bunun də əsas məqsədi iştirakçılardan birinə qarşı yönələn birbaşa
təhlükənin (həqiqi və ya yalançı) aradan qaldırılmasıdır. Dövlət,
beynəlxalq münasibətlərin bir elementi kimi, kompromisə gəlməyin,
mübahisə və ziddiyyət mərhələsində münaqişənin eskalasiyasını
dayandırmağın digər yolu olmadığı hallarda münaqişəyə (onun bir
növü kimi müharibəyə) qoşulmağa məcbur olur. Bu səbəblərdən biri
ikinci tərəfin, diplomatik proses çərçivəsində kompromis axtarmaq
arzusunda olmaması (yəni, 1935- ci ildə faşist İtaliyasının Həbəşistana
qarşı etdiyi kimi, problemlərin hərb yolu ilə həll olunmasına
açıq-aydın cəhd göstərilməsi), yaxud da həmin dövlətin (birinci
iştirakçının) ərazisinə təcavüz faktı və ya artıq elan olunmuş müharibə
ola bilər. Bu halda münaqişənin qərəzli təşəbbüskarı ilə ilkin olaraq
münaqişəli hərəkətlə yol verilməsi obyekti kimi çıxış edən digər tərəfi
fərqləndirmək lazımdır.
3.
Münaqişədən birbaşa mənfəət əldə etmək arzusu (maddi və
digər inikasda öz gücünün artırılması və müvafiq olaraq, rəqibin
zəiflədilməsi hesabına), yaxud iştirakçılardan birinin malik olduğu
amillərin kifayət qədər olmamasının dərk edilməsi və münaqişə yolu
ilə real və ya yalançı çatışmazlığı aradan qaldırmaq cəhdi.
Bəzi alimlərin fikrincə, münaqişə iştirakçısı münaqişə güc yolu
ilə münaqişəyə, yəni müharibəyə başlamaq haqqında qərar qəbul
edərkən şüurlu məhsuldar seçimə əsaslana bilər. B.Bueno de Meskita
və onun görüşlərinin davamçıları bu cür nöqteyi-nəzəri daha
təmərküzləşmiş qaydada izhar edir. De Meskita hesab edir ki, bu
qərarın qəbul edilməsinin əsas tərkib hissəsi bir dövlətin digərinə
hücum etməsindən «gözlənilən mənfəətin» (expec- ted utility)
hesablanması və dərk olunmasıdır. Bu halda düşüncələrin gedişi məhz
bu cürdür.
De Meskitanın rəyincə, münaqişənin başlanması və aparılması
nəticəsində gücün artırılması ehtimalı U(g) > U(m) > U(I)
bərabərsizliyindən uzaqlaşır - burada birinci üzv gücün artırılması,
ikinci üzv əvvəlki səviyyədə saxlanılması, üçüncü üzv isə onun
itirilməsidir. Bu zaman yüksək intensivliyə malik münaqişənin
(müharibənin) xeyrinə edilən seçim ehtimalı aşağıdaki kimi olacaq:
[P(Ug) + (l-P) (Ul)-C] >U(m)
57
Burada P həmin əməliyyatlar nəticəsində gücün artması
ehtimalı, C isə həmin əməliyyatların təşəbbüskar dövlətə yetirəcəyi
mümkün ziyanların (itkilərin) dəyəridir.
Dövlətin gücünün artırılması vasitəsi kimi müharibənin xeyrinə
edilən seçimin bu cür inkişafı o halda mümkün olur ki, xarici siyasi və
hərbi qərarları qəbul edən orqan «mənfəət» ehtimalının 0,5-dən artıq
(50% və daha artıq) olması kimi nəzərdə tutsun. Məsələn, SSRİ üçün
sovet-fin münaqişəsi halında müharibədən əldə edilən «mənfəət»
ehtimalı, bu istiqaməti öyrənən alimlərin fikrincə, 0,842 təşkil edirdi
və müvafiq olaraq, hərbi qələbə və Finlandiyanın Sovet İttifaqının
tələblərini yerinə yetirməsi məqsədini güdən hücum qərarı verilmişdi.
Çox güman ki, gücün artırılmasından irəli gələn mənfəət öz
təzahürünü təkcə əyani, dərk olunan və ölçülə bilən formalarda tapmır.
Mənfəət kimi təkcə maddi obyektlər (münaqişənin inkişaf etdiyi ərazi,
münaqişə ilə əhatə olunan insani və təbii resurslar) yox, həm də
uzunmüddətli statuslu anlayışlar - güc özünün birbaşa anlamında yox,
həm də dünya siyasətindəki «dostların» və «düşmənlərin»
düşüncəsində çıxış edir (bəzən münaqişənin tədqiqatçıları «güc
qavrayışı» terminindən istifadə edirlər).
Bəzən dövlətlər arasında nifaq yarada bilən maddi obyektlərin
üzərində də statuslu parametrlərin izləri olur. Münaqişəli qarşılıqlı
əlaqələrin obyektində maddi və statuslu amillərin ehtiva edilməsinə
misal olaraq tarixi Elzas və Lotaringiya vilayətləri ilə bağlı münaqişəni
misal göstərmək olar. Münaqişənin hər iki iştirakçısının (Fransanın və
Almaniyanın) həmin amillərə malik olması təkcə həmin ərazinin güclü
iqtisadi potensialından istifadə olunması nöqteyi-nəzərindən yox, həm
də müəyyən dərəcədə həmin vilayətlərin, «tarixi rəqibə» münasibətdə
üstünlük təşkil edən vəziyyətin rəmzi kimi çıxış etməsi səbəbindən
prinsipial səciyyə daşıyırdı. 1945-ci ildən sonra ABŞ-SSRİ
münaqişəsində bir çox obyektlər də «statuslu» səciyyə daşıyırdı:
«superdövlətlərin» qarşıdurma xətlərindən biri məhz digər dövlətlərin
davranışına və müvafiq olaraq, dünyanın siyasi inkişafının gedişinə
təsir göstərilməsinin yüksək səviyyəsinin təyin edilməsindən keçirdi.
4.
Beynəlxalq münaqişənin inisiasiyası hesabına cəmiyyətin,
ölkənin daxili problemlərini həll etmək cəhdi («münaqişənin eks-
58
lernalizasiyası», yəni daxili disharmoniyanın, cəmiyyətdəki gərginliyin
xarici mühitə çıxarılması).
Çox vaxt hakimiyyətdən olan siyasi qüwələrin və ya rejimlərin
xarici siyasi uğurlar hesabına öz mövqeyini möhkəmlən- dirməsi və ya
hakimiyyət üçün əlverişli olmayan daxili siyasi tendensiyaların
dayandırılması cəhdi də mümkündür.
Bu cür misallar tarixdən yaxşı məlumdur. Bunlardan biri kimi,
İkinci imperiya (1852-1870) dövründə Fransanın düşmənlərlə açıq
münaqişəyə yönəldilmiş xarici siyasətini göstərmək olar. İmperator
Lui Bonapart (III Napoleon) hesab edir ki, xüsusilə 1848-1849-cu
illərdəki gur inqilab koliziyalarından sonra öz hakimiyyət rejimini
möhkəmləndirmək və cəmiyyətdə aşkar sabitlik yaratmaq üçün yeni
imperiyanın böyük səs-küyə səbəb ola biləcək xarici siyasi və hərbi
uğurlar qazanması zəruridir. Bu cür yanaşma əsasən, Fransanın Rusiya
əleyhinə Krım müharibəsində (1853-1856) və İtaliyada Avstriya
imperiyasına qarşı aparılan müharibədə (1859) fəal iştirak etmək
arzusunu diktə etdi, Meksikada avantüralara və ABŞ-dakı vətəndaş
müharibəsində (1861-1865) baş verən hadisələrə dolayısı yolla
müdaxilə edilməsinə təkan verdi.
Dünya səhnəsində dövlətlərin münaqişəli davranışının
motivlərini izah edən həmin amillərdən əlavə müxtəlif «meqa-
nəzəriyyələr» mövcuddur ki, onların da müəllifləri ilk növbədə ya
bütünlüklə bəşəriyyət tarixi ərzində, ya da yeni və ən yeni tarix
dövründə münaqişənin bir növü kimi məhz müharibənin baş verməsini
izah edən ümumi «qanun» çıxarmağa çalışırlar. Adı çəkilən Bueno de
Meskitadan, başqa çoxlu sayda misallar mövcuddur. Bir neçə
ilüstrasiyası ilə kifayətlənək.
Məsələn, təxminən 30 il bundan əvvəl A.Orqanskinin
konsepsiyası kifayət qədər geniş yatılımşdı - o, «realizm» ənənəsi
çərçivəsində müharibələrin baş verməsinin əsas səbəbini beynəlxalq
arenada gücün qeyri-bərabər çəkildə bölüşdürülməsində görməyə
meylli idi. Bu nöqteyi-nəzərə müvafiq olaraq, «müasirləşmənin
diferensasiyası» - dövlətlərin sosial-iqtisadi inkişafının müxtəlif
templəri - onlardan birinin münaqişədə gələcək artımla əlaqədar onun
qarşısında duran vəzifələri həll etməyə çalışaraq digərinə və ya
digərlərinə meydan oxunmasına gətirib çıxarır.
C.Modelski və U.Tompson müharibənin baş verməsi prob
59
Dostları ilə paylaş: |