65Ыё7333333333333333000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

Ishlab chiqarishdagi yaroqsiz mahsulotlarni
hisobga oluvchi schotlarning (2600) bog‘lanishi
2610 "Ishlab chiqarishdagi yaroqsiz mahsulotlar" schoti ishlab chiqarishdagi yaroqsiz mahsulot hisobiga yo‘qotishlar to‘g‘risidagi axborotlarni umumlashtirish uchun mo‘ljallangan.

Mazkur schotning debeti bo‘yicha aniqlangan yaroqsiz mahsulotlarga doir xarajatlar, shuningdek kafolatli ta’mirlash xarajatlari yig‘iladi, krediti bo‘yicha - yaroqsiz mahsulotdan ko‘rilgan yo‘qotishlarning kamayishiga olib boriladigan summalar (yaroqsiz mahsulotning foydalanish mumkin bo‘lgan bahosi bo‘yicha qiymati, yaroqsiz mahsulotning aybdorlaridan ushlanadigan summalar, mol yetkazib beruvchilar tomonidan yetkazib berilgan sifatsiz materiallar va yarim tayyor mahsulotlardan foydalanish natijasida yuzaga kelgan yaroqsiz mahsulot va boshqalar uchun undiriladigan summalar), shuningdek yaroqsiz mahsulotlardan ko‘rilgan yo‘qotish sifatida ishlab chiqarish xarajatlariga hisobdan chiqariladigan summalar aks ettiriladi.

T/r	Xo‘jalik operatsiyasining mazmuni	Bog‘lanuvchi schotlar			Yozuvlarni tasdiqlovchi hujjatlar
		debet	kredit
1	Yaroqsiz mahsulotlarni tuzatish bo‘yicha materiallar sarflanishi aks ettirilgan	2610	1010-1050, 1090	Yaroqsizlik to‘g‘risida dalolatnoma, yukxat
2	Asosiy va yordamchi ishlab chiqarishda aniqlangan tuzatib bo‘lmaydigan yaroqsiz mahsulotdan ko‘rilgan yo‘qotishlar hisobdan chiqarilgan	2610	2010, 2310	Yaroqsizlik to‘g‘risida dalolatnoma
3	O‘zida ishlab chiqarilgan yaroqsiz yarim tayyor mahsulotlar aniqlangan va hisobdan chiqarilgan	2610	2110	Inventarlash dalolatnomasi
4	Umumishlab chiqarish xarajatlarining ulushi tuzatib bo‘ladigan va tuzatib bo‘lmaydigan yaroqsiz mahsulotlar tannarxiga kiritilgan	2610	2510	Buxgalteriyaning hisob-kitobi
5	Xaridorga yaroqsiz mahsulot o‘rniga berilgan mahsulot tannarxi aks ettirilgan	2610	2810	Yaroqsizlik to‘g‘risida dalolatnoma, yukxat
6	Yaroqsizlik bilan bog‘liq turli xarajatlar (yaroqsiz mahsulotni almashtirishda, qaytarishda tashish va boshqa xarajatlar) banklardagi hisob-kitob, valyuta yoki maxsus varaqlardan to‘langan	2610	5110, 5210, 5510-5530	Shartnoma, yaroqsizlik to‘g‘risida dalolatnoma
7	Yaroqsizlikni tuzatishda va kafolatli ta’mirlashda mol yetkazib beruvchilarning ko‘rsatgan xizmatlari bo‘yicha schotlari qabul qilingan	2610	6010	Shartnoma, hisobvaraq-faktura, bajarilgan ishlar, xizmatlar dalolatnomasi
8	Yaroqsizlikni tuzatish uchun ijtimoiy sug‘urta va mehnat haqi summalari bo‘yicha ta’minotiga ajratmalar hisoblangan	2610	6520	Buxgalteriyaning hisob-kitobi
9	Yaroqsiz mahsulotlarni tuzatish bo‘yicha mehnat haqi summasi hisoblangan	2610	6710	Bildirgi, ish vaqti hisobining tabeli, buxgalteriyaning hisob-kitobi
10	Yaroqsiz mahsulotlarni qaytarish, tashish va boshqalar bilan bog‘liq summalar hisobdor shaxslar hisobidan chiqarilgan	2610	4220 4320	Hisobdor shaxslarning hisobotlari
11	Iste’molchilar tomonidan olingan yaroqsiz mahsulotlarni tuzatish uchun qilingan xarajatlar bo‘yicha ular oldidagi qarz hisoblangan	2610	6990	Yaroqsizlik to‘g‘risida dalolatnoma, iste’molchilar tomonidan taqdim etilgan schotlar
12	Yaroqsiz mahsulotni tuzatishdan qolgan va yakuniy yaroqsiz mahsulotlarni hisobdan chiqarishdan olingan moddiy qiymatliklar (foydalanish mumkin bo‘lgan bahosida) kirim qilingan	1010	2610	Bildirgi, hisobdan chiqarish dalolatnomasi
13	Yaroqsiz mahsulotdan ko‘rilgan yo‘qotishlar asosiy ishlab chiqarish mahsulotlari, ish va xizmatlar tannarxiga kiritilgan; qaytarilgan yaroqsiz mahsulot tannarxi hisobdan chiqarilgan	2010	2610	Yaroqsizlik to‘g‘risida dalolatnoma, buxgalteriyaning hisob-kitobi
14	Yaroqsiz mahsulotdan ko‘rilgan yo‘qotishlar yordamchi ishlab chiqarish mahsulotlari, ish va xizmatlar tannarxiga kiritilgan; qaytarilgan yaroqsiz mahsulot tannarxi hisobdan chiqarilgan	2310	2610	Yaroqsizlik to‘g‘risida dalolatnoma, buxgalteriyaning hisob-kitobi
15	Yaroqsiz mahsulotdan ko‘rilgan yo‘qotishlar aybdor ishchilarning mehnat haqidan ushlab qolish hisobiga kamaytirilgan (joriy oy bo‘yicha)	6710	2610	Mehnat shartnomasi, yaroqsizlik to‘g‘risida dalolatnoma, bildirgi, buxgalteriyaning hisob-kitobi
16	Yaroqsizlik oqibatida kelib chiqqan yo‘qotishlardan ko‘rilgan moddiy zarar aybdor ishchilar hisobidan hisobdan chiqarilgan (ijro varaqalari va boshqalar bo‘yicha)	4730	2610	Sud qarori, buxgalteriyaning hisob-kitobi
17	Oldingi yillar bo‘yicha aniqlangan qoplanmaydigan yaroqsizlikdan yo‘qotishlar zararlarga hisobdan chiqarilgan (jumladan, tashqi yaroqsizlikdan ham)	9430	2610	Buxgalteriyaning hisob-kitobi
18	Oldingi yillar bo‘yicha aniqlangan qoplanmaydigan yaroqsizlikdan yo‘qotishlar foydani kamaytirishga hisobdan chiqarilgan	8710	2610	Buxgalteriyaning hisob-kitobi
19	Aniqlangan yaroqsizlik bo‘yicha aybdor tashkilotga da’vo taqdim etilgan	4860	2610	Tijorat dalolatnomasi, da’vo hujjatlari
20	Yaroqsizlikni tuzatish bilan bog‘liq xarajatlar bo‘yicha hisobdor shaxslarning bo‘nak hisobotlari tasdiqlangan	2610	6970	Bo‘nak hisobotlari