1 Ramiz Də
Yüklə 2,51 Mb. Pdf görüntüsü
|
114 - Əlbəttə, bu mümkün olan bir şeydir, ancaq bir şərtlə, - deyə kapitan Xuan qrafı qabaqlayıb səbirsizliklə dilləndi. - bəri başdan hamınıza bildirirəm, kim ki, ona çatacaq torpaqlardan istifadə etməyəcəksə, onda tərtib olunmuş müqaviləyə öz adını yazdırsın. Araukan ölkəsinə ayaq basandan sonra, kim öz torpağından imtina etsə, həmin torpaq qonşuları arasında bölüşdürüləcək. Elə bir nümunə artıq var. Əsgərlərə və dənizçilərə veriləcək on faiz torpaq, onlar tərəfindən əvvəlcədən imtina edilib və həmin ərazi sözsüz ki, auksionda satılacaq. Yenə bildirirəm ki, kim öz torpağından imtina edəcəksə, gərək əvvəlcədən adını müqaviləyə yazdırsın. Bu məsələ də hamıya aydın oldu. Lakin leytenant Vasko imkan vermədi ki, yığıncağın başa çatması üçün son söz kapitan Xuana verilsin. O, ayağa qalxıb müəmmalı tərzdə: - Sinyor Xuan, bunlar qalsın bir kənarda. Yaxşısı budur, siz bizə yerli hindular olan araukanlar haqqında məlumat verəydiniz. Bu da bizim hamımız üçün maraqlı olardı. - Guya mən onların haqqında bir şey bilirəm, mən heç onların üzünü belə görməmişəm. - deyə kapitan bu sualdan qaçmaq üçün qeyri-müəyyən tərzdə dilləndi və mövzunu dəyişmək üçün Vaskodan yerində əyləşməyi xahiş etdi. - Sinyor, biz azğın və amansız düşmənimizə qarşı müharibəyə başlayacayıq, ancaq bizdə onlar haqqında heç
115 bir məlumat yoxdur. - deyə Vasko narahatlıqla öz etirazını bildirdi. - Bu ki, gülməlidir. Biz düşmənimiz barəsində heç bir məlumat əldə etməmişik və onların... - Sinyor leytenant, başa düşmürəm, nə üçün siz təşvişlə danışırsınız? - deyə kapitan Xuan həqarətlə Vaskonun sözünü kəsdi və sağ əlini
qaldırıb onu sakit olmağa çağırdı. Araukanlar nə vaxtdan azğın və amansız düşmən sayılırlar? Bu atmacadan nəinki kapitan Xuan, həm də içəridə əyləşənlərin əksəriyyəti qəh-qəhə çəkib gülməyə başladılar. Bu çox acınacaqlı bir hal idi, heç kim həqiqəti anlamaq istəmirdi. Bu həqiqətdən onlarınlar həyatı asılı idi. Bu qəh- qəhənin nəticəsində də içəridəkilər replika atmağa başla- dılar. - Lüt aborigenlər bizim üçün ciddi düşmən sayılırlar. - deyə kimsə istehza ilə söz atdı. - Cüllüt hindular kimin üçünsə cəngavərlərə oxşayırlar. - Aborigenlər kimin üçünsə qorxuludursa, qoy ekspedi- siyanın tərkibindən çıxsın. - Bu döyüşçüyə yaraşan sözlər deyil. - Bu zabit hələ böyük bir dəstəyə başçılıq edəcək? - Bu ki, biabırçılıqdır. - Sinyor kapitan, sizdən artıq dərəcədə xahiş edirəm, içəridə səs-küy salanları sakitləşdirəsiniz. - deyə Vasko incimiş halda dilləndi.
116 Qısa bir müddətə ekspedisiyanın rəisi hamını sakitləş- dirdi və leytenanta söz deməyə imkan yaratdı. O qəddi- qamətini düzəldib qürurla dedi: - Səs-küy salanlara bildirmək istəyirəm ki, bura şəhər limanı deyil. Xahiş edirəm nizam-imtizamı pozmayasınız. Mənim həmin sualı verməyə tam əsasım var. Araukanlar barəsində kimin məlumatı varsa, qoy buradakılara desin. Bu mütləq lazımdır. Mən hələ Panamada və Peruda olarkən onlar haqqında çox ciddi xəbərlər eşitmişəm. - Mən yenə də bildirirəm ki, araukanlar barəsində mənim heç bir məlumatım yoxdur. - deyə kapitan Xuan laqeydliklə dilləndi və başını peşmançılıqla tərpədib dilxor halda sözünə davam etdi. - Bu haqda yalnız həmin ekspedi- siyaların iştirakçısı, kapitan Rodriges Kartahenada mə- lumatlar var. Onu da ki, buraya dəvət etmək, bizim tərəfi- mizdən hörmətsizlikdir. O həddindən artıq qoca adamdır. - Mən demirəm ki, kapitan Rodrigesi buraya dəvət edək. - deyə Vasko tərəddüd etmədən qətiyyətlə dilləndi
və üzünü içəridəkilərə tutub ehtiramla sözünə davam etdi. - Əgər, onda tutarlı məlumatlar varsa, onda biz hamımız, daha doğrusu kimin üçün vacibdirsə, elə indicə yığılışıb kapitan Rodrigesin yanına gedək.
117
İstər-istəməz hamı, qoça Rodrigesin yanına getməyə öz razılığını bildirdi. Doğrundan da araukanlar haqqında hər hansı bir məlumat almaq, hamı üçün maraqlı idi. Günorta yeməyindən sonra hamı Migelgilə yollandı. Yığıncağı Migelgildə davam etdirmək qarara alındı. Bütün ekspedi- siya iştirakçıları qoca Rodrigesin qarşısında qonaq zalında yığılmışdılar. İlkin sualı elə Vasko verdi və bir çoxları kimi səbirsizliklə cavab gözlədi. Qoca Rodriges diqqətlə qulaq asıb ayağa qalxmadan həvəslə dedi: - Ayağa qalxmadığım üçün hamınızdan üzr istəyirəm. Ancaq istəsəniz, lap ayağa qalxıb danışa bilərəm. Deməli, narazı deyilsiniz. Lakin cavab verməmişdən əvvəl mən bilmək istərdim, bu ekspedisiyanın tərkibində neçə nəfər adam iştirak edəcək? - İki yüz iyirmi yeddi nəfər. - deyə kapitan Xuan o dəqiqə qətiyyətlə dilləndi və izahat vermək üçün ehtiramla sözünə davam etdi. - Sinyor Kartahena, onlardan tam əksəriyyəti çox təcrübəli, qırx bir nəfəri isə cürbəcür müharibə və döyüşlərdə ad çıxarmış həddindən artıq təcrübəli, bacarıqlı, qorxmaz və ikid döyüşçülərdir. Bir sözlə, bu cür dəstə ilə biz araukanların dərsini verəcəyik. Buna əmin ola bilərsiniz.
Yüklə 2,51 Mb. Dostları ilə paylaş:
|