179
1. KONSTITUTSIYA JAMIYATGA NEGA KERAK?
Turli mamlakatlarning konstitutsiyaviy rivojlanish tarixi ba’zi konsti-
tutsiyalar asrlar davomida o‘zgarmasdan, o‘z amalining muntazamligi bi-
lan ajralib turishidan dalolat beradi.
Boshqalari esa, aksincha, tez-tez qayta
ko‘rib chiqishga, bir-birining o‘rnini egallashga duchor etilgan.
Asosiy qonun har qaysi sivilizatsiyalashgan jamiyat hayotida muhim rol
o‘ynashini isbotlab o‘tirishga uncha ehtiyoj bo‘lmasa kerak.
Konstitutsiyada
davlat tomonidan kafolatlanadigan eng barqaror, doimiy huquqlar va ijti-
moiy hayot me’yorlari mustahkamlab qo‘yilgan.
Sizningcha, konstitutsiya o‘z negizida o‘zgarmasdan qolishi yoxud tez-tez
o‘zgartirishlarga va hatto tubdan qayta ko‘rib chiqishga duchor etilishi kerakmi? O‘z
javobingizni dalillashtiring.
Garchi Konstitutsiya hajm jihatdan uncha katta bo‘lmagan hujjat bo‘lsa-
da, u jamiyat hayotining barcha – siyosiy, iqtisodiy, ma’naviy-axloqiy,
maishiy, shaxsiy, mehnat qilish va hokazo sohalariga ta’sir ko‘rsatadi.
Shaxs bilan jamiyatning o‘zaro munosabatlarining
tartibga solinishi,
jamiyat tuzilishi va hokimiyatning tashkillashtirilishi bilan bog‘liq bo‘lgan
masalalar konstitutsiya tomonidan qanchalik uzoqni ko‘zlab hal etilsa,
mamlakat ijtimoiy hayotining rivojlanishiga uning ta’siri ham shunchalik
barqaror bo‘ladi. Aynan shuning uchun ham mamlakat konstitutsiyasiga
tuzatishlar va o‘zgartirishlar kiritib boraverish nihoyatda ko‘ngilsiz bir
holdir.
Ammo sobitqadamlik va barqarorlik Asosiy qonunga o‘zgartirishlar
yoki tuzatishlar kiritish imkoniyatini aslo istisno etmaydi, albatta.
Chunki
bunday o‘zgartirishlarga ehtiyojni ham hayotning o‘zi dunyoga keltiradi.
Hech qaysi qonun o‘zgartirish yoki qo‘shimchalarga ehtiyoj sezmay-
digan bir darajada mukammal bo‘lmaydi. Bu mutlaqo tabiiydir, negaki
hayot har doim rivojlanib boradi va yangilanadi. Kecha yangi bo‘lgan narsa
bugunga kelib eskiradi. Shuning uchun ham konstitutsiyaning
ayrim qism-
lari davlat va jamiyat organlarining normal faoliyatiga to‘sqinlik qila bosh-
laydi, fuqarolarning huquq va erkinliklarini tahqirlaydi. Bunday hollarda
1-topshiriq
180
konstitutsiyaga o‘zgartirishlar kiritish, basharti, hatto
qaror topgan qarashlar
va e’tiqodlar o‘zgartirilishini talab etgan taqdirda ham, muqarrar tus oladi.
Hayotning o‘zi amaldagi qonunlarga muayyan tuzatishlar va qo‘shim-
chalar kiritilishini talab qiladi.
Jahon amaliyotida konstitutsiyaga o‘zgartirishlar kiritishdan keng foy-
dalaniladi. Ma’lumki, hatto qabul qilinganiga ikki yuz yildan oshib ketgan
AQSH Konstitutsiyasi singari barqaror amal qiluvchi konstitutsiyaga ham
27 ta tuzatish kiritilgan edi.
Jahonda qabul qilingan paytidan buyon biron-bir o‘zgartirishga uch-
ramagan konstitutsiyalar ham mavjud.
Ular jumlasiga, masalan, Yaponiyaning
1947-yilgi Konstitutsiyasi va Daniyaning 1953-yilgi Konstitutsiyasi kiradi.
Hozirda faqat bir necha davlatlargina (Buyuk Britaniya, Isroil, Saudiya
Arabistoni, Butan va Ummon) qonunlarning konstitutsiyaviy majmuasiga
ega emas.
O‘zingizni Asosiy qonunni o‘zgartirish bo‘yicha konstitutsiyaviy komissiya a’zosi
sifatida his qiling.
Konstitutsiyaga bir qancha o‘zgartirishlar kiritish to‘g‘risidagi taklifni ko‘rib
chiqishingiz kerak:
– bir qator jamoat tashkilotlarining komissiyaga murojaatlarida o‘zla-
riga qonunchilik tashabbusini biriktirib qo‘yish to‘g‘risidagi masalani
qo‘yishmoqda;
– saylovchilar guruhi nopok ishlar bilan shug‘ullangan
deputatni chaqirib
olishmoqchi;
– bir guruh huquqshunos olimlar va tergovchilar jinoyat sodir etgan-
likda gumon qilinayotgan shaxslarning telefon orqali so‘zlashuvlarini eshi-
tishga ruxsat etilishi to‘g‘risidagi taklifni kiritishmoqchi.
Aytib o‘tilgan taklifl arni ko‘rib chiqishni qabul qilasizmi? O‘z javobingizni asos-
lab bering.
Dostları ilə paylaş: