64
tapşırığı verilir. Sonra hər bir başlıqdan mətnin
mövzusunu dəqiqləşdirən və ya detallara bölən
yarımbaşlıqlar tərtib edilir.
3. “Baş su kəməri”. Şəhərin (kəndin) içməli su ilə
təchizatı ilə sosial baxımdan bağlı olan və əhəmiyyət
kəsb edən hər hansı bir fakt seçilir və ardıcıllıqla
xronika, məqalə, informasiya, müsahibə, reportaj və
hesabat janrlarında materiallar verilir. Bu tapşırıqda
əsas məqsəd müxtəlif janrlarda işləmək metodikasını
dəqiqləşdirməkdən ibarətdir.
4. “Birinci fraza”. Hələ yazmadığınız material üçün 20-
dək ilkin fraza yazın. Fraza oxucunun diqqətini cəlb
etməli, onu maraqlandırmalı, materialı axıradək
oxumağa sövq etməlidir. İdeal frazada həm mövzu,
həm mətnin ideyası – başlıca fikir, həm də müəllifin
olaya şəxsi münasibəti öz əksini tapmalıdır. Bu
tapşırıqda əsas məqsəd jurnalist mətnində birinci
frazanın rolunu qiymətləndirməkdən ibarətdir.
5. “Canlı nitq”. Tələbələrə texniki vəsaitin
(maqnitofon, diktofon, videokamera və s.)
köməyindən istifadə edilmədən, müəllif leksikasının
xüsusiyyətləri saxlanılmaqla, 10 dəqiqəlik “canlı” nitq
(məsələn, küçədə, təntənəli tədbirdə, tok-şouda və s.)
parçası yazmaq təklif olunur. Tapşırığın başlıca
məqsədi əvvəlcədən gözlənilməyən situasiyalarda
jurnalistin yazma texnikasına yiyələnməsinə kömək
etməkdən ibarətdir.
65
6. “Dadlı sözlər”. “Yaxşı əhval-ruhiyyə nədir?”
frazasını izah etməyə çalışın. Əgər dəqiq epitetlər
(məsələn, qızılgül, şipşirin, yasəmənlik, ətürpərdən və
s.) seçə bilsəniz, oxucuda hiss olunan assosiasiyanın
əmələ gəlməsinə nail ola bilərsiniz. TƏBİƏT,
GÖZƏLLİK, CEYRAN, SÜLH, DİPLOMAT,
YAXTA sözlərinə epitetlər seçməyə cəhd göstərin.
7. “Dialoq”. İki nəfərin (iki ekspertin, iki gəncin, iki
təqaüdçünün və s.) dialoqu vasitəsi ilə regionda
məşhur olan bir şəxsi (siyasətçi, yazıçı, alim) təsvir
edin.
8. “Dövrün əlamətləri”. İnternetdə, televiziyada, evdə,
küçədə aşağıdakı frazaları tez-tez eşitmək olar:
“Ekoloji vəziyyət çox pisdir”, “Meyvənin, tərəvəzin
tərkibi pesdisidlərlə doludur”, “Narkomaniya millətin
məhvidir” və s. Bütün bunlar dünyanın ayrı-ayrı
regionlarında müasir dövrün əsas əlamətləridir. Bu
frazaların hər birinə aid on əlamət yazın. Bu
tapşırıqda əsas məqsəd ictimai əhəmiyyət kəsb edən
problemlərin düzgün ifadə edilməsindən ibarətdir.
9. “Fraza-təsvir”. Jurnalistin hazırladığı materialda nə
barədəsə yalnız məlumat vermək yox, eyni zamanda
hadisənin təsvirini vermək də olduqca vacibdir. Bəzi
janrlarda, məsələn, reportajda jurnalist “iştirakçı
effekti” yaratmalıdır. Məsələn, jurnalist yaza bilər:
“O, düzgün hərəkət etmədi.” Bu halda oxucunun
jurnalistin yazdığına inanmaqdan başqa ayrı seçimi
olmur. Həmin mənzərəni belə də təsvir etmək olar:
66
“O, sir-sifətini əyişdirdi, qarnını tutdu və mənə tualetə
getmək lazımdı dyib, danışıqlar zalını tərk etdi”.
Oxucu bu mənzərəni gözləri qarşısında canlandıra və
belə nəticəyə gələ bilər ki, həmin şəxs səmimiyyətdən
uzaq hərəkət etmişdir. Tapşırıq – bu frazaları “təsvir
edin”: MÜHARİBƏ
İNSANLARA FACİƏ
GƏTİRİR; BU GÖLÜN SUYU QURUYUR; O
NARKOMANDIR. TERROR İNTERNET
VASİTƏSİ İLƏ HƏYATA KEÇİRİLİR.
10. “Jest və mimika”. Danışıqlarda iştirak edən
diplomatların; imtahan verən tələbələrin; aeroportun
yaşıl zonasında növbə zamanı sərhədçilərin; meşəni
qıran odunçuların bir-biri ilə baxışlarını, jest və
mimikalarını təsvir edin, mənalarını açmağa çalışın.
11. “İki baxış”. TERRORA münasibətdə iki baxış
formalaşdırmaq. NARKOMANİYAYA iki baxış.
ƏHALİ ARTIMINA iki baxış. MİQRASİYAYA iki
baxş. ORDUYA iki baxış. İŞĞALÇIYA münasibətdə
iki baxış. Calışma ictimai əhəmiyyət kəsb edən
problemlərin təhlili üçün vərdişlərin formalaşmasına
şərait yaradır.
12. “İkisi bir almadı ...”. Tələbələr nədəsə bir-birlərinə
bənzəyən (yaş, təhsil, təcrübə, natiqlik məharəti,
siyasi mövqe və s.) bir neçə siyasi lider seçir, sonra
isə bu oxşarlığın hansısa nəticə və kuryozlarını təsvir
edirlər. Tapşırığın məqsədi fərdi halda sosial
çalarların axtarılıb-tapılmasından ibarətdir.
67
13. “İsim + fel”. Yalnız isim və feldən istifadə edərək,
avtobusa partladıcı maddə qoymaq istəyən
terrorçunun davranışını təsvir edin.
14. “Lid”. Müəllim tərəfindən verilmiş mətnə bir neçə
müxtəlif lid yazın. Məsələn, “təcili identifikasiya”,
lid-sitat, lid-hekayə, cəlbedici lid və s.
15. “Mülahizə”. “Meşəbəyinin tərifi” mövzusu
(variantlar müxtəlif cür ola bilər) üçün mülahizə
üslubunda 10-15 cümlədən ibarət mətn yazın.
16. “Nağıl”. Tələbələr hər hansı bir nağılı seçir (siyasi
motivli nağıl olsa, daha yaxşıdır), sonra isə onu
məqalə, hesabat, müsahibə, reportaj, korrespon-
densiya və s. kimi tərtib edərək, orada olan
informasiyanı jurnalist informasiyasına çevirirlər.
Tapşırığın məqsədi “jurnalist informasiyası”
anlayışının mahiyyətini dəqiqləşdirməkdən ibarətdir.
17. “Necə”. “Necə” (sanki, elə bil) sözü ilə müqayisələrin
aparılması mətni daha parlaq və bədii edir. Tələbələrə
“necə” sözü vasitəsi ilə müqayisədən istifadə edərək
obraz yaratmaq təklif olunur. Birinci variant - bunun
üçün müəllim əvvəlcədən tələbələrin müqayisə üçün
seçəcəkləri sözlərin siyahısını hazırlayır. İkinci
variant – tələbələr əvvəllər çap olunmuş mətnlərlə
“necə” sözü ilə müqayisə aparmaq məqsədi ilə bir
neçə başlıq fikirləşib yazırlar.
Dostları ilə paylaş: |