Azərbaycanın böyük şairi Xəlil Rzanın bizim xalqın mədəniyyətinin inkişafında böyük
Yüklə 2,49 Mb. Pdf görüntüsü
|
- Bu səhifədəki naviqasiya:
- XƏLİL RZA ULUTÜRK
146 XƏLİL RZA ULUTÜRK SEÇİLMİŞ ƏSƏRLƏRİ Romanın fatehlik mücəssəməsi Gəlir at belində məğrur, pürvüqar. Önündə süvari, mətin alaylar. Yanında müntəzir fleytaçılar Musiqi dililə verilir qərar. Kişnəyir havalı fateh atları, Hələ qarşıdadır fütuhatları. Keçir legionlar sərrast marş ilə, Cənab at belində düşünür hələ: Bir yanda Şamaxı, bir yanda Bakı. Qobustan bu yollar ayrıcındakı Qüdrətdən yaranmış qalaya bənzər. Lənkəran, Astara – gül üstündə zər. Narınclı, limonlu, almalı bağlar İnsanı bu yerə əbədi bağlar. Çəmənli, çəltikli, çaylı Masallı Qışın qışlığında bahar misallı. Daşınsın Romaya bu dövlət, bu var! Kürə işıq salan qızıl balıqlar. Kəs daha, dinləyə bilmirəm! Yetər! Təzədən düşürəm alova, oda. Nifrət bəsləyirəm mən fatehlərə, Fatehdən danışan misralara da. Mən Azər oğluyam! Qaradır gözüm. Zaman öz milini çəkdi gözümə. Bəlkə də gözlərim qaralmazdı heç, Neftimin zülməti çökdü gözümə. Soyub daşıdılar vardövlətimi Əvvəl dəvələrlə, sonra qatarla. Ərəblər tuluqla içdi neftimi, Avropa, Amerika nəhəng çanlarla.
147 Kəmərlər çəkildi, nəhəng kəmərlər. Ölçdülər boyunu, diametrini. Kəmərlər qurd kimi sorub əmərlər Yerin şirəsini, yerin ətrini. Vişşau, Denstrvil, Rotşild, Mantaşov... Mənfur adınızı yenə də saydım. Mən ötən illərin üstündən aşıb Sizi öz əlimlə parçalasaydım!... Görəsən qayalarda ürək ağrısı varmı? Gəmirirmi köksünü Qayaların qəzəbi Qayaların əsəbi?.. Yox, əsəbi olsaydı Sökülərdi qayalar. Dönüb bir yanar dağa, Fatehlərin başına tökülərdi qayalar. Qalx ayağa, Domisian! Mən səni qayalara dirəmək istəyirəm. Bütün qəsbkarlara. Nifrətimin, qeyzimin alovlarına səni Bürümək istəyirəm. Nəsilbənəslinizi... Sizi Yer kürəsindən Kürümək istəyirəm. Mənə elə gəlir ki, ölməmisən hələ sən. Hələ dirisən, diri. XX əsrdə bir az başqalaşıbdır fatehliyin növləri. İndi fatehlər ancaq sərvət, sovqat aparmır, Mənəviyyat aparır. Vətən nemətilə bir Vətən duyğusunu da Şüurlardan qoparır! Ürəklərdən qoparır! Müstəmləkə xərçəngi kök atır vicdana da.
148 XƏLİL RZA ULUTÜRK SEÇİLMİŞ ƏSƏRLƏRİ Virus kimi işləyir iliyə də, qana da. Formozada, Qanada, Kanadada, Konqoda Dinlə, gör nələr deyir İllər boyu susmayan o qırhaqır, qanqada. Ərzin gör neçə yerdən bağrı paraparadır. Sağalmayan yaranı qəsbkarlar yaradır. XX əsrdə dəyişib qəsbkarlar, Bir az mədəni olub, Bir az modern olubdur vicdanı, qəlbi karlar. Gəlir xoş bir qılıqla, Yaxınlıq, Yaxşılıqla. Gözündə buz təbəssüm, dişinin dibində öd! Addımı gen, qəlbi dar O qəssab qəsbkarlar. Yadlar sanma vətənin Bir gülünü aparır. Vətəni yerlidibli Rişəsindən qoparır! Qəsbin, qəsbkarlığın min ləkəsi yaranır! Vətən xainlərinin şəbəkəsi yaranır. Yaranır məmləkətdə milli satqınlar toru. Yarsın qaranlıqları Mənim bəbəklərimin qəzəb projektoru! XX əsrdə dəyişib qəsbkarlar. Heç bilsən neçə donda Fatehlik iblisi var. Aşkarı, gizlisi var. Bürünmüş, maskalanmış ən iyrənci, pisi var. Nə yamandır şüurda, idrakda müstəmləkə. Başına sığal çəkə, sərvətinə süpürgə. 149 ...Dişlərim ağ kəlbətin. İmkan vermir nifrətim diqqətlə baxam sənə. Aç gözünü, nəzər sal cahan xəritəsinə: Sərhədlər dilimdilim, Ölkələr didimdidim. Vətənlər parçaparça! Parçalar bizə tanış: Koreya parçalanmış! Almaniya parçalanmış! Hərbin cəhənnəmində Vyetnam parçalanmış! Sönmüş vulkanlar yanır insanların oduna. Girir buqələmuntək fatehlər dondandona. Hörür hörümçək kimi fitnəfəsad torları. İldırımlar doğrasın assimilyatorları! Onların öz səngəri, Öz xüsusi cəbhəsi. Çox dürüst düşünülmüş Layihəsi, nəqşəsi. Assimilyasiyanın dərəcəsi, faizi. Kənddəki dairəsi, şəhərdəki çəkisi. İllik təsir qüvvəsi. harda, hansı zərbəsi. Bu dərdlər dünyasında öz qubarım var mənim: Azərbaycan dilində hələ təzə dil açan Şəhriyarım var mənim. Yenə alışıb yanır diktorların nəfəsi. Od tökür qəzetlərin yenə son səhifəsi.
150 XƏLİL RZA ULUTÜRK SEÇİLMİŞ ƏSƏRLƏRİ Batır yenə al qana TəlƏvivin əlləri, Ərəb balalarının saf, günahsız qanına. Nə qədər ki, başları əzilməyib, çəkilsin Gürzələr yuvasına, qəsbkarlar qınına. Qəsbkar əsri deyil XX əsr, yox! Qurd niyyətli planlar dağımdağım dağılır. Cahan meridianları fateh gözlərinə ox. Beş milyard insanlığın yumruqları sıxılır. Görəsən qayaların ürək ağrısı varmı, Gəmirirmi köksünü qayaların qəzəbi Qayaların əsəbi?.. Yox, əsəbi olsaydı sökülərdi qayalar. Dönüb yanar vulkana, Fatehlərin başına tökülərdi qayalar. 1966 ÇAYLARIMIZ Yalçın qayaları yırtıb dağıdan, İldırım qeyzini selsel axıdan, Çapaqdan, xəşəmdən, qızıl balıqdan Rəng alan, dad alan dəli çaylarım, Dağların dənizdə əli – çaylarım. Sevirəm hayını, hayharayını, Nə qədər doğmadır o səs, o səda. Müşfiq təlatümlü Tərtər çayının Arzular çırpınar qıjhaqıjında. Ov üstə atılan cavan şir kibi Zəyəmçay şığıyar, sıçrar irəli. Girdiman suları Cavanşir kibi Dağıdar çiynilə dar sahilləri. Yüklə 2,49 Mb. Dostları ilə paylaş:
|