151
cu illərin əvvəllərində ZSFSR XTK kollegiyasının üzvləri Vartapetyan, Xundadze,
Salaridze, katibi İsaxanyan idi.
59
Göründüyü kimi, federal torpaq komissarlığı kimi
məsuliyyətli bir qurumda azərbaycanlı təmsil olunmamışdı. Ümumiyyətlə, 20-ci
illərin ilk yarısında Cənubi Qafqaz MİK əməkdaşlarından, sadəcə, 15,4 %-i
azərbaycanlı idi; 30,8 %-ni ermənilər, 23,1 %-ni gürcülər, 11,5 %-ni isə ruslar
təşkil edirdi.
60
20-ci illərdə torpaq mübahisələri komissiyasında Azərbaycan tərəfini
Seyid Cəfər Yaqubov təmsil edirdi. Əslən Nijni Novqorod tatarlarından olan,
şüurlu həyatını Bakı neft-mədən rayonunda inqilabi hərəkatla bağlamış Yaqubov
Cənubi Qafqazın mürəkkəb etnik və etnososial reallıqlarına bələd deyildi. Təsadüfi
deyildi ki, Azərbaycanın xalq daxili işlər komissarı M.C.Bağırov 1925-ci ilin
noyabrında olmuş müşavirədə onu yaxşı yoldaş, fəqət mübahisəli torpaq
məsələrinin
incəliklərindən
büsbütün başı çıxmayan bir şəxs kimi
səciyyələndirmişdi.
61
Yeri gəlmişkən, adını çəkdiyimiz Onanov Qazax və Dilican qəzaları
arasında sərhədlərin müəyyənləşdirilməsi üzrə komissiyaya başçılıq edərkən,
Azərbaycan torpaqları hesabına Ermənistanın ərazicə artmasına kifayət qədər
kömək göstərmişdi. Təsadüfi deyildi ki, M.C.Bağırov qeyd etdiyimiz müşavirədə
bu şəxsi millətçilikdə və daşnaq keçmişində ittiham etmişdi.
Oktyabr sazişlərinin Azərbaycanın maraqlarına nə dərəcədə zidd olduğunu
dərk edərək, öz etiraz səsini ucaldan ilk rəsmi şəxs Zaqatala qəza torpaq şöbəsinin
müdiri Dibir Nəsibov olmuşdu. Bu şəxs, ümumiyyətlə, 20-ci illərin ortalarında
Zaqatala kənd icmalarının torpaqlarının Gürcüstan tərəfindən mənimsənilməsi
siyasətinə qarşı fəal mövqeyi ilə seçilirdi. O, 1924-cü ilin dekabrın 14-də
hakimiyyət orqanlarına ünvanladığı etiraz təliqəsində torpaqların verilməsini qəti
şəkildə pisləyirdi.
62
Nəsibov bu aktın, məsələn, Qabaqçöl camaatı üçün sosial-
iqtisadi nəticələrini belə qiymətləndirirdi: «Əgər bu torpaqlar Sığnaq qəzası
sakinlərinin istifadəsinə verilərsə, onda Qabaqçöl sakinləri otlaqsız qalacaqlar və
öz isti yurd-yuvalarını tərk etməli olacaqlar, çünki belə olduğu halda onların...
hətta mal-qaralarını otarmaları üçün örüşləri belə olmayacaq». 1925-ci ilin
fevralında Qabaqçöl cəmiyyəti müvəkkilləri (fikrimizcə, D.Nəsibovun yaxından
iştirakı ilə) Azərbaycan Şuraları MİK və Azərbaycan K(b)P MK-ya ərizə ilə
müraciət etdilər. Ərizədə müxtəsər olaraq aşağıdakı dəlillər irəsi sürülmüşdü: 1)
Torpaqlar tarixən Zaqatala qəzasının - tarixi Car-Balakən camaatlığının
istifadəsində olmuşdur və bu ərazilərdə yaxın zamanlaradək gürcü elementi
bulunmamışdır. 2) Torpaqların Gürcüstana verilməsi zaqatalalıların müflisləşməsi
deməkdir. 3) Mübahisəli rayonlar (o cümlədən Şirək çölü) Zaqatala kəndlilərinin
bilavasitə istifadəsində olduğu üçün onların Zaqatala qəzası idarəçiliyində olması
inzibati cəhətdən də özünə haqq qazandırır.
Ərizənin sonunda deyilirdi: «Mübahisəli torpaqlara tarixi və faktiki
hüquqlar Zaqatala qəzasının əhalisinə məxsusdur və əgər bilik və qüvvə üstünlüyü
152
yolu ilə bu torpaqlar gürcülərə ayrılacaqsa, bu, açıq ədalətsizlik və bizim qanuni
hüquqlarımızın və yaşama haqlarımızın pozulması demək olacaq. Bu mübahisəli
torpaqlar əhalimizin möhtac qisminin çörək tikəsidir...».
63
Gətirilən fraqmentdə «bilik və qüvvə üstünlüyü» ifadəsi diqqətəlayiqdir.
«Bilik» dedikdə, çox güman ki, qabaqçöllülər onların mənafelərini müdafiə edəcək
savadlı azərbaycanlı idarəçilik kadrlarının yoxluğuna, «qüvvə» dedikdə isə yuxarı
hakimiyyət strukturlarında gürcü və erməni vəzifəlilərinin sayca və nüfuzca
üstünlüyünə işarə edirdilər.
Bu müraciət Azərbaycan SSR MİK Rəyasət Heyətinin 1925-ci ilin 21
fevralında olmuş geniş iclasında baxıldı. İclasda məsələyə yenidən baxılması və o
vaxtadək 1924-cü il 15 oktyabr öncəsi mövcud köhnə vəziyyətin qüvvədə
saxlanılması haqqında Cənubi Qafqaz MİK-i qarşısında vəsatət qaldırıldı.
64
Lakin 1925-ci ilin martın 30-da Cənubi Qafqaz MİK nəzdində torpaq
məsələləri üzrə komissiyanın iclasında oktyabr protokollarının təsdiqi və
Azərbaycan tərəfinin vəsatətinin rədd edilməsi haqqında qərar qəbul edildi.
65
Yeri
gəlmişkən, həmin qərar komissiyanın sədri S.Kasyan və katibı Onanov tərəfindən
imzalanmışdı.
Elə həmin gün Cənubi Qafqaz MİK-in iclası keçirildi. İclasda Kasyanın
məruzəsi əsasında torpaq komissiyasının yuxarıda göstərilmiş qətnaməsi təsdiq
edildi.
66
Bu qərar oktyabr sazişlərini qüvvəyə mindirməklə bərabər, «mübahisəli
torpaqlar» adlandırdığımız məsələyə hüquqi baxımdan yekun vururdu: o tarixdən
etibarən Azərbaycan tərəfinin həmin ərazilərin inzibati cəhətdən özünə tabe
etdirilməsinə yönəlmiş bütün səyləri dönmədən rədd edilirdi və rədd cavabının da
hüquqi əsası kimi məhz 30 mart 1925-ci il qərarı çıxış edirdi.
3. 1920-ci illərin ikinci yarısı-30-cu illərin əvvəllərində
Zaqatala kəndlilərinin ġirəkdən tamamən sıxıĢdırılıb-
çıxarılması və bunun sosial-iqtisadi nəticələri
Birinci paraqrafda biz 1921-ci ildə N.Nərimanov-F.Maxaradze və
M.Hacıyev - B.Mdivani sazişlərinə, habelə Azərbaycan-gürcü komissiyasının 8
noyabr 1921-ci il və 28 yanvar 1922-ci il qərarlarına əsasən bəzi torpaqların
Azərbaycana qaytarıldığından bəhs etmişdik. Gürcüstan bu qərarların qəbul
edildiyi vaxt yenicə sovetləşmişdi; respublikanın siyasi həyatı qeyri-sabit, sosial-
iqtisadi vəziyyəti isə böhranlı idi. Lakin 20-ci illərin ortalarına doğru vəziyyət
dəyişmişdi: Gürcüstan, digər sovet respublikaları kimi, nisbətən dayanıqlı sosial-
iqtisadi inkişaf yoluna qədəm basmışdı. Eyni zamanda, 1924-cü ilin avqustunda
Gürcüstanda antisovet çıxışı yatırıldıqdan sonra respublikanın siyasi həyatı da
Dostları ilə paylaş: |