həmməsləkləri ilə birlikdə Güney Azərbaycanının Tehranın
iqtisadi-siyasi və mədəni asılılığından qurtarması yönündə
fəaliyyət göstərən “Azərbaycan cəmiyyəti”nin təşkilində və
“Azərbaycan” adlı milli ruhlu qəzetin nəşrində fəal iştirak edir.
İsmayıl Şəms sonralar bu barədə öz xatirələrində yazırdı: “ Sovet
qoşunları Təbrizi aldıqdan 13 gün sonra fürsətdən istifadə edərək
bir neçə həmfikir yoldaşlarında “Azərbaycan cəmiyyəti”ni təşkil
edərək məşrutə zamanı atamın dostu olmuş Əliqulu Səfərin nəşr
etdiyi “Azərbaycan” qəzetini həmin forma və quruluşda-atamm
vəsiyyətinə əməl edərək cəmiyyətin orqanı kimi nəşr etməyə
başladım”.
Qeyd edək ki, “Azərbaycan cəmiyyəti” qısa müddətdə (cəmi
6 ay) fəaliyyət göstərsə də, milli oyanışda, xalqın istək və
arzulanna uyğun siyasi, iqtisadi, mədəni tələblər irəli sürməkdə,
ən başlıcası, xalqı milli mücadiləyə səfərbər etməkdə önəmli rol
oynadı. “Azərbaycan cəmiyyəti”nin fəalliyətini özü üçün ciddi
təhlükə sayan Tehran hökuməti bütün təxribat vasitələrindən
istifadə edib cəmiyyətin və onun orqanı olan “Azərbaycan”
qəzetinin qapadılmasına nail oldu. Bundan sonra cəmiyyətin
yaradıcılarının təqibi başlandı. Seyid Ziyanın başçılıq etdiyi icma
tərəfindən terror olunmaq təhlükəsi qarşısında qalan İsmayıl Şəms
gizli fəaliyyətə keçməyə, hətta bir müddət Təbrizi tərk etməyə
məcbur olur.
O, 1940-cı illərin əvvəllərində Tehranda “Ajir” qəzetini nəşr
edən böyük öndər Seyid Cəfər Pişəvəri və onunla həmfikir olan
azərbaycançı insanlarla tanış olur. İstedadlı jurnalist olan İsmayıl
Şəms “Ajir” qəzetinin çapında Kərim Kəşavərz, Firudin İbrahimi
ilə birlikdə Pişəvərinin yaxın köməkçilərindən olur.
İsmayıl Şəmsin təşkilatçılıq bacarığı və siyasi jurnalistikadakı
istedadı “21 Azər” inqilabı və Azərbaycan Milli Hökuməti
dövründə özünü daha qabarıq şəkildə göstərdi. O, Azərbaycan
Milli Hökumətini qorumaq üçün əldə silah fədailər sırasında olmuş
və bir müddət Azərbaycan Demokratik Firqəsinin orqanı olan
“Azərbaycan”, sonra isə Azərbaycan Milli Məclisinin orqanı olan
“Azad millət” qəzetlərinin redaktoru olmuşdur. Bununla yanaşı.
264
İsmayıl Şəms ali təhsilli hüquqşünas kimi Azərbaycan Ali
Məhkəməsinin və “Müsadirə Komissiyası”-nm üzvü kimi
fəaliyyət göstərmişdir. Konstitusiya Komissiyasında o, Firudun
İbrahimi ilə bərabər komissiya sədri Pişəvərinin müavinlərindən
biri olmuşdur. İsmayıl Şəms Azərbaycan Milli Konqresinin və
Azərbaycan
Milli
Məclisinin
iştirakçısı
olmaqdan
əlavə,
Azərbaycan Demokratik Firqəsi Mərkəzi Komitəsinin, Təftiş
Komissiyasının üzvü kimi fəxri vəzifələrdə çalışmış, Təbriz
partiya təşkilatlarından birinin sədri olmuşdur.
İsmayıl Şəms 1945-46-cı illərdə “Azərbaycan”, “Azad
Millət” qəzetlərində çap etdirdiyi məqalələri ilə oxucuların dərin
rəğbətini qazanmışdı. Bütün bunlarla yanaşı, İsmayıl Şəms ədəbi
yaradıcılıq və tərcümə ilə də məşğul olub.
Bir sözlə, İsmayıl Şəmsin 1941-1946-cı illərdə Güney
Azərbaycanmdakı çoxşaxəli siyasi, elmi və bədii fəaliyyəti onun
həyat salnaməsinin dəyərli səhifələrini təşkil edir.
Azərbaycan Milli Hökumətinin süqutundan sonra bir müddət
Təbrizdə, sonra isə Tehranda gizli yaşamağa məcbur olan İsmayıl
Şəms 1948-ci ildə vətəni həmişəlik tərk edib, Sovet İttifaqına
pənah gətirir və siyasi xadim kimi sovet qanunları əsasında siyasi
sığınacaq istəyir. Lakin ona siyasi sığınacaq əvəzinə əvvəl
Türkmənistanda, sonra isə Tacikistanda “şübhəli şəxs” kimi zindan
sığınacağı verilir.
İsmayıl Şəms 85 illik yubileyi münasibəti ilə verdiyi
müsahibədə bu barədə deyirdi: “Bizi sərhədçilərin post zindanına
apardılar. Bir gecə qaldıqdan sonra başqa posta və daha sonra
Aşqabada aparıb təhlükəsizlik idarəsinin zindanına saldılar.
Müstəntiq bir nəfər türkmən idi. O mənə dedi ki, biz sənin
haqqında İrandan, Moskvadan və Bakıdan arayış almışıq, tezliklə
azad olacaqsan. Lakin iki aydan sonra həmin müstəntiqi Mirzoyan
adlı bir erməni əvəz etdi. O, məni casusluqda suçladı... Mən ona
“sən özün casussan” dedikdə o mənim üzümü, gözümü al qana
qərq etdirdi və kameraya göndərdi. İki il orda saxlanıldım... O
məni hər gün saat 9-da yanma çağırır, saat 12-də kameraya
göndərirdi. Axşamlar yenə də saat 12-də çağırtdırır, saat 3-dək
265
sorğu-suala tuturdu. Erməni müstəntiq dəfələrlə məni karserə
göndərdi... Karser bir nəfərlik, yeri beton, su buraxılmış otaq idi.
Oturmaq və yatmaq üçün heç bir şey yox idi. Fəqərə sümüyümdə
ağrılar başlandı, “spandulos” xəstəliyinə tutuldum... Həm in
müstəntiq bir gün mənə dedi: “Mən Şuşadakı erməni-müsəlman
davasından qaçmış ermənilərdənəm. Sənin atan-baban Şuşadan
olduğuna görə səndən intiqam alıram”.
İsmayıl Şəms öz xatirələrində məşəqqətli, əzab-əziyyətli
zindan günlərini təsvir etdikdən sonra yazır: ”Bir gün məni
düşərgənin rəisi, polkovnik yanına apartdırdı. O mənə dedi: -
Moskvadan göstəriş almışıq ki, səndən üzr istəyib, Tacikistana
göndərək.
Məni hamama göndərib, paltar verdilər. Sabahı gün bir
zabitin müşayiəti ilə Tacikistana yola salındım... Toxuculuq
fabrikinin yataqxanasında yaşäyış yeri verdilər. Vətəndən uzaqda -
Tacikistanda beş il yaşayıb, orda redaktor, tərcüməçi, müəllim
işlədim. Yalnız beş ildən sonra-1954-cü ildə Moskvanın
“mərhəməti ilə” sürgündən azad olunub, Bakıya öz məslək
dostlarımın yanma gələ bildim”.
O, Bakıya gəldikdən sonra, ilk növbədə, köhnə stajla doğma
fırqənin mühacirət dövrü həyatında fəal iştirak edir.
İsmayıl Şəms uzun müddət nəşriyyat işində çalışır, 1960-cı
ildən yatağa düşənədək isə Bakı Dövlət Universitetində ərəb dilini
tədris edir və ərəb dili üzrə kadr hazırlanması sahəsində
yorulmadan çalışır.
İsmayıl Şəms respublikamızda ərəb və fars dilində olan bir
sıra ədəbi abidələrin mahir tərcüməçisi kimi tanınır. O, Bakıda
yaşadığı dövrdə elmi-pedaqoji fəaliyyətlə yanaşı, “Özbək
ədəbiyyatı antologiyası”m, macar yazıçısı Moir Yokainin “Sarı
gül” romanını, M. Qorkinin əsərlərinin II cildini, Sədi Şirazinin
“Gülüstan”ını, Hüseyn Cavidin əsərlərinin dördüncü cildində “Fars
məktubları”nı,
Məhəmmədəli
Tərbiyətin
“Daneşməndan-e
Azərbaycan” təzkirəsini, Zərdüştün “Avesta”sının birinci cildi olan
“Qatlar kitabı”nı dilimizdə çap etdirmişdir. Bundan əlavə, İsmayıl
266
Şəms “Ərəb dili və qrammatikası” kimi qiymətli bir dərs vəsaitinin
müəllifidir.
Güneydəki milli demokratik hərakatın fəal iştirakçısı və
rəhbərlərindən biri olan, elmimizə və təhsilimizə layiqli töhfələr
vermiş İsmayıl Şəms 2008-ci il yanvarın 19-da Bakıda “Albalılıq”
adlanan yerdə kasıb, yarıqaranlıq, rütubətli, heç bir kommunal
xidməti olmayan bir komada kimsəsiz bir şəraitdə dünyasını
dəyişdi.
İsmayılın Almaz adlı qızı vardı.
Ağababa uşağı
Bu soyun ulu babası Ağababadır. Ağababa Təbrizi i
məhəlləsində yaşamışdı. Ticarətlə məşğul olmuşdu.
Ağababanın Bağır adlı oğlu vardı.
Bağır 1766-cı ildə Şuşa şəhərində anadan olmuşdu. Mədrəsə
təhsili almışdı. Ticarətlə məşğul idi.
Bağır Ballı ilə ailə qurmuşdu. Mirzə, Məmməd, Səfər adlı
oğlanları vardı.
Mirzə 1812-ci ildə Şuşa şəhərində doğulmuşdu. Molla
yanında oxumuşdu. Şəhər bazarında keşikçi işləmişdi.
Mirzə 1850-ci ildə vəfat edib.
Mirzənin Abbas adlı oğlu vardı.
Abbas 1836-cı ildə Şuşa şəhərində dünyaya gəlmişdi.
Mədrəsə təhsili almışdı. Ticarətlə məşğul olmuşdu.
Bağırın ikinci oğlu Məmməd 1823-cü ildə Şuşa şəhərində
anadan olmuşdu. Mədrəsə təhsili almışdı. Ticarətlə məşğul
olmuşdu.
Məmmədin Ağababa, Əsəd, Kərim, Rəhim adlı oğlanları
vardı.
II Ağababa 1845-ci ildə Şuşa şəhərində doğulmuşdu. Molla
yanında oxumuşdu. Ticarətlə məşğul olmuşdu.
267
Dostları ilə paylaş: |