| 9. İnsan kompüter qarşılıqlı münasibətlərinin psixoloji aspektləri
Stendford Universitetinin professorları Klifford Nass və Bayron Rivz insanın kompüterə olan reaksiyasının öyrənilməsi ilə məşğul olmuşdular. Onlar belə qənaətə gəlmişdilər ki, insanın kompüterə olan reaksiyası başqa insanlara olan reaksiyası ilə eynidir. Bu tədqiqatdan belə nəticəyə gəlmək olar ki, əgər biz tərtib etdiyimiz proqramın istifadəçinin xoşuna gəlməyini istəyiriksə, onda elə etməliyik ki, onun davranışı insan davranışına bənzər olsun. Nass və Rivz qeyd edirlər ki, tərtib olunmuş proqramlar “nəzakətli” olmalıdırlar, çünki nəzakətli olmaq universal insan faktorudur.
Yüksək texnologiyanın bəzi məhsulları "xahiş edirəm” və ya "təşəkkür edirəm" deyə bilərlər, amma bu nəzakətli olmaq deyil. Əgər proqram informasiya verməyə xəsislik edirsə, öz işinin nəticəsini gizlədirsə, istifadəçini sadə funksiyaları axtarmağa məcbur edirsə və onu uğursuzluqla günahlandırırsa, onda belə proqram istifadəçinin xoşuna gəlməyəcəkdir. Bu "xahiş edirəm” və ya "təşəkkür edirəm"-ə baxmayaraq baş verəcəkdir.
Qısaca demək olar ki, “İstifadəçinin maraqları hər şeydən vacib olmalıdır”. İstifadəçi hiss etməlidir ki, proqramı o idarə edir, əksinə deyil.
Dostları ilə paylaş: |
