Azərbaycan Respublikası Təhsil Nazirliyi “Naxçıvan„ Universiteti Tələbə: Məmmədzadə İsmayıl

Qövslü elektrik peçlərində karbidləri sintez etmək üçün alınacaq karbidin formuluna uyğun olaraq texniki tərəzidə metal və kömürü çəkib, narın hala salaraq qarışdırır və qrafit butanın içində yerləşdirilir. Butanın içərisinə qrafitdən elektrod salır və butaya cərəyan verilməsi üçün onun xarici səthini və elektrodun yuxarı hissəsini elektrolitik üsulla mis təbəqə ilə örtür, cərəyan mənbəyi ilə birləşdirilməsi məqsədilə mis məftilə sarıyırlar. Butaya və elektroda şiddəti 15-20 A, gərginliyi 40-60 V olan cərəyan verilir. Məftilləri cərəyan mənbəyinin qütbləri ilə birləşdirdikdən sonra elektrik qövsü yaratmaq məqsədilə elektrodu butanın dibinə toxunana qədər salıb, bir qədər qaldırırlar. Nəticədə elektrik qövsü yaranır. Bu zaman metal və kömür qarışığı elektrik qövsündə yaranan temperatura ( 2500C°) qədər qızır, reaksiya baş verir və karbid ərimiş halda alınır. 3-5 dəqiqədən sonra cərəyanı kəsir və butanı soyudurlar.