1. kimyanin ilk qanunlari. Stexiometrik qanunlqar

Al₂O₃ · nH₂O - boksit, alüminium filiz
Na₃AlF₆ - kriolit
Al₂O₃ – korund, tərkibində Cr₂O₃ olduqda yaqut, titan və dəmir oksidləri qarışığı olduqda sapfir adlanır.
Alınması. 1825 – ci ildə Danimarka alimi Ersted kalium ilə alüminium – xloridi hava daxil olmadan qızdırmaqla sərbəst alüminium almışdır.
AlCl₃ + 3K → Al + 3KCl
Alüminium almaq üçün susuzlaşdırılmış və kənar qatışıqlardan təmizlənmiş boksitdən (Al₂O₃ · nH₂O) istifadə edilir. Boksitin elektrik keçiriciliyini artırmaq və ərimə temperaturunu (2050⁰ C) aşağı salmaq üçün 6-8% boksit ilə 92-94% kriolit qarışığı götürülür ki, bu da elektrolizi təxminən 1000⁰C – də aparmağa imkan yaradır. Elektrolizor vannasının divarları və dibi istiliyi keçirməyən materiala döşənir və üzərinə qrafitdən üz çəkilir. Proses zamanı bu hissə katod rolunu oynayır. Anod kimi vannaya kömür çubuqlar daxil edilir. Elektroliz prosesində ərimiş boksit aşağıdakı sxem üzrə dissosasiya edir:
Al₂O₃ (Al AlO₃) → Al³⁺ + AlO₃^3-
Katodda: Al³⁺ + 3e^- → Al⁰
Anodda: 4AlO₃^3- – 12e^- → 2Al₂O₃ + 3O₂
Fiziki xassələri. Gümüşü – ağ, yüngül (p=2,7 q / sm³) plastik, t_ər = 660⁰C – də əriyən metaldır. Elektrik keçiriciliyinə görə yalnız Ag və Cu – dən geri qalır.
Kimyəvi xassələri. Alüminium havada qaldıqda üzərində sıx oksid təbəqəsi, nəm havada qaldıqda isə səthində nazik hidroksid təbəqəsi əmələ gəlir; xırdalanmış halda közərtdikdə şiddətli alovla yanaraq oksidə çevrilir. Üzərindəki oksid təbəqəsini dağıtdıqda alüminium adi şəraitdə su, oksigen, xlor və bromla reaksiyaya girir. Alüminium hidogenlə birbaşa reaksiyaya girə bilmir, onun hidridi dolayı yolla alınır.