131
b) Sulu məhlulu sınaq şüşəsindən stəkana süzün (müqayisə üçün saxlamaq
lazımdır), yod kristallarının üzərinə isə 2-3 ml spirt əlavə edin. Suda və spirtdə
hazılanan məhlulların rənginin intensivliyini müqayisə edin.
Sınaq şüşəsində 3-4 ml suya 2-3 yod kristalı atıb, mayeni çalxalayın və məhlil
üzərinə azca kalium-yodid məhlulu əlavə edin. Nə müşahidə olunur? Yodun kalium
yodid məhlulunda həll olaraq KJ
3
tərkibli birləşmə əmələ gətirdiyini bilərək
reaksiyanın tənliyini yazın.
Təcrübə 2.Yodun süblimasiyası. Buruncuğu olmayan stəkana bir neçə yod
kristalı atıb, ağzını içərisində soyuq su olan yumrudib kolba ilə örtün və zəif qızdırın.
Nə müşahidə olunur. Süblimasiya nədir?
Təcrübə 3. Yodun alüminiumla qarşılıqlı təsiri. Şüşə lövhədə təqribən eyni
həcmdə yod və alüminium tozlarını qarışdırın. Şpatelin köməyilə qarışığı piramida
şəklində toplayın. Piramidanın zirvəsinə pipetdən bir damcı su əlavə edin.
Alüminium- yodid alınması ilə şiddətli reaksiya gedir. Çoxlu miqdarda bənövşəyi yod
buxarları əmələ gəlir, hərdən qığılcım verir, ona görə də reaksiya başlayan kimi
qarışığı böyük stəkan və ya şüşə qapaqla örtmək lazımdır.
Təcrübə 4. Halogenlərin bir-birini onların duzlarının məhlullarından
sıxışdırıb çıxarması. Sınaq şüşələrindən birinə 1 ml kalium-bromid, ikinci və
üçüncüyə - kalium yodid məhlulları tökün. Birinci və ikinci sınaq şüşəsinə bir neçə
damcı xlorlu su, üçüncüyə - bromlu su və bir damcı nişasta məhlulu əlavə edin. Nə
müşahidə olunur? Sınaq şüşələrində məhlulun rənginin dəyişməsi nəyi göstərir?
Nəticə çıxarın və reaksiya tənliklərini yazın.
Təcrübə 5. Hallogenid ionları üçün xarakterik reaksiyalar. Üç sınaq şüşəsi
götürüb, hərəsinə 1-2 ml olmaqla birinciyə natrium-xlorid, ikinciyə kalium-bromid,
üçüncüyə isə kalium-yodid məhlulları tökün. Hər bir sınaq şüşəsinə 3-4 damcı gümüş-
nitrat məhlulu əlavə edin. Əmələ gələn çöküntülərin rənglərinə diqqət etdikdən sonra
onların duru nitat turşusunda həll olub-olmadığını yoxlayın. Reaksiyaların tənliklərini
yazın.
132
3.7. Kükürd və onun birləşmələrinin öyrədilməsi zamanı kimya
eksperimenti
1-ci iş. Kükürd və hidrogen-sulfid.
Ləvazimat və reaktivlər: Sınaq şüşələri, metal ştativ, sınaq şüşələrini yığmaq
üçün ştativ, spirt lampası, kibrit, çini puta, tutqac, metal maşa, asbestli tor, çini
üçbucaq, dibi kəsilmiş şüşə qab, çini kasa, şüşə çubuq, qazaparan borusu olan tıxac,
müxtəlif ölçülü stəkanlar, hidrogen almaq üçün hazırlanmış Kipp aparatı, ortası
genişləhdirilmiş odadavamlı şüşə boru, əridilərək ucu dartılmış şüşə boru, saat
şüşəsi, çöp, kükürd kristalları, civə, mis zolağı, sink dənələri, dəmir(II) sulfid
qırıntıları, durulaşdırılmış xlorid turşusu məhlulu, qurğuşun(II) asetat, ammonium-
sulfid, barium-xlorid, alüminium-sulfat, manqan(II) sulfat, qurğuşun(II) nitrat
məhlulları.
Kükürdün fiziki və kimyəvi xassələri.
Təcrübə 1. Monoklinik kükürdün alnması. Çini putanı kükürdlə doldurub,
ştativin halqasında asbestli tor üzərində qızdırın və kükürd əridikdə putanın altından
lampanı götürüb, onu soyumağa qoyun. Putanın divarlarında kristallar görünən kimi,
kükürdün soyumamış hissəsini dərhal başqa qaba boşaldın. Putanın divarlarına
yapışmış monoklinik kükürd kristallarını müşahidə edin.
Təcrübə 2. Plastik kükürdün alınması. Sınaq şüşəsinə bir neçə kükürd
parçası salıb, tutqacla tutaraq, kükürd əriyib qaynayana qədər qızdırın. Kükürdün
rəngində əmələ gələn dəyişikliyi müşahidə edin və qaynamaqda olan kükürdü nazik
axınla soyuq su ilə dolu stəkana tökün. Suda yığılmış rezinə bənzər kütləni götürüb
dartın və rezin kimi uzanmasını müşahidə edin. Kükürdü dərsin sonuna kimi saxlayın
və yenidən dartın nə müşahidə edilir? Nəticə çıxarın.
133
Təcrübə 3. Kükürd çiçəyinin alınması. Ştativin halqasına çini üçbucaq
qoyub, içərisində kükürd olan putanı oraya kip yerləşdirin və ağzını şüşə tıxacı olan
dibi kəsilmiş şüşə ilə örtün. Putanı qızdırın və kükürd qaynamağa başladıqda əmələ
gələn buxarın şüşənin soyuq divarlarına toxunaraq narın toza – kükürd çiçəyinə
çevrilməsini müşahidə edin.
Təcrübə 4. Kükürdün metallarla qarşılıqlı təsiri.
a)
Kükürdün civə ilə qarşılıqlı təsiri. Çini həvəngdə azca kükürd və bir
damcı civə (ehtiyatlı olun zəhərlidir) tökün və nə alındığını müşahidə edin.
Reaksiyanın tənliyini yazın.
b)
Kükürdün mislə qarşılıqlı təsiri. İçərisində kükürd olan sınaq şüşəsini
maşa ilə tutub qızdırın və kükürd qaynamağa başladıqda, ensiz mis zolağını metal
maşa ilə tutaraq, azca qızdırıb sınaq şüşəsinə daxil edin. Nə müşahidə olunur?
Reaksiya məhsulunun suda və xlorid turşusunda həll olub-olmamasını yoxlayın.
Müvafiq reaksiya tənliklərini yazın.
c)
Kükürdün sinklə qarşılıqlı təsiri. 1,5 q narın əzilmiş kükürd ilə 3 q sink
tozunu qarışdıraraq, təpəcik şəklində çini kasaya tökdükdən sonra qarışığa yanar çöp,
yaxud qızdırılmış şüşə çubuq yaxınlaşdırın. Nə müşahidə olunur? Nəticə çıxarın və
reaksiyanın tənliyini yazın.
Hidrogen-sulfidin alınması və xassələri.
Təcrübə 1. Hidrogen-sulfidin alınması (hidrogen-sulfidlə olan bütün
təcrübələr sorucu şkafda aparılmalıdır!).
a)
Hidrogen-sulfidin hidrogen ilə kükürdün sintezindən alınması.
Odadavamlı şüşə borunun geniçləndirilmiş hissəsinə bir qədər narın əzilmiş kükürd
tozu tökün. Şüşə borunun bir ucuna qazaparan borusu olan tıxac taxın və onu
içərisində qurğuşun(II) nitrat məhlulu olan stəkana daxil edin. Borunun digər ucunu
isə hidrogenin alınması üçün hazırlanmış Kipp aparatı ilə birləşdirin və içərisinə
havanın qovulması üçün hidrogen buraxın (şəkil 33, a). Cihazdan keçən hidrogenin
Dostları ilə paylaş: |