39
Məsələn, “Milliyət” qəzeti üsyançıların məğlubiyyətindən sonra öz səhifəsində Ağrıdağın
ətəyində qazılmış bir məzar şəkli vermişdi. Məzar daşının üstündə yazılmışdı: “Burada
xəyal edilən Kürdüstan dəfn edilmişdir” (61,76).
Həmin sətirlərin müəllifi indi sağ olsaydı nə qədər yanıldığını anlayar və gözləri ilə
görərdi ki, 6 min ildən çox Kürdüstan uğrunda mübarizə aparan kürdlərin doğma vətənini
“dəfn etmək” tarix boyu nəhəng imperiyalara (İran, Roma, Bizans, Osmanlı, Ərəb xilafəti,
Monqol-tutur və s.)
qismət olmadığı kimi, bu, Yürkiyə cumhuriyyətinə də nəsib
olmamışdır və heç zaman nəsib olmayacaqdır. Həmin şəklin çap olunduğu ildə Türkiyənin
baş naziri İsmət İnönü Sivasdakı dəmir yolunun açılışına həsr olunmuş tədbirdəki
çıxışında deyirdi: “Bu ölkədə yalnız türk milləti etnik və irqi qüquqlar tələb edə bilər.
Başqa heç bir ünsürün buna haqqı yoxdur” (54,147).
Elə baş nazirin həmin çıxışından sonra Türkiyədə yaşayan kürdlər öz milli haqları
uğrunda yeni hərəkata başladılar. Və bu hərəkatın mərkəzi əsrlər boyu Osmanlı
imperiyasına baş əyməyən və “Kürdüstanın qapısı” adlandırılan Dərsim vilayəti oldu.
Yuxarıda qeyd etdiyimiz kimi dərsimlilərin hərəkatı 1938-ci ilədək davam etdi.
İkinci Dünya müharibəsindən, xüsusilə 1960-cı il dövlət çevrilişindən sonra
Türkiyədə kürdlərin öz milli haqları uğrunda mübarizəsi yenidən canlanmağa başladı və
bu mücadilə bu gün də davam etməkdədir. Dövlət çevrilişindən sonra qurulan yeni Türk
höküməti bəyan etdi ki, “vahid Türkiyənin türklərə məxsus olması fikri başqa məqsədlər
güdən bəzi şəxslərə aşılanacaqdır” (62). Yeni hökumət həmin fikrin aşılanması yolunu da
(kütləvi həbslər, sui-qəsdlər, təzyiq və hədə-qorxular ) tezliklə müəyyənləşdirdi. Elə həmin
ildə yeni hökumət 244 nəfər görkəmli kürd xadimini həbs etdirdi (63,109).
Kürdləri inkar etmək siyasətini həyata keçirək yeni Türk hökuməti “Yaşayış
məntəqələri ” (Məskunlaşma) haqqında 2510 № li qanuna əlavə 105 № li qanun qəbul etdi.
Həmin qanunda öz milli haqlarını tələb edən kürdlərin doğma vətənindən keçirilməsi
nəzərdə tutulurdu (64, 101-103). 1961-ci ildə Türkiyə Kürdüstanından 55 nəfər görkəmli
kürd ziyallısı və siyasətçisi ölkənin qərb vilayətlərinə sürgün edildi. Bundan bir qədər
əvvəl isə
(1460-cı ilin oktyabrında)
147 nəfər professor-müəllim ölkənin
universitetlərindən xaric edilmişdi. Onların hamısının günahı “Müstəqil kürdüstanın
yaradılmasına yönəlmiş fəaliyyət” idi (65,40).
Yeni Türk hökumətinin kürdlərə qarşı apardığı assimliyasiya və repressiya siyasəti
ölkədə yeni narazılıq dalğası yaratdı. XX əsrin 60-cı illərindən başlayaraq kürdlər siyasi
mübarizə ilə yanaşı, partizançılıq yoluna üstünlük verdi. Türkiyə hökuməti kürd
partizanlarını “bandit, quldur,bölücü” adlandıraraq onlara qarşı kəskin mübarizəyə başladı.
1966-cı ilin iyunda Türk hökuməti 21 nazirin iştirakı ilə gizli iclas keçirtdi.
40
İclasda kürd milli hərəkatının qarşısını almaq və
ölkədə
kürdlərin
assimliyasiyasını
gücləndirmək üçün tədbirləri planı müzakirə edildi. Eyni zamanda gözdən pərdə
asmaq məqsədi ilə ölkənin kürdlər yaşayan 16 şərq vilayətində mədəni və iqtisadi inkişaf
üçün müəyyən tədbirlərin həyata keçirilməsi qərara alındı.
1967-ci ildə Türkiyə hökuməti kürd hərəkatının yatırılmasının “hüquqi bazasını”
möhkəmləndirmək məqsədi ilə 6/7635 № li dekret qəbul etdi. Həmin dekretə görə kürd
dilində xarici mənşəli hər hansı materialın (yazılı materiallar, plastinkalar, maqnitafon
lentləri və s.) Türkiyə gətirilməsi və yayılması qadağan edildi (66). Həmin ilin
sentyabrında Türkiyə hökumətinin inkraçılıq, etnik haqları tapdalamaq və assimliyasiya
siyasətinə
etiraz
əlaməti olaraq, Cenevrə
şəhərində
Beynəlxalq Hüquqşünaslar
Assosasiyası məruzə dərc etdirdi (67,12).
Kürdlərin Assimliyasını gücləndirmək məqsədi ilə60-cı illərdə (XX əsr) kürd
uşaqları üçün xüsusi internat məktəbləri açıldı. Həmin məktəblərin başlıca vəzifəsi kürdlər
arasında türk dili və mədəniyyətinin təsirini gücləndirmək idi. Həmin məqsədlə, həmçinin,
60-cı illərin axırlarında kürdlərin üstünlük təşkil etdiyi Diyarbəkir, Van, Ərzurum, Kars və
digər şərq vilayətlərinin mərkəzi şəhərlərində yaradılan radiostansiyalardan geniş istifadə
olunurdu.
Türkiyə hökumətinin bütün bu tədbirləri (təzyiqlər, qadağalar, həbslər) kürdlərin
siyasi mübarizəsini daha da güclədirdi. 60-cı illərin axırından başlayaraq Diyarbəkir və
digər kürd vilayətlərini mitinq və yürüşlər dalğası bürüdü. Türkiyədə 1965-ci ildə siyasi
partiyalar haqqında qəbul edilmiş qanunda azsaylı xalqların siyasi partiya yaratması
qadağan edildi. Ona görə də həmin illərdə kürd ziyalıları qeyri-leqal şəraitdə Türkiyə
Kürdüstanı Demokratik Partiyasını (TKDP) yaratdılar. Həmin partiya Türkiyə dövləti
çərçivəsində kürdlərəinzibati və mədəni muxtariyyətin verilməsi, kürdlərin milli haqlarının
tanınması, kürd dili və mədəniyyətinin inkişaf etdirilməsi uğrunda mübarizəni öz
qarşısında məqsəd qoymuşdu. Həmin dövrdə Türkiyə Kürdüstanında, həmçinin T ürkiyə
Kürdlərinin Azadlıq Partiyası, Azadlıq Assosasiyası, Kürdüstan döyüşçüləri Təşkilatı və s.
Gizli fəaliyyət göstərirdi (68).
1970-ci ildə Türkiyə Fəhlə Partiyası özünün IV qurultayında kürd məsələsinə dair
xüsusi qətnamə qəbul etdi. Həmin qətnamədə deyilirdi: “Türkiyə Fəhlə Partiyası rəsmi
surətdəbəyan edir ki, Türkiyənin şərqində kürd xalqı mövcuddur. Lap əvvəldən
hakim siniflər tərəfindən təsdiq edilən faşist rejimi kürd xalqına qarşı münasibətdə tez-tez
qanlı əməliyyatlar forması alan əzmək, terror və assimlyasiya siyasəti aparmışdır
(69,205)”.
Dostları ilə paylaş: |