Baxt va muvaffaqiyat sirlari umumiy o‘rta ta’lim maktablarining

DARHOL BOYIB KETISH ISTAGI
Laziz maktabda yaxshi o‘qidi, universitetni ham a’lo baholar bilan
tamomlab, yaxshi ishga joylashdi. Ammo birdaniga katta boylikka erishish
istagi uni to‘g‘ri yo‘ldan adashtirdi. U ishxonasida pora bilan qo‘lga
tushib, jinoiy javobgarlikka tortildi. Uning hayoti boshqacha bo‘lishi
mumkin edimi?
O‘ZINI BOSHQALAR BILAN SOLISHTIRISH
Aziz boshqa sinfdoshlaridan ko‘ra yaxshiroq telefon tutgani uchun o‘zini
ulardan yuqori ko‘radi. Laziz otasi kambag‘al bo‘lgani bois o‘zini baxtsiz
deb hisoblaydi. Nargiza dugonasining kiyimiga havas qiladi. Doimo kibr
bilan yashash yoki hasad qilib ich-etini yeb yashash ularni nimaga duchor
qiladi?
PULNI TEJASHNI QANDAY BOSHLASH MUMKIN?
«Tejalgan bir so‘m pul – ishlab topilgan bir so‘m puldir» degan naql bor.
Pulni to‘g‘ri ishlatish uchun xohish va ehtiyojni farqlay olish kerak.
Ehtiyoj – yashash va kundalik hayotda zarur bo‘lgan kerakli narsalar.
Xohish – bizga juda kerak bo‘lmagan, usiz ham yashash mumkin bo‘lgan
narsalar.
Misol uchun:
Suv – ehtiyoj
Gazlangan rangli suv – xohish
Pul uchun
ikkita idish ajrating, biri – pul jamg‘arish uchun, ikkinchisi –
xarajatlar uchun. Har gal pul ishlab topganda uni pul jamg‘ariladigan
idishga soling. Har gal pul sarf qilish arafasida uni xarajatlar idishiga
solishdan avval kattalar bilan maslahatlashing. Siz bu pulni xohishingizga
sarf qilmoqchimisiz yoki ehtiyojingizgami – buni aniqlashtirib oling.
Mustaqil faoliyat

---

IV bob. Tadbirkorlik, g‘oya va boylikdan foydalanish mezonlari
122
@edurtm_uz
«Xohish yoki ehtiyoj?»
So‘nggi bir oy davomida oilangizda eng ko‘p xarajat qilingan buyumlar,
narsalar va harakatlar ro‘yxatini tuzing. Ulardan qaysi biri ehtiyoj va
qaysilari xohish ekanini ajrating.
Xayrixohlik
Munosabatlarni
qurish