1-mavzu pdf

Savollar: 
Ma’lumotlarga misollar keltiring va ularning axborotga aylanish shartlari;
Ma’lumotlar va axborotlar o‘rtasidagi farqlarni ko‘rsatadigan misollar keltiring; 
Turli xil shakllarda taqdim etilgan bir xil ma’lumotlarga misollar keltiring;
Kundalik hayotda uchraydigan kerakli va foydali ma’lumotlarga misollar
keltiring. Axborotning xususiyatlari uni oladigan kishiga bog‘liqmi. Javobingizni
tushuntiring.
Informatika atamasi 1960 yillarda fransuz olimlari tomonidan kiritilgan.
Informatika atamasi lotincha Informatic so‘zidan kelib chiqqan bo‘lib,
tushuntirish, xabar qilish, bayon etish ma’nosini anglatadi. Ingliz tilida bu atamaga
Computer science (kompyuter haqidagi fan) sinonimi mos keladi.
Informatika kompyuter texnikasining rivojlanishi tufayli yuzaga keldi, unga
asoslanadi, usiz mavjud bo‘la olmaydi va o‘z navbatida uning rivojiga,
yangilanishiga o‘z hissasini qo‘shadi.
Informatika – axborot texnologiyalari vositalari yordamida axborotni taqdim
etish, qabul qilish, saqlash, unga ishlov berish, uzatish usullarini, ya’ni axboriy
jarayonlarni va axborot texnologiyalari vositalarining faoliyat ko‘rsatish
tamoyillarini, ularni boshqarish usullarini sistemali ravishda o‘rganuvchi fandir.
Informatikada analog (uzluk-siz) va raqamli (diskret) axborotlar ishlatiladi. 
Inson sezgi a’zolari analog (uzluksiz) axborot bilan ish ko‘rishga moslashgan 
bo‘lsa, hisoblash texnikasi esa raqamli (diskret) axborot bilan ishlaydi.