Buxovlari qıran
Yüklə 3,42 Kb. Pdf görüntüsü
|
Ruhları idarə etmək 115 xatırlaması və başqaları ilə birlikdə yenidən daxil olması onla- rın düşünmək və plan cızmaq qabiliyyətini göstərir. 6. Onlar vəziyyətləri müşahidə etməyi və qərarlar çıxarmağı bacarırlar. Şər ruhun insan hədəfini «süpürülmüş və səliqə- sahman» vəziyyətində (25-ci ayə) tapması aydın bildirir ki, o, nəzərdə tutduğu qurbanı müşahidə edə bilir. Cinlər bizim zəif nöqtəmizdən həyatlarımıza girə bilirlər. Amma şeytanın barəmizdə nə düşündüyü bizi maraqlandırmamalıdır; biz Allahı razı salan tərzdə həyatımızı yaşamalıyıq (2 Kor. 5:9). 7. Onlar birlikdə işləyə bilərlər. Luka 11-də bir ruh zərərçəkənin sonrakı vəziyyətini əvvəlkindən də pis edərək yeddi başqa ruh- la birləşmişdi. Qadaralı cinə tutulmuş adamın vəziyyətində şər iş görmək üçün «qoşun» adlı çoxlu sayda cinlər birləşmişdilər (Mark 5:9). Mən bir çox insanların beyinlərində olan çoxlu müxtəlif səsləri bir bazara bənzətdiklərini eşitmişəm. 8. Onlar pislik dərəcələrinə görə fərqlənirlər. Luka 11-də bi- rinci cin «özündən daha betər» (26-cı ayə) başqa yeddi ruhu gətirir. İsanın bir ruh haqqında dediyi «Bu cür ruhlar yalnız dua ilə çıxa bilər» (Mark 9:29) sözləri ruhların pisliyə görə olan fərqini bildirir. Ruhların gücünə və pisliyinə görə fərqlilik anlayışı Paulun Efes. 6:12-də yazdığı iyerarxiya ilə uyğunlaşır. Mən şəxsən bəzi halların başqalarından daha çətin olduğunun şahidi olmuşam. Amma siz Allahın həqiqətinə yapışdıqca şeytandan və cinlərdən qorxmayacaqsınız. Onun yeganə silahı yalandır. Ayrenus yazırdı: «İblis…yalnız belə iş görə bilər: başlanğıcda etdiyi kimi, Allahın əmrlərinə itaətsizlik etmək üçün insanın ağlını aldadır, azdırır və tədricən ürəkləri qaranlıqlaşdırır.» Əgər siz nurda gəzməkdə da- vam etsəniz, qaranlıqdan qorxmaya bilərsiniz. 116 Buxovları qıran D üşmənin istehzalarını rədd etməyi öyrənmək Bu cür şər ruhlar həyatımıza necə müdaxilə edirlər? Gəlin sizə sadə təsvirlə cavab verim. Özünüzü hər iki tərəfdə iki mərtəbəli binaları olan uzun, dar küçənin bir başında dayanmış halda təsvir edin. Küçənin o biri başında isə İsa Məsih dayanıb və sizin məsihçi həyatınız, gözlərinizlə imanınızın Banisi və Kamilləşdiricisinə ba- xaraq, həmin uzun küçə boyunca getmək məsihçi həyatınızın pro- sesidir. Bu küçədə Müqəddəs Ruhun gücünə iman etməklə İsaya doğru irəliləməyinizdən sizi dayandıra biləcək heç bir qüvvə yox- dur. Belə ki siz İsa Məsihi qəbul edəndə gözlərinizi Ona dikirsiniz və yeriməyə başlayırsınız. Lakin bu dünya hələ də şeytanın hökmranlığı altında oldu- ğu üçün yolun hər iki tərəfindəki evlərdə yaşayan sakinlər sizi məqsədə nail olmaqdan saxlamağa qərar vermiş varlıqlardır. On- ların sizin yolunuzu bağlamağa, hətta addımlarınızı yavaşıtmağa belə heç bir gücləri, yaxud səlahiyyətləri yoxdur, ona görə də on- lar diqqətinizi məqsəddən uzaqlaşdırmağa və irəliləyişinizi dayan- dırmağa ümid edərək pəncərələrdən sallanıb sizi çağırırlar. Onlar insanları fahişəxanaya cəlb etməyə çalışan qadın alveri ilə məşğul olan şəxslərə bənzəyir. Bəziləri: «Ey, buraya bax! Məndə sənin istədiyin bir şey var. Bu, dadlıdır, yaxşı görünür və sənin küçə boyunca darıxdırıcı gəzintindən daha çox maraqlıdır. Gəl içəriyə bir bax»- deyərək, sizi sınağa çəkəcəklər. Başqaları: «Axı, sən kimsən? Allah səni sevmir. Sən heç nəyə nail olmayacaqsan. Onsuz da xilasa inanmaq boş şeydir» — deməklə, ittiham edəcəklər. Şeytanın kəşfiyyatçıları, xüsusilə, sınaqlar vasitəsilə sizi yayındırdıqdan sonra ittiham etməkdə mahirdirlər. Bir dəqiqə onlar: «Bunu yoxla; burada heç bir pis şey yoxdur» — deyirlər. Siz təslim olandan sonra isə onlar dərhal gəlib: «Bax gör nə etdin! Belə etməklə sən özünü necə məsihçi adlandıra bilərsən?»- deyə, rişxənd edirlər. Sizi məqsəddən yayın- dırmaqda ittiham şeytanın ən güclü silahlarından biridir. Ruhları idarə etmək 117 Siz küçədə addımladıqca sizə atılan başqa atmacalar belə səslənir: «Sən bu gün məbədə getməyə bilərsən. Hər gün dua etmək və Müqəddəs Kitab oxumaq vacib deyil. «New Age» cərəyanının bəzi şeyləri pis deyil.» Bu, aldatmadır, həm də şeyta- nın ən hiyləgər və zəiflədici silahıdır. Siz çox vaxt bu fikirləri bi- rinci şəxsin təkində eşidəcəksiniz: «Mənə bu gün məbədə getmək, dua etmək və Müqəddəs Kitab oxumaq lazım deyil» və s. Şeytan bilir ki, əgər başınıza gələn fikrin onun deyil, özünüzün olduğunu düşündürə bilsə, onda sizi daha asanlıqla aldadacaq. Yolunuzun kənarında olan pəncərədən və qapıdan sizi lağa qoymaqda, ələ salmaqda, şirnikləndirməkdə və sual verməkdə öz cinlərini təhrik etməklə düşmənin məqsədi nədir? O, sizi yavaşıt- maq, oturtmaq və mümkünsə, Məsihə doğru səyahətinizi dayan- dırmaq istəyir. O istəyir ki, siz Allaha inanmaq və xidmət etmək qabiliyyətinizə şübhə edəsiniz. Yadda saxlayın: onun Məsihə doğ- ru addımlamağınızda davamlı irəliləyişinizdən sizi saxlamağa heç bir qüdrəti və ya səlahiyyəti yoxdur. Və o, yenidən sizə heç vaxt sahib ola bilməz, çünki İsa Məsih tərəfindən satın alınmısınız və əbədi olaraq Ondasınız (1 Peter 1:18,19). Amma o, ağlınızda əkdiyi düşüncələrə sizin qulaq asmağınıza nail olsa, sizə təsir edə biləcək. Əgər uzun müddət sizə sınaq, ittiham, aldatma vasitəsilə şeytanın təsir etməsinə icazə versəniz, onda o, irəliləyişinizi da- yandıra biləcək. Məsihçi kimi yaşadığımız ruhani azadlığın dərəcələri bir inter- val daxilindədir: onun bir ucunda günah və şeytanla döyüşünə baxmayaraq, məsihçi həyatı və xidməti nümunə olan həvari Paul (Roma. 7:15-25; 2 Kor. 12:7-9), o biri ucunda isə tamamilə cinlər tərəfindən idarə olunan qadaralı cinə tutulmuş adam (Matta 8:28-34) durur. Heç kim bir anın içərisində tamamilə şeytanın idarəçiliyinin altına düşmür; biz tədricən gedən proseslə onun sezilməyən aldatmasına və təsirinə məruz qalırıq. Mən hesab edirəm ki, məsihçi cəmiyyətinin yalnız 15 faizi Məsihdə azad və bəhrəli həyat yaşayır. Necə də dəhşətlidir! Bəhrəli həyat yaşayan imanlılar Məsihdə kim olduqlarını bilirlər, onların Allahla olan şəxsi vaxtları ürəklərinə dərin təsir edir. Məsihdə diri və azad Yüklə 3,42 Kb. Dostları ilə paylaş:
|