T U R İ Z M
VIFƏStL
6.1.
XRtSTOFOR KOLUMBUN AMERİKANI KƏŞF ETMƏSİ
Ərəbistanı və Yaxın Şərq ölkələrini öz təsiri altına aldıqdan sonra Türk
imperiyası qüvvətləndi, Şərqi Asiya ilə Qərbi Avropa arasında olan bütün
ticarət yollarını öz nəzarəti altına aldı. Qərbi Avropa Hindistan və Şərqi
Asiya ölkələri ilə əlaqə yaratmaq üçün başqa imkanlar axtarırdı. 1469-cu ildə
Kastiliyanın kraliçası İzabella Araqon kralının oğlu və krallığın varisi
Ferdinanta ərə getdi. 10 ildən sonra Ferdinant Araqonun kralı oldu. Beləliklə,
Piriney yarımadasının iki böyük dövlətinin birləşməsindən İspaniya
monarxiyası yarandı.
1492-ci ilin əvvəlində İspaniya 771-ci ildən ərəblərin başladıqları işğalçı
siyasətinin təsirindən tam azad oldu. Monarxiya inkişaf edirdi və
genişlənirdi. Ona çoxlu qızıl, var-dövlət və yeni torpaqlar lazım idi. Yeni
torpaqları səyahətlər və müharibələr yolu ilə əldə etmək olardı. Bu cür
imkanı İspaniyanın kralına Xristofor Kolumb təklif etdi.
X. Kolumb 1451-ci ildə toxucu ailəsində anadan olmuşdur. Onun xüsusi
təhsil alması və ya universitet bitirməsi haqqında heç bir məlumat yoxdur.
Lakin məlumdur ki, o dörd xarici dil bilirdi və çox diqqətlə bu dillərdə
mütaliə edirdi. 19 yaşından Kolumb Genuya tacirləri ilə dəniz səyahətlərində
iştirak edirdi. O. Egey dənizində üzmüş, Portuqaliyada, İngiltərədə,
İrlandiyada, İslandiyada, Qvineyada olmuş və dəniz səfərlərində iştirak
etmişdir. Kolumb o vaxtlar geniş yayılmış kosmoqrafiyaya həsr olunmuş
əsərlərlə tanış idi. O, Rodjer Bekonun Yerin şar şəklində olması ideyasını
bilirdi. Okeanın əks istiqamətinə üzmək ideyasının Kolumbun ağlına haradan
gəlməsi bizə məlum deyil. Belə bir versiya var ki, guya Flo- rensiya alimi
Toskonelli öz məktubunda ona yazmışdır ki, Portuqaliyanın Çinlə arası
okeanla 5000 mildir.
Kolumb qərb istiqamətində üzərək Hindistana yol tapmağı kral sarayına
təklif edir. Kraliça İzabella, daha doğrusu, onun təşkil etdiyi komissiya
1490-cı ildə Kolumbun bu təklifini rədd etdi. Komissiyamn arqumentləri
belə idi:
-
Asiyaya səyahət 3 il vaxt aparır;
-
Kraliça belə hesab edir ki. Avropadan
qərbə torpaq yoxdur;
-
Qərb okeanı ucsuz-bucaqsızdır və
yəqin ki, orada axıradək üzmək
qeyri-mümkündür;
-
İnsanlar yaranandan xeyli vaxt keçmişdir, haradasa hələ tapılmamış
torpaqların olması ağla sığmazdır;
-
Yer kürəsinin beş zonasından ancaq üçündə insanlar yaşayırlar.
4 9