65
Xarici dövlətlərin, müxtəlif investisiya təşkilatlarının ölkəmizə investisiya qoy-
masını stimullaşdırmaq üçün birinci növbədə əlverişli investisiya mühiti olmalı və
müxtəlif hüquqi, iqtisadi tədbirlər işlənib hazırlanmalıdır.
Məlumdur ki, bazar investisiya mühiti yarada bilməz. Bu, dövlətin qayğısıdır.
Deməli investisiya fəaliyyətinin stimullaşdırılması və səmərəli investisiya siyasətinin
həyata keçirilməsində dövlətin xüsusi rolu vardır. Iqtisadiyyatın transformasiyası
dövründə bu xüsusi ilə zəruridir. Ölkə iqtisadiyyatına investisiya qoyuluşunu
stimullaşdırmaq üçun Azərbaycan hökumətinin bu sahədə fəaliyyətinin preoritet
istiqamətlərindən biri sabit investisiya qanunvericiliyi bazasının formalaşdırılması
olmuşdur. İnvestisiya qanunvericiliyi əlverişli investisiya mühitini müəyyən edən
əsas amillərdən biri olmaqla investorların maraqlarının etibarlı müdafiəsınə xidmət
edir. Dünya təcrübəsindən də məlumdur ki, investisiya qanunvericiliyi işləyib
hazırlayarkən yol verilən səhvlər potensial investorların uzun müddət dövlətə inamı-
nın itirilməsinə gətirib çıxarır. Dövlətin bu məsələyə son dərəcə diqqətlə yanaşması
nəticəsində ölkədə investisiya münasibətlərinin inkişafı və tənzimlənməsinin daha
səmərəli rejimini formalaşdırmağa imkan verən mükəmməl qanunvericilik bazası,
onun çevik və işlək mexanizmi işlənib hazırlanmşdır.
Əlverişli investisiya mühiti o zaman mövcud olur ki, xarici investorların
fəaliyyəti siyasi, iqtisadi və hüquqi risklərdən maksimum dərəcədə sığortalanmış
olsun. Xarici investisiyaların hüquqi tənzimlənməsi məsələsi siyasi amillərlə sıx
əlaqədə olub onun nəticəsi kimi çıxış edir. Yəni, hüquqi tənzimlənmə və onun əsasını
təşkil edən hüquqi baza investisiya mühitinin formalaşdırılması sahəsində ölkənin
siyasi iradəsini ifadə edən investisiya fəaliyyəti ilə bağlı yaranan münasibətlərin
çərçivəsini müəyyənləşdirən amil rolunu oynayır. Azərbaycan Respublikasında xarici
investisiyaların hüquqi tənzimlənməsi prosesi aşağıdakı səviyyələrdə həyata keçirilir:
- Konstitusiya səviyyəsində;
- İnvestisiya fəaliyyətinə dair qanunlar və digər hüquqi normativ aktlar
səviyyəsində;
- Beynəlxalq sazişlər çərçivəsində;
66
Ölkə Konstitusiyasında təbii ki, xarici investisiyaların tənzimlənməsi prosesinə
birbaşa toxunulmur. Lakin bir sıra ümumi müddəalar, Azərbaycanda fəaliyyət
göstərən bütün iqtisadi subyektlərin, o cümlədən xarici investorların hüquqlarını
müəyyən edir və onların qorunmasına təminat verir.
Xarici investisiyaların konkret qanunlar və digər normativ hüquqi aktlar
çərçivəsində tənzimlənməsinə gəldikdə isə ilk növbədə “İnvestisiya fəaliyyəti
haqqında” və “Xarici investisiyaların qorunması haqqında” Azərbaycan Respubli-
kasının qanunlarını qeyd etmək lazımdır. Investisiya fəaliyyəti haqqında qanun 13
yanvar 1992-ci ildə qəbul edilib. Qanun ölkə ərazisində investisiya fəaliyyətinin
ümumi siyasi, iqtisadi və hüquqi şərtlərini müəyyənləşdirməklə Azərbaycan iqtisadi-
yyatına investisiyaların cəlbinin stimullaşdırılmasına, onlardan ölkənin sosial-iqtisadi
bazasının, həmçinin xarici iqtisadi əlaqələrin inkişafı üçün səmərəli istifadə edilmə-
sinə yönəldilmişdir və mülkiyyət formasından asılı olmayaraq bütün investorların
hüquqlarının bərabər müdafiəsinə təminat verir.
Xarici investisiyaların tənzimlənməsi sahəsində ən mühüm qanunvericilik aktı
rolunu “Xarici investisiyaların qorunması haqqında” Azərbaycan Respublikasının
qanunu oynayır. Bu qanun 15 yanvar 1992-ci ildə qəbul edilib. Bu qanun Azərbaycan
Respublikasının ərazisində xarici investisiya qoyuluşunun iqtisadi və hüquqi prinsip-
lərini müəyyən edir. Qanun ölkə iqtisadiyyatında xarici maddi və maliyyə ehtiyatla-
rının, qabaqcıl xarici texnikanın və texnologiyanın, idarəetmə təcrübəsinin cəlb
olunmasına, bunlardan səmərəli istifadə olunmasına yönəlmişdir və xarici investorla-
rın hüquqlarının müdafiəsinə təminat verir. Bu qanun 7 bölmə, 43 maddədən ibarət-
dir.
“Xarici investisiyaların qorunması haqqında” Azərbaycan Respublikasının
qanununa müvafiq olaraq Azərbaycan Respublikasında xarici investisiya, Azər-
baycan Respublikasının xalqına və dövlət mənafelərinə zərər verən müstəsna hallar
istisna olmaqla milliləşdirilmir. Milliləşdirmə haqqinda qərarı Azərbaycan Respub-
likasının Milli Məclisi qəbul edir. Təbii fəlakət, qəza, epidemiya və fövqəladə xarak-
ter daşıyan başqa hallar istisna olmaqla, xarici investisiya rekvizisiya edilmir.
Rekvizisiya haqqinda qərarı Azərbaycan Respublikasının Nazirlər Kabineti qəbul
67
edir. Milliləşdirmə və rekvizisiya tədbirləri görüldükdə xarici investora təxirə
salınmadan səmərəli kompensasiya ödənilir.
Respublikada lizinq fəaliyyətinin inkişafı investisiya fəallığının yüksəldilməsi
və ölkə iqtisadiyyatına əlavə investisiyaların o cümlədən xarici investisiyaların cəlbi
istiqamətlərindən biri olmalıdır. Investisiya fəaliyyətində lizinqin inkişafı dövlət
investisiya proqramlarının reallaşdırılması üçün vəsaitlərin başqa məqsədlərə cəlb
olunmasından çəkinmədən və ölkənin istehsal-texnoloji bazasının formalaşması və
təzələnməsi üzrə nəzarət olunan iş üçün geniş imkanlar açır. 1995-ci ildə qəbul
olunan “Lizinq haqqında” Azərbaycan Respublikasının qanunu iqtisadiyyata
investisiya axınının stimullaşdırılmasına və beynəlxalq standartlara uyğun texniki
avadanlıq, mütərəqqi texnologiyadan istifadə olunmasına, yüksək rəqabət qabiliyyətli
məhsul istehsalının artırılmasına real şərait yaradacaq. Qanunlardan əlavə, iqtisadiy-
yatımıza xarici investisiyaların cəlbini stimullaşdırmaq üçün müxtəlif güzəştlər də
tətbiq edilir. Xarici investorlar ölkə ərazisində qazanmış olduqları mənfəəti xaricə
repatriasiya etmək, müəyyən edilmiş fiskal güzəştlərdən istifadə etmək hüququna
malikdirlər. Bundan əlavə xarici investorlara müxtəlif maliyyə və vergi güzəştləri də
verilir. Hətta bəzi hallarda xarici müəssisələr yerli sahibkarlara nisbətən daha əlverişli
hüquqi mövqeyə malik olurlar.
Xarici investor üçün maliyyə riski mühüm əhəmiyyətə malikdir. Maliyyə riskləri
əsasən inflyasiya və valyuta kurslarının dəyişməsindən əmələ gəlir. Xarici investor
ölkədəki maliyyə riskinin xarakterini, onun baş vermə şəraitini və bu riskdən
qorunma imkanlarını qiymətləndirir. Bunları nəzərə alaraq müxtəlif qanunların
qəbulu ilə yanaşı əlverişli investisiya mühitinin yaradılması, vergi və gömrük
sisteminin optimallaşdırılması, milli valyutanın sabitliyinə nail olunması da əsas
fəaliyyət istiqamətləri kimi seçilmişdir.
Yuxarıda göstərilən tədbirlərdən savayı Azərbaycan hökuməti ölkə iqtisa-
diyyatına xarici investisiyaların cəlbini stimullaşdırmaq üçün çox geniş miqyasda
iqtisadi və sosial tədbirlər həyata keçirilir.
Mərkəzləşdirilmiş investisiyaların məhdudluğu şəraitində investisiya olunan
kapitalın həcminin artırılmasına və səmərəliliyinin yüksəldilməsinə yönəldilmiş
Dostları ilə paylaş: |