135
Sədr - Nə bilim, mən sizə nakazı da burada öyrətməyə borclu deyiləm ki.
İndi Səmədağanın təklifini səsə qoyuram: kim lehinədir, kim əleyhinədir, səs
verməyən kimdir? Lehinə 22, ələyhinə 19, səs verməyən 2, əksəriyyət rəylə keçir.
Sultan Məsid Qənizadənin növbədən kənar bəyanatı var.
Sultan Məcid Qənizadə - Darülfünun layihəsini qurtardıq. Bu gün
nizamnaməsi də oxunub təsdiq olundu. Bu gündən darülfünuna iqdam olunacaq.
Ancaq bunu bilmək lazımdır ki, hər məktəb, darülfünun və ali məktəbin özünün
xüsusi gərək təmiratı olsun. Aşkar şeydir ki, təmirat olmasa rəvnəqli olmaz. Tazə
bina qoyduğumuz darülfünun iki böyük məktəbdə, kommerçeski və gimnaziyada
olacaqdır. Aşkar şeydir ki, darülfünun təmiri xüsusunda gərək lazım olan fikri
edək, tainki o darülfünun mümkün olan qədər əmələ gəlsin, rövnəqli və əzəmətli
olsun. Ancaq bunu demək istərəm ki, hərçəndi lazım olan qədər nəqliyyə
buraxılıbsa da təminat xüsusunda söz yoxdur. Güman edirəm Parlaman üzvləri ərz
edəcəyimi unutmamış olsunlar. Keçmiş mart ayında bir hadisə oldu. O hadisədən
bir neçə gün qabaq milli şuranın ixtiyarında olan əsgərlər Lənkəranda idilər.
Məşhur Hacı Zeynəlabdin Tağıyevin övladı Məhəmməd də orada idi. Orada bir
faciə oldu. Məhəmməd föt oldu. Onun cənazəsi bura gətirilib dəfn edildikdə, neçə
min adam müşayət edirdi. O vaxt hası cənabları adamların hüzurunda uca səslə
dedi: Həzarət! Mən hazırlaşırdım ki, oğluma toy edim. Lakin qəza belə gətirdi ki,
oğlum əlimdən getdi. Ona görə mən oğlumun yadigarı olaraq, millətin xeyri üçün,
gələcəkdə cavanlar xoşbəxt olsunlar deyə istəyirəm ki, burada bir darülfünun təsis
olunsun. Onun təsisindən ötəri də öz passajımı darülfünuna bəxş edirəm. Hacı
cənabları bu sözü bir neçə min adamın yanında deyibdir. O məsələ bu çağacan
qalıbdır. İndi özümüz cümhuriyyət olduq və özümüzün darülfünunu olduğu üçün
lazım gəlir ki, Hacının özü vəd etdiyi təmiratı bu darülfünunun ixtiyarına alaq.
Bunu müxtəsərcə ərz etdikdə buna iqdam etməlidir. İmdi təklifim budur ki, bu gün
bir komisyon hası ilə bu məsələni qurtarsın, tainki haman passaj darülfünun
təsrüfünə verilsin.
Rəis - İclas qapanır.
İclas saat 3 tamamda qapanır. Arxiv, f.895, siy.1, iş 119, vər.1-20.
№80
Səksəninci iclas
2 oktyabr 1919-cu il
Rəis - Həsən bəy Ağayev. Katib - Əhməd Cövdət.
İclas saat 12-5 dəqiqədə açılır.
Rəis - İclas açılır.
Heybətqulu Məmmədbəyov - Yomiyyəyi-müzakirat barəsində sözüm var.
136
Rəis - Mən hələ yomiyyəyi-müzakiratı elan eyləməmişəm.
Yomiyyəyi-müzakirat bundan ibarətdir: Keçən iclasda Parlaman
tərəfindən qəbul edilmişdir. Ancaq hökumətin ricasına görə divani-rəyasət
tərəfindən bir təklif var ki, əvvəlinci nobədə olan topraq məsələsi növbədən
götürülsün, çünkü hökumətin bu barədə müfəssəl layihəsi var. Onunla bir yerdə
təqdim ediləcəkdir. Bu xüsusda ziraət naziri müavini Hidayət bəy Sultanov
danışacaqdır.
İki layihə daxil olmuşdur. Biri Parlaman məmurlarının maaşları
haqqındadır. Rica edirəm bu məsələ ikinci olaraq təcili surətdə baxılsın. Bir də
hökumətin 40 milyon fondunun 70 milyon təyin olunması haqqında. Hökumət
tərəfindən daxil olmuş vərəqələr bunlardır. (Oxuyur). Beş layiheyi-qanuniyyədir,
beşi də gedir ləvayehi-qanuniyyə komisyonuna. Bir neçə ayrı kağızlar var, onları
da elan edəcəyəm. (Rusca). Sonra bu günlərdə Tasua və Aşura münasibətilə şənbə
və düşənbə günləri iclas olmayacaqdır. Şəfi bəy Rüstəmbəyov xəstə olduğundan
məktub göndərmişdir ki, iclasa gələ bilmir, xəstədir, yatır. Abuzər bəy Rzayevdən
belə bir məktub var: (Oxuyur) "Məclisi-məbusan rəyasətinə. Həmin gündən
etibarən bitərəf fraksiyasından çıxaraq, müsavat fraksiyonuna iltihaq etməyimi
bəyan edirəm". (Alqış). (Rusca) Parlaman üzvü Mixaylov bəyan edir ki, bəzi
səbəblərə görə Parlamandan çıxır. (Rusca) Yomiyyəyi-müzakirat haqqında söz
verilir ziraət naziri müavini Hhidayət bəy Sultanova.
Hidayət bəy Sultanov (ziraət naziri müavini) - Möhtərəm məbuslar! Rəis
həzrətləri bu gün topraq barəsində olan layiheyi-qanuniyyənin növbədən
götürülməsini təklif eylədi. Əlbəttə, siz özünüz bilirsiniz ki, bu topraq məsələsi
ağır və ən çətindir. Onun çətinliyi o qanunu yapmaq və yazmaq xüsusunda deyil.
Ancaq bu qanun yaxşı yazılmaq üçün gərək çox şeyi mülahizə edilsin. Bir çox
şeylər topraq məsələsinə bağlıdır. O cümlədən alış-veriş. Əhali içində qanun.
Burada tək bir əkinçilik məsələsi deyil, mühüm məsələ ilə əlaqədardır. Nəzarət bir
il dörd aydır ki, bunun üstündə işləyir. Bu qulluğunuza təqdim olunan layiheyi-
qanuniyyə bu vaxta qədər buraya gəlib çıxa bilməyibdir. Çünkü nəinki
Azərbaycan, hətta Yevropa ilə əlaqədardır. Gərək ordan da xəbər bilək ki, başqa
padşahlıqlarda bu məsələ nə cür həll olunur. Ona görə mən belə hesab edirəm ki,
əgər bu gün bu layihəyə baxılsa heç bir şey çıxmayacaqdır o səmərələr ki siz
gözləyirsiniz, o şeylər ki siz axtarırsınız layihədə görünməyir. Ona görə təklif
edirəm ki, bu layihə qalsın, bizim layihə ilə bir yerdə baxılsın. Bizim layihədə
statistika üzrə elə və hər bir şey lazımdır ki, cəmi olur. Ona görə bu layihəyə
hələlik baxılmasın. Layihəmizi hökumətə vermişik, bu günlər gələr.
Rəis - Buyurunuz, Heybətqulu əfəndi!
Heybətqulu - Möhtərəm məbuslar! Cümlənizə məlumdur ki, "İttihad"
firqəsi hökumətə iki qabaq istizah veribdir.