Qaraçay ədəbiyyatı
273
mənəvi-etik məsələlər müəllif tərəfindən müxtəlif estetik və bədii
mövqelərdən açılır və yazıçı burada qəhrəmanlarının cəmiyyət-
dəki mənəvi simasına nəzər salmaqla, müasirlərin daxili aləminin
hərtərəfli açılmasına can atmaqla onları şəxsi və ictimai sferada
göstərməyə meyllənir.
O.Xubiyev «Qisas» povestində digər Qaraçay yazıçıları kimi
müsbət və mənfi personajların sərt şəkildə kontrastlaşdırılması
yolu ilə getmir. O, realist yazıçı kimi mürəkkəb və ziddiyyətli
canlı insanlarla bədii ünsiyyətə girdiyini yaxşı başa düşür. Bu po-
vestdəki müsbət personajlar bütün xüsusiyyətləri ilə təqdim olu-
nur. «Qisas» povestinin episentrində şəxsi və ictimai, borc və hiss
kimi mənəvi-əxlaqi keyfiyyətlərin toqquşması əsərin konfliktinin
əsasını təşkil edir. Povestdə hadisələr iki istiqamətdə gedir. Birin-
ci xətti əsərin ötərgi qəhrəmanlarından biri aul məktəbinin direk-
toru Çamur və həmin məktəbin fizika müəllimi Domalay arasında
mövcud olan münasibətlər, ikinci xətt isə Xorlamla Daum arasın-
da gedən münasibətlər təşkil edir ki, kitabda bu məsələ həm də
ictimai dəyər kəsb edir.
Çamurun şəxsi və fərdi daxili gərginlikləri onu faciəvi nə-
ticələrə gətirir. O, təsadüfən özünə qəsd etməklə, eyni zamanda
böyük qardaşının arvadı Daumu da öldürür. Lakin əsərdə gedən
sonrakı hadisələr bu hadisənin faciəviliyini örtərək onu arxa pla-
na keçirir və belə hal faciəvilikdən daha çox ağır bir itki kimi
qiymətləndirilir. Çamurun timsalında oxucu vətənpərvərlik hiss-
lərindən məhrum olan, vətənindən, elindən, obasından, xalqından
uzaq düşənlərin taleyinin sonda necə ağır nəticələndiyi göstərilir.
Eyni zamanda müəllif haqlı olaraq belələrinin dramatik vəziyyət-
lərini ortaya çəkməklə məktəb direktoru və fizika müəlliminin şər
qüvvə daşıyıcıları olduğunu ortaya qoyur.
Xorlam obrazı isə yazıçı tərəfindən tamamilə fərqli planda
qələmə alınmışdır. O, Daum kimi özünə nəzarət etməyi, hisslərini
ağılına tabe etdirməyi bacarır. Onun üçün sevgi nəinki təbii hiss-
Nizami Tağısoy
274
lərin ortaya çıxması, həm də insanı xeyirxah və güclü, qoçaq və
zərif edən möhtəşəm bir qüvvədir. Xorlam obrazını yazıçı əsasən
lirik-vətənpərvərlik planında təqdim edir. Burada obraz bir qədər
ənənəvi və stilizasiya fonunda ortaya qoyulsa da, O.Xubiyev onu
əsasən müsbət personaj, yeni həyat ideallarına sadiq, sevgi uğrun-
da mübarizə aparmağı bacaran obraz kimi təsvir etməyə müvəf-
fəq olmuşdur. Lakin O.Xubiyev bəzi hallarda Xorlam obrazına
onun qardaşından daha az diqqət yetirir. Yəqin elə buna görə də
bəzi hallarda Xorlam obrazı quru və bəsitləşmiş təsir bağışlayır.
Yazıçı iki qardaşı bir-biri ilə üz-üzə qoyub qarşılaşdırmaqla, on-
ların müxtəlif siyasi - əxlaqi qütblərdə dayanması ilə onlardan hər
birinin mənəvi keyfiyyətlərini açmağa çalışmışdır.
O.Xubiyev Daum obrazını da bədii nöqteyi-nəzərdən böyük
məhəbbətlə yaratmağa səy göstərmişdir. Əsərdə o, bir qədər ləng,
tənbəl, asta tempera mentli olmasına baxmayaraq, ondakı bu key-
fiyyətlər heç də onun süstlüyü kimi dərk edilməməlidir. Ona la-
zım olduqda hisslərini cilovlamağı bacarır, o, sevginin, şənliyin,
inam və arzunun, qorxunun nə olduğunu yaxşı bilir. Bütün bunlar
onu daxilən gözəl, mənəviyyat etibarı ilə zəngin edə bilir.
O.Xubiyev müsbət tipləri ustalıqla yarada bildiyi kimi onun
yaradıcı təcrübəsində mənfi tipləri yapmanın da öhdəsindən ba-
carıqla gəlir. Onların sırasında Çamur və Xorlamın bacısı Nanık,
Məhsudə və onun anası Zurum, Gökgə və başqalarıdır. O.Xubi-
yev Nanıkın meşşan naturasını əsərdə gedən dramatik hadisələr
fonunda kifayət qədər uğurlu aça bilmişdir. «Qisas» povestinin
bu cəhətinə vaxtı ilə N.Kaqiyeva da lazımınca diqqət yetirmişdir
(20,212).
Povestdə Çərkəz qızı Fatimə obrazı da mühüm çəkiyə ma-
likdir. Qaraçay aullarından birində yaşayan bu qadının əri cə-
bhədə həlak olmuşdur. Aulda hamı ona hörmətlə yanaşır. Ümu-
miyyətlə, Fatimə yazıçı tərəfindən hər hansı yersiz, lüzum-
suz detallardan kənarda təsvir olunur. Onun simasında yazıçı
Qaraçay ədəbiyyatı
275
çərkəzlərlə qaraçaylılar arasındakı dostluğu diqqət mərkəzinə
çəkir. «Qisas» povestindəki maraqlı obrazlardan biri Səfərdir.
Yazıçı bu obrazı elə şəkildə təsvir etmişdir ki, bütün əsər boyu
oxucunun ona rəğbəti hiss olunur.
Beləliklə, O.Xubiyevin «Qisas» povestinin eksklüziv təhlili
bu əsərin nəzərdən keçirdiyimiz illər Qaraçay nəsrindəki yerini
və rolunu göstərməyə bizi sövq etdiyindən düşünürük ki, «Qi-
sas» povestinin milli Qaraçay nəsrinin inkişafında rolu böyük ol-
muş, bu əsərin əksər tərəfləri yazıçının bədii metodunun ortaya
qoyulmasında, onun müəllif fərdiliyinin özəl xüsusiyyətlərinin
müəyyənləş diril məsində aparıcı rol oynamışdır. Bunu da qeyd
etməyə ehtiyac vardır ki, «Qisas» povestinə qədər Qaraçay nəsri
yalnız ümumi – hamıya məlum və hər hansı mübahisə doğurma-
yan həqiqətləri çatdırırdı. Qaraçay ədəbiyyatında əksər hallarda
kəskin konfliktli vəziyyət və halların üstündən sükutla keçilirdi.
Osman Xubiyev isə yeni məzmunlu əsər ortaya qoymaqla Qara-
çay ədəbiyyatına yeni nəfəs gətirməyə müvəffəq oldu. Əsərin ək-
sər müddəaları, obrazları və onların müəllif traktovkası yetərincə
polemik və mübahisəlidir. Bu əsərin polemikliyi ilə O.Xubiyev
ilk növbədə ictimai-həyatın xeyli qatlarını təsvir mərkəzinə çək-
məklə Qaraçayın və qaraçaylıların müasir aktual sosial problem-
lərinin ortaya qoyulmasını və həll edilməsini diqqətə çatdırmağı
özünün vətəndaşlıq və yazıçılıq borcu hesab etmişdir.
5.7. 1950-1980-ci illər Qaraçay romanının poetikası
Qeyd edək ki, 1950-1980-ci illər də bütün bu dövrki çoxmil-
lətli sovet ədəbiyyatında olduğu kimi Qaraçay nəsrində də BVM
mövzusuna maraq səngimirdi. Artıq 60-cı illərin sonlarına doğru
Şimali Qafqaz, o cümlədən Qaraçay ədəbiyyatında müharibə-
nin bədii dərki ilə bağlı xeyli təcrübə əldə edilmişdi. Bu möv-
Dostları ilə paylaş: |