Tərcümeyi-hal Məhərrəm Zülfüqarlı

Tərcümeyi-hal

Məhərrəm Zülfüqarlı

19 avqust 1955 - ci ildə Azərbaycan Respublikasının Ucar şəhərində doğulub. 1978 - ci ildə Bakı Dövlət Univesitetinin tarix fakultəsinin əyani şöbəsini, 1986 - cı ildə həmin universitetin aspiranturasını bitirib. 1990 - cı ildə Bakı Dövlət Univesitetinin Elmi Şurasında disertasiya müdafiə edərək tarix elmləri namizədi alimlik dərəcəsi alıb. Müxtəlif vaxtlarda baş müəllim, baş metodist, Sumqayıt Şəhər İcra Hakimiyyətində humanitar məsələlər üzrə şöbə müdiri, Azərbaycan Neft və Kimya İnstitutunun Sumqayıt filialında, Bakı Dövlət Universiteti və Bakı Biznes universitetində baş müəllim kimi çalışıb.

2007 – ci ildən Azərbaycan Turizm İnstitunun “İctimai fənlər kafedrası”nın dosenti, İnstitut Elmi Şurasının katibidir. 2001 - ci ildən doktorluq işi müdafiə üçün hazırdır. 06 dekabr 2013-cü ildə Tarixşünaslıq, mənbəşünaslıq və tarixi tədqiqat üsulları” (5509.01) ixtisası üzrə “Azərbaycan SSR-in ictimai-siyasi tarixinin sovet tarixşünaslığı (1946-1990-cı illər)” adlı doktorluq dissertasiyası BDU-nun Tarix fakultəsinin “Mənbəşünaslıq, tarixşünaslıq və metodika” kafedrasının geniş iclasında müzakirə olunaraq müdafiəyə tövsiyyə edilmişdir.

Məhərrəm Zülfüqarlı həmçinin 2004-cü ildə «Azərbaycan Milli Araşdırma Assosiyasiyası»nda İcraçı direktoru vəzifəsində çalışmış, 2005-ci ildən “İctimai Problemlərin Tədqiq Assosiasiyası”nın sədridir. 2007-ci ildən i“Azərbaycanda Vətəndaş Cəmiyyətinin İnkişafına Yardım Assosiasiyası” Seçki Qərargahının rəhbəri kimi çalışır. 2008-ci ildən Azərbaycan Jurnalislər Birliyinin üzvüdür. ABŞ, İsveç, Almaniya, Belçika, Polşa, Bolqarstan, Türkiyyə, Quzey Kıprıs, İran, Gürcüstan və digər ölkələrdə keşrilmiş bir sıra beynəlxalq konfranslarda iştirak edib.

Məhərrəm Zülfüqarlı 47 kitabın, 14 metodik işin, 56 elmi və 605 qəzet məqalələrinin müəllifidir.