Yaşasam da
Yüklə 0,56 Mb. Pdf görüntüsü
|
- Bu səhifədəki naviqasiya:
- BAKI-2015
| RAŞBİL ŞAMAYEV SİZDƏN UZAQ YAŞASAM DA... BAKI-2015 Nyu Yorkda ucaldılır Azərbaycan bayrağı, Yaxın, uzaq ölkələrdən gəlir onun sorağı, Ruhumuzu təzələyir al-qırmızı yanağı, Azadlığın saf rəmzidir Azerbaycan bayrağı! Ədalətin məskənidir onun ana torpağı! SİZDƏN UZAQ YAŞASAM DA... Qarşımda bir şeir qovluğu var. Bu qovluğu mənə şair dostum uzaq Nyu York şəhərindən Raşbil Şamayev göndərib. Telefon Ilə xahiş etdi ki, oxuyum və bu kitaba söz önü yazım. Razı oldum. Qələm dostumu 15 ildən artıqdır ki, tanıyıram. Raşbil Şamayev iki dildə Azərbaycan və dağ yəhudiləri dillərində yazan şairlərimizdəndir. O İsrail və Azərbaycan Yazarlar Birliyinin üzvüdür. Mən onun müxtəlif qazet və jurnallarda çap olunmuş Azərbaycan dilində yazdığı bir neçə şeirini də əvvələr oxumuşam. Onun indiyə kimi dağ yəhudiləri dilində üç samballı kitabı”Yeni Bəhrələr gətirir” (Ovurd taza bəhərho) , “Hər ağacdan bir budaq”( Əz hər dor yə lügə) və “Həyat nağıldır” nəşr olunmuşdur. Bu kitablarda şairin Yəhudi dilində yazdığı şeirlər, qəzəllər, poemalar, dram əsəri və bir sıra tərcümə etdiyi şeirlər çap olunmuşdur. Şair dağ yəhudiləri dilinə, adı dünya ədəbiyyəti tarixinə qızıl xətlərlə yazılmış şair mütəfəkkir Nizami Gəncəvinin “Xəmsə”sindən aforizm və nəsihətlərini, bir neçə qəzəlini, “Sirlər Xəzinəsi” poemasından “Nuşiravan və bayquşların söhbəti”, “Kərpic kəsən qocanın hekayəti” əsərlərini, görkəmli şair Səməd Vurğunun tam həcmdə “Vaqif” dram əsərini, sevimli şair Bəxtiyar Vahabzadənin bir sıra şeirlərini, Tacikstanın ədəbi klassiklərindən biri olan Ömər Xəyyamın rübailərini tərcümə etmiş və onları bir yerdə toplayaraq “Hər ağacdan bir budaq” başlığı altında kitabını 2007-ci ildə Nyu Yorkda çap etdirmişdir. 3 O azərbaycan dilini öz ana dili kimi yaxşı bilir və bu dildə öz fikirlərini gözəl ifadə etməyi bacarır. Raşbil Shamayev (Raşbil ben Shamay) 17 Sentyabr 1935-ci ildə Azərbaycanın gözəl və səfalı guşələrindən biri olan Qubanın Krasnaya Sloboda qəsəbəsində anadan olmuşdur. O 1953-cü ildə qəsəbədə azərbaycan dilində tam orta təhsil alıb, həmin ildə də Azərbaycan Dövlət Xarici Dillər İnstitutunun ingilis dili fakultəsinə daxil olmuş və 1957-ci ildə institutu müvəffəqiyyətlə bitirmişdir. Ali təhsilli müəllim Raşbil Şamayev Azərbaycanın bir sıra kənd və rayon məktəblərində, sonra isə özü oxuduğu doğma qəsəbə orta məktəbində müəllimlik etmiş və arada bir neçə il tədris hissə üzrə direktor müavini vəzifəsində çalışmışdır. O hələ məktəbdə sonra da institutda oxuduğu illərdə Azərbaycan ədəbiyyatı ilə maraqlanmış və Azərbaycanın şair və yazıçılarının əsərlərini oxuyub mütaliə etmiş,Nizmi, Fizuli, Nəsimi, H. Cavid, M.G. Vaqif C. Cabbarlı, Səməd Vurğun, R. Rza, M. Müşfiq, S. Rüstəm, B. Vahabzadə kimi dünya şöhrəti qazanmış klassiklərin sənətlərinin humanizmini, hərarətini və onların azadlıq idealları ilə aşılanmış romantik genişliyini hiss etmiş. Onların şeir və yazılarından bəhərlənərək özü də bəzən yaradıcılıqla məşqul olmuşdur. Hamıya yaxşı məlumdur ki, əsrlər boyu Azərbaycanda yaşayan dağ yəhudiləri azərbaycan xalqı ilə həmişə mehriban münasibətdə olmuş, sevinc və kədərini bir-birləri ilə yarı bölüşdürmüşlər. Dağ 4 yəhudiləri Azərbaycan xalqının adət-ənənələrinə, mədəniyyətinə böyük hörmətlə yanaşmış, bu xalqın şair və yazıçılarının əsərlərini ruh yüksəkliyi ilə mütaliyə etmişlər Yəqin yaşlı nəslin yaxşı yadındadır ki, keçən əsrin 30-40-cı illərində Azərbaycanda yaşayan dağ yəhudilərinin bəzi şair və yazıçıları Ü. Hacıbəyovun “Arşın mal alan”, “O olmasın, bu olsun” C. Cabbarlının “Solğun çiçəklər” və sair əsərləri öz doğma dillərinə çevirərək tamaşaya qoymuşlar. Şair Raşbil Şamayevin ilk şeirləri ulu Azərbaycan elinə, onun həyatda gözünü açdığı Qubanın səfalı təbiətinə və hünərpərvər Insanlarına həsr olunmuşdur. Onu bəzən səsli-küylü, bəzən də asta-asta axan Qudyal çayının səsi xəyallara aparır, qışda əzəmətli Şah dağının qarlı başı, yazda isə gül-çiçəkli qoynunu seyr edəndə qəlbində baş qaldıran duyğular şeirə çevirilərək qarşısındakı kağıza misra-misra düzülür. Demək olar ki, bu yerlərin təbiəti, həm də insanları həssas şair qəlbini ömürlük ovsunlayıb. “Sizdən uzaq yaşasam da” kitabında, saflıq və sədaqət R. Shamayevin yaradıcılığının ana xəttini təşkil edir. Müstəqillik işığında dünyaya qapılar açılıb, get-gəl çoxalıb, əlaqə, ünsiyyət genişlənib. Bir neçə ildir ki, o, Azərbaycandan kənarda yaşayır. Özü Amerikada olsa da xəyalı həmişə boya-başa çatdığı Azərbaycandadır. Onun Azərbaycana həsr etdiyi şeirlərini oxuyan belə bir ölkənin yer üzündə olmasına sevinir, məhəbbəti artır və ürəyində böyük iftixar hissi keçirir. 5 Yüklə 0,56 Mb. Dostları ilə paylaş:
|