Xaçmaz rayon Mərkəzləşdirilmiş Kitabxana Sistemi
metodika-biblioqrafiya şöbəsi
“Şairə Məshəti Gəncəvi - 900”
( metodiki tövsiyyə)
Xaçmaz – 2013
Məhsəti Gəncəvi - XII əsrin Azərbaycan şairəsi olmuşdur. Həyatı haqqında mə`lumat
çox azdır. Onun tarixi şəxsiyyət olub-olmaması, Ömər Xəyyamdan əvvəl və ya sonra
yaşaması, harada anadan olması haqqında müxtəlif mübahisəli fikirlər vardır. Son
tədqiqatlar Məhsəti Gəncəvinin təqribən XI əsrin axırlarında Gəncədə doğulduğunu,
mükəmməl təhsil aldığını, Şərq ədəbiyyatı və musiqisinə yaxından bələd olduğunu
göstərir.
Yazıçı-publisist Rafael Hüseynovun Məhsəti Gəncəvinin həyat yolu və yaradıcılığına
həsr olunmuş "Məhsəti necə varsa" kitabında (Bakı, Yazıçı, 1989) apardığı elmi
araşdırmalara və tarixi xronoloji ardıcıllıqlarına görə ona öz minnətdarlığımızı bildiririk.
Bu kitaba əsaslanaraq dahi şairəmiz Məhsəti Gəncəvi hayat yolundan daha geniş
mə'lumat əldə edə bilirik.
"Məhsəti və Əmir Əhməd" əlyazmasından anlaşılır ki, Məhsəti çox erkən bir şair kimi
tanınmağa başlayır, az sonra o Şahi-Gəncənin, yə'ni Sultan Məhəmmədin sarayında
təşkil olunan ziyafətlərə, şe'r məclislərinə də'vət edilir. Şairə təxminən 25-26 yaşında
ikən Əmir Əhmədlə tanış olur. Əmir Əhməd atası - Gəncə xətibinin iradəsinin əksinə
Məhsəti ilə dostluq edir və onun yaşadığı Xarabat məhəlləsinə tez-tez qonaq gəlir.
Gəncə xətibi Şahi-Gəncəyə şikayət edir. Və Şahi-Gəncə - Sultan Məhəmməd bu
münaqişənin həllinə başlamaq istədiyi vaxtlarda da vəfat edir. Bu zaman Məhsəti
təqribən 28-29 yaşında idi. Demək, onun doğum tarixi Sultan Məhəmmədin vəfatından
29 il əvvələ - 482 (1089)-cu ilə təsadüf edir.
Gələcəkdə Məhsətinin doğum tarixi ilə bağlı daha dəqiq qaynaqlar üzə çıxarsa, təbii ki,
onları danışıqsız qəbul etmək, göstərdiyimiz tarixi islah etmək olar. Lakin müəyyən
şərtliyinə baxmayaraq, zənnimizcə, bu 1089-cu ili Məhsəti Gəncəvinin doğum tarixi
kimi qəbul etmək lazımdır.
Məhsəti ömrünün müəyyən günləri, ayları Bəlx, Mərv, Nişapur, Herat şəhərlərlə bağlı
olmuş, o, bir müddət Mərvdə yaşayıb-yaratmışdır. Lakin mənbələrdəki mə'lumatlar və
öz şe'rlərinin verdiyi bilgilər onu doğma Gəncə mühiti ilə qırılmaz tellərlə qovuşdurur.
O, gənclik çağlarında Gəncədən bir neçə illik ayrılmalı olmuş, yaradıcılığının yetkinlik
çağında yenidən doğma şəhərə dönmüş və ömrünün sonunadək burada yaşamışdır.
Qürbətdə keçirdiyi illər Məhsəti yaradıcılığının sızıltılı misralarında donub qalıb:
Qürbətdə bəxt mənə yar olmasa da,
Barı, düşmən halımdan agah olmaz.
Bilirmisən səfərin əzabına dözmək yolunu niyə seçdim?
(Belə etdim) ki şirin yası tülkünün qarşısında olmasın.
Gəncə hökmdarı Sultan Toğrul vaxtında artıq Məhsətinin yaşı yetmişi ötmüşdü. Lakin
illərin gətirdiyi zəngin təcrübəsi, şairlik iste'dadı olan Məhsəti elə bu yaşda da öz şirin
söhbəti ilə istənilən məclisi bəzəyə bilərdi. Təbii ki, o, Sultan Toğrulun məclisinə
mə'nəvi zövq bağışlamaq üçün də'vət oluna bilərdi və bunu gərəyəncə yerinə yetirməyə
gücü da çatardı.
"Böyük Sovet Ensiklopediyası"nın yeni nəşrində Məhsəti
adına artıq rast gəlmirik. Görünür bir neçə ədəbiyyatşünas
məqalələrindən sonra şairəmizin guya bir mif olmasına o
qədər inanılıb ki, adı belə mö'təbər mənbədən kənar edilib.
Əlbəttə, buna görə hər kəsdən daha əvvəl Məhsətinin
gerçəkliyi problemini vaxtında həll etməmiş
ədəbiyyatşünaslığımız suçludur. "Böyük Sovet Ensiklopediyası"nın ikinci nəşrində isə
Məhsəti haqqındakı kiçicik məqalə yanlışlarla doludur və o, sırf saray şairi kimi təqdim
olunur. Heç şübhəsiz ki, bu nəticəyə gəlmiş məqalə müəllifi əslində Məhsəti irsindən,
onun obrazlar sistemindən xəbərsiz olmuşdur.
1923-cü ilin noyabrında Tiflisdə çıxan "Yeni fikir" qəzetinin 206-cı nömrəsində Mir
Abbas Bağırzadənin "Nizaminin qəbri" adlı məqaləsi dərc edilir. Məqalədə bir qrup
Gəncə ziyalısının (Şair Mirzə Məhəmməd Axundzadə, müəllim Cavad bəy, tarixçi
Rəfibəyov, müəllim Mir Kazım Mirsüleymanzadə) xüsusi komissiya təşkil etmələri və
1923-cü ilin aprelində Nizaminin qəbri yanında qazıntı işləri aparmalarından, məzarı
şəhərin daxilində - Şah Abbas məscidinin qarşısına köçürmək istəklərindən bəhs edilir.
Qazıntı zamanı Nizami məzarının yanında bir qadın qəbrinin olduğu da üzə çıxır. "Bu
kimin məzarı ola bilər" məsələsi başında da müxtəlif fikirlər söylənib. Vəhid Dəstgerdi
belə güman edib ki, bu, Nizaminin sevimli ömür-gün yoldaşı Afaqın məzarıdır. Bunu
dahi şairin qızının qəbri hesab edənlər də tapılıb. Halbuki, Nizaminin qızı olması barədə
e'tibarlı, dürüst mə'lumat yoxdur. Ümumiyyətlə, bu mülahizələrin heç birinin real əsası
olmayıb. "Məhsəti və Əmir Əhməd" adlı əlyazmada isə Məhsətinin məzarının Nizami
məqbərəsinin yanında olması barədə qeyd var.
Biz, 1923-cü ildə aşkarlanmış məzarın Afaqın, Məhsətinin və bir başqasının olması
mübahisəsinin həllinə girişmək istəmirik. Həqiqət budur ki, Məhsətinin məzarı Nizami
məqbərəsi ilə yanaşı olub və bizi indi düşündürən budur. Elə o yerlərdəcə Məhsətiyə bir
məqbərə ucaltmaq şairəmizin xatirəsi qarşısındakı mə'nəvi borcumuzdur.
Məhsəti şəxsiyyəti haqqında gələcəkdə yeni-yeni mə'lumatlar əldə olunacağına şübhə
yoxdur. Yeni faktlar əsasında biz Məhsətidən tək bir şairə kimi yox, həm də bir
musiqiçi, bir şahmatçı kimi də söz aça biləcəyik. Təsadüfi deyil ki, "Məhsəti və Əmir
Əhməd" əlyazmasının Britaniya kitabxanasında saxlanılan nüsxəsinə çəkilmiş
miniatürlərdən birində şairə Xətib oğlu ilə birgə şahmat taxtası arxasında təsvir
edilmişdir. Məhsəti ilk böyük qadın şairimiz olmaqdan özgə, həm də hələlik tanıdığımız
ilk qadın şahmatçımızdır. Yaradıcılığının ən məhsuldar dövrünü Sultan Mahmud
Səlcuqinin və onun əmisi Sultan Səncər Səlcuqinin saraylarında keçirmişdir. Məhsəti
Gəncəvi fars dilində, əsasən rübai janrında yazmışdır.
.
Ədəbi irsi dövrümüzədək tam halda gəlib
çatmamışdır. XIII-XVII əsrlərə aid cüng və
təzkirələrdə Məhsəti Gəncəvinin 200-ə yaxın
rübaisi və bir neçə başqa lirik şe`ri saxlanmışdır.
Məhsəti Gəncəvi yalnız öz dövründə deyil, sonralar
da görkəmli rübai ustası kimi tanınmış, bu isə
bə`zən başqa sənətkarların rübailərinin də ona aid edilməsinə səbəbolmuşdur.
Məhəbbət lirikası onun yaradıcılığında əsas yer tutur. Rübailəri dünyəviliyi, humanizmi,
epikürizmi, nikbinliyi ilə seçilir. Məhsəti Gəncəvi məhəbbəti təbii duyğu, insan şərəfini
yüksəldən nəcib bir hiss kimi mə`nalandırır. Şairə dini xürafat, riyakarlıq və
mühafizəkarlıq əleyhinə çıxaraq, insanın mə`nəvi azadlığını müdafiə etmişdir. Onun
şe`rlərində xalqın, xüsusilə Şərq qadınının azad və xoşbəxt həyat haqqında romantik
arzuları da əks olunmuşdur.
Gəncədə muzeyi yaradılmış, 1980-ci ildə isə heykəli qoyulmuşdur.
Bir gün gələr ki, indi əzəmətlə yüksələn, bitən əsrin sevgisiylə daha da süslənmiş
Nizami məqbərəsinin yanında, ilk böyük şairəmiz üçün də məqbərə ucalar.
Keçmişimizə və Məhsətimizə sevginin bəlirtisi olan bu iş, həm də Nizami xatirəsinə
daha bir sovqatımıza çevrilər. Onda səkkiz yüz il bundan irəli Gəncədə gerçəkdən
görüşüb şe'rləşən Nizami və Məhsəti bizim günlərdə yenidən üz-üzə durar, onların
məqbərələri başında keçirilən şe'r bayramlarının sevinci və təntənəsi daha artıq olar.
II.
Yubiley tədbirlərinin keçirilməsi.
Azərbaycan poeziyasının inkişafına töhfələr vermiş şairə Məhsəti
Gəncəvinin yaradıcılığının 900 illik yubileyinin keçirilməsi haqqında
Azərbaycan Respublikasının Prezidenti cənab İlham Əliyev tərəfindən 16
yanvar 2013-cü il tarixində sərəncam imzalandı.
Sərəncamda göstərildiyi kimi Mədəniyyət və Turizm Nazirliyinin
müəssisələri kimi kitabxanalar da Azərbaycan ədəbiyyatının intibah
dövrünün parlaq nümayəndəsi, məşhur şairə məhsəti Gəncəviyə həsr edilən
yubiley tədbirlərinin keçirilməsində fəal iştirak etməlidirlər. Bu baxımdan
kitabxanalarda kütləvi işin əyani və şifahi formalarından elmi-praktik
konfranslardan, kitab sərgiləri, şeir müsabiqələri, oxucu konfransları,
multimediya resuslarından istifadə etməklə bədii qiraət gecələri və s.
tədbirlərin keçirilməsi vacibdir.
Mərkəzi rayon. şəhər uşaq, gənclər kitabxanasında “Məhsəti Gəncəvi –
900” mövzusundakonfransın keçirilməsi planlaşdırılmalıdır. Bunun üçün
əvvəlcə tədbirlər planı tərtib edilməlidir. Konfrans iştirakçılarına Məhsəti
Gəncəvinin yaradıcılığından bəhs edən elmi və bədii əsərlərdən ibarət kitab
sərgisi təqdim edilməlidir. Plana uyğun olaraq konfrans iştirakçılarına
Məhsəti Gəncəvinin ədəbiyyatımızın inkişafındakı xidmətlərindən, zəngin
yaradıcılıq axtarışlarından, onun poetik fikrindəki bənzərsizlikdən qeyd
edilməlidir. .
Kitabxanada yubiley tədbirlərinin maraqlı olması üçün ilk öncə sərgilər
tərtib etmək, sərgidə şairənin foto şəkilləri, şairə haqqında sitatlar, kitabları,
şeirlərdən parçalar vermək olar. Sərgi müxtəlif başlıqlar altında verilə bilər.
“Kitab sərgiləri”
Məs: “ XII -əsrin Azərbaycan şairəsi”
“ Məshəti necə varsa...”
“ Məhsəti Gəncəvi - 900” və s.
1.
Başlıq: “Məhsəti Gəncəvi – 900”
1
2
2
2
2
2
2
2
2
2
“
“
2
2
2
3
4
5
6
7
8
9
10
11
12
13
14
15
16
2.
Şəkil. 3. “Azərbaycan Resrublikasının Prezidentinin Sərəncamı.
4.Məhsəti Gəncəvinin əsərləri.
5, 6, 7
8. Sitat: “Söz tariximizin ən cazibəli ustadlarından biri Məhsəti Gəncəvi
XII yüzildə qələm çaldı, intibah havalı münbit ədəbi mühitində solmaz
rübailər yaratdı”.
Rafael Hüseynov.
9, 10 Məhsəti Gəncəvi haqqında yazılan əsərlər.
11. M.S.Ordubadi “Qılınc və Qələm”
12, 13 Məhsəti milli mətbuatda.
14, 15 İllüstrasiyalar
16. Disklər, video kossetlər və s..
Klassik Azərbaycan ədəbiyyatının qüdrətli nümayəndəsi Məhsəti
Gəncəvi yaradıcılığının dərindən öyrənilməsi üçün kitabxanalarda orta və
böyük yaş qrup oxucular arasında söhbətin keçirilməsi daha məqsədəuyğun
olardı. Söhbəti kitabxanaçı belə başlaya bilər:
“Əziz oxucular, bildiyimiz kimi, Məhsəti Gəncəvi orta əsrlər Azərbaycan
şerinin qüdrətli nümayəndələrindən biridir. Onun yaşayıb-yaratdığı zamandan
900 ilə yaxın bir dövr keçməsinə baxmayaraq, əsərləri indi də sevilə-sevilə
oxunur, sizlərə zövq verir, sizlərdə həyata. Insana məhəbbət oyadır, onları
nikbinliyə, dünyanın gözəlliklərindən ilham almağa çağırır. Məhsətinin həyatı
və şeirləri öz zəmanəsindən başlayaraq şeir və sənət adamlarının diqqətini
cəlb etmişdir. Orta əsrlərdə onun haqqında rəvayətlər və xüsusi bir dastan
yaranmışsa, müasir sənətkarlar ona şeirlər, poemalar, romanlar, həsr etmişlər.
M.S.Ordubadinin “Qılınc və qələm” romanında Məhsəti müdrik, xalq
tərəfdarı olan bir sənətkar kimi təqdim olunmuşdur. Mirvarid Dilbazinin
poemasında, N.Rəfibəylinin şeirində, Kəmalə Ağayeva və Məmmədhüseyn
Təhmasibin pyeslərində isə o, xəlqi humanist bir şairə kimi canlandırmışdır.
XII əsrdə istedadlı bir qadın şairin yetişməsi həmin dövrdə Azərbaycan
xalqının ictimai-siyasi və mədəni sahədə qazandığı nailiyyətlərin
təzahürlərindən biridir. Məhsəti Gəncəvi iltibah dövründə Azərbaycan
ədəbiyyatının asimanında öz yeri olan, gözə tez çarpan parlaq ulduzlardan
biridir”.
Kitabxanaçı bədii qiraət gecəsini “Məhsəti Gəncəvi XII əsr Azərbaycan
poeziya məktəbinin görkəmli nümayəndəsi kimi”keçirilə bilər.Bunun üçün
kitabxanaçı şairənin şeirlərindən seçib oxuculara təqdim edə bilər:
Məhsətiyəm, oldum gözəllərə tağ,
Hüsnümü vəsf edir Xorasan, İraq.
Gəncə xətibinin oğlu, qıyma ki,
Yandırsın beləcə könlümü fəraq.
Xoşbaxt ruzigarın əlimdən getdi;
Çünki zülfi-yarım əlimdən getdi:
Ələ xına yaxdım yarımdan ötrü,
Uyudum, nigaran əlimdən getdi.
Ey sarvan, səfərə getmişəm qərar,
Məni toyub getmə, üzgün canım var.
Sənin dəvələrin adı yük çəkir,
Qəm yükü çəkirəm, məni də anar.
*
* *
Ruhuma Kəbədir daim camalın,
Mənə zindan olmuş qaraca xalın.
O küfrlə dolu qıvrım tellərin,
İmanı olubdur bu xəstəhalın.
Çöhrənin zəngindən güllər utanar,
Ləzzətdə ləbincə deyil xurmalar,
Kobudluğu tərgit, bu xislətindən,
Nəzakət özü də ar eyləyir, ar.
Telini çöhrənə bərabər etdin,
Bu gün xərabatı münəvvər etdin.
Gözəllər mülkünün şahı, şad gəldin,
Şərqin guşəsini baxtəvər etdin.
* * *
O ay camalına burulummu mən?
Ya coşum o qara telin eşqindən?
Başdan ayağadək gözəldir gözəl !
Heyranam! Bu yarın nəyin sevəsən?
Baxtımı bəd yazdı eşqin dəftəri,
Ümudumu kəsdi sevgi xəncəri.
Məhəbbət badəsi içərəm dedim,
Öldüm, tapılmadı sevda gövhəri.
Qızdırmay dedim: “Bir anlıq dayan,
Yarımı incitmə, cövrdən usan!”.
Qızdırma söylədi: “Axı oyarı,
Məndən daha artıq sən yandırırsan”.
Ədəbiyyat siyahısı.
1.
Hüseynov, Rafayel. Məhsəti-necə varsa. –B.; “Yazıçı”, 1989. -336s.
2.
Gəncəvi, Məhsəti. Rübailər. –B.; “Lider”, 2004. -144s.
3.
Gəncəvi, Məhsəti. Rübailər. –B.; “Azərnəşr”, 1975. -74s.
4.
Gəncəvi, Məhsəti. Rübailər. –B.; “Azərnəşr”, 1961. -72s.
5.
Azərbaycan Sovet İnsiklopediyası. –B.: “ASE”.1982. -608s.
6.
Məshəti Gəncəvinin 900 illik yubileyinin keçirilməsi haqqında
Azərbaycan Respublikası Prezidentinin sərəncamı.// Azərbaycan qəzeti.
-2013. – 7 fevral. –1s.
Tərtib edəni: Metodika-biblioqrafiya şöbəsinin
bötük metodisti Əşrəfova E.
Redaktoru: MKS-nin direktoru Əlifxanov A.
Dostları ilə paylaş: |