Windows 7 əməliyyat sisteminin idarəetmə vasitələri



Yüklə 253,34 Kb.
səhifə1/6
tarix14.05.2018
ölçüsü253,34 Kb.
#44174
  1   2   3   4   5   6

Windows 7 əməliyyat sistemi


Windows 7 əməliyyat sisteminin idarəetmə vasitələri

Əvvəlki bölmədə biz əməliyyat sistemlərinin funksiyalarına və onlara olan tələbata baxdıq. Demək lazımdır ki, bu tələbatların bir çoxu bir- birinə ziddir, çünki onlar müxtəlif şirkət və kompaniyalara məxsusdurlar. Məsələn, başqa əməliyyat sistemlərinin proqramları ilə uyuşqanlıq münasibətlərinin tələbatı– bu bir müvazinət (balans) məsələsidir. Hər bir konkret iş yerində bu məsə- lələr fərdi qaydada həll olunur.

Bu mənada bu gün Windows 7 əməliyyat sistemi xüsusi əhəmiyyət kəsb edir. O, daha çox universallığa malikdir, çox geniş yayılıb və tətbiq olunmuşdur, uyğun olaraq aparat və proqram istehsalçıları tərəfindən də xüsusi dəstəklənir.

Windows 7 əməliyyat sisteminin kompüterdə normal şəkildə işləməsi üçün kompüter qurğusundan minimum aşağıdakı göstəricilərin olması tələb olunur: operativ yaddaş 2 Qb-dan az olmamalıdır, prosessoru minimum 2 Qhs tezlikli, iki nüvəli olmalıdır, kompüterin disk yaddaşı isə 17 Gb- dan az olmamalıdır. Bundan başqa xüsusilə tələb olunur ki, kompüterdə videoplata DirectX11 standartını dəstəkləməlidir, yəni 2010- cu ilin ikinci yarısından sonra buraxılan istənilən videoplata istifadə oluna bilər.

Windows 7 əməliyyat sisteminin özü də Microsoft şirkəti tərəfindən bir neçə modifikasiyada buraxılır. Windows 7 əməliyyat sisteminin modifikasiyaları aşağıdakılardır.


  1. Windows 7 Starter Edition. Bu Windows 7- in ilkin versiyası sayılır. Bu versiya az sayda funksiyalardan ibarət olur. Bu versiyada üç ölçülü interfeys olmur. Bu versiyada eyni zamanda maksimum üç sayda proqramı işə salmaq olur. Həm də bu modifikasiya lokal şəbəkə ilə işlə- mək üçün heç bir vasitəyə malik olmur.

  2. Windows 7 Home Basic. Bu modifikasiya Windows 7 Starter Edition- dən nisbətən təkmil versiyadır. Bu modifikasiyada İnternet Explorer brauzeri və Defender müdafiə modulu yerləşdirilmişdir. Burada da üç ölçülü interfeys yoxdur. Bu modifikasiyada çox istifadəçili rejim də vardır.

  3. Windows 7 Home Premium. Bu modifikasiya genişləndirilmiş ev versiyası adlandırılır. Burada bir çox geniş imkanlar vardır. Məsələn, burada Windows Media Center proqramı vardır. Bu proqram yüksək dəqiqlikli televiziyanı (HDTV) dəstəklyir, televerilişləri yaza bilir. Bu modifikasiya Fotoalboma və üç ölçülü interfeysə malikdir.

  4. Windows 7 Ultimate. Bu modifikasiya ən təcrübəli və tələbkar, ciddi fərdi istifadəçilər üçün nəzərdə tutulmuşdur. Bu versiya özündə əməliyyat sisteminin ev və biznes versiyalarını birləşdirir. Bu modifikasiya həmçinin bərk diski şifrələmək üçün proqram tipli yeni mod ullara da malikdir. Belə proqram tipli modu lar BitLocker adlanır.

Onu da qeyd edək ki, bu modifikasiyaların hər birinin də 32 bitli və ya 64 bitli versiyaları da


olur.
Windows 7-də idarəetmə vasitələri

Siçan və taçpad

Ümumiyyətlə Windows əməliyyat sistemlərinin bütün versiyalarının, o cümlədən Windows 7 əməliyyat sisteminin idarə edilməsi siçan qurğusunun köməyilə həyata keçirilir. Windows 7 əməliyyat sistemində siçan qurğusunun düymələri və kursor, bunlar ikisi də əsas idarəedici elementlər sayılır.




Hər hansı bir proqramı yerinə yetirmək üçün, pəncərəni açmaq üçün və s. üçün sizə Windows inter- feysindən uyğun elementin (nişanın, menyunun bölməsinin) üzərinə siçanın göstəricisini gətirmək lazımdır və siçanın sol düyməsini basmaq lazımdır.

Windows əməliyyat sistemlərinin Windows 98-ə qədər olan versiyalarında bir sıra hallarda (məsələn, proqramı işə salanda və ya faylı açanda) «iki dəfə silkmə» adlandırılan əməliyyat tətbiq olunurdu (aralarında az zaman intervalı olan yerinə yetirilən iki silkmə). «İki dəfə silkməni» mümkün qədər tez etməyi öyrənmək üçün bir az məşq etmək lazım gəlirdi.

Lakin Windows ME və ya Windows XP əməliyyat sistemlərində əmr vermək üçün daha əlverişli variantı– sol düymə ilə bir dəfə silkməni seçmək lazımdır. Windows- un bu idarəetmə qaydası İnternet səhifələrində bir səhifədən digərinə keçmək üçün həmişə hiper əlaqəyə bir dəfə silkməyin kifayət etdiyi əməliyyata uyğunlaşdırılmışdır.

Siçan qurğusunun əsasən iki düyməsi və bəzən də onların tam arasında yerləşən kiçik çarx yerləşir. Sol düymənin köməyilə bu və ya digər əməliyyatı yerinə yetirməyə, proqramları işə salmağa, pəncərələrin açılmasını və bağlanmasını həyata keçirməyə əmrlər vermək olur. Sol düymənin daha bir funksiyası– obyekti qeyd etməkdir, seçməkdir. Siçanın sol düyməsini sıxdıqda və onu dərhal buraxmadıqda, silkmədəki kimi sıxılmış saxladıqda və əgər bu zaman kursoru (siçanın göstəricisini) məsələn, mətn üzrə və ya işçi stol üzrə apardıqda həmin mətn hissələri və ya obyektlər qeyd olunacaqdır. Qeyd olunmuş obyektlərlə bir obyekt kimi işləmək olar: yəni onları birlikdə silmək, yenidən adlandırmaq və kopyalamaq olar.

Sol düymənin növbəti funksiyası– obyektləri kompüterin ekranında dartıb aparmaqdır. Dartıb aparma obyektin üzərinə siçanın sol düyməsini sıxmaqla və siçanın yerdəyişməsi yolu ilə yerinə yetirilir. Bu funksiya Windows əməliyyat sisteminin fayl menecerlərində işləyən zaman və ya işçi stolu idarə edən zaman istifadə edilir. Siçanın sağ düyməsinin ancaq bir, lakin çox faydalı funksiyası var. Bu kontekst menyusunu ekrana çıxarma funksiyasıdır.

Siçan qurğusunun düymələrinin arasındakı sadə kiçik çarx həddən artıq faydalı işlər, məsələlər yerinə yetirə bilir: uzun sənədi və ya İnternet səhifələrini «vərəqləmək», multimedia-proqramlarında səsi tənzimləmək, DVD-disklərdə filmlərin sürətli fırlanmasını işə salmaq, həmçinin işləyən proqramdan asılı olaraq çoxlu sayda digər əməliyyatları da yerinə yetirmək olur.

Onuda qeyd edək ki, noutbuklarda siçanı əvəz etmək üçün “taçpad” nəzərdə tutulmuşdur. Taçpad toxunmağa həssas olan xüsusi kiçik sahədir. Burada siçanın kursorunu idarə etmək üçün bu sahə üzərində barmağı hərəkət etdirmək lazımdır, proqramı işə salmaq və ya fayl açmaq üçünsə siçanın sol düyməsinin yerinə, sadəcə taçpada sıxmaq lazımdır. Bununla belə siçanın düymələrinə analoji düymələr də taçpadın aşağı hissəsində vardır. Buna baxmayaraq, bəzən noutbuklara adi mini siçanlar da qoşurlar.

Klaviatura. Qızğın klavişlər Daxil etmə dilinin tənzimlənməsi

Windows əməliyyat sistemini idarə etmək üçün təkcə siçan qurğusu yetərli deyil. Ona görə də klaviatura qurğusuz Windows əməliyyat sistemini tam idarə etmək olmur. Ümumiyyətcə müasir kompyuteri idarə etmək üçün klaviatura da özünə məxsus rol oynayır.

Windows əməliyyat sistemində klaviatura ilə yerinə yetirilən əsas əməliyyatlardan aşağıdakıları göstərmək olar


  • Sənədlərlə işləyən zaman onun üzərində yerdəyişmə edəndə təbii ki, əsasən “oxlu” klavişlərdən

və ya Page Up (səhifənin yuxarısına keçmək) və Page Down (səhifənin aşağısına) klavişlərindən istifadə edirsiniz.

  • Fay ları yox etmək üşün Del klavişasını istifadə etmək rahatdır.




  • Kompüterdə quraşdırılmış bütün proqramların yerləşdiyi menyunu (buna bəzən baş menyu da deyilir) klaviaturada Windows loqotipi təsvir olan xüsusi düymənin köməyilə də açmaq daha rahatdır.

Bəzi hallarda vardır ki, orada klaviaturadan istifadə etmək daha əlverişlidir, məsələn, mətn daxil etmə dilini dəyişmək üçün (məsələn, ingilisdən azərbaycana və əksinə) məhz klaviaturadan istifadə et- mək əlverişlidir. Windows 7 bunun üçün Alt və Shift klavişlərinin kombinasiyasını təklif edir. Win- dows 8 əməliyyat sistemi isə bunun üçün üzərində Windows loqotipi təsvir olan xüsusi klavişə ilə A klavişasının kombinasiyasını təklif edir. Təbii ki, bunlarda tam rahat deyil. Əgər kompyuterə bununla əlaqədar olan maraqlı Punto Switcher (http://www.punto.ru) proqramını quraşdırsanız, onda bir dildən digərinə keçməni yalnız bir Ctrl klavişası ilə həyata keçirə bilərsiniz.

Windows 7 əməliyyat sisteminin interfeysi


Windows əməliyyat sistemlərini digər əməliyyat sistemlərindən fərqləndirən ən böyük nailiyyət onun interfeysidir. Windows yüklənəndən dərhal sonra ekranda görünən onun interfeysidir. İnterfeys– Windows əməliyyat sisteminin qrafiki «örtüyüdür», hansı ki, onun köməyilə istifadəçilər əməliyyat sistemi ilə ünsiyyət yaradırlar. Windows əməliyyat sistemində işləyən zaman ekranda nə görürüksə, hamısı interfeysə aiddir.

İnterfeys– Windows əməliyyat sisteminin bütün daxili «idarəetmə vasitələrini»nı insana aydın olan qrafiki formaya çevirən məsələnin vasitəçisidir, tərcüməçisidir.

Windows əməliyyat sisteminin interfeysinin bu və ya digər elementlərinin çoxsaylı çatışmaz- lıqları və nöqsanları haqqında uzun- uzadı, həmişə mübahisə etmək olar. Əvvəlki əməliyyat sistemlərini müqayisə etdikdə görmək olur ki, Windows-a daxil edilmiş bütün daha yaxşı elementləri Microsoft firması öz konkuryentlərinin əməliyyat sistemlərindən - Unix, Mac OS, Linux, OS/2 … əməliyyat sistemlərindən götürmüşdür.

Windows- un interfeysi sadə və asan istifadə olunandır. Demək olar ki, onun bütün sirlərini praktik olaraq hər bir kəs interfeysin köməyilə (hətta Windows-a aid olan kitabların köməyindən istifadə etmədən də) başa düşə bilər.

Əvvəlcə Windows-un əsas obyektlərini qeyd edək.

Ekranın əsas sahəsini İşçi masa təşkil edir. Burada biz bəzədilmiş gözəl şəkillərlə bütün işçi alətlərimizi, məsələn, sənədləri, qovluqları, lazım olan proqramların nişanlarını və s. yerləşdirə bilərik.

İşçi masanın aşağı hissəsində Məsələlər paneli (buna bəzən “taskbar”- da deyirlər) adlı zolaq “lenta” yerləşir. Burada lazım olan proqramların, həm də ən vacib və zəruri proqramların nişanları yerləşir. Bu paneldə bəzi nişanlar artıq movcud olurlar, qalanlarını isə sonradan əlavə etmək olur. Məsələlər panelinin sol küncündə - Start (Пуск (Başlat)) adlı dəyirmi düymə yerləşir. Bu düymənin köməyilə siz kompyuterdə quraşdırılmış bütün proqramların siyahısını, həmçinin, əsas tənzimləmə alətlərini əldə edə bilirsiniz.

Məsələlər panelində sağda küncdə Xəbardarlıq etmə, bəzən isə sistem paneli və ya “trey” adlanan daha bir panel də yerləşmişdir. Burada da həmçinin işə salınmış proqramlara istinadlar əks olunur, lakin fərqi isə ondan ibarətdir ki, bunların hamısı sizin komp yuterdə daimi “fon” rejimində işləyirlər.


Yüklə 253,34 Kb.

Dostları ilə paylaş:
  1   2   3   4   5   6




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə