1-bob. Umumiy qoidalar 1-modda. Ushbu Qonunning maqsadi va asosiy vazifalari

16-modda. Ishonchning himoya qilinishi prinsipi
Vijdonan harakat qiluvchi manfaatdor shaxslarning ma’muriy hujjatga bo‘lgan ishonchi
qonun bilan qo‘riqlanadi.
Ma’muriy organlar manfaatdor shaxslarning yuzaga kelgan ma’muriy amaliyot bilan
bog‘liq qonuniy kutilgan natijalarini hurmat qilishi shart. Yuzaga kelgan ma’muriy amaliyotning
o‘zgartirilishi jamoat manfaatlari bilan oqlangan bo‘lishi, umumiy xususiyatga ega va barqaror
bo‘lishi kerak.
17-modda. Ma’muriy ixtiyoriylikning (diskretsion vakolatning) qonuniyligi prinsipi
Oldingi
 tahrirga qarang.
Ma’muriy organ ma’muriy ixtiyoriylikni (diskretsion vakolatni) qonunchilikda belgilangan
doirada amalga oshirishi shart.
(17-moddaning birinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Ma’muriy ixtiyoriylik (diskretsion vakolat) asosida qabul qilingan ma’muriy hujjatlar va
amalga oshirilgan ma’muriy harakatlar ushbu vakolatning maqsadiga mos kelishi kerak.
18-modda. Tekshirish prinsipi
Ma’muriy organ ma’muriy ishni to‘g‘ri hal qilish uchun ahamiyatga ega bo‘lgan barcha
haqiqiy holatlarni har tomonlama, to‘liq va xolisona tekshirishi shart.
Oldingi
 tahrirga qarang.
Zarurat bo‘lganda, ma’muriy organ manfaatdor shaxslar tomonidan taqdim etilgan dalillar
bilan cheklanmasdan qonunchilikda belgilangan tartibda o‘z tashabbusi bilan qo‘shimcha
dalillar yig‘ishga haqli.

---

(18-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
19-modda. Ma’muriy tartib-taomillar prinsiplarining qo‘llanilishi
Ma’muriy hujjatlar va ma’muriy harakatlar ma’muriy tartib-taomillarning prinsiplariga
muvofiq bo‘lishi kerak.
Ma’muriy tartib-taomillar prinsiplariga nomuvofiqlik ma’muriy hujjatlarning va ma’muriy
harakatlarning bekor qilinishiga yoki qayta ko‘rib chiqilishiga olib keladi.