Namiq Abbasov, Rəhim Həsənov
~ ~
76
Gerçəyi ağılın işığı ilə axtar.
R. Dekart
2.2. Nəsirəddin Tusinin idrak nəzəriyyəsi
XIII əsrdə idrak haqqındakı fikirlərdə ortodoksal
ideyaları mövcud olsa da işraqilər və peripatetiklərin
materialist şərhinə də rast gəlmək mümkündür. Varlıq
haqqında təlim olan ontologiya ilə, idrak haqqında təlim
olan qnesologiya fəlsəfədə bir vəhdət təşkil edir. Və elə bu
səbəbdən də varlıq haqqında təlim yaradan N.Tusi idrak
nəzəriyyəsindən yan keçə bilməzdi.
Hər bir fəlsəfi termin haqqında müxtəlif baxışların
mövcud olması idraka da şamil edilə bilər. Müxtəlif
cərəyanların bir çoxunun razılaşdığı idrakın hissi və əqli
idrakdan ibarət olması fikri ilə razılaşırdı. İdrakı dini
mövqeydən şərh edən əşərilərdən fərqli olaraq N.Tusi
idrakı daha çox materialist mövqeydən şərh edirdi. Sufi
filosofların intuitiv dərkini və işraqiliyin hissi, əqli və
intuitiv dərkini şərh edərkən intusiyanı inkar edir.
Bu inkarın təməlini isə Aristotelin fəlsəfəsi peripate-
tizm dünyagörüşü təşkil edir. Bir sıra məsələlərin izahında
isə Avropadakı intibah dövrünün verdyi izahdan daha elmi
bir izah verir. İdrakın hissi və əqli növlərindən birinə
üstünlük verib, digərini inkar edən Yeni dövr Avropa
mütəfəkkirlərinin baxışları idrakı birmənalı izah edirdi.
Hissi idrakı əsas götürən sensualizm və əqli idrakı əsas
götürən rasionalizm əslində bir-birinə qarşı antipodik
münasibət bəsləyirdilər. Onların arasında olan fikir ayrılığı
tədqiqat sahəsində də özünü biruzə verə bilirdi. Bu