəhayət, Hindistana çatmaq üçün Səfəvi və
Osmanlı imperiyaları vasitəsilə yol açdı. Bu məqsədlə Babe Ali ilə müqavilələr bağladı və
Aralıq dənizində donanmasını gücləndirdi. Lakin bu yol təsəvvür olunduğu kimi onun
məqsədlərini təmin etmədi və Səfəvi şahları və Osmanlı sultanları arasında siyasi rəqabətlər və
hərbi çəkişmələr daim Fransa tacirlərinin asanlıqla şərq və qərb arasında səfərləri və mallarını
rahatlıqla ünvana çatdıra bilmələrinə mane olurdu. Buna görə də fransızlar da başqaları kimi
Omid-e Nik boğazını seçməyə məcbur oldular və onların bir neçə gəmisi müxtəlif illər ərzində
Hind dənizinə çatdı, lakin burada da rahatlıq tapa bilmədilər, belə ki, onlar öz hüquqlarını
müdafiə edən asiyalı yerlilərin etirazlarından əlavə onlardan əvvəl Asiyaya gəlmiş və bir sıra
bazar və torpaqları işğal etmiş portuqal, ispan, holland və ingilislər kimi avropalıların rəqabəti
və düşmənçiliyi ilə qarşılaşdılar. Təbiidir ki, əgər Fransa dövlətini himayəsi olmasaydı, yəqin
ki bir qrup səyahətçi və tacir mühüm bir iş görə və Fransanın müstəmləkə siyasətində böyük
rol oynaya bilməzdi. IV Henri öz siyasi və iqtisadi məqsədlərini həyata keçirtmək üçün ticarət
şirkəti yaratmış bu dəstənin himayəsini öz öhdəsinə götürdü və 1 iyun 1604-cü il fərmanına
görə Hindistanla ticarət inhisar və imtiyazını 15 il müddətinə həmin şirkətə həvalə etdi. Lakin
bu imtiyaz və inhisardan heç vaxt istifadə edilmədi, çünki dəniz ticarəti üçün Fransanın
ixtiyarında kifayət qədər gəmi, dənizçi və başqa vasitələr yox idi və qonşuları, yəni hollandlar
və ispanlar özlərini onun siyasi və ticari rəqibi hesab edirdilər və nəinki yalnız onunla əmək-
daşlıq etmək istəmirdilər, həm də Fransa nümayəndələrinin şərqdə fəaliyyətinə qarşı çıxır və
kəskin şəkildə onlara mane olurdular. (7, 178)
XIII Luinin dövründə Şərqdə Fransanın siyasi və iqtisadi cəhətdən bütün problemləri və
fəaliyyəti ilə yaxşı tanış olan və avropalıların bir-birinə münasibətdə qısqanclıq, onların
Hindistan ticari şirkətlərinin tamahkarlığı, nümayəndələrinin asiyalı yerlilərlə xoşagəlməz
rəftarından xəbərdar olan kardinal Rişelye Hollandiya və İspaniya qüdrətinin məhv edilməsi
və Avropanın müxtəlif məmləkətlərində Avstriya səltənətinin sahiblərindən hər birinin
hakimiyyətinə qarşı çıxmaqdan ibarət olan əsas siyasətinin bir hissəsini Avropadan Asiyaya
yönəltmək və əhalinin avropalı istismarçılardan narazılığından istifadə etməklə özündən
əvvəlkilərin həyata keçirə bilmədikləri planı, yəni Fransa üçün şərqdə baza yaratsınlar – o, bir
qrup keşişin dini təbliğat adı altında köməyi ilə həyata keçirtmək qərarına gəldi. Kardinal
Rişelye çox yaxşı bilirdi ki, avropalıların Asiyada qüdrəti və nüfuzunu məhv etmək üçün Fars
körfəzi ətrafında bir neçə ərəb əmiri və hind gücü yetərli deyil və onların vasitəsilə İngiltərə
və Hollandiya dəniz qüvvələrini və o dövrdə Portuqaliya donanması ilə bir olan İspaniyanın
məğlubedilməz donanmasını Hind dənizində məğlub etmək qeyri-mümkün idi. Deməli,
kifayət qədər gücü və qoşunu ilə qalxıb Fransanın rəqiblərinin öhdəsindən gələ biləcək güclü
bir dövlət axtarmaq lazım idi. Bu dövrdə Asiyada iki qüdrətli dövlət mövcud idi: biri Fransa
dövləti ilə dostluq münasibətlərində olan Osmanlı dövləti – lakin öz şərq ərazilərinin böyük
bir hissəsində Səfəvilər tərəfindən hücuma məruz qalan – Osmanlı dövləti Avropa dövlətləri
ilə ixtilaflara girib özünə yeni problem yaratmaq istəmirdi, digər tərəfdən, hind dənizində
gəmiçilik ticari və nəhayət siyasi məsələlərə daha az diqqət yetiridi və şərqdən qərbə və əksinə
Osmanlı imperiyası yolu ilə daşınan mallardan nisbətən ağır keçid maliyyəsinin əldə etməsi ilə
qane olurdu. O biri dövlət isə Fransa ilə heç bir əlaqəsi olmayan Səfəvilər idi. Bu dövlət
Böyük Şah Abbasın peşəkarlığı, ağılı və səyləri ilə Gürcüstan, Qafqaz dövlətləri, Azərbaycan,
Qədim dövr və orta əsrlər
Тarix və onun problemləri, № 1 2014
62
Kürdüstan, Bağdad, Mosul, Diyarbəkr və başqa yerləri türklərdən geri almışdı vı özbəkləri
Xorasandan qovmuşdu və çalışırdı ki, öz nüfuz və qüdrətini və xüsusulə xarici ticarətini
dənizlərin o biri sahillərinə qədər genişləndirsin. Ədviyyat və hind mallarının Fars körfəzində
bazarı, Səfəvilərin ixrac mallarının Hindistana alış-verişinin bir qrup avropalı tacirin əlində
olması və bir qrup portuqal bir neçə gəmi və dənizçi ilə yalnız Səfəvi və Hindistanın ticarət
mənafelərinin çoxundan faydalanmaması, həm də Səfəvi ərazilərinin bir hissəsi, yəni Hörmüz
adasını Fars körfəzində öz işlərini görmək üçün işğal etməsi, Osmanlı imperiyasını lərzəyə
salan bir ölkəyə hədə-qorxu gəlməsi, onun tacirlərini öz mallarını ucuz qiymətə satmağa
məcbur etməsi, onların mallarını baha qiymətə almağa vadar etməsini görmək həqiqətən də
Şah Abbas üçün dözülməz idi. Bu onun üçün həqiqətən ağır idi ki, avropalı tacirlər Fars
körfəzi vasitəsilə Səfəvilərlə ticarətə sövq etmək üçün Gilan ipəyini Səfəvilərin cənub
limanlarında Aralıq dənizi limanlarına nisbətən daha ucuz satırdılar, müharibə dövründə Os-
manlılar ümumiyyətlə səfəvi mallarının ölkələrindən keçmələrinə mane olurdular, sülh bağ-
landığı dövrdə də o qədər ağır maliyyə və qaydalar var idi ki, bəzi malların qiyməti həqiqi
qiymətindən iki-üç dəfə baha başa gəlirdi. Türklərə qarşı Avropa dövlətlərinin hərbi, xüsusilə
dəniz qüvvələrinin əhəmiyyəti və qərbin günbəgün inkişaf edən elminə yaxşı bələd olan Şah
Abbas daim istəyirdi ki, avropalılarla əlaqələrini genişləndirib Rusiya və ya Qara dəniz yolu
ilə Avropaya yeni yol açsın ki, daha Səfəvilərin ticarət malları Osmanlı imperiyasından
keçmək məcburiyyətində qalmasın. Bundan əlavə, elə bir mövqeyə malik olmaq istəyirdi ki,
portuqalları Səfəvi torpaqlarından qovub xaricilərin Fars körfəzində hər cür zorakılığına son
qoysun. Lakin bu tədbirləri həyata keçirmək üçün təchiz edilmiş güclü dəniz qüvvəsinə malik
olmaq lazım idi, amma o dövrdə təəssüf ki, Səfəvilərin belə bir gücü yox idi və Şah Abbas
avropalıların düşmənçiliyi və bir-birinə qarşı qısqanclıq və rəqabətindən istifadə edərək
onların gəmilərinin köməyi ilə Səfəvi mallarını dünyanın ən uzaq bölgələrinə ixrac etməyi
nəzərdə tuturdu. İstəyirdi ki, Hörmüz adasını portuqal qəsbkarlarından alsın və öz planlarını
həyata keçirtmək üçün onları bir-birinə qarşı qoysun. Bu məqsədlə Şah Abbas adətən Avropa
millətlərinin nümayəndələrini böyük məmnuniyyətlə qəbul edirdi və hər birinə xüsusi
imtiyazlar verirdi. Onları bu ərazilərdə ticarətlə məşğul olmağa, məskunlaşmağa sövq edirdi.
Ruhanilərin, xüsusilə xristian keşişlərin xalq arasında və Avropa saraylarında siyasi və mənəvi
nüfuzundan xəbərdar olduğu üçün onların hansı millət və təriqətdən olmasından asılı olmaya-
raq böyük hörmətlə qəbul edirdi və ölkənin müxtəlif bölgələrində onlara yer verirdi. (3, 123)
Bundan əlavə, müxtəlif fərmanlar əsasında hər bir qrupa maddi və mənəvi yardımlar edib
onlara dini mərasimlərin icra olunmasında azadlıq verirdi. Şah Abbasın bu ağıllı siyasəti və
onun hakimiyyəti dövründə bərqərar olmuş tam təhlükəsizlik, bir tərəfdən, o dövrdə başqa
dövlətlərdə az görünən misilsiz azadlıq və maddi mənafelər digər tərəfdən xariciləri bu ölkəyə
cəlb edir və onları maraqlandırırdı və bütün bunlar avropalıların dəstə dəstə bura üz tutmasına
səbəb oldu. Hər bir millətin nümayəndələri daha çox gəlir və imtiyazlar qazanmaq üçün bir-
birinin ətrafında birləşib öz rəqibləri qarşısında müqavimət göstərə bilmələri üçün öz
dövlətlərindən himayə istəmək qərarına gəldilər. Nəticədə tədricən fərdlərin və ya şirkətlərin
şəxsi və ya ticari əlaqələri (Səfəvilərlə) siyasi forma və xarakter aldı və hər bir millətin
nümayəndələri çalışırdılar ki, öz məmləkətlərinin siyasətinin icraçısı olub şahın diqqətini cəlb
etməklə daha böyük nüfuz və güc əldə etsinlər. Digər tərəfdən, Şah Abbasın şərq və qərbdə
işğallarının şöhrəti Osmanlı sultanlarının zorakılığından cana gəlmiş Avropa padşahlarının
Səfəvilərlə siyasi əlaqələr qurmağa, onların ümumi siyasətinə qarşı olmasına baxmayaraq, Şah
Abbasın istədiyini həyata keçirtməyə təhrik edirdi. Belə ki, 1622-ci ildə ingilislər portuqallar
və İspaniya sarayı ilə saxladıqları dost münasibətlərlə Şah Abbasın diqqətini çəkmək və
Səfəvilər dövlətində öz mənafelərini qorumaq üçün öz gəmiləri ilə Hörmüz adasını geri almaq
Qədim dövr və orta əsrlər
Тarix və onun problemləri, № 1 2014
63
məqsədilə Səfəvi qoşunlarının portuqallarla apardığı dəniz müharibəsində iştirak etdilər. Bu
müharibədə Səfəvi qoşunu qalib gəldi və portuqalları Hörmüz adasından qova bildi (7, 180)
Şah Abbas portuqalları Hörmüz adasından çıxartmaqdan ibarət olan birinci məqsədinə
çatdıqdan sonra ikinci məqsəd, yəni Avropaya Rusiya və ya Qara dəniz vasitəsilə yeni yol
açmaq fikrinə düşdü. Bu dövrdə Gürcüstan və bütün Qafqaz Səfəvilərin tabeliyində idi və
Xəzər dənizi, Qara dəniz, Volqa çayı və nəhayət Rusiyaya çatmaq çox asan görünürdü. Digər
tərəfdən, iranlı, rus, ingilis, polşa, alman və başqa yerlərdən olan tacirlər Səfəvilər dövlətini
şimal tərəfdən Avropaya birləşdirən bütün yollardan keçib hər biri haqqında kifayət qədər
məlumat təqdim etmişdilər. Buna görə də Səfəvi tacirləri və xüsusilə dünyanın ən uzaq
bölgələri ilə əlaqəsi olan və daim mal idxal və ixrac edən erməni tacirlər üçün şimal tərəfdən
Avropaya bir yol açmaq çətin deyildi. Lakin Şah Abbas dünyəvi siyasət baxımından bu yolun
xüsusi və yalnız Səfəvilərə məxsus olmasındansa ümumi və beynəlxalq olmasını tərcih edirdi
və beləliklə, başqa millətləri də bu işə daxil etmək niyyətində idi. Lakin Avropa dövlətlərinin
dəniz qüvvələri və ingilislər, hollandlar, ispanların Hind dənizi və Səfəvilər dövlətində siyasi
və ticari rəqabətlərinə dair məlumatı ilə güclərin balansını qorumaq nəzərindən qeyd edilən üç
millətin Fars körfəzi və Asiyanın cənubunda olmasını lazım bilirdi və şimal yollarının ticarə-
tini də onlara həvalə etmək istəmirdi, əksinə lazım gəldikdə şimal yolları vasitəsilə aparılması
üçün cənub ticarətini də həvalə edə biləcəyi yeni bir rəqib axtarmağa meylli idi. Bu məqsədlə
Şah Abbasın diqqəti fransızlara tərəf yönəldi, belə ki, Fransa səlib müharibələri dövründən
hərbi gücü və maddi sərvəti baxımından şərqdə çox məşhur idi. Keşişlərin Papa hakimiyyətinə
göstərdiyi yaxınlıq və dini etiqadlar baxımından dinin siyasətə hökm etdiyi bir dövrdə çox
əhəmiyyətli idi. Bunlardan da ən önəmlisi o idi ki, Fransa Avropada Osmanlı sultanları ilə
dost münasibətdə olan bəlkə də yeganə dövlət idi. Əgər ticari və siyasi mənafelər xatirinə
Səfəvilərlə yaxınlaşsaydı, çarəsiz türkləri tək qoymalı idi və bu hadisə Şah Abbasın xarici
siyasətində böyük bir uğur hesab edilərdi.
Belə bir planı həyata keçirtmək üçün Şah Abbas Səfəvilərin xaricilərə düzgün təqdim
edilməsinə və fransızlara ehtiram və himayədarlığa əsaslanan ağıllı siyasətin kölgəsində
Fransanın siyasətçiləri, xüsusulə tacirlərinin maraqlarını Səfəvilərə tərəf cəlb etməyə nail oldu,
belə ki, bir müddətdən sonra bir qrup Fransa dövlətini Səfəvilərlə siyasi və ticari əlaqələr
saxlamadığına görə tənqid etdilər və bəziləri daha irəli gedərək sual etdilər ki, Fransa daim
xristianlıq dünyasının düşməni olmuş və hal-hazırda da bütün Avropa millətlərinin nifrətini
qazanmış Osmanlı imperiyası ilə dostluqdan nə qazanacaq. Yaxşı olmazdı ki, Osmanlılardan
ayrılıb qüdrət və sərvətin mərkəzi və xristianların himayədarı olan qüdrətli Səfəvi imperiyası
ilə dostluq əlaqələri yaratsın. Bir neçə nəfər də gizlində Səfəvilərin böyükləri və siyasi
nümayəndələri ilə qeyri-rəsmi müzakirələrə girdilər və Fransa və Səfəvi dövlətləri arasında
dostluq müqaviləsinin bağlanması və Osmanlı sultanına qarşı ittifaqla bağlı öz addımları
haqqında məlumatları və Səfəvilərin təkliflərini XIII Luinin sarayına göndərdilər. (7, 182)
Yuxarıdakı məlumatlar və dünyanın müxtəlif bölgələrindən şəxslər və xüsusilə katolik
keşişləri vasitəsilə əldə etdiyi siyasi xəbərlər nəticəsində Kardinal Rişelye vəziyyətlə tamamilə
tanış idi. O istəmirdi ki, Səfəvilərlə siyasi əlaqələrin qurulmasından gözlənilə bilən mənafelər
ümidi ilə illər boyu Aralıq dənizində fransızların gəmiçiliyinin üstünlüyünü təmin edən
Osmanlı ilə Fransa arasında dostluqdan keçsin. Digər tərəfdən, Səfəvilərin hərbi, siyasi,
iqtisadi və nəhayət xarici ticarət –şərqdə Osmanlılara nisbətən üstünlüyünü inkar edə bilmirdi.
Bununla yanaşı, açıq-aydın görürdü ki, Səfəvilər tərəfindən Hörmüz adası işğal olunduqdan və
portuqallar Fars körfəzindən çıxdıqdan sonra tədricən qüdrət Fars körfəzi və Hind dənizində
portuqal və ispanlardan ingilis və hollandlara keçir və Fransa bazası və onu müdafiə edə
biləcək qüvvələr olmadığından yenə burada paysız qalırdı. Bu dövrdə də Aralıq dənizində gə-
Qədim dövr və orta əsrlər
Тarix və onun problemləri, № 1 2014
64
miçilik dəniz oğrularının sayı artdığından Osmanlı imperiyasında ticarət yollarda təhlükəsizlik
olmadığından çətinliklə qarşı-qarşıya idi. Fransızlar şərqə gedən başqa bir yol axtarışında
idilər. Lakin Səfəvi hökuməti təklif edirdi ki, fransız tacirlər Aralıq dənizindəki gəmilər və
Osmanlı imperiyasından keçmək əvəzinə Rusiya yolunu seçsinlər və mallarını Xəzər dənizi
vasitəsilə Həştərxana aparlb oradan Volqa və Don çayları vasitəsilə Sanmişelə çatdırsınlar və
qayıdanda da həmin yollardan istifadə etsinlər. Lakin Kardinal Rişelyenin fikrincə, sonuncu
yol daha üstün idi, belə ki, birincisi, bu yol daha yaxın idi, ikincisi, şimal dənizinə çatmaq
üçün Danimarkadan keçirdi və beləliklə, Fransa bu ölkə ilə daimi dostluq münasibəti qurub
onun köməyi ilə Avropanın şimal ölkələrində və dənizlərdə İspaniya və Hollandiya ilə rəqabət
apara bilərdi və Avstriya hakimiyyətinin narahatlığına səbəb ola bilərdi.
ƏDƏBİYYAT
1.Əfəndiyev O., Azərbaycan Səfəvilər dövləti, Bakı, Şərq-Qərb, 2007, 342 s.
2.Vilayəti Əli Əkbər, Şah İsmayıl Səfəvi dövründə İranın xarici əlaqələr tarixi, Bakı, 1998.
3.Buşəhri İ.N. İran və Xəlic-e Fars. Tehran
4.Buşəhri İ.N. Nəzəri be İran və Xəlic-e Fars, Tehran
5.Buşəhri İ.N. Felat-e qarre və cəzayer-e Xəlic-e Fars, Tehran, 1338.
6.Xocəste M. Bəhreyn dər do qərn-e əxir. Şiraz, 1338.
7.Seyfəddin Qayemməqami, Rəvabet-e mənəvi və siyasi-ye iran və fəranse, celd-e əvvəl,
Tehran, 1349. 272.
8.Məsud Moradi, Fəranse və xəlice fars, s. 97-121, Tarixe rəvabete xareci, № 171, Theran,
1373, 216 s.
9.Nəsrulla Fəlsəfi, Siyasət-e xareci-ye iran dər douran-e səfəviyye, Tehran, 1342, 320 s.
ЗЕЙНАБ ХАТЕМЗАД
Докторант БГУ
Религиозная, торговая и консульская деятельность Франции в Персидском заливе
длилась более 200 лет. Торговый центр Бaндaр Аббаса в 17-18 веках был активным.
Однако, в 1770 году, после нападения афганских повстанцев, французская компания
была развалена. Но деятельность французов в Иране продолжалась.
ZEYNAB HATEMZAD
PhD student of BSU
Religious, commercial and consular activities of France in the Persian Gulf lasted more
than 200 years. In XVII-XVIII centuries Bandar Abbas’ trade center was active. However, in
1770, after the attack of Afghan rebels, the French company was ruined. But the activity of the
French in Iran continued.
Rəyçilər: t.e.d. İ.M.Məmmədov, t.e.d. Q.Ə.Əliyev
BDU-nun Türk xalqlarının tarixi kafedrasının 31 yanvar 2014-cü il tarixli iclasının
qərarı ilə çapa məsləhət görülmüşdür (pr.№5).
Dostları ilə paylaş: |