__313__
BOSHLANG`ICH SINF O`QITUVCHILARI UCHUN METODIK YORDAM
Aliboyeva Matluba Usmanaliyevna
Xudoyberdiyeva Nilufar Baykabilovna
Toshlent viloyati Angren shahar 14 ōrta maktab
boshlangich sinf o'qituvchilari
Annotatsiya:
Hozirgi zamonaviy jamiyat oliy ta‘limdan keyingi ta‘limga boy ichki
madaniyatga ega bo‘lgan har tomonlama yetuk ijtimoiy faol kardlarni talab qilmoqda.
Chunki shaxsiy sifatlar pedagogik kasb va maktab davrida shakllangan shaxs xarakteri
o’rtasidagi o‘zaro ta‘sirni oldindan ko‘rishga imkon beradi. Maqolada boshlang`ich sinf uchun
zaruriy metodik tavsiyalar keltiriladi.
Kalit so`zlar:
shaxs, maktab, differinsial daraja, pedagogik faoliyat, boshlang`ich sinf,
metodika.
Pedagogik faoliyat–bu o‘qituvchining o‘zini tutishi, uning jarayonida talabalar bilan
munosabatlari namoyan bo‘ladi, o‘zgartiriladi va rivojlanadi. Shuning uchun, pedagogik
professionallikning faoliyat bilan bog‘liq xususiyati bilan bir qatorda uning mazmunini
ochishda shaxsiy jihat alohida ahamiyat kasb etadi, chunki o‘qituvchining shaxsiyati
murakkab, boy bo‘lgani uchun, u pedagogik faoliyatini belgilaydi. Bundan tashqari,
pedagogik professionallikning shaxsiy dunyoqarashini rivojlantirish, ayniqsa istiqbolli
o‘qituvchining o‘zini qadrlashi, pedagogik ishning individualligi muhum ahamiyatga ega.
Funksional rol metodologiyasiga asoslangan ijtimoiy shart-sharoitlarni hisobga olgan
holda, boshlang‘ich maktab o‘qituvchilarining shaxsiyatining professionallik tizimi keng
ma’noda pedagogik ish mavzusining xususiyatlari va xususiyatlariga oid tartibga soluvchi
talablarni o‘z ichiga oladi. Ilg‘or texnologiyalardan foydalanish va professor o‘qituvchilarning
yutuqlari, o‘qituvchilarning erishgan natijalari uchun mukofotlar bilan taqdirlash, ijodiy
guruhlarda ishlashda ishtirok etganlik uchun bonus, uslubiy tadbirlarni tayyorlash va
o‘tkazish, talabalarning fan olimpiadalarida yaxshi chiqishlari va hokazo. Ushbu
imtiyozlarning mukammal bo‘linishi va har bir o‘qituvchining maksimal foyda bilan ijodiy
ishlash imkoniyatiga ega bo‘lishini ta’minlash uchun bir qator shartlar mavjud:
a)
Turli
maktablarda ishlaydigan o‘qituvchila
r taxminan bir xil moddiy- texnik
ta’minotga, qulay ijtimoiy va yashash sharoitlariga, bo’sh vaqtini o’tkazish uchun bir
xil
__314__
imkoniyatlarga ega bo‘lishi
kerak;
b)
Martaba rivojlanish istiqbollari shaxsiy kasbiy potensialga ham bog‘liq bo‘lishi
kerak.
Aniqlanishicha fanga yaxshi tayyor o‘qituvchilar, pedagogik faoliyatining komunikativ
sohasida qiyinchilikka duch kelishadi. Bundan kelib chiqadiki, o’qituvchilar kasbiy
faoliyatidagi bu sohaga birinchi o’rinda psixologik yordam va qo‘llab quvvatlash yetishmaydi.
Bolaning ijodiy qobiliyatlarini rivojlantirish samaradorligi o‘qituvchini o‘zining dars
“ko‘rinishini” yaratishda uning psixofiziologik yosh qobiliyatini qay darajada hisobga olishiga
bog‘liqdir.
Bolalarning ushbu ijtimoiy va lingvistik xususiyatlarini hisobga olgan holda, o‘qituvchi
bu yoshdagi bolalar juda himoyasiz ekanligini bilishi kerak, shuning uchun ular qiyin
vaziyatdan chiqib olishi uchun uchun dalda, rag‘bat kerak, ammo qattiq tanqid o‘rganishga
bo‘lgan motivatsiyasini yo‘q bo‘lishiga sabab bo‘lib, haqiqiy zarar yetkazishi mumkin.
Yetti-sakkiz yoshli bolalar yaxshi rivojlangan raqobat ruhiga ega va shuning uchun
g‘alaba qozonish va birinchi bo‘lish istagi hamma narsadan ustun turishi mumkin. Ushbu
bolalar bilish xususiyatlarini hisobga olgan holda o‘qituvchi ayniqsa: ularga qilingan ishdan
zavqlanishni ta’minlashi kerak (ta‘lim jarayonidan ham, tozalikka e’tibor qilishdan va
ovqatlanishdan ham, chunki bola zavq olishni istaydi, o‘qituvchi va ota-onasi esa tirishqoqlik
va katta sabr bilan bola olayotgan zavqni “ta‘lim zavqi” ga aylantirishi kerak bo‘ladi).
O‘qituvchi shuni esda tutishi kerakki, bu yoshda bolalar juda yuqori mahsuldorlikka ega,
ammo ishlash sifati past (bajarilgan ishning sifatiga e’tibor berish kerak, natijada o‘z ishidan
g‘ururlanish kuchayadi), shuningdek, yaratish istagini qo‘llab-quvvatlash - yasash, chizish,
qo‘shiq aytish, raqsga tushish, rang berish, kompozitsiya qilish, to‘qish (bolalar qo‘llab-
quvvatlanishini his qilishlari va kattalarning munosib bahosini ola olishi muhimdir, bu
yaratish uchun to‘g‘ri yoki noto‘g‘ri usullar yo‘q ekanligini, ular buni tushunganlarini
anglatadi), bu esa kelajakda muallif sifatida o‘zini namoyon qilishi, ko‘nikmalarini
rivojlantirishga yordam beradi.
O‘qituvchi bolalarning o‘yin ishtiyoqidan foydalanishi kerak (olti yoshli bolalar uchun
o`yin yetakchi faoliyat bo‘lib qolmoqda), she’rlar o‘qish, topishmoqlarni topish, chunki bu
ularga zavq olib keladi, va bundan tashqari, o‘qitiladi (o‘yin orqali o‘rganish kitoblardan
foydalanishdan ko‘ra ko‘proq samara beradi). Hozirgi birinchi sinf o‘quvchilari - 7 va 8 yoshli
bolalar va o‘qituvchilar ko‘pincha ularning ruhiyatidagi farqlarni sezmaydilar, buni prinsipial
__315__
hodisa sifatida hisobga olmaydilar, bu esa o‘z navbatida bolalarning ruhiy salomatligining
buzilishiga olib keladi.
Aytish lozimki, yetti yoshli birinchi sinf o‘quvchisini rivojlanish darajasi jihatidan
maktabgacha tarbiyachi bo‘lib qoladi va u uchun o‘quvchi sifatidagi o‘rni haligacha
faoliyatining noma’lum sohasi bo‘lib qoladi. Xulosa shundan iboratki O.Ya Savchenko
ta’kidlaganidek, “boshlang‘ich maktabda o‘qish bosqischi bola hayotidagi eng muhim
davrlardan: uni qanday yashab o‘tkazsa, uning o‘zini o‘zi anglashga bo‘lgan intilishlarini
maktab bilan qanday bog‘lashi va maktabning talablarini qanday qabul qilishiga ko‘p narsa
bog‘liq...’’. Bularning barchasi bola hayotining istiqbolini, maktab muvaffaqiyatini va kelajak
hayotini belgilaydi. Shu bilan birga, bolaning intellektual, iroda fazilatlari, xarakter
xususiyatlarining rivojlanishi, uning jamiyatdagi rolini ham belgilaydi. Boshlang‘ich maktab
o‘qituvchisining ta’siri bunday hollarda o‘quvchi hayotini qayta baholash qiyin. O‘zning
bola taqdiridagi roli va ahamiyatini anglash, u haqida ko‘proq bilish uchun maxsus yo‘nalish
(rag‘bat) yaratadi.
Zamonaviy maktab oldiga qo`yilgan vazifalar, kichik maktab yoshidagi o`quvchilar
umumiy rivojlanishining o`sganligi, psixologiya va xususiy metodika sohasidagi yutuqlar,
sinfda o`qish mazmuni va o`qitish metodlariga o`zgartirish kiritishni talab
etmoqda.Boshlang`ich sinflarning o`qish darsliklarida amaliy jihatdan turli janrga mansub
asarlar berilgan.O’qish darsida hikoya ,she`r, ertak,masal,maqol, doston,rivoyat va topishmoq
kabi janrlar o’rganiladi.Bunday turli janrdagi asarlar yaratilishi,uslubi jihatdan o’ziga xos
xususiyatlarga ega bo’lib,o’quvchilarga ham ta`siri turlicha bo’ladi .Shuning uchun ,turli
janrdagi badiiy asarlarni o’qishda o’qituvchidan unga mos usullar tanlash talab etiladi.
Hikoya kichik hajmli badiiy asar bo’lib,unda kishi hayotidagi ma`lum bir voqea, hayotning
muhim tomonlarini umumlashtirib tasvirlanadi. Hikoya boshlang’ich sinflar uchun mos janr .
O’quvchilarni qahramonlarning xatti-harakati, tashqi ko’rinishi, voqea-hodisalar haqidagi
hikoyalar ko’proq qiziqtiradi.
Hikoyani o’qishda uning mazmunini tahlil qilish va shu asosda o’quvchilar nutqini
o’stirish markaziy o’rin egallaydi . Hikoya o’qib bo’lingach, o’quvchilarga o’z fikr-
mulohazalarini bildirishi uchun vaqt beriladi. O’qilgan hikoya yuzasidan beriladigan savollar
orqali o’quvchilarga asarning yoqqan-yoqmaganligi, qaysi qahramon xarakteri ta`sir etgan-
etmaganligini aniqlanadi.
__316__
Shundan so’ng hikoya syujeti, voqeaning yonalishini ochishga , personajlar xarakterini
tushunishga, asarning asosiy g’oyasini ochishga qaratilgan savollar beriladi. Boshlang’ich
sinflarda o’quvchilarni ertakning o’tkir , maroqli syujeti, favqulodda ajoyib voqealari maftun
etadi.Lekin hikoya janri hayotiyligi bilan o’ziga xosdir. Hikoyada inson hayoti , u bilan
bog’liq voqealar haqidagi lavhalar bayon etiladi. O’quvchilar qahramonlarning xarakteri va
xususiyatlari bilan qiziqadilar. Boshlang’ich sinf “O’qish” darsliklarida berilgan hikoyalar
mavzu jihatidan xilma- xil bo’lib,qahramonlar ham bir –biridan farq qiladi.O’quvchilar
hikoyadagi qahramonlarga baho berishda, o’z shaxsiy- axloqiy tushunchalaridan
kelib chiqib ta`riflaydilar. O’qituvchining vazifasi o’quvchilar bilan asarni tahlil qilib, ular
nutqiga personajlarning axloqiy, intellektual, emotsional sifatlarni kiritishdan iborat. Bu
adabiy qahramonlarning xarakterini yaxshi yoritish shartlaridan biridir. Psixolog olimlarning
tekshiruvlaridan ma`lum bo’lishicha , asarni idrok qilishga , bilim olishga xizmatqiladigan
komponentlar bi lan birga , uni emotsional-estetik xis etish ham kiradi. Hikoyada
qahramonning nima qilishi emas, nima uchun shunday qilganini bilish muhimdir.
Shuningdek o’qituvchi o’quvchi bilan yakka yoki guruh bilan ishlashda ish turlari
bo’yicha topshiriqlar ko’rsatilgan tavsiyalarni ishlab chiqishi va o’quvchilarga topshiriqlar
tartib raqamini ko’rsatishi mumkin. Ko’pincha boshlang’ich sinf o’quvchilari qatnashuvchi
shaxslar xatti-harakatini yaxshi tushunmasliklari, ba’zan noto’g’ri yoki yuzaki tushunishlari
natijasida asar mazmunini anglab yetmaydilar. Shuning uchun ham o’qituvchi savolni juda
o’ylab tuzishi, u bolani fikrlashga, o’ylashga majbur etadigan, qahramonning xatti-harakati
voqealarning bog’lanishi yuzasidan muhokama yuritishga undaydigan, ularni o’zaro
qiyoslashga, ijobiy va salbiy tomonlarmi aniqlashga yordam beradigan bo’lishi lozim.
O’quvchi asarda qahramonning xatti-harakatini qanchalik aniq ko’z oldiga keltira olsa, u
hikoyaning asosiy mazmunini shunchalik chuqur tushunadi, shunchalik mustaqil qayta hikoya
qilib beradi. O’qish darslarida qahramonlarni tahlil etishda quyidagi savollardan foydalanish
mumkin:
1.
Asar qahramoni bilan do’stlashishni xohlarmiding?
2.
Sen uning o’rnida bo’lsang nima qilar eding?
3.
Hikoya qahramonining hamma ishlari to’g’ri deb o’ylaysanmi?
4.
Nima uchun u shunday qildi?
5.
Uning munosabati senga yoqdimi?
__317__
6.
Qanday
maslahat bergan bo’larding?
7.
Asardagi voqealar ichida bo’lishni xohlarmiding?
8.
Voqeada kim bo’lib qatnashishni xohlar eding?
Hikoyani o’qish bilan bog’liq holda o’tkaziladigan ijodiy ishlar ham o’quvchilar nutqini,
tafakkurini o’stiradi.
Umuman olganda, asarning janriy hususiyatini hisobga olib, o’ziga xos usullarini tanlash
lozim. Agar ushbu metodik tavsiyalardan maqsadli foydalanilsa, o’quvchilar ijodiy faolligi
ortadi, mustaqil izlanishi va fikrlash doirasi kengayadi. Shunday qilib, boshlang’ich sinflarda
ham badiiy asarlarni o’rganishda o’quvchi shaxsiga kuchli ta’sir qiluvchi, ularning saviyasiga
mos bilimlarning o’zlashtirilishini ta’minlovchi metod va usullardan, tahlil turlaridan
foydalanish mumkin.
Dostları ilə paylaş: |