Temperaturun tənzimi
İnsan və ali heyvanların bədən temperaturu müəyyən müddətə optimal
səviyyəsindən kənara çıxması yol verilən plastik konstantalardan biridir. Bədən
temperaturu müxtəlif toxuma fermentlərinin fəaliyyəti ilə şərtləşdirilən orqanizmin
həyat fəaliyyətinin optimal səviyyəsini təmin edir. İnsan bədəninin ayrı-ayrı
hissələrində temperaturun optimal səviyyəsi 35-39 dərəcə arasında tərəddüd edir.
Bu göstəricinin bu və ya digər tərəfə uzun müddətli dəyişilməsi normal həyat
fəaliyyəti proseslərini əhəmiyyətli dərəcədə pozur.
Bədənin temperatur göstəricilərinin qiymətinə görə
normotermiya,hipotermiya(25-34 dərəcə)və hipertermiya(43 dərəcə ayırd olunur).
Homoyotermiya(homeotermiya). Ali heyvanlar və insan bədən temperaturunu
metobolik proseslərin optimal gedişi üçün lazım olan çərçivədə saxlamaq
qabiliyyətinə malikdirlər. Bu xüsusiyyət homoyotermiya adlanır. Bədən
temperaturunun sabitliyini saxlaya bilən canlılar homoyotermik adlanırlar.
Poykilotermiya. Elə heyvanlar var ki,onlar bədən
temperaturunun sabitliyini
saxlaya bilmirlər. Onların bədən temperaturu daim ətraf mühitin temperaturundan
asılı olur. Belə heyvanlar poylikotermik adlanırlar. Poylikotermiklərə balıqlar,suda-
quruda yaşayanlar-sürünənlər aiddirlər.
Heterotermiya. Aralıq qrup heyvanlar-heterotermdir.
Belə heyvanlar fakultativ
homoyo- və poykilotermiya nümayiş etdirirlər. Məsələn,yarasa uçuş zamanı
homoyotermiya,lakin otağda vertikal asılmış vəziyyətdə olduqda-poykilotermiya
qabiliyyətinə malikdir. Qış yuxusuna gedən heyvanlar qış yuxusu zamanı fakultativ
poykilotermiya göstərirlər.
Temperaturun tənzimi adaptiv reaksiya kimi. Termotənzimin göstərilən hər bir
forması müvafiq həyat şəraitləri üçün optimaldır. Ekstremal şəraitlərdə
temperaturun kəskin dəyişikliklərinə qarşı homoyoterm heyvanlar stress reaksiyası
ilə cavab verirlər. Stress reaksiyalarının köməyi ilə heyvanlar bədən
temperaturunun optimal səviyyəsini saxlayırlar. Homoyotermiya insanın fərdi
həyatında yaranır. Yenidoğulmuş uşaq poykiloterm olur və soyuqda soyuma
nəticəsində həlak ola bilər. Ətraf temperaturun kəskin dəyişiklikləri müşahidə
olunan ekstremal şəraitlərdə poykiloterm heyvanlar
buna hipo- və anabioz