köməklik göstərmək, sovet Rusiyası ilə qardaşlıq ittifaqı yarat-
maq haqqında müraciətləri dərc olunmuşdur.
N.Nərimanov Azərbaycanın tezliklə və hərtərəfli inkişafı,
xalq təsərrüfatının bütün sahələrinin dövlətin əlində cəmlənməsi
məqsədilə bir sıra dekretlər vermişdir: neft sənayesinin, Xəzər
ticarət donanmasının, bankların, balıq sənayesinin,
H.Z.Tağıyevin toxuculuq fabrikinin və s. milliləşdirilməsi.
1920-ci il sentyabrın 1-7-də Bakıda Şərq xalqlarının I qu-
rultayı çağırılmışdır. Qurultayda Avropa və Asiya ölkələrindən
gəlmiş 1900-ə yaxın nümayəndə iştirak etmişdir. N.Nərimanov
qurultayı Kommunist Beynəlmiləli İcraiyyə Komitəsi adından
açaraq demişdir: «Yoldaşlar, Şərq xalqlarının dünyada
görünməmiş, eşidilməmiş birinci qurultayını açmaq səadəti bu
gün mənə nəsib olmuşdur…
Bu gün burada iki dünya görüşür: istismar olunanlar və
istismar edənlər dünyası. Şübhə yoxdur ki, əgər istismar edənlər
dünyasının nümayəndələri burjua sinfinin nümayəndələri olsay-
dılar, onda Qocaman Şərqin göz yaşları, bəlkə də təsirsiz qalar-
dı. Lakin xoşbəxtlik bundadır ki, burada iştirak edən
nümayəndələr məhz burjua ölkələrinin fəhlə sinfini təmsil
edirlər, onlar başa düşürlər ki, bizə imkan verərlər ki, yaxın
vaxtlarda III Beynəlmiləlin ümumdünya hakimiyyətini təntənəli
surətdə elan edək». Qurultay özünün daim fəaliyyət göstərəcək
icraiyyə orqanını – Təbliğat və Fəaliyyət Şurasını seçdi. Onun
tərkibinə M.Hüseynov, S.Kirov, S.Orconikidze, M.Sübhi,
Heydər Əmioğlu, Y.Stasova və b. yanaşı N.Nərimanov da daxil
olmuşdur.
1920-ci il sentyabrın 30-dan oktyabrın 4-dək N.Nərima-
novun başçılığı altında partiya, dövlət rəhbərlərindən və fəhlə
nümayəndələrindən ibarət komissiya Azərbaycanın Ucar,
Göyçay, Gəncə, Qazax, Tovuz, Yevlax, Ağdam, Bərdə, Şuşa,
Şəki, Kürdəmir və s. yerlərinə getmiş, şəhər əhalisi və
kəndlilərlə görüşmüşdür. O, getdiyi yerlərdə əhalinin vəziyyəti
ilə tanış olmuş, çıxış edərək kəndlilərə Azərbaycanda,
37
ümumiyyətlə, bütün dünyada baş verən siyasi məsələlər
haqqında məlumat vermişdir. N.Nərimanov kəndliləri sovetlər
ətrafında birləşməyə, sovet hökumətinin onlara verdiyi torpağı
vaxtı-vaxtında
əkib-becərməyə,
əsil sahibi olmağa,
əksinqilabçılardan qorumağa, çanaq toplanmasında fəal iştirak
etməyə, kənd məhsulları ilə Bakı fəhlələrinə yardım etməyə,
sovet Rusiyası ilə dostluğa və qardaşlığa çağıraraq demişdir:
«Sovet Rusiyası ilə birləşdikdən sonra biz neft anbarlarını
boşaltmağa, istehsalatımızı artırmağa, fəhlələri saxlamaq üçün
vəsait əldə etməyə… və azad sovet Rusiyasının və azad sovet
Azərbaycanının qarşılıqlı köməyi nəticəsində imkan tapdıq».
1920-ci il dekabrın 22-29-da Moskvada VIII Ümumrusiya
sovetlər qurultayı oldu. Qurultay məşhur QOELRO (Rusiyanı
elektrikləşdirmək üçün Dövlət komissiyası) planını qəbul etdi.
Qurultayda ilk dəfə olaraq başda N.Nərimanov olmaqla
Azərbaycan nümayəndələri də iştirak etmiş və o, qurultayda
Ümumrusiya Mərkəzi İcraiyyə Komitəsinə üzv seçilmişdir.
1921-ci il yanvar ayının əvvəllərində N.Nərimanov Mosk-
vada olarkən sovet Rusiyasında yaşayan müsəlman xalqları
kommunistlərinin müşavirəsi keçirilmişdir. Müşavirədə iştirak
edən N.Nərimanov müşavirənin rəyasət heyətinə seçilmişdir.
1921-ci il mayın 6-19-da keçirilən I Ümumazərbaycan
sovetlər qurultayını giriş nitqilə N.Nərimanov açmışdır. O,
qurultayın rəyasət heyətinə seçilmiş, bir neçə iclasına sədrlik və
çıxış etmişdir. Eyni zamanda qurultay N.Nərimanovun bir il
ərzində Azərbaycan SSR hökumətinin fəaliyyəti və beynəlxalq
vəziyyət haqqında məruzəsini dinləmişdir. Qurultay Azərbaycan
SSR Mərkəzi İcraiyyə Komitəsini, 9 üzv və 3 namizəddən ibarət
onun rəyasət heyətini seçdi. N.Nərimanov M.Hacıyev,
S.Ağamalıoğlu və b. birlikdə onun tərkibinə seçilmişdir.
Azərbaycanın ilk konstitusiyasını təsdiq edən qurultay rəsmi
olaraq N.Nərimanov başda olaraq Azərbaycan SSR Xalq Ko-
missarları Sovetinin tərkibini müəyyənləşdirmişdir. Mayın 21-
də Azərbaycan MİK I plenumunun I sessiyası keçirildi. N.Nəri-
38
manov iclası açarkən demişdir ki, fəhlə və kəndlinin üstünlüyü
ilə sovet respublikasının ali orqanını seçərək biz bütün
Azərbaycan qarşısında, bütün Şərq qarşısınla nəzərə çatdırırıq
ki, burada hakimiyyət zəhmətkeşlərin öz əlindədir. Sessiya
qurultay tərəfindən seçilmiş Azərbaycan MİK rəyasət heyətini
və N.Nərimanov başda olmaqla Azərbaycan XKS təsdiq etmiş-
dir.
1921-ci il iyulun 19-da Azərbaycan MİK rəyasət heyətinin
iclası oldu. İclas N.Nərimanovun sədrliyi ilə keçmiş və onun
Zaqafqaziya respublikaları nümayəndələrinin Azərbaycan,
Gürcüstan və Ermənistan arasında sərhədlərin
müəyyənləşməsinə həsr edilmiş konfransının yekunları haqqında
məruzəsi müzakirə edilmişdir.
N.Nərimanov Azərbaycanın hərtərəfli inkişafı ilə məşğul
olduğu bir vaxtda Azərbaycanın «sol kommunistləri» Bakı
komitəsini ələ keçirərək ona maneçilik törədirdilər. Bu işdə
onları S.Orconikidze müdafiə edirdi. Bunu hiss edən N.Nəri-
manov yığıncaqlarda, iclaslarda, plenumlarda, konfranslarda,
hətta qurultaylarda «sol kommunistləri» kəskin tənqid edir və
onları partiyanın qarşıya qoyduğu məsələlərlə məşğul olmağa
çağırır. Dediklərinin nəticəsiz olduğunu görən N.Nərimanov
1921-ci ilin avqustunda S.Orconikidzeyə məktub yazır. O, bu
məktubda göstərirdi: «Hörmətli Serqo! Mən 1918-ci ildə Bakıda
sovet hakimiyyəti üçün düzgün olmayan və məhvedici siyasət
aparılmasında, yol. Şaumyana tarixi məktubumu yazmışam.
İkinci tarixi məktubu indi sənin adına göndərmək lazım gəlir…
Mən həmişə demişəm və deyirəm: biz Bakını bütün
Azərbaycansız saxlaya bilmərik, buna görə də vahid birlik
yaratmaq lazımdır…
Qafbürodan başqa mən özümü və səni belə bir çətin
şəraitdə sovet Rusiyası qarşısında cavabdeh sayıram.
Bu xəbərdarlıqdan sonra əgər sənin tərəfindən Bakı
komitəsinin sağlamlaşdırılması üçün tədbir görülməsə mən
bütün məsuliyyəti öz üzərimdən götürürəm».
39
Dostları ilə paylaş: |