75
görsünlər. Məhv olsun bu xalqı qorxaq və sürətsiz etməyə çalışanlar, onu
tənbəllik və ətalətə salanlar! Azadxah cəmiyyət yaşasın və var olsun!”.
Xiyabaninin bu nitqlərindən çox aydın şəkildə məlum olur ki, bunlar
bolşevikləırin və Leninin hayqırdıqları kimi sadəcə olaraq boş-boş şüarlar
deyil. Bu sözlərin, kəlmələrin, cümlələrin hər birinin arxasında dərin
mənalar, məntiqli və hikmətli ifadələr durur. Xiyabani siyasi və ictimai
xadiim, eyni zamanda peşəkar bir publisist olmaqla yanaşı yüksək səviyyəli
bir natiqdir. Onun hər bir kəlməsində insan psixologiyasına nüfuz edə
biləcək təlqin vardır. Xiyabani eyni zamanda olduqca nikbindir və xalqı da
daim nikbin olmağa səsləyir. Bir çoxlarına bəllidir ki, İslam aləmində şəhid
olmaq olduqca böyük şərəf sayılır və şəhidlərin sorğu-sualsız behiştə
getdikləri də hamıya məlumdur..Onu da qeyd etmək lazımdır ki, şəhid sözü
ancaq müsəlmanlara aiddir. Hansısa bir dinsizi və yaxud müsəlman olmayan
bir kimsəni şəhid hesab eləmək küfrdür. Şəhidlərə yüksək qiymət verən
Xiyabani, şəhid olmağın nə qədər müqəddəs bir iş olmağını dilə gətirərək,
valideynlərə, xüsusilə də analara övladlarını, şəhid və yaxud qazi olmaq
ruhunda tərbiyə etməyi tövsiyə edir. Xalqımızda belə bir zərbi-məsəl vardır
“Qəm qəm gətirər”... Tarixdən və yaşadığımız həyatdan məlumdur ki,
pessimizm insana bədbəxtçilikdən başqa heç bir şey verə bilmir. Əgər biz
İslam alimlərinin kəlamlarına da müracət etsək, İslamın pessimizmə olan
münasibətinin olduqca mənfi olduğunu görərik. Bəşəriyyətin inkişaf proqramə
və hidayət qaynağı müqəddəs Qurani-Kərim də öz işıqlı ayələrində insanı
daim nikbin olmağa, gələcəyə inanmağa, Allahdan ümidi kəsməməyə çağırır.
Atalarımızda belə bir misal da vardır “Hagüman şeytandır”. İnsan hətta ölüm
ayağında olarkən Uca Yaradandan ümidini kəsməməli, həyatının işıqlı
olcağına inanmalıdır. Ölüm haqdır. Hamıya məlumdur ki, Uca Xaliqdən
başqa hamı ölümə məhkumdur. Lakin ölüm həyatın bitməsi demək deyildir.
Ölüm bu dünyadan o biri dünyaya açılan bir qapıdır. Bu dünyada yaxşı
əməllər sahibi olmuş insan, ələlxüsus da şəhidlər, bu qapıdan keçib daha
rahat, daha gözəl bir həyata qədəm qoyurlar. Şübhəsiz ki, müctəid dərəcəsinə
76
yüksəlmiş Şeyx Məhəmməd Xiyabani daim İslam ehkamlarının əsasında
hərəkət etdiyi üçün şəhidlik zirvəsinin nə demək olduğunu olduqca gözəl
anlayırdı, eyni zamanda nikbinliyin insan psixologiyasına nə qədər müsbət
təsir etdiyini, keçdiyi İlahiyyat dərslərindən və həyat təcrübəsindən olduqca
məntiqli surətdə dərk eləyirdi.
Çox təəsüflər olsun ki, 70 illik sovetlər dönəmində, Xiyabaninin
çıxışlarındakı İslam dininə olan münasibəti və mövqeyi, Xiyabani
tədqiqatçıları tərəfindən qayçılanmışdır. Odur ki, əlimizə onun dini-fəlsəfi
baxışlarından çox az material gəlib çatmışdır. Lakin bununla belə ilahiyyatdan
xəbəri olmayan tədqiqatçılar “şəhid” sözünün mənasını anlamadıqlarına görə,
onun sırf iman gətirənlərlə, müttəqilərlə və yaxud təqva sahibləriylə bağlı
olduğunu dərk etməyərək, onu qayçılamamışlar. Bu da bizə bir işıq ucu qədər
də olsa Xiyabanini publisistikasını xarakterizə etməyə imkan yaratmışdır.
Xiyabani zamanın irəli sürdüyü bir sıra ictimai vəzifələrin yerinə
yetirilməsi sahəsində mətbuatın böyük əhəmiyyətə malik olduğunu dəfələrlə
göstərmişdir. Ümumiyyətlə, mətbuata dair qiymətli fikirlər Xiyabani
publisistikasında mühüm yer tutur. O, 1275 (1858)-ci ildə “Əxbari-
Darüssəltənəyi-Azərbaycan”, “Ruznaməyi-Millətin-Məmləkəti-Azərbaycan” və
“Vəqaeyi-şəhri-məmləkəti-Azərbaycan” adları ilə yayılmış “Azərbaycan”
qəzetindən və “Əkinçi”dən başlayaraq Qafqazda və İranda çıxan bütün
mətbuat orqanlarına yaxşıca bələd idi. “Əkinçi” qəzeti hələ Xiyabani
doğulmamışdan bir neçə il əvvəl bağlansa da Xiyabaninin bu haqda məlumatı
vardı. Hamıya məlumdur ki, Xiyabaninin yaşadığı dövrdə İranda yüzdən artıq
mətbuat orqanı var idi və bunların əksəriyyəti onun doğulub boya-başa
çatdığı Təbriz şəhərində yerləşirdi. Bunlardan Rza Tərbiyətin redaktorluğu ilə
1324 (1906) çıxan “Azad” qəzetini, Əliqulu xanın redaktorluğu ilə çıxan
“Azərbaycan” qəzetini, Əhməd Mirzənin redaktorluğu ilə çıxan “Bələdiyyə”
qəzetini və bir çox başqalarını gətirmək olar. Xiyabani öz çıxışlarında
İrandakı mətbuat orqanlarının qarşısında yüksək vəzifələr qoyur, adamların
gözünün açılması və cəhalətdən qurtarması yolunda fəaliyyət göstərməyi tələb
77
edirdi. Xiyabani, ona və demokratik qüvvələrə qarşı qərəzli mövqe tutan
“Rəd” və “İran” qəzetlərin tənqid edərək, bu qəzetləri günün qarşıya
qoyduğu və həllini gözləyən mühüm ictimai məsələlərdən kənarda
durduğunu, bunun əvəzinə öz səhifələrini böhtan xarakterli, eyni zamanda
mücərrəd yazılarla doldurduğunu qeyd eləyərək, onları tənqid edirdi.
Xiyabaninin ədəbi görüşlərinə yersiz təəsübkeşlik, yalançı millətçilik və
nihilizm əhval-ruhiyyəsi, başqa xalqların mədəni-elmi uğurlarını öz xalqının
mədəniyyət tarixi hesabına mənimsəmək meyli yabançı idi. Xiyabani daim
İranda vahid, bölünməz fars mədəniyyətinin və ədəbiyyatının olmasını yayan
irticaçı fikir və baxışlara qarşı çıxmışdır. O, bir sıra şovinist İran alimlərinə
və azərbaycanlı nihilistlərə qarşı çıxaraq, İran dövləti tərkibində ayrı-ayrı
xalqların yaşadığını, bu xalqların özlərinə məxsus ədəbiyyatı və mədəniyyəti
olduğunu, bu irsa dərindən öyrənməyin xeyirlərini irəli sürmüşdü. Xiyabani
orta əsr ədəbiyyatı tarixinə, poetika və ədəbiyyatşünaslıq elminin inkişafına
ümumi bir axın kimi baxmamışdır. Ədəbi-fəlsəfi baxışlarının yönü və
məzmununa görə ardıcıl demokrat maarifçi olan Xiyabaninin qabaqcıl
düşüncə və ideyaları, onun ədəbi fəaliyyətində öz əksini yeni bir biçimdə
tapa bilmişdir. Bəlkə də bütün dünyaya məlumdur ki, Azərbaycanın qədim
paytaxtı və mədəniyyət mərkəzlərindən biri olan Təbriz şəhərindən saysız
hesabsız elm və hünər sahibi çıxmışdır. Buna misal olaraq ilk növbədə Şəms
Təbrizini, Xətib Təbrizini. Agahi Təbrizini, Alim Təbrizini, Baba Fərəc
Təbrizini, Bədrəddin Əbdülmüəmmər İsmayıl Təbruzini,, Vahidi Təbrizini,
Vuqun Məhəmməd Şərif Təbruzini, Qardaş Təbrizini, Qai Mirzə Təbrizini,
Qəzali Təbrizini, Qəzənfər Təbrizini, Qəni Təbrizini, Əbdülvahab Əmiri,,
Danişməndi,, Daniş Ağa Mirzə Lütfəlini,, Daniş Hacı Mirzə Nəcəfəlixanı,
Dərviş Bülbülü,, Dərviş Gəncəli-Təbrizini, Dərviş Söhrab Təbrizini, Dərviş
Hüseyn Hafizi,, Divanəni, Şərif Təbrizini, Mahmud ibn Əbdülkərim ibn
Yəhya Şəbüstəri Təbrizini, Hümam Təbrizini və bəlkə də minlərcə başqalarını
göstərmək olar. Şübhəsiz bu da güneyli qardaşlarımızın, ələlxüsus da
təbrizlillərin elmə, maarifə, ədəbiyyata, fəlsəfəyə olan dərin marağını, o
Dostları ilə paylaş: |