163
Son illər Azərbaycan idmanının yüksələn xətlə inkişaf etməsində ölkədə təşkil
edilən beynəlxalq yarışların da böyük rolu var. Ayrı-ayrı növlərin populyarlaş-
masında, yeniyetmələrin idman bölmələrinə kütləvi axınının yaranmasında belə
tədbirlər əvəzedilməzdir. Bütün bunların gerçəkləşməsi isə ölkəmizdə ictimai-
siyasi sabitliyin yaranması, sürətli iqtisadi inkişafın nəticəsi və ölkə rəhbərinin idma-
na böyük qayğısı sayəsində mümkün olub.
Boks, güləş, bədii gimnastika, taekvondo, cüdo, şahmat, karate, voleybol,
həndbol, otüstü hokkey, bodibildinq və digər növlərdə nüfuzlu beynəlxalq
turnirlər, qitə və dünya çempionatları, kubok yarışlarının ölkəmizdə təşkil olun-
ması artıq ənənə halını alıb. Bir vaxtlar televiziya ekranlarından həsrətlə izlədiyimiz
yarışlara bu gün Bakının idman qurğularında tamaşa etmək bizlər üçün adi həyat
tərzinə çevrilib. Avropa və dünya çempionatları, dünya kuboku yarışlarının, Olim-
piya oyunlarına lisenziya verən nüfuzlu beynəlxalq turnirlərin yüksək səviyyədə
keçirilməsi beynəlxalq qurumların ölkəmizə etimadının ilbəil artması ilə müşayiət
olunur.
Bütün bu uğurların isə bir səbəbi var: dövlətçiliyimizin banisi, 1993-cü ildə
xalqın istəyi və təkidli tələbi ilə Azərbaycan rəhbərliyinə qayıdan Heydər Əliyev
Vətənimizi həmin ərəfədə mövcud olan vətəndaş qarşıdurmasının hökm sürdüyü
və tənəzzüldə olan ölkədən sabit və dinamik inkişaf edən dövlətə çevirməklə,
Respublikamızın beynəlxalq aləmə inteqrasiyasında mühüm rol oynadı. Məhz bu
amil sayəsində bu gün beynəlxalq idman qurumları bir çox mötəbər yarışların,
Avropa və dünya çempionatlarının Azərbaycanda təşkilinə, tərəddüd etmədən
razılıq verirlər. Milli Olimpiya Komitəsinin prezidenti İlham Əliyevin beynəlxalq fe-
derasiyaların rəhbərləri ilə şəxsən görüşərək, müvafiq idman növlərinin ölkəmizdə
inkişafı mövzusunda fikir mübadiləsi aparması, Azərbaycanda idmanın maddi-
texniki bazasının möhkəmləndirilməsi barədə ətraflı məlumat verməsi, Bakı-
ya daha nüfuzlu yarışların etibar edilməsinə təminat yaradır. Belə yarışların sayı
və miqyası ildən-ilə genişlənir. Bu isə ölkəmizin yarışları yüksək səviyyədə təşkil
edərək, beynəlxalq federasiyaların etimadını doğrultmasından irəli gəlir. Həmin
yarışların yüksək təşkilatçılıq bacarığı ilə keçirilməsi artıq dəfələrlə beynəlxalq qu-
rumlar tərəfindən etiraf olunub, alqışlanıb və buna görə də dövlətimizə, onun
rəhbərinə təşəkkür məktubları göndərilib.
Azərbaycanda son illərdə inşa olunan müasir olimpiya idman kompleks-lərinin
imkanları və beynəlxalq yarışların təşkilində qazanılan təcrübə Bakının hətta pla-
netin ən böyük idman yarışı olan Olimpiya Oyunlarına evsahibliyi etməsi imkan-
larını artırıb. Qeyd edək ki, artıq bu iddiasını ortaya qoyan ölkəmiz 2016-cı il Yay
Olimpiya Oyunlarının paytaxtımızda keçirilməsi məqsədilə Beynəlxalq Olimpiya
Komitəsinə müraciət də edib. Bu ilin aprelində Masallı Olimpiya Kompleksinin açı-
lış mərasimində çıxışı zamanı Azərbaycan Prezidenti İlham Əliyev həmin məsələ ilə
bağlı öz fikirlərini bölüşərkən qeyd edib ki, bu iddia ölkəmizin son illərdə nail oldu-
ğu hərtərəfli inkişafın nəticəsidir: “Bildiyiniz kimi, bu yaxınlarda Azərbaycan 2016-cı
ildə Yay Olimpiya Oyunlarının ölkəmizdə keçirilməsi üçün rəsmi qaydada müraciət
etmişdir. Deyə bilərəm ki, bu, postsovet məkanında Yay Olimpiya Oyunlarının
keçirilməsi üçün ilk belə bir müraciətdir. Mən onu deyə bilərəm ki, bir neçə il bun-
dan əvvəl, bəlkə də, heç kimin ağlına da gəlməzdi ki, biz belə bir təşəbbüslə çıxış
edərik. Ancaq bu gün Azərbaycanın həm idman potensialı, həm idmanın maddi-
texniki bazası, idmançılarımızın nailiyyətləri, eyni zamanda, ölkəmizin maddi imkan-
ları belə qərarın qəbul olunmasında ən başlıca rol oynamışdır. Yəni, bizim ölkəmiz
Olimpiya Oyunlarını keçirməyə hazırdır, buna qadirdir və bütün imkanlar var. Mən
ümid edirəm ki, beynəlxalq idman qurumları bizim müraciətimizə diqqətlə yanaşa-
caqdır. Onu da başa düşürük ki, adətən, ilk dəfə edilən müraciət təmin olunmur.
Bakı dünyanın idman mərkəzlərindən birinə çevrilir