242
«XIX ƏSR AZƏRBAYCAN
POEMALARINDA EPİK RİCƏTLƏR»
KİTABI HAQQINDA
Tənqid və ədəbiyyatşünaslığımızda indiyədək
xam torpaqlar kimi toxunulmaz qalan, lakin
araşdırılmasına xüsusi ehtiyac duyulan, öz aktuallığını
itirməyən problemlərdən biri də bədii ədəbiyyatda,
poeziyada, xüsusilə poemalarda lirik ricət məsələsidir.
Bu mənada gənc tədqiqatçı Samirə Mərdanovanın ön
söz yazdığımız bu monoqrafiyası həmin boşluğu
doldurmaq
üçün, özünün yüksək elmi-nəzəri
səviyyəsi ilə seçilən bir əsər kimi müasir elmi-nəzəri
fikrin təqdir edəcəyi bir şəkildə yazılaraq lirik ricət
məsələsinin bütün komponentləri və inkişaf tarixinin,
demək olar ki, bütün məsələlərinin sistemli, ardıcıl
şəkildə izlənilməsi və müəyyən elmi ümumiləş-
dirmələr, məntiqi qənaət və nəticələr çıxarılması
nöqteyi-nəzərindən də bizə gözəl təsir bağışladı.
Monoqrafiya mövzu və problematikanın tələblə-
rindən, təbii, obyektiv məzmun və mündəricəsindən
irəli gələn, onunla şərtlənən bir planda işlənilmiş, böl-
mələr və fəsillər arasında möhkəm və qırılmaz bir
vəhdət yaratmışdır. Əsər üç əsas fəslə və hər fəslin
daxilində müəyyən başlıqlara ayrılmışdır. Əsərin
«Azərbaycan poeziyasında lirik ricət ənənəsi» adlanan
I fəslində problemin ədəbiyyatımızın ən qədim
dövrlərindən başlayaraq çağdaş günlərə qədər –
Xaqani, Nizami S.Vurğun, M.Müşfiq, B.Vahabzadə
və başqalarına qədər keçdiyi yola ümumi bir nəzər
243
salınmış və müxtəlif mərhələlərdə onun kəsb etdiyi
məna və əhəmiyyətindən söhbət açılmış, ümumiləş-
dirmələr aparılmışdır. Həm də bu zaman problemin
işlənmə tarixindən faktlar əsasında, müxtəlif alimlərin
söylədikləri fikir və mülahizələrə əsaslanaraq müm-
kün qədər daha dərinlərə getməyə və elmi-nəzəri
polemika və mübahisələrə əsaslanmağa səy edilmiş-
dir.
Bu fəsildə Xaqani Şirvaninin «Töhvətül -
İraqeyn» və Nizami Gəncəvinin «Xəmsə»yə daxil
olan poemalarında lirik ricət məsələsi əsil zərgər
dəqiqliyi ilə tədqiq edilir. Lirik ricətlərin iri həcmli
mənzum roman səciyyəsi daşıyan böyük epik
əsərlərdə oynadığı rol, daşıdığı məna və funksiya
aydınlaşdırılır; «haşiyə hissələrdə şairin təsvir etdiyi
hadisələrdə qəhrəmanların vəziyyəti, psixoloji anları,
onların ruhi, mənəvi halları və s. son dərəcə poetik bir
gözəllik, bədii sözün ecazları, həyatdan alınmış
ibrətamiz məsəllər, təbii bənzətmələrlə ifadə olunur»
(H.Araslı).
Tədqiqatçı lirik ricət kimi son dərəcə emosional,
zərif və incə hisslərin verilməsini izləyərkən çox
doğru olaraq şairanə lirizmə əsil şairanəliklə, bir
qədər heyranlıqla olsa da, gözəl, incə və həssas bir
duyumla, poetik sözün hüsnünə xələl gətirmədən,
onun özünə layiq bir tərzdə şərhlər, izahlar verir, fikir
və mülahizələr üçün S.Mərdanova çox doğru olaraq,
belə hesab edir ki, böyük şairlərdə epikliklə liriklik
hökmən qırılmaz vəhdət təşkil edir. Belə əsərlərdə
tarixə, insanlara, hadisələrə, epik lövhələrə şahanə bir
baxış, yəni bütün kainatın, təbiətin, obyektiv aləmin
244
obyektiv təsviri kimi, mətn daxili məqamlarda
insanların iç dünyasının təsvirində daha dərin, daha
böyük filosofa, daha böyük psixoloqa çevrilər.
İnsanın nəbzini tutub onun ani ürək döyüntülərində
məxfi, sirli-soraqlı bir aləmin açarını asanlıqla taparaq
onun səhhət və mərəz diaqnozunu dəqiq müəyyən edə
bilir. Buradan belə məlum olur ki, epik səpgili fikirlər
lirik-emosional biçimli təsvirlərlə vəhdət təşkil
edəndə həqiqi obraz, həqiqi tip, həqiqi insan xarakteri
yaratmış olur. Çünki xarakterin özü də ümumiliklə
fərdiliyin, zahirlə batinin vəhdətindən başqa bir şey
deyildir.
Poemalarda lirik ricətlər, müəyyən xüsusiləş-
mələr, əsərin süjet və kompozisiyasına daxil edilən
pritçalar, əxlaqi – nəsihətamiz parçalar olmayanda
zahirən gözəl bir binanı xatırladır ki, onun ahəngdar
görünüşündə yalnız karkaslar mövcuddur. Bəs
arakəsmələr, müxtəlif bəzək işləri, ornament və
naxışlar harada qaldı? Əlbəttə, bütün bunların hamısı
müəyyən bir əndazə daxilində həyata keçirilməlidir:
çünki ziyadəlik heç vaxt müsbət səmərə verə bilməz.
Deməli, lirik ricət əsərin mətnində tamamilə arzu
olunan bir poetik keyfiyyətdir. Məsələn, S.Vurğunun
«Yanğın» adlı həcmcə elə də böyük olmayan bir
şeirində adama elə gəlir ki, burada lirik ricətə nə
ehtiyac ola bilərdi. Ancaq şeirin formalaşmasına,
məna və mahiyyətinə daha dərindən vardıqca
tamamilə aydın olur ki, ricət yerinə düşmüşdür, çünki
şair burada hökmən öz münasibətini, bəlkə də,
müdaxiləsini göstərməli idi. Ona görə də tədqiqatçı bu
məsələyə dair belə bir sual qoyur: lirik şeirlərdə ricət
245
ola bilərmi? Poemalarda olan lirik ricətlər lirik
şeirlərdir. Ayrılıqda götürsək, lirik ricətlərlə lirik
şeirlər arasında ciddi fərq qoymaq olmur. Lakin lirik
şeirlər ricət deyil, lirik şeirlər öz-özlüyündə müstəqil
şeirlərdir. Lirik ricətlər isə müstəqil şeirlər deyil, onlar
epik mətn fonunda özünü göstərən ayrılmalardır. Belə
bir sual da meydana çıxır: müəyyən süjeti olan lirik
şeirlərdə lirik ricətlər ola bilərmi?
S.Mərdanova tamamilə məntiqi və birmənalı
olaraq hər iki suala böyük şairin şeirlərindən gətirdiyi
nümunələrlə cavab verir. «Yanğın» şeirində böyük
şair təsvir etdiyi dəhşətli səhnələrə, tükürpədici löv-
hələrə, təsvirlərə müdaxiləsiz keçə bilmir, bu, müm-
kün də deyil, çünki bu dəhşətlər adamı elə sarsıdır ki,
təsvirlə məzmunu oxucuya təqdim etməklə iş qurtara
bilməz:
Gözəllər dolmamış hüsnə, camala,
Yanır od içində min incə pəri.
Bəlkə də, yetməyib bəşər kamala,
Bəlkə də, görməyir bu dəhşətləri.
Buludlar qan qusur, göylər sağırdır.
Bir anlıq zülmətdə sönür min çıraq.
Mən indi bildim ki, xeyli ağırdır
Dünyanı düşünən bir şair olmaq.
İkinci sualın cavabı isə yenə həmin şairin
«Körpünün həsrəti» adlı süjetli şeirində tam dolğunlu-
ğu ilə verilmişdir. Körpünün həsrəti problemi torpaq,
vətən, bir- birindən ayrı düşmüş dilbir, qanbir, canbir
Dostları ilə paylaş: |