234
«Azərbaycanın mağdur şair-dramaturqu Hüseyn
Cavid» adlı monoqrafik səciyyəli tədqiqatının
təhlilində də aydın görünür. Tural Hüseynov bütün
tədqiqatı prosesində həm Azərbaycanın mühacirət
ədəbiyyatşünasları, həm də sovet cavidşünasları ilə
yeri gəldikcə ciddi polemikaya girişir, bu zaman fikir
və mülahizələrində, mövqe və münasibətlərində haqlı
görünməyə müvəffəq olur.
Bu da bəllidir ki, sovet dövrü Azərbaycan
ədəbiyyatşünaslığında Hüseyn Cavid yaradıcılığının
mərhələləri ilə yanaşı, cavidşünaslığın mərhələlərini
də müəyyənləşdirmək sahəsində bəzi təşəbbüslər
edilmişdir. Lakin bu təşəbbüslərin heç birində Azər-
baycan mühacirət ədəbiyyatşünaslığı nəzərə alınma-
mışdır. Ona görə də cavidşünaslığa dair mərhə-
lələşdirmə təşəbbüslərində nəinki bir yanlışlıq olmuş,
hətta ciddi metodoloji qüsurlara da yol verilmişdir.
T.Hüseynov monoqrafiyasında cavidşünaslığın mər-
hələləşdirilməsinə dair təşəbbüslərdə yol verilmiş
yanlışlıqların obyektiv elmi şərhini verməklə yanaşı,
bu işdə ilk dəfə olaraq Azərbaycan mühacirət
ədəbiyyatşünaslığının müvafiq materialları ilə sovet
dövrü cavidşünaslığını birlikdə götürüb müqayisəli
elmi təhlil süzgəcindən keçirmiş, öz düzgün
mərhələləşdirmə prinsipi əsasında bu gün ən münasib
görünən bölgüsünü müəyyənləşdirmişdir. Bu bölgüyə
görə, cavidşünaslığın birinci mərhələsi 1920-1937-ci,
ikinci mərhələsi 1956-1990-cı illəri əhatə edir.
Azərbaycanın müstəqilliyi dövründə isə üçüncü
mərhələ başlanmışdır. T.T.Hüseynovun «Hüseyn
Cavid və Azərbaycan mühacirət ədəbiyyatşünaslığı»
235
adlı monoqrafiyası cavidşünaslığın inkişafının üçüncü
mərhələsində yazılıb tamamlanmış dəyərli bir əsərdir.
Aktuallığına və elmi yeniliyinə, tədqiqata cəlb edilmiş
mənbə və materialların zənginliyinə və əhatəliliyinə,
nəzəri və praktik əhəmiyyətinə görə, ümumiyyətlə,
bütün komponentləri ilə müasir tələblər səviyyəsində
mükəmməl bir elmi tədqiqat işidir; cavidşünaslıqda
yeni sözdür.
2004
236
BƏDİİ NƏSRİN POETİK NÜMUNƏLƏRİ
Müasir Azərbaycan ədəbiyyatında böyük xid-
mətləri olan görkəmli dramaturq və nasir, ssenarist,
publisist Sabit Rəhmanın bədii irsi müxtəlif aspektdə
elmi-tədqiqat işlərinin aparılmasına zəngin material
verməkdədir. Müasir Azərbaycan komediyasından söz
düşəndə istər-istəməz Sabit Rəhman yaradıcılığı,
xüsusilə onun müasir mövzulu komediyaları xatırla-
nır. Ona görə də çox təbii ki, bir sıra ciddi monoqrafik
əsərlərdə, dissertasiya işlərində Sabit Rəhman yara-
dıcılığı mərkəzi yerlərdən birini tutur. Sabit Rəhman
eyni zamanda, gözəl nasir – yığcam məzmuna, mü-
kəmməl süjet və kompozisiyaya malik, üslub və prob-
lematika cəhətdən bir-birindən fərqlənən roman, po-
vest və hekayələr müəllifidir. Onun bədii nəsri haq-
qında müxtəlif tədqiqat işlərində, icmal səciyyəli kon-
septual məqalələrdə, dərslik, dərs vəsaiti, ədəbiyyat
tarixlərində yeri gəldikcə söhbət açılsa da, hələlik
sistemli, müstəqil, ayrıca ciddi tədqiqat işinin obyek-
tinə çevrilməmişdir. Bu baxımdan, Sürəyya Sultano-
vanın «Sabit Rəhmanın bədii nəsri» adlı monoqra-
fiyası diqqəti çəkən əsərlərdən biridir.
Qeyd etmək lazımdır ki, tədqiqatçı Sabit Rəhma-
nın həm konkret bədii nəsrini, həm bu nəsrlə səsləşən
Azərbaycan ədəbiyyatının nümunələrini və bu bədii
irsin söykəndiyi rus və Avropa ədəbiyyatını, habelə
sovet məkanında müasir estetik, tənqidi və ədəbiyyat-
şünaslığa dair nəzəri ədəbiyyatı diqqətlə öyrənmiş və
ondan yeri gəldikcə yetərincə faydalanmışdır.
237
Əsərin məziyyətlərindən birincisi, tədqiqatçının
orijinal, emi-nəzəri yozumları, mülahizələri, araşdır-
maları sayıla bilər. Belə ki, tədqiqatçı heç bir avto-
ritetin təsiri altına düşmədən mümkün qədər müstəqil
təhlillər aparmış, elmi ümumiləşdirmələr yolu ilə get-
mişdir. Qeyd etmək lazımdır ki, ədibin komediya-
larındakı tənqidi gülüş onun bütün nəsr əsərlərinə –
hekayə, povest və romanlarına da sirayət etdiyindən-
dir ki, nəsr əsərlərində də son dərəcə şairanə bir dil,
bilavasitə vəziyyətdən, şərait və konkret situasiya-
lardan, tipin, obrazın öz təbiətindən doğan bəzən lirik-
yumoristik, bəzən satirik yazı tərzi, bədii ifadə oriji-
nallığı oxucuları bir ahənrüba kimi özünə cəlb edir.
Bu xüsusiyyətləri biz, demək olar ki, yazıçının qələ-
mindən çıxan irili- xırdalı bütün nəsr nümunələrində
aydın şəkildə görüb müşahidə edə bilərik. Deməli,
«gülüş nemətdir, gülüş qüdrətdir» – Mehdi Məm-
mədov. Bu baxımdan ədibin həm ilk, həm də sonrakı
konkret yaradıcılıq mərhələlərində yazdığı əsərlər
fikrimizi əyani şəkildə təsbit edə bilərlər. Onun
«Böyük millət məhkəməsi», «Pozğun», «Mir Qasımın
macəraları», «Şirin bülbül», «Nikolay taxtdan düşdü»,
«Dizi yamaqlı», «Qudurğan», «Şlyapa», «Musiqi
haqqında hekayə», «Sərhəddə hadisə» və s. bu tərzdə
yaradılmış hekayələrdir. «Mirqasımın macəraları»
silsiləsinə daxil olan «Kölgələr», «Xəyalplov»,
«Mirzə Kələntər», «Gizli seçki» hekayələrində satirik
və yumoristik gülüş ustası Sabit Rəhmanın istedadının
güclü cəhətlərini nümayiş etdirən epizodlar az
deyildir.
Dostları ilə paylaş: |