365
Ġrəvan xanlığı ərazisindəki azərbaycanlılara
məxsus yer adlarının kütləvi surətdə
dəyişdirilməsi. Müasir vandalizm:
Tarixi adlara qarşı soyqırım
Bu gün erməni millətçiləri beynəlxalq ictimaiyyətin gözləri qarşısında
Cənubi Qafqazın tarixi keçmişini saxtalaşdırmaqda davam edirlər.
Türkmənçay (1828) və Ədirnə (1829) müqavilələrinin şərtlərinə əsasən
İrandan və Türkiyədən işğal olunmuş Azərbaycan dövlətinin - İrəvan xanlığının
ərazisinə köçürülən ermənilər, çox keçmədən, Rusiya müstəmləkəçilərinin köməyi
ilə aborigen əhaliyə - azərbaycanlılara qarşı soyqırıma və deportasiyalara
başladılar. Qırğınlardan canını qurtaran yerli əhali kütləvi surətdə Şərqi
Azərbaycana, İrana, Türkiyəyə və dünyanın başqa ölkələrinə köçüb getdi. 1988-ci
ildə azərbaycanlıların keçmiş İrəvan xanlığı ərazisindən:
Ermənistandan deportasiyası başa çatdırıldı. Müasir erməni vandalları
keçmiş İrəvan xanlığının ərazisindəki azərbaycanlılara məxsus minillərlə tarixi
olan yer adlarına toponimlərə qarşı da soyqırım həyata keçirirlər. Azərbaycan
toponimləri "erməniləşdirilir". Bir sözlə, ermənilər özlərinə saxta "tarix"
yaradırlar.
...Elmə yaxşı məlumdur ki, ermənilər Cənubi Qafqazın aborigen əhalisi
deyillər. Tarixi həqiqət bundan ibarətdir ki, onlar Cənubi Qafqaza gəlmə - köçürülüb
gətirilmə etnosdur. Bunu ilk mənbələrə əsaslanan tədqiqatlar çoxdan sübut
etmişdir. Ermənilərin ocdadları hesab olunan tayfalar təqribən e.ə. I minilliyin
ortalarında Fərat çayının yuxarılarında peyda olmuşlar. Onlar bura Balkan
yarımadasından köçüb gəlmişlər.
Azərbaycan xalqının ulu babaları hələ ermənilərin Asiyada peyda
olmasından çox-çox əvvəllər Cənubi Qafqaz da daxil olmaqla, böyük bir regionda
yüksək mədəniyyət formalaşdırmış, Arazdan cənubda Manna və Atropatena,
şimalda isə qüdrətli Albaniya dövlətini yaratmışlar.
Azərbaycan Albaniya dövləti Araz çayından şimaldakı bütün Azərbaycan
torpaqlarını, o cümlədən tarixi Qarabağ da daxil olmaqla Araz və Kür çayları
arasındakı ərazini əhatə edirdi. Albaniya dövlətinin süqutundan sonra Araz
çayından şimaldakı Azərbaycan torpaqları bütün tarixi dövrlərdə ya Azərbaycan
dövlətlərinin, ya da müxtəlif türk-müsəlman imperiyalarının tərkibinə daxil
olmuşdur. Belə ki, 1918-ci ilədək Cənubi Qafqaz ərazisində heç bir erməni dövləti
olmamışdır. Tarixi reallıq və ilk mənbələrin təsdiq etdiyi həqiqət belədir!
Bu gün Cənubi Qafqazda başlıca gərginlik ocağı olan erməni dövləti
yaradılması ideyasının əsası lap yaxın dövrdə - XIX əsrin əvvəllərində Rusiya
imperiyasının regionu ələ keçirmək məqsədilə İran və Türkiyəyə qarşı apardığı
işğalçılıq müharibələri dövründə qoyulmuşdur. Həmin dövrdə Rusiya özünə Cənubi