1 Ramiz Də
Yüklə 2,51 Mb. Pdf görüntüsü
|
218 bəzək əşyalarının kobud şəkildə düzəldilməsi, bu qızılların okeanın o tayından İspaniyaya gətirilməsindən xəbər verir və həmin əşyaların aborigenlərə məxsus olduğunu bildirir- di. Avropa zərgarları qızıldan çox gözəl əşyalar düzəldir, yüksək sənətkarlıq nümayiş etdirərək, sanki möcüzə yaradırdılar. Aborigenlər bu istedaddan çox-çox uzaq idilər. O, qızılı ovcuna alıb yuxarı qaldırdı və üzünü nəvəsinə tutub dedi: - Migel, bu qızıllar yalnız İspaniyanın xeyri üçün xərclənməlidir. Hər bir vicdanlı şəxs vətənin xeyri üçün nəsə yaxşı bir iş görməlidir. Mən də xeyirxah bir iş görüb bu dünyadan köçmək istəyirəm. - Sən bu pullara kimsəsizlərə bir monastır da tikdirə bilərsən, - deyə Migel səmərəli təklif verdi. - mənə elə gəlir ki, bundan yaxşı, xeyirxah iş olmaz. Özü də ki, gördüyün xeyirxah iş İspaniyada qalır. Tikdirdiyin və ya pul ilə aldığın gəmi bir neçə ildən sonra çürüyüb gedir. Həm də ki, verdiyin təklifi həyata keçirənlər tapılacaq. Özün deyirsən ki, polkovnik Odovaldo bu ideyanın üzərində çalışır. - Açığını desəm bu ideya mənimdir, - deyə qoca səyyah qətiyyətlə dilləndi. – həmin ideyanı mən polkovnik Alonso- ya vermişəm. Sonradan başa düşdüm ki, o, təkbaşına bu işin öhdəsindən gələ bilməyəcək. Çünki Karib dənizi böyük bir ərazini əhatə edir. Həm də quruldurların komandaları
219 həddindən artıq təcrübəli və bacarıqlı dənizçilərdən ibarət- dir. Belə etmək lazımdır, Karib dənizində nə qədər korsar gəmiləri varsa, onları məhv etmək üçün biz də bir o qədər gəmi istehsal etməliyik. Onların yuvalarını tapıb birdəfəlik viran qoymalıyıq. Əgər, biz indidən piratların kökünü kəsməsək, onda okeanın o tayında quldurlar tərəfindən bizim krallığa qarşı güclü zərbələr endiriləcək. Bu yoluxu- cu xəstəliyi aradan qaldırmalıyıq. Qoca səyyah bu təklifi nəvəsinə verməklə sadəcə olaraq, öz arzularını həyata keçirmək istəyirdi. O, heç də bunu Migeldən gizlətmirdi və istəyirdi ki, nəvəsi onun bu arzusunu həyata keçirsin. Migel isə tamamilə başqa şey fikirləşirdi. Qan tökmək, kiminsə balalarını yetim qoymaq heç kimə xeyir gətirməz. Məhz buna görə də o, Araukan ölkəsindən qayıdandan sonra birdəfəlik müharibədə iştirak etməkdən imtina etmək istəyir və dəniz səyahətinə çıxmaq arzusunda idi. Artıq nəzərdə tutulmuşdu ki, o, Sakit okeanın cənub hissəsinə təşkil olunaçaq ekspedisiyaların birində iştirak edəcək. Həmin səyahət zamanı Migel naməlum sularda üzə-üzə bu sahədə, yeni coğrafi kəşflər elmində təcrübə toplamaq istəyirdi. Vətənə qaydındandan sonra isə özü təcrübəli komanda toplayaraq, müstəqil şəkildə naməlum ərazilərə ekspedisiyalar təşkil edəcək. Bununla da o, öz nəslinin ənənəvi işini davam etdirmək
220 istəyirdi. Ona görə ki, Kartahena nəslinin demək olar ki, bütün nümayəndələri səyahətlə məşğul olurdular. Qoca səyyahın da özü dəfələrlə nəvəsinə bildirmişdi ki, o, bu sahədə təkmilləşməklə,
Kartahena nəslinin ənənəsini davam etdirmək üçün hansısa bir səyahətdə iştirak etməlidir. İndi isə onun fikri tamamilə əks formada dəyişmişdi. Migel gələcəkdə səyahətlərdən əl çəkib Karib dənizində peyda olan dəniz quldurlarına qarşı amansız müharibə alarmalı idi. İndi Migel çıxılmaz bir vəziyyətdə qalmışdı, babasına müsbət cavab versin, ya mənfi? Hər halda o, babasının sözündən çıxmamalı idi. Ona görə ki, babası bütün ömrü boyu Migelə yalnız hörmət etmiş və demək olar ki, nəvəsinin bütün istəklərini yerinə yetirmişdir. Rodriges Kartahena milli ruhda böyüyən, vətənpərvər bir adam idi. Məhz buna görə də vətən darda qalanda, yaxud vətənə xələl gətiriləndə o, vicdanlı və namuslu bir zadəgan kimi biganə qala bilməzdi. Elə hey istəyirdi ki, belə bir vəziyyətdə cüzi olsa da, öz köməkliyini göstərsin. İndi isə onu, dövlət gəmilərinə və Amerikadakı ispan şəhərlərinə hücum edən dəniz quldurları bərk narahat edirdi. Korsarlar ispan taxt-tacı və ispan sakinləri qarşısın- da cinayət törətdiklərinə görə hökmən ispan fədailəri və əsgərləri tərəfindən cəzalandırılmalıydılar. Qoca səyyah həddindən artıq qoca olduğuna görə özü bu ağır missiyada
221 iştirak edə bilməzdi. Məhz buna görə də o, nəvəsinə bu missiyanı həyata keçirmək üçün həmin təklifi vermişdi. Qoca səyyah çox yaxşı bilirdi ki, nəvəsi çox təcrübəli və bacarıqlı dənizçi olmaqla yanaşı, mərd, qorxmaz və igid döyüşçüdür. Artıq Migel özünü 1588-ci ildə ingilislərə qarşı müharibədə müsbət cəhətcən göstərmişdir. Həmin şücaəti təkrarlamaq və çətin döyüşlərdə ağır sınaqlardan çıxmaq üçün Migel hökmən araukanlara qarşı başlanacaq növbəti müharibədə iştirak etməli idi. O, bu sınaqdan müvəffəqiyyətlə çıxsa, deməli dəniz quldurlarının da öhdəsindən gələ bilər. Qoca səyyah təklif etdi ki, bu qızıllara yaxşı gəmi almaqla və əla komanda toplamaqla, İspaniyanın xeyrinə xeyirxah bir iş görmüş olur. Lakin hər hanasısa bir səyahətdə iştirak edib naməlum torpaqları kəşf etmək nəinki İspaniyanın, hətta bütün dünyanın xeyrinə görülmüş bir iş sayılır. Bundan əlavə, həmin torpaqlar İspaniyanın mülkü kimi imperiyanın tərkib hissəsinə qatılır. Migel istər- istəməz babasının təklifi ilə razılaşmalı idi. Çünki babası ona xəzinənin gizlədildiyi yeri göstərmişdi. Həmin xəzinə- nin də nəyə görə istifadə olunması, yalnız Migeldən asılı idi. O, çox yaxşı bilirdi ki, babasının sözündən çıxmaq naxələflikdir. Migel hər şeyi götür-qoy edəndən sonra ehtiramla dedi:
Yüklə 2,51 Mb. Dostları ilə paylaş:
|