106
Onu da qeyd edək ki, təkcə U.A. Orbeli deyil, bir çox şərqşünaslar (P.Lerx, V. Minorski,
V.Nikitin, R.Leski, N.Rudenko, M. Bozarslan, Q.Kuptayev vəs.) “Mən və Zin” poemasını
Fizulinin “Leyli və Məcnun”, Şeksprin “Romeya və Culyetdası” və s. əsərlərlə müqayisə
edərə, müəllifinin adını Firdovsi, Sədi, Rustaveli, Fizuli, Rumi və s. kimi dahi şairlərlə bir
sırada çəkmişlər. Məsələn, V. Nikitin yazır: “görünür ki, Əhməd Xani öz yaradıcılığında
Cəlaləddin Ruminin nümunəsini davam etdirmişdir” (51,389).
XVIII əsrdən sonrakı dövrdə də adını Şərq ədəbiyyatı tarixinə yazdıran kürd şairləri
və yazıçıları az deyil. Onlardan bir neçəsinin adını qeyd edək: Nali (1800-1856), Ə. Səlim
(1805-1869), M. Kurdi (1812-1850), Mah Şərəf-xanımın Kürdüstani-Məsturə (1805-
1847), Hacı Kadir Koyi (1816-1894), Mir Şəkər əli Dinavərvand (1825-1865),R. Tələbani
(1842-1910), Abbas xan Azadi (1858-1899), Abdulla bəy Ədəbi (1859-1916), Zivər
(1875-1948), Pirəmerd (1868-1959), Behud (1878-1955), Səlam (1892-1959), Nuri Şeyx
Saleh (1898-1958), Qani Muxtar (1898-1960), Faiq Bekəs (1905-1948), Ş.Ciyərxun
(1903-1984), A. Qaran (1904-1962), O, Səbri (1905-1993), Ə.Həjar(1920-1991), Əmine
Əvdal (1906-1964), Ərəb Şamilova (1879-1978), Vəzire Nadiri (1911-1946), Haciye
Cındi (1908-1999), Caume Cəlil (1908-1999), Əli Əbdülrəhman (1920-1994), Mikiaile
Rəşid (1925-1984), Yılmaz Güney (1937-1984), Kaçaxe Mırad (1914-1979), Şıkoye
Həsən (1928-1971), Şamil Əsgər (1929-2007), Hüseyn Kürdoğlu ( ) və s.
Yuxarıda qeyd edilən ədiblər arasında sağlığında klasikləşən, 20 kitabın, o
cümlədən səkkiz divanın və kürdüstan tarixinə aid iki dəyərli monoqrafiyanın müəllifi
Şeyxmus Ciyərxunu xüsusi qeyd etməyi mənəvi borcumuz sayırıq. S. Ciyərxunun hələ
sağlığında onun yaradıcılığına bir neçə dissertasiya işi həsr olunmuş və müvafiq
monoqrafiyalar nəşr edilmişdir. Həmin monoqrafiyalardan Ş. Əsgərovun “Xalqın şairi” və
Ordixane Cəlilin “Ciyərxunun vətənpərvərlik poeziyası” adlı kitablarını xüsusi qeyd etmək
lazımdır. Birinci kitab Bakıda azərbaycanca, ikinci isə Yerevanda kürdcə nəşr olunub
(186,187).
Hər iki kitabın adından göründüyü kimi müəlliflər hələ sağlığında (şair 1984- cü
ildə vəfat edib, əsərləri isə 1966 və 1968-ci illərdə nəşr olunub) klasikləşən dahi
Ciyərxunun poeziyasında Xəlqiliyin və vətənpərvərlik ideyalarının başlıca yer tutduğuna
diqqəti cəlb etmişlər. Onu da qeyd edək ki, hələ 1959-cu ildə Bakıda Azərbaycan dilində
nəşr olunan “Kürd ədəbiyyatı almanaxı ”nda ölməz şairin “Nə vaxtacan” və “Antantika
İttifaqı” adlı iki şeiri (hər iki şeiri Ş. Əsgərov tərcümə etmişdir) verilmişdir (189,23-24).
“Nə vaxtacan” şeiri xalq milli-azadlıq mübarizəsinə səsləyən milli marşa bənzəyir.
Belə ki, burada şair öz xalqına müraciətlə: “ Nə vaxtadək qul kimi-belə rüsvay ola biz?!
Nə vaxtadək yadların əlaltısı olaq biz?! və s. kimi suallar verdikdən sonra onu ayağa
qalxmağa səsləyir:”
107
Dahi şairin şeirlərinin demək olar ki, 80-90 faizi belə “milli marşlardan” ibarətdir.
Həm yaradıcılıq xüsusiyyətlərinə,həm də doğma xalqı arasındakı böyük nüfuzuna görə
Ş.Ciyərxunu cəsarətlə Azərbaycanın XX əsr dahi şairləri Səməd Vurğunla (şeirləri doğma
xalqı arasında dillər əzbəri olması baxımından) və Xəlil Rza Ulutürklə (bütün həyatın və
yaradıcılığını milli azadlıq uğrunda mübarizəyə həsr etdiyi üçün) müqayisə etmək olar.
Almanaxda verilmiş “Atlantika İttifaqı” adlı ikinci şeirdə milliyətçi olduğu qədər də
beynəlmiləlçi (X.R. Ulutürk kimi) olan Şeyxmus Ciyərxun NATO-nun müharibə
planlarını nifrətlə pisləyir, həmin hərbi ittifaqı ədalətə, sülhə səsləyir:
Dahi şairin Kürdüstan tarixinə aid iki monoqrafiyası da elmi dəyərinə milli ruhu ilə
diqqəti cəlb edir (190,191).
Tanıyıram mən sizi-döyüşdə nəhəg kimi,
Qoca Şərqə səs salın şir kimi, pələng kimi!
Vuruşlardan qorxmayın, tərpənməyin ləng kimi.
Gözünüzü tutmasın pərdə qara rəng kimi.
Dəmdir, qalxın ayağa-hər yandan bölük-bölük,
Nə vaxtadək daşıyaq çiynimizdə ağır yük?!
Nə vaxtadək itlərin öznündə önündə olaq sümük?!
Sizdə vicdan hanı, ədalət hanı?!
Deyin, niyə qırsın insan-insanı?..
... Qan-qırğın salmağa etməyin niyyət!
Vaxtdır, ibrət alın, tarixdən ibrət!
(189,24-25).
108
Müasir dövrdə də çoxsaylı kürd şairləri və yazıçıları öz sələflərinin ədəbi irsini daha
da inkişaf etdirmək və yeni dövrün tələblərindən irəli gələn ideyalarla zənginləşdirmək
üçün dəyərli əsərlər yaratmaqdadırlar. Belə kürd yazarlarından aşağıdakılarımisal
göstərmək olar: Karlene Çaçani, əmərike Sərdar, Əsgəre Boyik, Çərkəze Rəş, Hərəme
Rəş, Əhməde Həpo, Babaye Kələş, Temure Xəlil, Saleh Sayadi, Тosine Rəşid, Şerko
Bekəs, Mehmet Əmin Bozarslan, Fərhad Şakəli, Mahmud Baksi, Naci Kutlay, Orxan
Kotan, Kamal Burkay, Rəşo Zilan, Malmisanij, Mahvur Mayi, Məmməd Uzun, Fırat
Cəvari, Xəlil Dihoki, Kərim Husami və s.
Bir məsələni də xüsusilə qeyd etmək lazımdır ki, yuxarıda adları çəkilən kürd
ədəbiyyatının görkəmli nümayəndələri sırasına fars, türk, ərəb dillərində sanballı əsərlər
yaratmaqla həmin xalqların ədəbiyyatını zənginləşdirən yazar lar (belələrinin sayı
yüzlərlədir) salınmamışdır. Məlum həqiqətdir ki, Türk ədəbiyyatının ən görkəmli
nümayəndələrinin xeyli hissəsi kürd mənşəli yazarlardır. Kürd mənşəli ziyalılar təkcə türk
əədəbiyyatının deyil, türk incəsənətinin, xüsusilə, musiqi və kino sənətinin inkişafında
böyük rol oynamış və oynamaqdadır. Türk hökumətinin yeritdiyi “tək millət, tək bayraq,
tək dil” siyasətindən irəli gələn tızyiq və təqiblərdən qorxan bəzi: kürd ziyalıları və
sənətkarları ya milli kimliyini danır, ya doğma ana dilində yazmaqdan və oxumaqdan
çəkinir (İbrahim Tatlısəs, Mahsun Qırmızıgül və s. kimi), ya da ölkəni tərk etmək
məcburiyyətində qalırlar.
Öz milli mənliyini heç nədən qorxmayaraq şərəflə qoruyan kürd ziyalıları isə “PKK-
çı yanlışı”
damğası ilə həbsə atılır, ya da dövlətin əli ilə gizli terorun qurbanı olur.
Məsələn, türk kino sənətinin inkişafında ölməz xidmətləri olan Yılmaz Güney öz milli
mənliyini biruzə verənkimi həbs edildi. Mənəvi təzyiq və təqiblərə, həbsxanada verilən
amansız işgəncələrə tab gətirməyən dahi kinorejissor, dramaturq və aktyor Fransaya
qaçmağa məcbur oldu. Lakin burada da onu dinc buraxmadılar. Məruz qaldığı mənəvi
teror onun ağır xəstəliyə düçar olmasına səbəb oldu, 47 yaşında qürbətdə vəfat etdi.
Təkcə onu qeyd etmək kifayətdir ki, 26 illik yaradıcılıq həyatının 15 ildən çoxunu
türmədə, sürgündə və müharicətdə keçirən Y. Güney 110 bədii filmə aktyor kimi çəkilmiş,
rejissor kimi 17 film yaratmış, 53 kino ssenarisi, dörd sanballı roman və yüzlərlə hekayə
yazmışdır. 1971-ci ildə Adana şəhərində keçirilən kino festivalında yeddi mükafatdan
altısını (!) Y. Güney qazanmışdır. Türk mədəniyyətinə göstərdiyi bütün bu xidmətlərə
görə Türk hökuməti ona 11 illik türmə həyatı “bağışladı”.
Türk estradasının ən parlaq ulduzu Əhməd Qayanın taleyi də Y. Güneyin aqibəti ilə
eynidir. Belə misalların sayı tək-tək deyil, onlarladır.
Dostları ilə paylaş: |