62
Sənaye obyektlərinin ərazi üzrə səmərəli şəkildə yerləşdirilməsinin stimullaş-
dırılması formalarından biri dövlət, yerli və xarici investorlar arasında müqaviləyə
əsaslanan sənaye lahiyələridir. Bu layihələrin məqsədi ölkədə istehsal olunan xammal
və materialların emallıq səviyyəsinin dərinləşdirilməsi, onların keyfiyyətinin artırıl-
ması, regionlarda mövcud olan sənaye müəssisələrin yenidənqurulması və modernləş-
dirilməsi ola bilər. Belə lahiyələrin reallaşdırılması sənaye istehsalının texniki-iqtisa-
di səviyyəsinin yüksəlməsinə, hazır məhsulun tərkibində yerli komponentlərin artma-
sına imkan verər. Hökumət bu cür lahiyələrin dəyərinin 25 faizinə qədərini maliyyə-
ləşdirməsi məqsədəuyğundur. Bu xarici investorların ölkənin ayrı-ayrı regionlarına
cəlb edilməsini stimullaşdırar.
Regionlarda sənaye istehsalının inkişafını stimullaşdıran əsas vasitələrdən biri
məhsul və xidmətlərin qiymətlərinin tənzimlənməsidir. Hər şeydən öncə, dövlət sifa-
riş qiymətləri və dövlət müəssisələrinin istehsal etdikləri məhsulların və infrastruktur
obyektlərin göstərdiyi xidmətlərin qiymətləri nəzərdə tutulur. Fikrimizcə, dövlətin
inhisarında olan enerji daşıyıcılarının və infrastruktur obyektlərin xidmətlərinin daxili
qiymətlərinin beynəlxalq səviyyədən aşağı saxlanması hesabına istehsal xərclərinin
azaldılması yerli sənaye məhsullarının rəqabət qabiliyyətinin artmasına və ixracına
kömək edərdi.
Sənayenin ərazi üzrə təşkilinin təkmilləşdirilməsi üçün dövlətin kredit siyasə-
tinin təkmilləşdirilməsi də zəruridir. Belə ki, ölkənin ujqar regionlarında yeni yara-
dılmış sənaye müəssisələrinin formalaşması üçün dövlət həmin müəssisələrin bir neçə
il maliyyələşməsinin müəyyən hissəsinin güzəştli kredit hesabına öz üzərinə götürə
bilər. Eyni zamanda, dövlət sənayenin ərazi qurluşunun təkmilləşməsində nəzərə-
çarpacaq dərəcədə təsir göstərən sənaye müəssisələrinə istehsalı genişləndirmək və
modernləşdirmək üçün əlverişli şərtlərlə kredit verə bilər.
Qeyd olunduğu kimi, sahibkarlığa dövlət dəstəyinin mühüm istiqamətlərindən
biri də sahibkarların güzəştli kreditlərlə təmin edilməsidir. Dövlətin sahibkarlara
maliyyə dəstəyi bir neçə istiqamət üzrə həyata keçirilməkdədir. Bu mənbələr sırası-
nda sahibkarlığa kömək Milli Fondunun fəaliyyəti xüsusi əhəmiyyət kəsb edir.
“Azərbaycan Respublikası regionlarının 2009-2013-cü illərdə sosial-iqtisadi inkişafı
63
Dövlət Proqramı”na və "2011-2013-cü illərdə Bakı şəhərinin və onun qəsəbələrinin
sosial-iqtisadi inkişafına dair Dövlət Proqramı"na uyğun olaraq, sahibkarlığın
inkişafına dövlət dəstəyinin gücləndirilməsi məqsədilə Sahibkarlığa Kömək Milli
Fondu tərəfindən 2012-ci il ərzində 34 tədbir keçirilmişdir. Keçirilmiş tədbirlərdən
24-ü “Regionlarda sahibkarlığın inkişafına dövlət dəstəyi”nə, 10-u isə "Bakı qəsəbə-
lərində sahibkarlığın inkişafına dövlət dəstəyi"nə həsr olunmuşdur. Bu tədbirlərdə
regionlarda və Bakı qəsəbələrində fəaliyyət göstərən sahibkarlıq subyektlərinə
Sahibkarlığa Kömək Milli Fondunun vəsaitləri hesabına müvəkkil kredit təşkilatları
vasitəsilə güzəştli kreditlər təqdim edilmiş, tədbirlərdə iştirak etmiş 6700 sahibkara, o
cümlədən regionlarda 4770, Bakı qəsəbələrində isə 1930 sahibkara “Güzəştli kredi-
tlərin verilməsi mexanizmi, investisiya layihələrinin hazırlanması və təqdim olun-
ması” mövzusunda maarifləndirici treninqlər keçirilmiş, onlara biznes sahəsində
fəaliyyətlə bağlı iqtisadi biliklər verilmiş, nümunəvi investisiya layihələrinin təqdi-
matı keçirilmişdir. Eyni zamanda, bu tədbirlərdən 5-i biləvasitə məcburi köçkünlərin
sıx məskunlaşdıqları ərazilərdə (Füzuli rayonunun Horadiz, Goranboy rayonunun
Ağcakənd (Xocalı məcburi köçkünləri), Ağdam rayonunun Quzanlı və Ağcabədi
rayonunun Taxtakörpü (Laçın rayonundan olan məcburi köçkünlər) qəsəbələrində və
Biləsuvar rayonunun 4 saylı qəsəbəsi (Cəbrayıl rayonundan olan məcburi köçkünlər)
keçirilmişdir.
Sənaye istehsalının ərazi üzrə yerləşdirilməsinin təkminləşdirilməsi məqsədilə
geridə qalmış rayonlarda yaradılan sənaye müəssisələrinə hökumət tərəfindən
dotasiya verilməsi məqsədəuyğun olardı. Rayonun inkişaf səviyyəsindən asılı olaraq
dotasiyanın sənaye müəssisələrinin investisiya xərclərində payı müxtəlif ola bilər.
Xüsusilə, hökumət regionlarda sənaye müəssisələrinin yaradılması nəticəsində infras-
truktur obyektlərin inkişafı və genişləndirilməsinə çəkilən xərclərin böyük hissəsin öz
üzərinə götürməlidir.
Ölkədə formalaşmış əlverişli iqtisadi mühit ölkə regionlarının, o cümlədən Bakı
şəhərinin uğurlu sosial-iqtisadi inkişafını təmin etməkdədir. Əldə olunmuş nailiyyət-
lərin daha da möhkəmləndirilməsi məqsədilə zəruri tədbirlər dövlət tərəfindən
növbəti illərdə də davam etdiriləcəkdir. Beləki, hökumətin hazırladığı “Orta müddətli
64
iqtisadi-sosial inkişaf konsepsiyası (2014-2017-cü illər)”nda da bunlar öz əksini
tapmışdır.
Bu məqsədlə Azərbaycan Respublikasının Prezidenti cənab İlham Əliyevin
müvafiq tapşırığına əsasən regionların strateji inkişaf istiqamətlərini özündə əks
etdirən yeni 2014-2018-ci illər üzrə Dövlət Proqramının hazırlanmışdır.
Sözügedən Dövlət Proqramının layihəsində ölkə regionlarında mühüm infras-
truktur layihələrinin reallaşdırılması ilə yanaşı, iqtisadiyyatda sənayeləşmə siyasəti,
kənd təsərrüfatının inkişafı üçün rayonlar arasında və rayonlar üzrə ixtisaslaşmanın
aparılması, kənd təsərrüfatının intensiv inkişafının təmin edilməsi, aqrar sahədə yeni
texnologiyaların tətbiqi və İKT məsələləri, əsas ərzaq məhsulları üzrə daxili tələbatın
yerli istehsal hesabına ödənilməsi və ölkənin ərzaq təhlükəsizliyinin gücləndirilməsi
istiqamətində tədbirlərin əks olunması nəzərdə tutulmuşdur.
Dövlət Proqramının layihəsində nəzərdə tutulan tədbirlər 3 səviyyədə
müəyyənləşdirilmişdir:
- Ölkə əhəmiyyətli tədbirlər;
- İqtisadi rayonlar üzrə tədbirlər;
- İnzibati rayonlar üzrə tədbirlər.
3.2. Sяnayedя иnvestиsиya qoyuluшlarыnыn stиmullaшdыrыlmasы yollarы
Məlumdur ki, ölkədə sənayenin dayanıqlı və tarazlı inkişafının təmin edilmə-
sinə investisiya qoyuluşlarının həcm və strukturu birbaşa təsir göstərir. Buna görə də,
əsas kapitala investisiya qoyuluşlarının prioritetləşdirilməsi sənayenin gələcək inkişaf
istiqamətlərinin müəyyən olunması baxımından mühüm əhəmiyyət kəsb edir. Səna-
yedə investisiya qoyuluşunun üstün istiqamətlərinin seçilməsi zamanı həm mikro,
həm də makro amillər nəzərə alınmalı, prioritetləşdirmə hər iki səviyyə üzrə baş
verməlidir. İnvestisiya qoyuluşlarının prioritet istiqamətlərini müəyyən edərkən, ilk
növbədə, resursların emal sənayesi sahələrinə yönəldilməsi və onun digər sahələrin
inkişafı üçün əsas olmasını nəzərə almaq zəruridir.
Dostları ilə paylaş: |