171
kiçik yaĢayıĢ məntəqələrində 1-2, nisbətən iri yaĢayıĢ məntəqələrində isə ən azı 4-5
xırman olub. Erkən orta əsrlərə aid belə xırman yerlərindən biri Qəbələ rayonu
ərazisində «Xırmantəpə» adı ilə mövcuddur [141, 87]. Daha bir xırman yeri
Ġsmayıllı rayonunun Talıstan kəndi ərazisində «Xırman bağı» adı ilə məlumdur.
Xatırladaq ki, 70-ci illərin əvvəllərində plantaj Ģumu çıxarılarkən «Xırman bağı»
adlanan ərazidən V-VII əsrlərə aid çoxsaylı iri təsərrüfat küpləri üzə çıxmıĢdır
[407, 418]. Deyilənlərə təkcə onu əlavə edək ki, həm Xırmantəpə, həm də Xırman
bağı adı ilə məlum olan qədim xırman yerləri coğrafi baxımdan da taxılın
döyülərək külək vasitəsilə sovrulması üçün olduqca əlveriĢli yerlərdir. Arxeoloji
tədqiqatlar zamanı Albaniyanın ilk orta əsr yaĢayıĢ məntəqələrində içərisində taxıl
və ya taxıl məhsulları saxlanılan çoxsaylı iri təsərrüfat küpləri və quyular aĢkar
edilmiĢdir. Yuxarıda artıq qeyd etdiyimiz kimi, bu küplərin əksəriyyəti yaĢayıĢ
evlərinin və yardımçı binaların içərisində, döĢəməyə basdırılmıĢ vəziyyətdə aĢkar
edilib. Bir-birinin yanında basdırılmıĢ bir neçə iri təsərrüfat küpü əslində anbar
funksiyası daĢıyırdı. Bu cür anbar qalıqları Mingəçevir, Qəbələ, ġamaxı, Qalagah
və Qırlartəpə qazıntılarından da məlumdur. Məsələn, 1948-ci il qazıntıları zamanı
Mingəçevirdəki 2 saylı yaĢayıĢ yerindən yan-yana düzülmüĢ və ağzı gil qapaqlar
və dəyirman daĢı parçaları ilə örtülmüĢ 6 ədəd iri təsərrüfat küpü tapılıb. Hansı ki,
onlardan bir neçəsinin içərisində taxıl və un qalıqları olduğu qeydə alınıb. Orada,
həmçinin, xam torpaqda qazılmıĢ bir neçə təsərrüfat quyusu da aĢkara çıxarılıb.
Onlardan birində darı qalıqları aĢkar edilib [227, 72]. ġəhərin məbədlər sahəsindəki
konusĢəkilli quyudan isə 15 kiloqramadək un götürülmüĢdür. Quyunun divarı
hamar Ģirələndiyindən 1500 il ötməsinə baxmayaraq orada saxlanılan un torpağa
qarıĢmamıĢdır [227, 74]. Xatırladaq ki, içərisində un saxlanılan bu cür quyular
Mingəçevirin 3 saylı yaĢayıĢ yerində də aĢkar edilib [227, 74].
Albaniyanın digər əraziləri kimi, Girdiman abidələrində də taxılın emalına
xidmət edən çoxsaylı maddi-mədəniyyət qalıqları əldə olunmuĢdur. Bunlar əsasən
qayıqvari, oval və dairəvi formalı dən daĢları, habelə əl dəyirmanına aid
qalıqlardır. Qalagahda, Qırlartəpədə, Kənd yerində, Bəyimli qalasında, Həsən
bəyin yerində, KələĢ və Yekəxanada bu qəbildən olan tapıntılara az qala hər
addımda rast gəlinir.
Arxeoloji ədəbiyyatdan bəlli olduğu kimi, Azərbaycan ərazisində ilk dən
daĢı qalıqları Mingəçevirin 1 saylı yaĢayıĢ yerinin Eneolit dövrünə aid mədəni
təbəqəsindən tapılıb [289, 30]. Maraqlıdır ki, bizim eranın ərəfəsinədək həyatın
davam etdiyi həmin yaĢayıĢ yerinin üst mədəni təbəqəsindən də bu cür dən daĢları
tapılıb. Onların əksəriyyəti qayıqvari, az bir qismi isə oval və ya dairəvi formalıdır.
2 və 3 saylı yaĢayıĢ yerlərindən tapılan dən daĢları isə dairəvi və ya oval
formadadır. OvalĢəkilli dən daĢlarının əksəriyyətinin uzunluğu təqribən 60 sm, eni
35 sm, dairəvi formalı dən daĢların diametri isə 40 sm-dir. Həm oval, həm də
dairəvi dən daĢlarının qalınlığı 3-10 sm-dir. [227, 70].
172
Arxeoloq R.M.Vahidov görkəmli geoloq, akademik M.QaĢqayın rəyinə
əsaslanaraq Mingəçevirdən tapılmıĢ müxtəlif formalı dən daĢlarının Ġsmayıllı
rayonunun Qalacıq kəndi yaxınlığındakı Qabbro cinsli daĢ yatağından gətirildiyini
güman edir [227, 70]. ArayıĢ üçün bildirək ki, bu yataq qədim Girdiman
ərazisində, Göyçay çayı sahilində yerləĢir. Hansı ki, həmin yataqdan tədarük
olunmuĢ müxtəlif formalı dən daĢlarına Girdiman hövzəsinin ilk orta əsr
abidələrində daha çox təsadüf olunubdur. Qalagah, KələĢ, Həsən bəyin yeri,
Qırlartəpə və Bəyimli qalasında aparılan tədqiqatlar zamanı əldə olunan maddi-
mədəniyyət qalıqları içərisində bu cür nümunələr xüsusilə çoxluq təĢkil edir.
Fikrimizcə, əl dəyirmanları dairəvi formalı dən daĢlarının təkmilləĢdirilmiĢ
forması hesab edilə bilər. Baxmayaraq ki, akademik T.Ə.Bünyadov ilk əl
dəyirmanının hələ Erkən Dəmir dövründə, su ilə iĢləyən dəyirmanların isə e.ə. III-
II əsrlərdə meydana gəldiyini ehtimal edir [39, 50-56]. Lakin bu ehtimallar hələlik
arxeoloji materialla təsdiqlənməyib. Əl dəyirmanlarına aid ən qədim nümunələr isə
Yaloylutəpə və ġamaxıdan tapılıb [438, 44; 639, 215-216]. Yaloylutəpədən məlum
olan əl dəyirmanına aid alt və üst daĢın diametri 40 sm-dir. Onun üst daĢı alt daĢa
nisbətən daha nazikdir. Alt daĢın orta hissəsində birləĢdirici ox üçün nəzərdə
tutulan kiçik deĢiyi var. Üst daĢın orta hissəsindəki deĢik isə həm birləĢdirici ox
üçün, həm də dən tökülməsi üçündür. Bundan əlavə, üst daĢın kənarına yaxın
hissəsində əlcək yeri üçün nəzərdə tutulan daha bir deĢiyi var. Təbiidir ki, taxıl
məhsullarının emalında bu cür əl dəyirmanlarından istifadə olunması, əl əməyinin
yüngülləĢdirilməsi və əmək məhsuldarlığının artırılması istiqamətində irəliləyiĢ idi
[227, 71; 310, 121].
Tədqiqatçıların fikrincə, Azərbaycan ərazisində ilkin olaraq Eneolit
dövründən etibarən taxıl məhsullarının emalına baĢlanıb. Bu məqsədlə əvvəlcə
qayıqvari, daha sonra oval və dairəvi formalı dən daĢlarından, nəhayət, III-IV
əsrlərdən baĢlayaraq əl dəyirmanlardan istifadə edilib. Diqqəti çəkən odur ki, yeni
Ģəraitdə istehsalın təkmilləĢməsinin göstəricisi olan əl dəyirmanları ilə eyni vaxtda
dən daĢlarından da əvvəlki kimi yenə də geniĢ istifadə olunduğu müĢahidə
edilməkdədir. Bunu istisnasız olaraq bütün ilk orta əsr abidələrində təsadüf edilən
müxtəlif formalı, çoxsaylı dən daĢları təsdiq edir.
Ġlk orta əsrlər dövründə Girdiman ərazilərində çörəkbiĢirmə sənətinin təĢkili
və onun texnologiyası barədə hələlik kifayət qədər təsəvvür yoxdur. Düzdür, bu
məqsədlə təndirlərdən istifadə olunduğu məlumdur. Bəyimli qalasında öyrənilən II
qazıntı sahəsində, 1,4 m dərinlikdə, VI əsrin sonu - VII əsrin əvvəlinə aid mədəni
təbəqədə aĢkar edilmiĢ təndir qalığı buna sübutdur. Həcmcə o qədər də böyük
olmayan bu təndir xam torpaq üzərində əlçim üsulu ilə tikilib [60, 217]. Ətrafı
müasir təndirxanalarda olduğu kimi, çiy kərpiclə döĢənib. Görünür, indinin özündə
də Girdiman hövzəsinin yaĢayıĢ məntəqələrində geniĢ yayılan təndirxanalar hələ
ilk orta əsrlərdən mövcud olub. Lakin təndir qalıqlarına az təsadüf olunması onu
deməyə əsas verir ki, bəhs edilən dövrdə Ģəhərlərdə və Ģəhər tipli iri yaĢayıĢ