1 Ramiz Də
Yüklə 2,51 Mb. Pdf görüntüsü
|
- Bu səhifədəki naviqasiya:
- XX fəsil. Migel ilə Karlos arasındakı münaqişə
222 - Mənə etdiyin hörmətləri nəzərə alaraq sənin bu təklifini qəbul edirəm. Kim İspaniyanın mənafeyinə xələl gətirirsə, onun inkişafına mane olursa, həmin kəslər bizim krallığın düşmənləri sayılırlar. O cür ünsürlər mütləq qılıncdan keçirilməlidirlər. Dəniz səyahəti ilə sonra da məşğul olmaq olar. Bundan əlavə, Karib dənizində çoxlu naməlum adalar var. Kim nə bilir, bəlkə də korsarlar həmin adalarda yuva salıblar? - Migel, sənin cavabın əsl vətənpərvər adamın cavabdır, - deyə qoca səyyah sevinc hissi ilə nəvəsinin çiyninə vura- vura həvəslə dilləndi. - Mən bilirdim ki, sən mənə müsbət cavab verəcəksən. Dəniz quldurlarının hamısı Karib dəni- zində və ona yaxın olan butün ərazilərdə məhv edilməlidir.
münaqişə
Artıq Migel bu evdəki sirr ilə tanış olmuşdu. Demək olar ki, bundan başqa heç bir şey onu maraqlandıra bilməzdi. Söz yox ki, qoca səyyahın ölümündən sonra bu
223 ev Migelin adına keçəcəkdi. Onsuz da o, hazırda bu irilikdə evin varisi sayılırdı və demək olar ki, hər şey ona bəlli idi, təkcə bir şeydən başqa. O da ki, Valpraisoda gizlədilən qoca səyyahın xəzinəsinin yarısı. Migel üzlülüyünə salıb bu haqda babasını sorğu-sual edə bilərdi. Lakin Rodriges özü ona bu haqda məlumat verdi. O, bildirdi ki, həmin xəzinənin planı birinci seyfdə gizlədilib. Sonra isə əlavə etdi ki, hələlik bu haqda Migelin maraqlanmasının vaxtı deyil. Həmin xəzinə onun üçün qara günə lazım olacaq. Daha doğrusu, həmin xəzinə Migel dara düşəndə lazım olacaq.
Mərkəzi Çili sahillərindən sağ-salamat qayıdandan sonra Migel dəniz səyahətlərinə çıxsa, yaxud Karib dənizində peyda olan dəniz quldurlarına qarşı mübarizəyə yollansa, o, uzun müddət sevgilisindən ayrı düşəcək. Düzdür, dəniz səyahətindən Migel iki, uzağı isə üç ildən sonra qayıda bilərdi. Amma Karib dənizindən neçə ilə qayıtması məlum deyildi. Piratlarla iri bir ərazidə mübarizə aparmaq heç də asan iş sayılmırdı. Bu tədbirdə iştirak etmək üçün uzun illər vaxt tələb olunurdu. Deməli, Migel ilə Floridanın arasındakı ayrılıq uzun illər davam edəcəkdi. Bilinmirdi, kim layqincə buna tab gətirəcək, Migel, yoxsa Florida? Əlbəttə, oğlan sevgilisinə nisbətən daha dözümlü olacaq, ona görə ki, o, vacib bir işlə məşğul olmaqla vaxtını
224 keçirəcək. Florida isə nigarançılıq keçirə-keçirə sevgilisinin yolunu gözləyəcək. Bunun üçün isə adamda böyük dözüm və möhkəm iradə olmalıdır. Cavanlar böyük bir imtahan qarşısına çəkilirdilər. Günortadan bir az keçmiş Osvaldo Migelə xəbər verdi ki, leytenant Karlos Floridanı incitmək və şantaj etmək üçün Ramiresin evinə yollanıb. - Sən haradan bilirsən ki, o, mərdimazar Floridanı naqis hərəkətləri həyata keçirmək etmək üçün oraya yollanıb? - Migel özünü sərbəst apararaq müəmmalı tərzdə soruşdu. - Mənə İlona deyib, - deyə Osvaldo qətiyyətlə cavab verdi və dostunun xəyala getdiyini görüb başını aşağı salaraq, tərəddüd etmədən sözünə davam etdi. - indicə ora- dan gəlirəm. Başa düşürsən Migel, mən elə gecədən orada qalmışam. Karlosun gəlişini və Floridanın yanına getməsini o, mənə xəbər verdi. Mən.., - Əgər, elədirsə, mən birbaşa Ramiresin evinə yollanı- ram. - deyə Migel hiddətləndi. - Bu dəfə mən o yaramazın dərsini verəcəm. Karlos həddini yaman aşıb. Allah özü şahiddir ki, mən qan tökülməsindən uzaqlaşırdım. - Migel, ayaq saxla. Çalış məsələyə bu cür sərt yanaşma. Karlos çox təhlükəli adamdır, həm də unutma ki, biz sabah onunla birlikdə Mərkəzi Çili sahillərinə yollanı-
225 rıq. Səninlə onun arasında baş verəcək münaqişə pis nəticə verə bilər. - Osvaldo, sən özün çox gözəl bilərsən ki, mən onun bir çox nalayiq hərəkətlərinə göz yummuşam, bu dəfə isə Karlosun dərsini verməliyəm. - deyə Migel hünzlə dilləndi və başını məyus halda tərpədərək hiddətlə sözünə davam etdi. - O, həddindən artıq həyasız adamdır. Özündən müştə- beh halda razıdır. Bu təhqirə görə o, cavab verməlidir. Axı, Karlos çox gözəl bilir ki, Florida mənim sevgilimdir və biz bir-birimizi həddindən artıq çox sevirik. O, bilir ki, Florida mənim gələcək həyət yoldaşımdır. Yox, Osvaldo, sən nə deyirsən de, ancaq Karlos bu təhqirə görə cavab verəcək. Migel ilə Osvaldo arasındakı söz mübadiləsi çox uzun çəkmədi. Osvaldo çox çalışdı ki, dostu emosiyalara uymasın və özünü ələ alsın, amma buna nail ola bilmədi. Vəcdə gələn Migel cəld tövləyə gedib atını yəhərlədi və dostu ilə birlikdə yola düşdü. O, hələ də özünü ələ ala bilmirdi. Adamlarla dolu olan küçədə Migel atını bərk çapırdı. Sanki onu arxadan qovurdular. Osvaldo atını çapa- çapa nə qədər qışqırırdısa, Migel atının sürətini azaltmırdı ki, azaltmırdı. Belə bir vəziyyətdə Karlos onun qarşısına çıxsa idi, sözsüz ki, Migel onun üstünə qılınc çıxardıb döyüşə başlayacaqdı. Yüklə 2,51 Mb. Dostları ilə paylaş:
|