161
dörd milliyində və ya buna yaxın məsafədə yerləşirdi. (Buxari 550, Muslim
621/192, 1439)
362. Ənəs İbn Məlik, Əbi Uməmədən rəvayət edir ki, bir dəfə Ömər İbn
AbdulƏzizin arxasında Zöhr namazını qıldıq. Sonra çıxıb Ənəs İbn Məlikin
yanına getdik. Biz onu Əsr namazını qılan gördük. Ona: “Ey Əmim! Bu hansı
namazdır qılırsan?” dedim. O: “Əsr namazıdır, bu namaz vaxtilə Peyğəmbərlə
bərabər qıldığım namazdır” dedi. (Buxari 549, Muslim 623/196, 1444)
363. Rafi İbn Xadic rəvayət edir ki, biz Peyğəmbərlə bərabər Əsr namazını
qıldıq. Sonra dəvəmizi kəsib on qismə bölərdik. Gün batmazdan öncə də
bişirib yeyərdik”. (Buxari 2485, Muslim 625/198, 1446)
Əsr Namazını Gecikdirənə Şiddətli Cəza
364. İbn Ömər rəvayət edir ki, Peyğəmbər buyurdu: “Əsr namazını
buraxan adam ailəsini və malını itirmiş kimidir.” (Buxari 552, Muslim 626/200,
1448)
Orta Namazın Əsr Namazı Olduğunu Deyənlərin Dəlili
162
365. Əli rəvayət edir ki, Əhzab günü Peyğəmbər : “Allah müşriklərin
evlərini və məzarlarını atəşlə doldursun. Onlar bizləri günəş batdığı vaxta
qədər Əsr namazından saxladılar”. (Buxari 2931, Muslim 627/205, 627/205,
1456, 1457)
366. Cabir İbn Abdullah rəvayət edir ki, Xəndək döyüşü əsnasında Ömər İbn
Xəttab gün batandan sonra (müsəlmanların yanına) qayıtdı və Qureyş
kafirlərini söyməyə başladı. Sonra dedi: “Ya Rəsulullah, mən əsr namazını gün
batana yaxın qıldım.” Peyğəmbər: “Vallahi, mən əsr namazını hələ
qılmamışam.” Sonra biz Buthana yollandıq. (Orada) Peyğəmbər dəstəmaz
aldı və biz də namaz qılmaq üçün dəstəmaz aldıq. Gün batandan sonra o, əsr
namazını, arxasınca da məğrib namazını qıldırdı. (Buxari 596, 4112, Muslim
631/209, 1462)
Sübh Və Əsr Namazının Fəziləti Və Bu Namazların
Mühafizəsi
367. Əbu Hureyra rəvayət edir ki, Peyğəmbər buyurdu: “Bir dəstə mələk
gecələr, bir dəstə mələk də gündüzlər növbə ilə sizin yanınıza gəlir, onlar sübh
və əsr namazlarında bir yerə toplanırlar. Bundan sonra gecəni sizin aranızda
keçirən mələklər (səmaya) qalxır və Allah onlardan: “Siz Mənim qullarımı nə
vəziyyətdə tərk etmisiniz?” deyə soruşur, halbuki O, qullarının (nə etdiklərini)
daha yaxşı bilir. Bununla belə onlar deyirlər: “Biz onları namaz qıldıqları halda
tərk etdik, yanlarına gəldikdə də onlar namaz qılırdılar.” (Buxari 555, 7429,
7486, Muslim 632/210, 1464)
163
368. Cərir rəvayət edir ki, (bədr) gecəsi biz Peyğəmbərin yanında ikən o,
aya baxıb dedi: “Siz bu ayı gördüyünüz kimi, Rəbbinizi də (öz gözünüzlə)
görəcək və Ona baxmaq üçün bir-birinizə mane olmayacaqsınız. Əgər gün
doğmamışdan və batmamışdan əvvəl sizi namaz (sübh və əsr) qılmaqdan
yayındıracaq (işlərdən) çəkinə bilirsinizsə, çəkinin.” Sonra o (bu ayəni) oxudu:
“Gün doğmamışdan əvvəl və batmamışdan əvvəl Rəbbini həmd ilə təriflə!”.
(Qaf 39). (Buxari 554, 4851, Muslim 633/211, 1466)
369. Əbu Musa rəvayət edir ki, Peyğəmbər buyurdu: “Kim sübh və əsr
namazlarını qılarsa, Cənnətə girər.” (Buxari 574, Muslim 635/215, 1470)
Məğrib Namazının Vaxtının Əvvəli, Günəşin Batdığı
Vaxtın Olmasının Bəyanı
370. Sələmə rəvayət edir ki, bizlər Peyğəmbərlə bərabər Məğrib namazını
günəş hicabla gizləndiyi zaman qılardıq”. (Buxari 561, Muslim 636/216, 1472)
371. Rafi İbn Xədic rəvayət edir ki, biz Peyğəmbərlə birlikdə Məğrib
namazını qıldıqdan sonra (hər) birimiz namazdan çıxar və atdığı oxun
düşdüyü yeri görə bilərdi”. (Buxari 559, Muslim 637/217, 1473)
İşanın Vaxtı Və Onu Gecikdirmək
164
372. Aişə
rəvayət edir ki, (bir dəfə) Peyğəmbər İslam hələ (Mədinədən
kənara) yayılmadığı bir dövrdə, işa namazını (gecənin ilk üçdə birinədək)
gecikdirdi və Ömər: “Qadınlar və uşaqlar artıq yatıblar” deməyincə, (evdən)
çıxmadı. (Yalnız bundan) sonra bayıra çıxdı və məsciddəkilərə dedi: “Sizdən
başqa yer üzündə yaşayanlardan heç bir kimsə (bu saatda) işa namazını
gözləmir.” (Buxari 566, Muslim 638/218, 1475)
373. Abdullah İbn Ömər rəvayət edir ki, Peyğəmbər bir gecə İşa namazını
o, qədər təhirə saldı ki, bizlər məsciddə yatdıq, sonra oyndıq, sonra yenə
yatdıq və oyandıq. Sonra Peyğəmbər yanımıza gəlib buyurdu: “Bu an yer
üzündə sizdən başqa bu namazı gözləyən kimsə yoxdur”. (Buxari 570, Muslim
639/221, 1479)
374. Humeyd rəvayət edir ki, Ənəsdən soruşdum: “Peyğəmbərin möhür
olan üzüyü vardımı?” deyə soruşdu. Ənəs: “Peyğəmbər bir gecə İşa namzını
gecə yarısına qədər gecikdirdi. Namazı qıldırdıqdan sonra sonra bizə yönəldi.
Peyğəmbərin gümüş möhür üzüyünün parıltısı hələ də gözümün özündədir”.
Peyğəmbər: “(Bu saatda) insanlar nmaz qılıb yatmışdılar. Sizlər isə namazı
gözlədiyiniz müddətdə namazın içində idiniz” deyə buyurdu. (Buxari 5869,
Muslim 640/222, 1480)
375. Əbu Musa demişdir: “Mən və mənimlə birlikdə (Yəməndən) gəmidə
gəlmiş yoldaşlarım (bir müddət) Buthan vadisində qaldıq. O zaman
Peyğəmbər Mədinədə idi. Bizlərdən bəziləri hər gecə işa namazı vaxtı növbə
ilə Peyğəmbərin yanına gedərdi. (Bir gecə) mən yoldaşlarımla Peyğəmbərin
yanına gəldikdə o özünə aid olan bir işlə məşğul idi. Buna görə də namazı
Dostları ilə paylaş: |