1
F.Köçərli adına Respublika
Uşaq Kitabxanası
Tarixin dönüş anı-
15 iyun Milli Qurtuluş Günü
15 iyun Milli Qurtuluş Günü münasibəti ilə respublika uşaq
kitabxanaları üçün hazırlanmış metodik vəsait
Bakı – 2016
2
Tərtibçi:
Aynurə Əliyeva
Sevil Əhmədova
Redaktor və buraxılışa məsul: Şəhla Qəmbərova
Əməkdar Mədəniyyət İşçisi
15 iyun Milli Qurtuluş Günü münasibəti ilə respublika uşaq
kitabxanaları üçün hazırlanmış metodiki vəsait /tərt. ed. A. Əliyeva;
red. və burax. məsul Ş.Qəmbərova; F.Köçərli adına Respublika
Uşaq Kitabxanası.- Bakı, 2016.-33s.
©F. Köçərli adına Respublika Uşaq Kitabxanası
2016
3
Tərtibçidən.
Tarixin yaddaşına möhürünü vurmuş fövqəladə şəxsiyyətlərin
zəngin, şərəfli və mənalı ömür yolunu nəzərdən keçirmək bütöv bir
millətin, dövlətin salnaməsini yaratmaq qədər çətindir. Ümummilli
lider Heydər Əliyev də Azərbaycan xalqının tarix boyu yetirdiyi
nadir və qeyri-adi şəxsiyyətlərdən biri olaraq bu gün milyonların
qəlbində yaşayır. Həyatının mənasını xalqa və dövlətə xidmətdə
görən ulu öndər bu müqəddəs amal uğrunda ən çətin maneələrə,
problemlərə mərdliklə sinə gərən millət fədaisi kimi böyük
ehtiramla, rəğbətlə xatırlanır. Ümumilli lider Heydər Əliyev
Azərbaycan xalqınının tarixinə və taleyinə parlaq və silinməz iz
qoymuş böyük şəxsiyyət, qeyri adi zəka, fitri istedad sahibi, müdrik
dövlət xadimi kimi düşmüşdür. O, Azərbaycanın tərəqqi və
inkişafını müəyyənləşdirmiş, milli-mənəvi dəyərlərimizin müstəqil
dövlətçiliyimizin
konseptual
əsaslarını
işləyib
hazırlamış,
ehkamlaşmış köhnə stereotiplər çərçivəsini dağıdaraq milli ruhun,
milli ideologiyanın yüksəlişinə təkan vermişdir.
Respublikamızın bütün vətəndaşları Milli Qurtuluş Gününü
təntənə ilə qeyd edirlər. Bu gün bütün içtimaiyyətimiz haqlı olaraq
dərin iftixar və qürur hissi keçirir ki, dahi şəxsiyyət, ümumilli
liderimiz Heydər Əliyevin gecəli-gündüzlü gərgin əməyi sayəsində
Azərbaycanda iqtisadi və sosial sahə surətlə inkişaf etmiş içtimai-
siyasi sabitlik bərqərar olmuşdur. Bu böyük öndər ümumilli
liderimiz Heydər Əliyevin uğuru və bizə olan töhfəsidir.
4
1993-cü il iyunun 9-da Heydər Əliyevi Naxçıvandan Bakıya
gətirən yol Azərbaycan xalqının və dövlətçiliyinin nicat və qurtuluş
yoluna çevrildi. Bu gün o uğurlu yolun ildönümüdür. Bu yubiley
münasibəti ilə vəsait işləməyi özümüzə borc bildik. Böyük fəxarət
hissi ilə yazdığımız bu vəsait iki hissədən ibarətdir. I hissə “Əzablı
yollarla qurtuluşa doğru” adlanır və görkəmli şəxsiyyət
Heydər
Əliyevin həyat yolundan və təkrarsız siyasətindən bəhs edir. II
hissədə isə “Qurtuluş-Tarixin unudulmaz səhifəsi” adlanır və
kitabxanada təşkil olunan tədbirlərdən söhbət açılır.
Əzablı yollarla qurtuluşa doğru
1991-ci ilin oktyabrında Azərbaycan müstəqillik əldə etdi.
Lakin müstəqilliyin ilk illəri siyasi hakimiyyət boşluğu və dövlətin
əsaslarının, ordu və dövlət təhlükəsizliyi orqanları da daxil olmaqla,
dövlətin bütün təsisatlarının boşluğu ilə əlamətdar idi. Ermənistanın
işğalçılıq niyyəti güdən təcavüzü respublikada vəziyyəti daha da
gərginləşdirirdi.
Vətənin bu ağır dövründə Azərbaycan Kommunist Partiyası
Mərkəzi Komitəsinin birinci katibi (1969-1982) olmuş, daha sonra
Sovet İttifaqı Kommunist Partiyası Mərkəzi Komitəsi Siyasi
Bürosunun üzvü, SSRİ Nazirlər Soveti sədrinin birinci müavini
vəzifələrində çalışmış, Moskvada istefa verdikdən sonra 1991-1993-
cü illərdə Naxçıvan Muxtar Respublikası Ali Məclisinin sədri kimi
bu diyarın xilası yolunda fədakarlıq nümunələri göstərən Heydər
Əliyev xalqın təkidli tələbləri ilə hakimiyyətə qayıtdı. 1993-cü il
iyunun 15-də Heydər Əliyev Azərbaycan Respublikası Ali Sovetinin