37
hormonların miqdarını nizamlayır, deoksidantdır, skelerozun ya-
ranma riskini azaldır, oksigeni ötürür, qan yaranmasında iştirak
edir. Vacib makroelementlərdən kalium, natrium, kalsium, maq-
nezium, fosfor, xlor və kükürdü misal göstərmək olar. Mikroe-
lementlərə Fe, Cu, Zn, Mn, J, Br, Fr, Co, Se və s. aiddir. Mineral
maddələrə gündəlik tələbat aşağıdakı cədvəldə verilir (cədvəl 1.4).
Cədvəl 1.4
Ayrı-ayrı mineral maddələrə gündəlıik tələbat
Elementlərin adı
Gündəlik tələbat, mq
Kalsium
800-1000
Fosfor
1000-1500
Natrium
4000-6000
Kalium
2500-5000
Maqnezium
300-500
Dəmir
15
Sink
10-15
Manqan
5-10
Mis
2
Yod
0,15
Kalsium – sümük toxumalarının, dişlərin emal təbəqəsinin,
hüceyrə və toxuma komponentlərinin əmələ gəlməsində, qan ya-
ranmasında iştirak edir, damar divarlarının keçiriciliyini azaldır,
bir sıra fermentləri və endokrin vəzləri aktivləşdirir, soyuq dəymə-
yə qarşı müsbət təsir edir, allergiyanın əmələ gəlməsini zəiflədir,
orqanizmin müdafiə gücünü artırır. Kalsium ionları ürək əzələlə-
rinin yığılma xüsusiyyətinə yaxşı təsir edir və damarların tonusunu
nizamlayan hormonun (vazopressin) təsirini gücləndirir. Kalsium
orqanizmdə radioaktiv stronsium-90-nın toplanmasına maneçilik
törədir. Kalsiumun sorulması, fosfor və maqneziumun iştirakı ilə
yaxşılaşır, yağ turşuları və quzuqulağı turşusunun təsirindən isə
pisləşir.
Maqnezium – orqanizmdə az miqdarda və əsasən də sümük
toxumasında olur. O, damar genişləndirmə xüsusiyyətinə malik
olub, bağırsağın fəaliyyətini və öd ayrılmasını stimullaşdırır. Maq-
nezium ionları karbohidrat və fosfor mübadiləsində iştirak edir.
38
Maqneziumun artıqlığı orqanizmdən kalsiumun kənarlaşdırılması-
nı sürətləndirir və sümüyün strukturunun pozulmasına gətirib çı-
xara bilir.
Kalium – toxumaların su saxlama qabiliyyətini nizamlayır.
Kalium ionları ürək əzələlərinin tonusunu və avtomat rejimdə iş-
ləməsini, böyrəküstü vəzlərin funksiyasını tənzimləyir. O, orqa-
nizmdən suyu və natriumu çıxara bilir. Buna görə də kalium nat-
riumun fizioloji antoqonistidir. Kalium həmçinin maddələr müba-
diləsi prosesində seziumun analoqudur və bununla əlaqədar olaraq
kalium çatışmazlığı sezium-137-nin toplanmasını asanlaşdırır. O,
hüceyrədaxili proseslərdə böyük rol oynayır, membranı parçalan-
madan qoruyur, qocalma prosesinin və digər pozulmaların qarşısı-
nı alır.
Natrium – hüceyrələrdə osmotik təzyiqin saxlanılmasında, su-
duz mübadiləsində, turşu-qələvi müvazinətinin nizamlanmasında,
əsəb impulslarının ötürülməsində iştirak edir, qida-həzm ferment-
lərinin tərkibinə daxil olur.
Fosfor – kalsiumla birgə sümük toxumasının hüceyrə mem-
branının qurulmasında iştirak edir, karbohidrat və enerji mübadi-
ləsini, fosfor tərkibli birləşmələrin (AÜF, AİF və s.) köməkliyi ilə
təmin edir. Fosfor turşusu birləşməsi fermentativ proseslərdə, fer-
mentativ kataliz mexanizmində iştirak edərək vitaminlərin
biokimyəvi funksiyalarının yaranmasını, maddələr mübadiləsini,
əsəb impulslarının keçirilməsini və əzələ qısalmasını təmin edir.
Kalsiumun fosfora 1:1,5 nisbəti optimal sayılır. Fosforun həddən
artıq çox olması kalsiumun orqanizmdə azalmasına səbəb olur.
Fosfor radioaktiv stronsiumun toplanmasının qarşısını alır.
Dəmir - orqanizmdə vacib zülalların qurulmasında iştirak edir.
Bunlardan hemoqlobini (bütün orqanizmdə olan dəmirin 75-80%-
i), mioqlobini (5-10%), həmçinin 70-dən çox müxtəlif fermentləri,
o cümlədən tənəffüslə bağlı olanları qeyd etmək olar. Dəmir he-
moproteid-sitoxromun tərkibinə daxil olub insan orqanizminə dü-
şən yadcinsli maddələrin zərərsizləşdirilməsində iştirak edir. Pe-
roksidaza fermentind’ olan dəmir immunitetin saxlanmasında işti-
39
rak edir. Tərkibində dəmir olan ferment tireoperoksidaza qalxan-
vari vəzinin hormonlarının sintezində iştirak edir. Dəmirin çatış-
mazlığından anemiya inkişaf edir, hemoqlobinin qatılığı və qanda
eritrositlərin miqdarı, həmçinin dəmir tərkibli fermentlərin aktiv-
liyi azalır.
Mis – dəmirlə yanaşı qan yaranması prosesində mühüm rol
oynamaqla, oksidləşmə prosesini stimullaşdırır, fermentlərin tər-
kibinə daxil olur, B qrupu vitaminlərini aktivləşdirir. Qidalanmada
misin artıqlığı zəhərlənmə yarada bilir. Bunun da əlamətləri ürək
bulanması və qusmadır. Buna görə də qida maddələrində misin yol
verilən qatılıq həddi çox ciddi nəzarətdə saxlanılır.
Yod – qalxanvari vəzdə, qanda, əzələ və sümük toxumalarında
olur. O, qalxanvari vəzin hormonunun tərkibinə daxil olub orqa-
nizmdə mübadilə proseslərini stimullaşdırır. Qidada yodun çatış-
mazlığından böyümə ləngiyir, fiziki və psixi pozuntular müşahidə
olunur və zob xəstəliyi əmələ gəlir.
Manqan – bir çox fermentativ sistemlər üçün vacibdir. Poli-
saxaridlərin, xolesterinin, hemoqlobinin sintezində iştirak edir.
Sink - fermentlərin tərkibinə daxil olub hipoviz vəzinin, böy-
rəküstü və mədəaltı vəzilərin normal funksiyası üçün vacibdir. O,
yağ mübadiləsinə təsir edir, qara ciyərin piylənməsinin qarşısını
alır. Sinkin çatışmazlığından gənc orqanizmlərin böyüməsi daya-
nır. Yuxululuq və iştah zəifliyi müşahidə olunur, sinkin artıqlığı
orqanizmdə müxtəlif fizioloji pozuntular və zəhərlənmələr yara-
dır.
Selen – immun sistemini aktivləşdirir və detoksidantdır. Onun
fizioloji rolundan biri də qlütationperoksidaza fermentini aktiv-
ləşdirməsidir ki, bu da antioksidant sisteminin komponetlərindən
biridir. Orqanizmi lipidlərin peroksid-oksidləşmə sərbəst radikal-
larının zəncirvarı reaksiyalarından qoruyur.
Selenin çatışmazlığı yod çatışmazlığını dərinləşdirir və bəd
xassəli xəstəliklərin yaranmasına şərait yaradır. Selenin çatışmaz-
lığından ürək-damar sistemi əziyyət çəkir və müalicə olunmayan
kardiopatiya xəstəliyi yaranır.
Kobalt – kobaltın fizioloji dozaları dəmirin mənimsənilməsinə
Dostları ilə paylaş: |