431
Açıq de, sən doğrudan bunların hamısını yalan-palan hesab edirsən?
Əlbəttə, onların hamısını bir qəlibə salıb pis adlandırmaq əsl filosofa
yaraşmaz. Amma bu sözlərin mövcud olmayan bir ərazinin xəritəsi
olduğunu deməkdən imtina etmirəm. Yum bunların çoxunu “fantaziya
fraqmentləri” adlandırıb oda atıb yandırardı. Bu kitabların çoxunda bir
dənə də əsl təcrübə yoxdu.
Bəs niyə bu qədər çox nəşr olunur?
Belə kitabları nəşr etmək böyük bir kommersiya müəssisəsidi. Çox
adam elə bu cür kitablar istəyir.
Səncə, niyə?
Şübhəsiz ki, bu, mistik, gündəlik boz həyatdan fərqli olan şeylərin
arzulanmasından qaynaqlanır. Lakin bu, görünən kəndə bələdçi
axtarmaq kimidi.
-
Necə yəni?
- Biz möcüzəvi bir macəranın içindəyik. Gözlərimizin qarşısında bir
sənət əsəri. Özü də günün günorta çağı, Sofi! Bu, fövqəladə gözəl bir
şey deyil?
-
Elədi.
- Elə isə niyə həyəcanlı, transendental bir şey eşitmək üçün falçılara,
saxta elmlərə üz tutaq?
-
Deyirsən, bu kitabları yazanlar yalançı və saxtakardırlar?
- Yox, sözüm o deyil. Burada da bir Darvin sistemilə üz- üzə
olduğumuzu demək istəyirəm.
-
Necə yəni?
- Bir günün içində nə qədər müxtəlif hadisələr baş verə biləcəyini
düşün. Elə öz həyatının bir gününü gözünün
qarşısına gətirə bilərsən. Gün ərzində bütün gördüklərini, yaşadıqlarını
düşün.
-Aha?
- Bəzən qəribə təsadüflər görürsən. Dükana girib 28 kronluq bir şey
alırsan. Bir azdan Coanna gəlib sənə olan 28 kron borcunu ödəyir.
Birlikdə
kinoya getmək istəyirsiniz, gedib görürsünüz ki,
oturacağınızın nömrəsi 28-di.
downloaded from KitabYurdu.org
432
-
Çox mistik təsadüf olardı.
- Hər halda təsadüfdü. Məsələ burasındadır ki, insanlar belə
təsadüfləri toplayırlar. Belə təcrübələr milyonlarca insanlaırn
həyatlarından toplanıb bir kitaba yığılanda inandırıcı məlumatlar kimi
görünür. Bunların sayı durmadan artır. Amma bir daha görürük ki,
burada da yalnız udan lotoreya biletləri görünür.
- Amma belə şeyləri daim yaşayan gələcəyi görənlər, mediumlar
doğrudan da var, yox?
- Var, bəli. Fırıldaqçıları çıxsaq, bu mistik adlandırılan hadisələrə
izah tapmaq mümkündü.
-
Nədi bu izah?
-
Freydin şüuraltı nəzəriyyəsi yadındadı?
-
Əlbəttə.
- Freyd deyirdi ki, biz öz şüuraltımızın mediumu ola bilirik. Bəzən
qəfildən özümüzü bir şey düşünərkən və ya edərkən yaxalayırıq, niyə
belə etdiyimizi bilmirik. Çünki xəbədar olduğumuzdan daha çox
təcrübə, fikir və xatirəmiz var.
-Aha?
- Elə adamlar var ki, yuxuda danışır və ya gəzirlər. Buna da bir növ
“ruhi avtomatizm” deyə bilərik. Hipnoz altında olan insanlar da öz
iradələrindən asılı olmadan nə isə deyə və ya edə bilirlər. “Avtomatik
yazı” yazmağa çalışan sürrealistləri yadına sal. Bununla onlar sadəcə
öz şüuraltılarına medium kimi xidmət etməyə çalışırdılar.
-
Yad imdadı.
- Əsrimizdə zaman-zaman “spiritualizm oyanışı” yaşanıb ki, bunun
da əsas ideyası hər hansı mediumun ölmüş adamla ünsiyyətə girə
bilməsidi. Medium ölünün səsilə danışaraq və ya avtomatik yazının
köməyilə qırx, əlli, yaxud yüzillərlə əvvəl ölmüş adamdan mesaj ala
bilər. Buna ölümdən sonrakı həyat
olmasının və ya insanın bir neçə dəfə yaşamasının sübutu kimi baxılır.
-
Bilirəm.
- Bütün mediumların fırıldaqçı olduğunu demirəm. Bəziləri
gördükləri işə doğrudan da inanırlar. Onlar həqiqətən də mediumdurlar,
downloaded from KitabYurdu.org
433
lakin yalnız öz şüuraltılarının mediumudurlar. Trans vəziyyətində olan
mediumları yaxından öyrəniblər, onların bu zaman özlərinin də
haradan gəldiyini bilmədikləri bilik və bacarıqları ortaya çıxıb.
Məsələn, ibranicə bir söz belə, bilməyən bir qadın medium trans vaxtı
bu dildə danışmağa başlayıb. Belə nəticə çıxarıblar ki, ya o qadın
əvvəllər də yaşayıb, ya da ölünün ruhuyla ünsiyyətdədi.
-
Səncə hansı variant?
- Sonradan bu qadının uşaq olanda yəhudi dayəsi olduğu bilinib.
-Ah.
- Kefin pozuldu buna görə? Bu misal əslində insanların şüuraltında
nələr, nə yaşantılar ola bildiyini göstərir.
-
Başa düşürəm.
- Gündəlik həyatdakı bir sıra qəribə hadisələr Freydin şüuraltı
nəzəriyyəsi ilə izah oluna bilər. Uzun illər görüb- eşitmədiyim bir
tanışımın telefon nömrəsini axtaran kimi o mənə zəng edə bilər.
-
Tüklərim biz-biz oldu.
- Amma bunun izahı son dəfə birlikdə olarkən dinlədiyimiz bir
mahnının indi radioda səslənməsi ola bilər. Məsələ burasındadı ki, biz
əlaqənin altında yatan səbəbdən xəbərsizik.
- Deməli, bu ya yalan-palandı, ya udan lotoreya biletləri effektidi, ya
da şüuraltıdı. Hə?
- Əsas odu ki, hər halda bu cür kitablara şübhəylə yanaşmaq lazımdı.
Bu, ən azı filosoflar üçün vacibdi. İngiltərədə skeptiklərin bir
assosiasiyası var. Bu təşkilat çox illər bundan əvvəl hər hansı
fövqəltəbii varlığın mövcudluğuna kiçik bir sübut gətirənə çoxlu pul
mükafatı vəd etmişdi. Böyük bir əlamət tələb olunmurdu, sadəcə kiçik
bir telepatiya nümunəsi bəs edirdi. Lakin o vaxtdan heç kəs irəli
çıxmadı, bu mükafatı qazanmaq üçün müraciət etmədi.
-
Hmm.
- Digər tərəfdən, biz insanların anlamadığı çox şey ola bilər. Bəlkə
də biz təbiətin qanunlarını başa düşmürük. Keçən əsrdə maqnetizm,
elektrik kimi fenomenlər bir növ sehr sayılırdı. Ulu nənəmə
televizordan, kompüterdən danışsaydılar, gözləri bərələrdi.
downloaded from KitabYurdu.org
Dostları ilə paylaş: |