YUBİLEY ЮБИЛЕЙ ANNIVERSARY
İsrafilova Nilüfər Mövsüm qızı
(90 illik yubileyinə həsr edilir)
4
oktyabr
2016-cı
ildə
Azərbaycanda
pediatriyanın inkişafında mühüm rol oynayan həkim-
pediatr, tibb elmləri doktoru, professor Nilüfər
Mövsüm qızı İsrafilovanın 90 illik yubileyi qeyd
edilir.
N.M.İsrafilova
–Azərbaycanda
sovet
hakimiyyəti və sosializm quruculuğu uğrunda
mübariz,
respublikada
səhiyyə
işinin
təşkilatçılarından (1934 il) biri olan, professor
Möhsün Nəcməddin oğlu İsrafilbəyovun ailəsində 4
oktyabr 1926-cı ildə Bakı şəhərində
anadan olmuşdur.
1944-cü ildə Bakı şəhərində 134 saylı orta məktəbi bitirdikdən sonra o,
Azərbaycan Dövlət Tibb İnstitutunun müalicə-profilaktika fakültəsinə qəbul olunur
və 1949-cu ildə müvəffəqiyyətlə təhsilini başa vurur. Ailə vəziyyətinin ucbatından
çətin keşmə-keşli yolları keçən Nilüfər xanım, həkim olmaq arzusunu məharətlə
yerinə yetirərək, öz istəyinə nail olmuşdur.
O, 1950-1956-cı illərdə Azərbaycanın müxtəlif tibb müəssisələrində
(poliklinika və xəstəxanalarında) sahə həkimi və ordinator vəzifəsində çalışmışdır.
Professor N.M.İsrafilovanın elmi fəaliyyətinə başlaması, 1956-cı ildə
Ə.Əliyev adına Azərbaycan Dövlət Həkimləri Təkmilləşdirmə İnstitutunun
pediatriya kafedrasına aspiranturaya qəbul olunması ilə bağlıdır. Həmin kafedrada
o, 1961-1965-ci illərdə
assistent, 1965-1967-ci illərdə
dosent, 1967-1969-cu illərdə
böyük elmi işçi və 1969-1994-cü illər ərzində kafedranın müdiri vəzifəsində
çalışmışdır.
Prof. İsrafilova N.M., kafedranın əməkdaşları və kursantlarla birgə, 1991-ci il.
Azərbaycanda uşaq nefrologiyasının inkişafında professor N.M.İsrafilovanın
əvəzsiz rolu olmuşdur. Onun rəhbərliyi altında nefroloji xəstəliklərin diaqnostika
və müalicəsində yeni müayinə metodları tədbiq olunmuşdur. Minlərlə uşaqların
həyatlarını xilas edən professor N.M.İsrafilova Azərbaycanda uşaqların sağlamlığı
uğrunda həyata keçirilən tədbirlərdə öndə gedənlərdən idi. Nilüfər xanımın
təşəbbüsü və rəhbərliyi ilə kafedranın işçi heyyəti (assistent və dosentləri) içtimai
əsaslarla mütəmadi olaraq bir sıra şəhər uşaq poliklinikalarında konsultasiya
günləri təşkil olunurdu.
Pediatriyanın çoxşaxəli sahəsini əhatə edən yüzlərlə məqalələrin və metodik
tovsiyələrin müəllifi olan professor N.M.İsrafilova Ə.Əliyev adına Azərbaycan
Dövlət Həkimləri Təkmilləşdirmə İnstitutunun pediatriya kafedrasında tədrisin
gedişinə, keyfiyyətinə, əməkdaşların hazırlığına ciddi nəzarət edərdi. Nilüfər
xanımın bilavasitə rəhbərliyi altında o dövrdə respublika üçün aktual hesab edilən
müxtəlif səpkili mövzular üzrə planlaşdırılmış elmi-tədqiqat işləri həyata
keçirilirdi. Onun səyi pediatriya kafedrasında çalışan əməkdaşların bir kadr kimi
yetişməsində, tədris prosesinin daha dolğun, maraqlı və yüksək səviyyədə
keçirilməsində əvəzsiz rol oynamışdır. Belə ki, o illərdə kafedrada həkim-
müdavimlərin, ordinatorların, aspirantların və stajorların yüksək ixtisaslı
mütəxəssis kimi hazırlanması professor Nilüfər İsrafilovanın adı ilə bağlıdır. O, öz
işinə vicdanla, dəqiqliklə yanaşan əsl təcrübəli rəhbər olmuşdur.
Prof. İsrafilova N.M. kafedranın əməkdaşları ilə müzakirədə, 1972-ci il.
Professor İsrafilova N.M. Azərbaycan Respublikası Səhiyyə Nazirliyinin
pediatriya üzrə atestasiya komissiyasının sədr müavini kimi də fəaliyyət
göstərmişdir (1973-1983).
Professor N.M.İsrafilovanın rəhbərlik etdiyi müddətdə təkmilləşdirilmə
kurslarına cəlb olunan (Sovet İttifaqı dövründə müxtəlif respublikalardan həkimlər
daxil olmaqla) minlərlə həkimlərə pediatriyanın müxtəlif sahələrini əhatə edən
oxuduğu maraqlı mühazirələr, həddindən artıq maraqlı keçirilən xəstələrə kliniki
baxışlar və müalicə ilə bağlı müzakirələr
uzun illər həkimlərin yaddaşından
silinmir, tez-tez böyük hörmətlə xatırlanır.
Ə.Əliyev adına Azərbaycan Dövlət Həkimlərin Təkmilləşdirmə İnstitutunun
keçmiş rektoru, akademik M.C.Cavadzadənin təşəbbüsü ilə 1993-cü
ildə professor
N.M.İsrafilovanın rəhbərliyi altında pediatriya fakültəsinin nəzdində neonatologiya
kursu yaradılmışdır. Onun kafedrada çalışmağa başlayan bir çox gənc praktik
həkimlərin neonatoloq elmi işçiləri, müəllim kimi formalaşmasında böyük rolu
olmuşdur.
Prof. İsrafilova N.M. kafedranın əməkdaşları və kursantlarla birgə, 1981-ci il.
Professor N.M.İsrafilovanın daim əhatəsinə düşən hər bir pediatr ondan
həkimlik sənətinin incəliklərini öyrənirdi. Professor N.M.İsrafilova gözəl nitq
qabiliyyətinə malik olan bir pedaqoq idi. Əsl pedaqoq istedadı, mühazirəçi ustalığı
sayəsində Nilufər xanım, Ə.Əliyev adına Azərbaycan Dövlət Həkimləri
Təkmilləşdirmə İnstitutunun “Ən Yaxşı Mühazirəçisi” adına layiq görülmüşdü.
İşlədiyi müddət ərzində professor N.M.İsrafilova həm Azərbaycanın pediatriya
elminin inkişafında həm də uşaq əhalisinin sağlamlığının qorunmasında fəal
iştirakına görə “Səhiyyənin Əlaçısı”, “Əmək Veteranı”, Azərbaycan
Respublikasının Ali Sovetinin “Fəxri Fərman” və digər mükafatlara layiq
görülmüşdür.
Professor N.M.İsrafilova təcrübəli klinisist olub, xəstəliyin etiopatogenezinə
böyük əhəmiyyət verirdi. Onun “Xəstəliyin etiopatogenezini bilməyən həkim,
xəstəyə düzgün müalicə kursu təyin edə bilməz”, sözlərini kafedranın heyyəti
tərəfindən tez-tez xatırlanır.
Nilüfər xanımın ziyalı ailəsindən olması, onun bütün davranışında,
ətrafdakılara münasibətində, qayğıkeşliyində, eləcə də tədris prosesində özünü əks
etdirirdi.
Onun rəhbərliyi altında 10-dan artıq tibb elmləri namizədi dissertasiyaları
müdafiə olunmuşdur.
Professor N.M.İsrafilova Azərbaycanda, pediatriya kafedrasında daim anılır
və xatirəsi onu tanıyanların qəlbində yaşayacaqdır.
Mətanət Qaraxanova
Ə.Əliyev adına Azərbaycan Dövlət Həkimləri Təkmilləşdirmə İnstitutunun
pediatriya kafedrasının dosenti
Dostları ilə paylaş: |