Bæjarráð Hveragerðis



Yüklə 20,87 Kb.
tarix06.05.2018
ölçüsü20,87 Kb.

Bæjarráð Hveragerðisbæjar

Fundargerð 383. fundar





Ár 2004, fimmtudaginn19. ágúst 08:00 kom bæjarráð saman til fundar á skrifstofu bæjarins.

Mættir voru: Herdís Þórðardóttir, Þorsteinn Hjartarson í forföllum Magnúsar Ágústssonar og Hjalti Helgason í forföllum Aldísar Hafsteinsdóttur. Ennfremur sat fundinn Orri Hlöðversson, bæjarstjóri sem ritaði fundargerð í tölvu.

Herdís Þórðardóttir, formaður setti fund og stjórnaði.

Leitaði hún eftir athugasemdum við fundarboð en engar komu fram.


Í upphafi fundar bókaði bæjarráð eftirfarandi: Í tengslum við vel heppnaða bæjarhátíð vill bæjarráð þakka forsvarsmönnum "Blómstrandi daga" þeim Kristni G. Harðarsyni, Guðmundi Guðjónssyni og öðrum sem að komu fyrir metnaðarfulla og vel skipulagða dagskrá.
Eftirfarandi fært til bókar:
1. Bréf sem borist hafa frá:

1.1 Nes Kommuna frá 26.júlí 2004

Með erindinu fylgja drög að samstarfsamningi á milli Hveragerðis og Nes Kommuna sem kveður á um vinsamleg tengsl á milli sveitarfélaganna vaðandi menntun og önnur samfélagsleg málefni. Þá er kveðið á um gagnkvæmar móttökur félaga og félagasamtaka í sveitarfélögunum.

Bæjarráð samþykkir samningsdrögin fyrir sitt leyti með smávægilegum orðalagsbreytingum og felur bæjarstjóra að ljúka vinnu við samninginn og leggja drög að undirritun.

1.2 Sambandi íslenskra sveitarfélaga frá 3.ágúst 2004

Í bréfinu er kynnt dagsetning fjármálaráðstefnu sveitarfélaganna sem haldin verður á Hótel Nordica 1-2 nóvember nk.

Lagt fram til kynningar

1.3 Tónlistarskóla Árnesinga frá 5. ágúst 2004

Í bréfinu er kannaður áhugi sveitarfélaganna á auknum framlögum til Tónlistarskólans til að mæta aukinni ásókn í skólann.

Bæjarráð er ekki í stakk búið að samþykkja aukin framlög til Tónlistarskólans og telur eðlilegt að málið fái umfjöllun í Héraðsnefnd Árnesinga. Á það er bent að bæjarfélagið styður við nemendur í tónlistarnámi sem ekki fá nám við sitt hæfi í Tónslistarskóla Árnesinga.


2. Fjárhagsleg málefni

2.1 Búnaður í leikskólann Óskaland

Lagt fram tilboð í 2 tölvur og ljósritunarvél í leikskólann annarsvegar og leikskóladýnur hinsvegar.

Samþykkt að taka tilboði TRS í tölvur og ljósritunarvél upp á krónur 309.859 og tilboði Seglagerðarinnar Ægis í leikskóladýnur upp á kr. 162.120.

2.2 Búnaður í bóksafn

Lagt fram tilboð frá Þjónustumiðstöð bókasafna í bókahillur, húsgögn og annan búnað í nýtt bókasafn í Hveragerði upp á krónur 3.796.135.

Bæjarstjóra falið að móta tillögu að því með forstöðumanni bókasafns hvernig dreifa má innkaupunum yfir lengra tímabil þar sem stuðst yrði við tilboð Þjónustumiðstöðvarinnar.
3. Tæknileg málefni

3.1 Lóðarumsókn.

Lögð fram umsókn frá Þorvaldi Ásgeirssyni í lóðina að Mánamörk 9.

Bæjarráð hafnar umsókninni þar sem lóðin hefur ekki verið auglýst laus til umsóknar og skipulag á svæðinu hefur ekki hlotið fullnaðarafgreiðslu.
3.2 Tillögur að nýframkvæmdum í gatnagerð

Lögð fram greinargerð frá byggingarfulltrúa og bæjarstjóra þar sem farið er yfir helstu kosti sem við blasa í nýframkvæmdum í gatnagerð í Hveragerði.

Á grundvelli minnisblaðsins er byggingarfulltrúa og bæjarstjóra falið að undibúa útboð á Hraunbæ A, Birkimörk og Valsheiði A, alls 68 íbúðalóðir. Útboð skal fela í sér ákvæði um áfangaskiptingu verksins þar sem unnt yrði að stjórna hraða framkvæmda út frá eftirspurn eftir lóðum. Lóðir við Birkimörk skulu auglýstar lausar til úthlutunar um leið og skýrist hvenær unnt er að ljúka gatnagerðarframkvæmdum þar. Framkvæmdir á lóðum við Birkimörk geta þó hafist áður en þeim framkvæmdum lýkur þar sem unnt er að athafna sig við byggingarlóðirnar frá Finnmörk.

Þá er ofangreindum starfsmönnum líka falið að undirbúa útboð á


Sunnumörk.

Þá er bæjarstjóra falið að leggja fram endurskoðun á gjaldskrá gatnagerðargjalda í bæjarfélaginu fyrir næsta fund bæjarráðs.



4. Erindisbréf íþrótta- og tómstundanefndar

Lagt fram til staðfestingar erindisbréf íþrótta- og tómstundanefndar sem hlotið hefur umsögn og samþykki í nefndinni sjálfri.

Bæjarráð staðfestir erindisbréfið að undanskilinni grein um ráðningar starfsmanna sem fellur út.

5. Starfsmannamál

6.1 Uppsögn forstöðumanns H-hússins

Lagt fram uppsagnarbréf forstöðumanns H-hússins sem ákveðið hefur að þekkjast annað starf.

Samþykkt að auglýsa starfið laust til umsóknar þegar nær dregur starfslokum forstöðumanns.
7. Fundargerðir til kynningar

7.1 Stjórnar Brunavarna Árnessýslu frá 20. júlí 2004

7.2 Stjórnar SASS frá 6. águst 2004

7.3 Bæjarráðs frá 5. ágúst 2004

Fundargerð upplesin og samþykkt.


Fleira ekki gert og fundi slitið kl 9:45
Herdís Þórðardóttir, (sign.)

Þorsteinn Hjartarson Hjalti Helgason


Orri Hlöðversson, (sign)




bls. af



Dostları ilə paylaş:


Verilənlər bazası müəlliflik hüququ ilə müdafiə olunur ©genderi.org 2017
rəhbərliyinə müraciət

    Ana səhifə