Minnətdarlıq
Bu hesabat beynəlxalq və yerli ekspertlərin birgə fəaliyyəti nəticəsində hazırlanmışdır.
Beynəlxalq ekspertlər qrupu 30 yanvar- 3 fevral 2006-ci il tarixlərində Azərbaycanda səfərdə
olmuşdur. Qrup cənab Xose Antonio Qarsia (Dünya Bankı, missiyanın rəhbəri), cənab Sait
Abdülkərimov və cənab Aleksandr Şişlovdan (MDBÖT-nün katibliyi qismində QBHM) ibarət
olmuşdur. Azərbaycan Milli Bankı qrupuna xanım Kəmalə Qurbanova (Ödəniş Sistemləri
Departamentinin Direktoru) rəhbərlik etmişdir. Bu missiya öz işlərində cənab Şişlovun 2005-
ci ilin ortalarında həyata keçirdiyi səfərin nəticələrinə əsaslanmışdır.
ÖN SÖZ
Latın Amerika və Karib regionunda Qərb Yarımkürəsi Ödəniş və Qiymətli Kağızlar Klirinq və
Hesablaşmalar Təşəbbüsünün (QYT)
uğurlu tətbiqindən sonra, 2004-cü ilin sentyabr ayında
Dünya Banki Müstəqil Dövlətlər Birliyi Ödəniş və Qiymətli Kağızlar Klirinq və Hesablaşmalar
Təşəbbüsünü (MDBÖT) həyata keçirməyə başladı. MDBÖT-nün məqsədi MDB-yə üzv
dövlətlərdə ödəniş və qiymətli kağızlar sisteminin təhlükəsizliyini, səmərəliliyini və
bütövlüyünü təkmilləşdirmək məqəsədilə bu sistemlərin gücləndirilməsinə yardım etməkdir.
Təşəbbüsün uzun müddətli məqsədi region daxilində ödəniş və qiymətli kağızlar üzrə
hesablaşmalar sistemlərinin davamlı inkişafını təmin edəcək institusional quruculuq işlərini
həyata keçirməkdir.
MDBÖT-nün əsas komponenti ödəniş və qiymətli kağızlar sistemində geniş təcrübəsi
olan beynəlxalq və yerli ekspertlərdən ibarət Beynəlxalq Məsləhət Şurasıdır (BMŞ).
Dünya Bankından olan nümayəndələrlə yanaşı, BMŞ-da Beynəlxalq Hesablaşmalar
Bankının (BHB) Ödəniş və Hesablaşmalar Komitəsinin (ÖHK) Katibliyi,Fransa Bankı,
Avropa Mərkəzi Bankı (AVMB), Beynəlxalq Valyuta Föndu (BVF), Isveçrə Milli Bankı
(İMB) və ABŞ Qiymətli Kağızlar və Xarici Valyuta Komissiyası (QXK) təmsil olunur.
Proqramin sonrakı mərhələlərində BMŞ-na digər mərkəzi bankların, qiymətli kağızlar
komitələrinin və beynəlxlaq təşkilatların qoşulacağı gözlənilir.
Keyfiyyət və səmərəliliyi təmin etmək məqsədilə, MDBÖT iki mühüm elementdən
ibarətdir. Birincisi, bütün araşdırmalar ölkə rəsmilərinin yaxın iştirakı ilə həyata keçirilir və
layihə ölkələrdə həyata keçirilmiş mövcud işlərə əsaslanır. İkincisi, təşəbbüs BMŞ
vasitəsilə cari təcrübələri aydınlaşdırmaq, məsləhət və alternativ baxışlar təmin etmək
məqsədilə mövzu ilə bağlı beynəlxalq və yerli təcrübəyə çox böyük əhəmiyyət verir.
Təşəbbüsün həyata keçirirdiyi tədbirlərə aşağıdakılar daxildir: hər bir ölkənin ödəniş, klirinq
və hesablaşmalar sisteminin sistematik təsvirini verən və ictimaiyyət üçün nəzərdə
tutulmuş hesabatların hazırlanması, ölkə rəsmilərinə gizli əsasda tövsiyələrin verilməsi,
BMŞ görüşləri vasitəsilə ölkə araşdırmalarını müzakirə etmək və gələcəl fəaliyyətlə bağlı
məsləhətlər vermək, xüsusi mövzularla bağlı seminarların təşkil edilməsi, təşəbbüsün
gördüyü işləri, həmçinin ödəniş sistemi sahəsi ilə bağlı digər məlumarları işıqlandıran
internet səhifəsinin (www.cis-pi.org) hazırlanması və layihənin davamlılığını təmin etmək
məqsədilə işçi qruplarını dəstəkləmək.
Qazaxstan Banklararası Hesablaşmalar Mərkəzi (QBHM) hazırda MDBÖT-nün Katibliyi
rolunu icra edir və prosesin davamlı olmasında mühüm rol oynayır. Bu məqsədlə,
təşəbbüs mərkəzin kompüter sistemini gücləndirməyə yardım etmişdir. Bundan əlavə, bir
sıra ölkələrin ödəniş və hesablaşmalar sistemində fəaliyyət göstərən qurumların
nümayəndələri QBHM koordinasiyasında həyata keçirilən araşdırmalarda iştirak etmiş və
bu da öz növbəsində regionda biliklərin və nou-xaunun ötürülməsində mühüm rol
oynamışdır. QBHM-lə birlikdə işçi qrupları təşəbbüs çərçivəsində yaradımış
infrastrukturdan istifadə edəcək və regionda ödəniş və qiymətli kağızlar klirinq və
hesabalaşmalar mövzusunun müzakirəsi, koordinasiyası üçün forum rolunu
oynayacaqlar.
“Azərbaycanda Ödəniş və Qiymətli Kağızlar Klirinq və Hesablaşmalar Sistemləri” hesabatı
Azərbaycan Milli Bankının yaxın dəstəyi ilə MDBÖT tərəfindən hazırlanmışdır.
İXTİSARLARIN
SİYAHISI
ATM Bankomat
AZIPS
Real vaxt rejimli banklararası ödəniş sistemi
XÖHKS Xıra Ödənişlər üzrə Hesablaşma və Klirinq Sistemi
BBVB Bakı Banklararası Valyuta Birjası
BFB Bakı Fond Birjası
BHB Beynəlxalq Hesablaşmalar Bankı
MDBÖT Müstəqil Dövlətlər Birliyi Ödəniş və Klirinq Təşəbbüsü
MDB Müstəqil Dövlətlər Birliyi
ÖHSK Ödəniş və Hesablaşmalar Sistemləri üzr Komitə
QKMD Qiymətli Kağızlar üzrə Mərkəzi Depozitari
NK Nazirlər Kabineti
DVP Çatdırılma ödənişə Qarşı
EFTPOS Satış nöqtələrində vəsaitlərin elektron köçürməsi
FIFO
Birinci daxil olan birinci çıxar prinsipi
ÜDM Ümümdaxili
Məhsul
BMUS Beynəlxalq Muhasibat Uçotu Standartları
BMŞ Beynəlxalq Məsləhət Şurası
ISIN Qiymətli Kağızların Beynəlxalq Nömrələməsi
QBHM Qazaxstan
Mərkəzi Bankının Bnaklarası Hesablaşmalar Mərkəzi
YMI Yerli
Maliyyə Idarəsi
AMB Azərbaycan Milli Bankı
MDM
Milli Depozitari Mərkəzi